Dark Colour Psychology : ರಾಷ್ಟ್ರ ಧ್ವಜದ ಬಣ್ಣದ ಬಗ್ಗೆ ಮಾತ್ರ ವಿವರ ಅಲ್ಲ. ಮನಃಶಾಸ್ತ್ರಜ್ಞರು ವಿವಿಧ ಬಣ್ಣದ ಬಗ್ಗೆ ಏನು ಹೇಳುತ್ತಾರೆ ಗೊತ್ತಾ?

ಬಣ್ಣಗಳೆಂದರೆ ಯಾರಿಗೆ ತಾನೇ ಇಷ್ಟ ಇಲ್ಲ ಹೇಳಿ, ಪ್ರತಿಯೊಬ್ಬರಿಗೂ ತಮ್ಮ ಇಷ್ಟದ ಬಣ್ಣವಿರುತ್ತದೆ. ಅದಲ್ಲದೇ ನಮ್ಮ ಆಲೋಚನೆಗಳು, ಭಾವನೆಗಳು ಮತ್ತು ನಡವಳಿಕೆಗಳ ಮೇಲೆ ಈ ಬಣ್ಣಗಳೂ ಪ್ರಭಾವವನ್ನು ಬೀರುತ್ತದೆ. ಯಾವುದಾದರೂ ವಸ್ತುಗಳನ್ನು ಖರೀದಿ ಮಾಡುವಾಗ ಮೊದಲು ಯಾವ ಬಣ್ಣವೆಂದು ನೋಡುತ್ತೇವೆ. ಅದರಲ್ಲಿಯೂ ಈ ಗಾಢವಾದ ಬಣ್ಣಗಳು ಬಹುಬೇಗ ಎಲ್ಲರನ್ನು ಆಕರ್ಷಿಸುತ್ತವೆ. ಆದರೆ ಮನೋವಿಜ್ಞಾನದ ಪ್ರಕಾರವು ಒಂದೊಂದು ಬಣ್ಣವು ಒಂದೊಂದು ಅರ್ಥವನ್ನು ನೀಡುತ್ತದೆ. ಹೀಗಾಗಿ ಗಾಢವಾದ ಬಣ್ಣದ ಉಡುಗೆ, ಉತ್ಪನ್ನಗಳನ್ನು ಆಯ್ಕೆ ಮಾಡುವ ಅದರ ಅರ್ಥವನ್ನು ತಿಳಿದುಕೊಂಡಿರುವುದು ಮುಖ್ಯ.

• ಕೆಂಪು : ಈ ಬಣ್ಣವು ಉತ್ಸಾಹ, ಶಕ್ತಿ, ಕುತೂಹಲದೊಂದಿಗೆ ಅಪಾಯವನ್ನೂ ಸೂಚಿಸುವ ಬಣ್ಣ ಇದಾಗಿದೆ. ಹೀಗಾಗಿ ಅಪಾಯಕಾರಿ ಸ್ಥಳಗಳಲ್ಲಿ ಎಚ್ಚರಿಕೆ ನೀಡಲು ಈ ಬಣ್ಣಗಳನ್ನು ಹೆಚ್ಚಾಗಿ ಬಳಸಲಾಗುತ್ತದೆ.
• ಬಿಳಿ : ಈ ಬಣ್ಣವು ಒಳ್ಳೆಯತನ, ಶುದ್ಧತೆ ಮತ್ತು ಪ್ರಾಮಾಣಿಕತೆಯನ್ನು ಸಾಂಕೇತಿಸುತ್ತದೆ. ಇದು ಪಾರದರ್ಶಕತೆಯನ್ನು ಪ್ರತಿಬಿಂಬಿಸುತ್ತದೆ. ಶುಚಿತ್ವವನ್ನು ಸೂಚಿಸುವ ಕಾರಣ ಆಸ್ಪತ್ರೆ ಸೇರಿದಂತೆ ಪ್ರಮುಖ ಸ್ಥಳಗಳಲ್ಲಿ ಈ ಬಣ್ಣವನ್ನೇ ಹೆಚ್ಚು ಬಳಕೆ ಮಾಡಲಾಗುತ್ತದೆ.
• ಕಿತ್ತಳೆ : ಸೃಜನಶೀಲತೆ, ಸಂತೋಷ, ಸ್ವಾತಂತ್ರ್ಯ, ಯಶಸ್ಸು ಮತ್ತು ಸಮತೋಲನವನ್ನು ಪ್ರತಿನಿಧಿಸುವ ಬಣ್ಣವಾಗಿದೆ. ಹೀಗಾಗಿ ವೆಬ್​ಸೈಟ್​ ಡಿಸೈನಿಂಗ್​ನಲ್ಲಿ ಈ ಬಣ್ಣವನ್ನು ಹೆಚ್ಚು ಬಳಸಲಾಗುತ್ತದೆ.
• ಹಳದಿ : ಬಣ್ಣ ಸಂತೋಷ, ಸಕಾರಾತ್ಮಕತೆ ಹಾಗೂ ಸ್ವಾಭಾವಿಕತೆಯನ್ನು ಪ್ರತಿನಿಧಿಸುತ್ತದೆ. ಬೇಸಿಗೆಯಲ್ಲಿ ಸೂರ್ಯನು ಕಂಗೊಳಿಸುವುದೇ ಈ ಹಳದಿ ಬಣ್ಣದಲ್ಲಾಗಿದ್ದು, ಇದು ಉಷ್ಣತೆಯನ್ನು ಸೂಚಿಸುತ್ತದೆ.
• ಹಸಿರು : ಇದು ಸಮತೋಲನದ ಬಣ್ಣವಾಗಿದ್ದು, ಪ್ರಕೃತಿ, ಸಮೃದ್ಧಿ, ಫಲವತ್ತತೆ, ಅಭಿವೃದ್ಧಿ, ಆರೋಗ್ಯ, ಸಂಪತ್ತು, ಕ್ಷೇಮ, ಔದಾರ್ಯವನ್ನು ಪ್ರತಿನಿಧಿಸುತ್ತದೆ.
• ಗುಲಾಬಿ : ಮಹಿಳಾವಾದ, ಸಹಾನುಭೂತಿ, ಸ್ತ್ರೀತತ್ವ, ಲವಲವಿಕೆ ಮತ್ತು ಗಾಢಪ್ರೇಮವನ್ನು ಸಾಂಕೇತಿಸುತ್ತದೆ. ಈ ಬಣ್ಣವನ್ನು ಮಗುವಿನ ಆಟಿಕೆ, ಪ್ಯಾಕಿಂಗ್​ ಗಳಲ್ಲಿ ಹೆಚ್ಚು ಬಳಕೆ ಮಾಡಲಾಗುತ್ತದೆ. ಮುದ್ದಾದ, ವಿನೋದಪೂರ್ಣ ಎನ್ನುವ ಅರ್ಥ ನೀಡುವ ಕಾರಣ ಇದನ್ನು ಎಲ್ಲರೂ ಇಷ್ಟ ಪಡುತ್ತಾರೆ.
• ನೀಲಿ : ನೀಲಿ ಬಣ್ಣವು ಸ್ಥಿರ, ಸಾಮರಸ್ಯ, ಶಾಂತಿಯುತ ನಂಬಿಕೆ, ತರ್ಕ, ಕಲ್ಪನೆ ಹಾಗೂ ವಿಶ್ವಾಸಾರ್ಹವನ್ನು ಸಾಂಕೇತಿಸುತ್ತದೆ. ಹೀಗಾಗಿ ಗ್ರಾಹಕರಿಗೆ ತಮ್ಮ ಉತ್ಪನ್ನಗಳ ಬಗ್ಗೆ ನಂಬಿಕೆ ಹುಟ್ಟಲು ಉತ್ಪನ್ನಗಳ ಲೋಗೋಗಳಲ್ಲಿ ನೀಲಿ ಬಣ್ಣವನ್ನೇ ಬಳಸುತ್ತಾರೆ.
• ನೇರಳೆ : ಸಂಪತ್ತು, ಬುದ್ಧಿವಂತಿಕೆ, ಅಧಿಕಾರ, ಆಧ್ಯಾತ್ಮಿಕತೆಯನ್ನು ಪ್ರತಿನಿಧಿಸುವ ಬಣ್ಣವಿದಾಗಿದೆ. ಅದಲ್ಲದೇ, ಹತಾಶೆ ಮತ್ತು ಅಹಂಕಾರವನ್ನು ಸೂಚಿಸುತ್ತದೆ.
• ಕಪ್ಪು : ಕಪ್ಪು ಬಣ್ಣವು ಧೈರ್ಯ, ರಹಸ್ಯ, ಒಳಸಂಚು, ಶಕ್ತಿ, ಅತೃಪ್ತಿ, ಕತ್ತಲೆ, ದುಃಖ, ನೋವನ್ನು ಪ್ರತಿನಿಧಿಸುತ್ತದೆ. ಈ ಬಣ್ಣವು ಶೋಕ ಹಾಗೂ ನೋವಿನ ಸಂಕೇತ ಎನ್ನುವ ಕಾರಣಕ್ಕೆ ಶುಭಕಾರ್ಯಗಳಲ್ಲಿ ಈ ಬಣ್ಣದ ಉಡುಪನ್ನು ಧರಿಸುವುದಿಲ್ಲ.
• ಕಂದು :ಈ ಬಣ್ಣವು ಶಕ್ತಿ, ವಿಶ್ವಾಸಾರ್ಹತೆ ಹಾಗೂ ಭೂಮಿತ್ವವನ್ನು ಪ್ರತಿನಿಧಿಸುತ್ತದೆ. ಭೂಮಿಯ ಅಂಶದೊಂದಿಗೆ ನೆಲದ ಭಾವನೆಯನ್ನು ಸೃಷ್ಟಿಸುತ್ತವೆ.

ಇನ್ನಷ್ಟು ಜೀವನಶೈಲಿಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ