ಮನೆಗೆ ನುಗ್ಗಿ ಮಾರಕಾಸ್ತ್ರಗಳಿಂದ ಕೊಚ್ಚಿ, ಎಸ್ಕೇಪ್ ಆದ ಹಂತಕರು..

ಹಾಸನ: ಮಾರಕಾಸ್ತ್ರಗಳಿಂದ ಕೊಚ್ಚಿ ವ್ಯಕ್ತಿಯ ಬರ್ಬರ ಕೊಲೆ ಮಾಡಿರುವ ಘಟನೆ ಜಿಲ್ಲೆಯ ಚನ್ನರಾಯಪಟ್ಟಣ ತಾಲೂಕಿನ ಕಮರವಳ್ಳಿ ಗ್ರಾಮದಲ್ಲಿ ನಡೆದಿದೆ.

ತಡರಾತ್ರಿ ಮನೆಗೆ ನುಗ್ಗಿ ಲಾಂಗು ಮಚ್ಚುಗಳಿಂದ ಲಿಂಗರಾಜ್(42) ಎಂಬಾತನನ್ನು ಕೊಚ್ಚಿ ಕೊಲೆ ಮಾಡಿ ಹಂತಕರು ಎಸ್ಕೇಪ್ ಆಗಿದ್ದಾರೆ. ಬೆಂಗಳೂರಿನಲ್ಲಿ ನೆಲೆಸಿದ್ದ ಲಿಂಗರಾಜ್ ಲಾಕ್​ಡೌನ್​ ಬಳಿಕ ಊರಿಗೆ ಮರಳಿ, ಕಮರವಳ್ಳಿಯಲ್ಲಿ ಕೋಳಿ ಫಾರಂ ನಡೆಸುತ್ತಿದ್ದರು.

ಹತ್ಯೆಗೀಡಾದ ಲಿಂಗರಾಜ್  ತನ್ನ ಸಹೋದರನ ಜೊತೆಗೆ ವಾಸವಾಗಿದ್ದು, ಹತ್ಯೆ ವೇಳೆ ಅಡ್ಡ ಬಂದ ಸಹೋದರನಿಗೂ ಹಂತಕರಿಂದ ಹಲ್ಲೆ ನಡೆದಿದೆ. ಸ್ಥಳಕ್ಕೆ ಹಿರೀಸಾವೆ ಠಾಣೆ ಪೊಲೀಸರ ಭೇಟಿ ನೀಡಿ, ಪರಿಶೀಲನೆ ನಡೆಸುತ್ತಿದ್ದಾರೆ.