VERY URGENT: ತನಗೊಂದು ಮನೆ ಬೇಕು ಎಂದು ಕ್ರಿಕೆಟಿಗ ಪಂತ್ ಟ್ವಿಟರ್​ನಲ್ಲಿ ಏನು ಮಾಡಿದರು ನೋಡಿ..!

ಆಸ್ಟ್ರೇಲಿಯಾ ಪ್ರವಾಸದ ನಂತರ ಭಾರತೀಯ ಬ್ಯಾಟ್ಸ್‌ಮನ್ ರಿಷಭ್ ಪಂತ್ ವಿಶ್ವಾಸಾರ್ಹ ಬ್ಯಾಟ್ಸ್‌ಮನ್‌ ಆಗಿ ಹೊರಹೊಮ್ಮಿದ್ದಾರೆ. ಆಸಿಸ್​ ಸರಣಿಯಲ್ಲಿ ಪಂತ್ ಬ್ಯಾಟಿಂಗ್​ನಲ್ಲಿ ತೋರಿದ ಅಬ್ಬರ, ಟೀಮ್ ಇಂಡಿಯಾವನ್ನು ಗೆಲುವಿನತ್ತ ಕೊಂಡೊಯ್ಯಿತು.

ಆದರೆ ಆಸಿಸ್​ ನಾಡಲ್ಲಿ ಅಬ್ಬರಿಸಿ ತವರಿಗೆ ಹಿಂದಿರುಗಿದ ಪಂತ್ ಈಗ ಹೊಸ ಸಮಸ್ಯೆಯಲ್ಲಿ ಸಿಲುಕಿಕೊಂಡಿದ್ದಾರೆ. ಭಾರತಕ್ಕೆ ವಾಪಾಸ್ಸಾಗಿರುವ ಪಂತ್​ ಸದ್ಯ ತಮ್ಮ ಕುಟುಂಬದೊಂದಿಗೆ ಮನೆಯಲ್ಲಿ ಕಾಲ ಕಳೆಯುತ್ತಿದ್ದು, ಮನೆಯವರು ಕಾಟ ಕೊಡುತ್ತಿದ್ದಾರಂತೆ. ಇದರಿಂದ ಪಂತ್​ ರೋಸಿ ಹೋಗಿದ್ದಾರೆ. ಈಗಾಗಿ ಪಂತ್​ ಟ್ವಿಟ್ಟರ್​ನಲ್ಲಿ ತಮಗಾಗುತ್ತಿರುವ ಹಿಂಸೆಗೆ ನೆಟ್ಟಿಗರ ಬಳಿ ಉಪಾಯ ಕೇಳಿದ್ದಾರೆ.

ನಾನು ಆಸ್ಟ್ರೇಲಿಯಾದಿಂದ ಬಂದಾಗಿನಿಂದ, ಹೊಸ ಮನೆ ತೆಗೆದುಕೊಳ್ಳುವಂತೆ ಕುಟುಂಬಸ್ಥರು ನನ್ನ ಹಿಂದೆ ಬಿದ್ದಿದ್ದಾರೆ. ಹೀಗಾಗಿ ಹೊಸ ಮನೆ ಖರೀದಿ ಮಾಡಲು ನನಗೆ ಗುರಗಾಂವ್​ ಸರಿಯಾದ ಆಯ್ಕೆ ಎನಿಸುತ್ತದೆ. ಇದಲ್ಲದೆ ನಿಮ್ಮ ಬಳಿ ಯಾವೂದಾದರು ಬೇರೆ ಆಯ್ಕೆ ಇದ್ದರೆ ಹೇಳಿ ಎಂದು ಪಂತ್ ಅವರು ಟ್ವಿಟ್ಟರ್​ನಲ್ಲಿ ಬರೆದುಕೊಂಡಿದ್ದಾರೆ.

ಪಂತ್​ ಅವರ ಈ ತಮಾಷೆಯ ಟ್ವೀಟ್‌ಗೆ ಅಭಿಮಾನಿಗಳು ವಿಭಿನ್ನ ಪ್ರತಿಕ್ರಿಯೆಗಳನ್ನು ನೀಡಿದ್ದು, ಕೆಲವರು ದೆಹಲಿಯಲ್ಲಿರಲು ಹೇಳಿದರೆ, ಇನ್ನೂ ಕೆಲವರು ಹೈದರಾಬಾದ್​ನಲ್ಲಿ ತೆಗೆದುಕೊಳ್ಳಲು ಸಲಹೆ ನೀಡಿದ್ದಾರೆ. ಆದರೆ ಕೆಲವು ಅಭಿಮಾನಿಗಳು, ನಿಮಗೆ ಮನೆ ಹುಡುಕಿಕೊಡಲು ನಾವು ನಿಮ್ಮ ಸೇವಕರಲ್ಲ ಎಂದು ಪಂತ್ ಅವರ ಟ್ವೀಟ್​ಗೆ ಖಾರವಾಗಿ ಪ್ರತಿಕ್ರಿಯಿಸಿದ್ದಾರೆ.

Jabse Australia se aaya hoon gharwale peeche pade hain ki naya ghar le lo ab. Gurgaon sahi rahega? Aur koi option hai toh batao.

— Rishabh Pant (@RishabhPant17) January 28, 2021

India vs Australia Test Series ಪಂತ್-ಜಡೇಜಾ​ಗೆ​ ಗಾಯ, ಭಾರತದ 2 ಆಟಗಾರರನ್ನ ಗಾಯಗೊಳಿಸಿದ ಪ್ಯಾಟ್​ ಕಮಿನ್ಸ್ ಬೌಲಿಂಗ್​..!

Published On - 2:39 pm, Thu, 28 January 21