India vs Australia Test Series: ಸಂಕಷ್ಟದಲ್ಲಿ ಟೀಂ ಇಂಡಿಯಾ: ಪ್ರಮುಖ ಐದು ವಿಕೆಟ್ ಪತನ

ಸದ್ಯ ಟೀಂ ಇಂಡಿಯಾ 272 ರನ್ಗಳಿಗೆ ಐದು ವಿಕೆಟ್ ಕಳೆದುಕೊಂಡಿದೆ. ಭಾರತಕ್ಕೆ ಗೆಲ್ಲಲು 135ರನ್ಗಳ ಅವಶ್ಯಕತೆ ಇದೆ. ಇನ್ನು, ಉಳಿದ ಓವರ್ಗಳಲ್ಲಿ ಟೀಂ ಇಂಡಿಯಾ ವಿಕೆಟ್ ಕಾಯ್ದುಕೊಳ್ಳಬೇಕಿದೆ. ಇಲ್ಲವಾದರೆ, ಸೋಲು ಸುತ್ತಿಕೊಳ್ಳೋದು ಖಚಿತ.

ರಿಷಬ್ ಪಂತ್

ರಾಜೇಶ್ ದುಗ್ಗುಮನೆ |
Updated on:Jan 11, 2021 | 9:25 AM

ಭಾರತ ಮತ್ತು ಆಸ್ಟ್ರೇಲಿಯಾ ನಡುವಣ ಪಂದ್ಯದಲ್ಲಿ ಟೀಂ ಇಂಡಿಯಾ ತನ್ನ ಪ್ರಮುಖ ಐದು ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿದೆ. ಟೀಂ ಇಂಡಿಯಾಗೆ ಗೆಲ್ಲಲು ಇನ್ನೂ 135 ರನ್ಗಳ ಅವಶ್ಯಕತೆ ಇದೆ.

ಆಸ್ಟ್ರೇಲಿಯಾ ನೀಡಿದ 407 ರನ್ಗಳ ಬೃಹತ್ ಮೊತ್ತ ಬೆನ್ನತ್ತಿದ ಭಾರತ ಉತ್ತಮ ಆರಂಭ ಕಂಡಿತ್ತು. 71 ರನ್ಗೆ ಮೊದಲ ವಿಕೆಟ್ ಬಿದ್ದರೆ, 92 ರನ್ಗೆ ಎರಡನೇ ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೆ ತುತ್ತಾಗಿತ್ತು. ರೋಹಿತ್ ಆಟ ಅರ್ಧ ಶತಕ (52) ಬಾರಿಸಲಷ್ಟೇ ಸೀಮಿತವಾದರೆ, ಶುಭ್ಮನ್ ಗಿಲ್ಲ 31ರನ್ಗೆ ಔಟ್ ಆದರು. ನಾಯಕ ಅಂಜಿಕ್ಯ ರಹಾನೆ ಕೇವಲ 4 ರನ್ಗ ಬಾರಿಸಿ ಪೆವಿಲಿಯನ್ ಸೇರಿದರು.

ನಂತರ ಒಂದಾದ ರಿಷಬ್ ಪಂತ್ ಹಾಗೂ ಪೂಜಾರ ಜೋಡಿ ಆಸ್ಟ್ರೇಲಿಯಾ ಬೌಲರ್ಗಳ ಬೆವರಿಳಿಸಲು ಶುರು ಮಾಡಿತ್ತು. ಈ ಜೋಡಿ 148 ರನ್ಗಳ ಜೊತೆಯಾಟ ನೀಡಿ ಟೀಂ ಇಂಡಿಯಾಗೆ ಆಸರೆ ಆಯಿತು. ಶತಕದ ಸನಿಹದಲ್ಲಿದ್ದ ರಿಷಬ್ ಪಂತ್ 97ರನ್ಗಳಿಗೆ ವಿಕೆಟ್ ಒಪ್ಪಿಸಿದ್ದರು.

ಸದ್ಯ ಟೀಂ ಇಂಡಿಯಾ 272 ರನ್ಗಳಿಗೆ ಐದು ವಿಕೆಟ್ ಕಳೆದುಕೊಂಡಿದೆ. ಭಾರತಕ್ಕೆ ಗೆಲ್ಲಲು 135ರನ್ಗಳ ಅವಶ್ಯಕತೆ ಇದೆ. ಇನ್ನು, ಉಳಿದ ಓವರ್ಗಳಲ್ಲಿ ಟೀಂ ಇಂಡಿಯಾ ವಿಕೆಟ್ ಕಾಯ್ದುಕೊಳ್ಳಬೇಕಿದೆ. ಇಲ್ಲವಾದರೆ, ಸೋಲು ಸುತ್ತಿಕೊಳ್ಳೋದು ಖಚಿತ.

ಇನ್ನು, ರವೀಂದ್ರ ಜಡೇಜಾ ಇಂದಿನ ಪಂದ್ಯದಲ್ಲಿ ಆಡೋದು ಅನುಮಾನ ಎನ್ನಲಾಗಿತ್ತು. ಈಗ ಅದು ಖಚಿತವಾಗಿದೆ. ಆರನೇ ವಿಕೆಟ್ಗೆ ಜಡೇಜಾ ಕಣಕ್ಕೆ ಇಳಿಯಬೇಕಿತ್ತು. ಆದರೆ, ಆರ್. ಅಶ್ವಿನ್ ಕಣಕ್ಕೆ ಇಳಿದಿದ್ದಾರೆ.