International Beer Day 2024: ಬಿಯರ್ ಬಗ್ಗೆ ನಿಮಗೆ ಗೊತ್ತಿರದ ಕುತೂಹಲಕಾರಿ ಸಂಗತಿಗಳಿವು
ಬಿಯರ್ ಕುಡಿಯದೆ ಇರುವ ವ್ಯಕ್ತಿಗಳು ಯಾರಿದ್ದಾರೆ ಹೇಳಿ, ಫ್ರೆಂಡ್ಸ್ ಜೊತೆಗೆ ಪಾರ್ಟಿಯೆಂದು ಹೊರಗಡೆ ಹೋದಾಗ ಬಹುತೇಕರು ಲೈಟ್ ಆಗಿ ಈ ಬಿಯರ್ ತೆಗೆದುಕೊಳ್ಳುತ್ತಾರೆ. ಆದರೆ ಸುರಪಾನ ಪ್ರಿಯರಿಗಾಗಿಯೇ ಬಿಯರ್ ದಿನ ಮೀಸಲಿಡಲಾಗಿದೆ. ಪ್ರತಿ ವರ್ಷ ಆಗಸ್ಟ್ ತಿಂಗಳ ಮೊದಲ ಶುಕ್ರವಾರವನ್ನು ಅಂತಾರಾಷ್ಟ್ರೀಯ ಬಿಯರ್ ದಿನ ಎಂದು ಆಚರಿಸಲಾಗುತ್ತದೆ. ಹಾಗಾದ್ರೆ ಈ ದಿನದ ಇತಿಹಾಸ ಹಾಗೂ ಮಹತ್ವದ ಬಗೆಗಿನ ಸಂಪೂರ್ಣ ಮಾಹಿತಿಯೂ ಇಲ್ಲಿದೆ.
ಕೆಲವರು ದುಃಖ ಹಾಗೂ ಸಂತೋಷದ ಕ್ಷಣದಲ್ಲಿ ಈ ಬಿಯರ್ ಕುಡಿಯುವ ಮೂಲಕ ಎಂಜಾಯ್ ಮಾಡುತ್ತಾರೆ. ಇದು ಆಲ್ಕೋಹಾಲ್ಯುಕ್ತ ಪಾನೀಯಗಳಲ್ಲಿ ಒಂದಾಗಿದ್ದು, ಪಾರ್ಟಿಯ ವೇಳೆ ಹೆಚ್ಚಿನವರು ಆಯ್ಕೆ ಮಾಡುವುದೇ ಈ ಪಾನೀಯವನ್ನು. ಇದರಲ್ಲಿ ಆಲ್ಕೋಹಾಲ್ ಅಂಶವು ಕಡಿಮೆಯಿರುವ ಕಾರಣ ಇತರ ಪಾನೀಯಗಳಿಗಿಂತ ಕಡಿಮೆ ಹಾನಿಕಾರಕ ಎನ್ನಲಾಗಿದೆ. ಈ ಬಾರಿ ಆಗಸ್ಟ್ 2 ರಂದು ಅಂತಾರಾಷ್ಟ್ರೀಯ ಬಿಯರ್ ದಿನ ದಿನವನ್ನು ಆಚರಿಸಲಾಗುತ್ತಿದೆ.
ಅಂತಾರಾಷ್ಟ್ರೀಯ ಬಿಯರ್ ದಿನದ ಇತಿಹಾಸ ಹಾಗೂ ಆಚರಣೆ:
ಅಮೇರಿಕಾದ ಕ್ಯಾಲಿಫೋರ್ನಿಯಾದ ಸಾಂಟಾ ಕ್ರೂಜ್ನ ಜೆಸಿ ಅವ್ಶಲೋವ್ನ್ ಎಂಬ ವ್ಯಕ್ತಿಯಿಂದಲೇ ಬಿಯರ್ ದಿನವನ್ನು ಆಚರಿಸಲಾಯಿತು. ಹೌದು, ಅಮೇರಿಕಾದಲ್ಲಿ ಸ್ಥಳೀಯ ಕಾರ್ಯಕ್ರಮವಾಗಿ ಬಿಯರ್ ದಿನ ಹುಟ್ಟಿಕೊಂಡಿತು. ಮೊದಲು ಈ ಕಾರ್ಯಕ್ರಮವನ್ನು ಸ್ಥಳೀಯ ಮಟ್ಟದಲ್ಲಿ ಮಾತ್ರ ಆಚರಿಸಲಾಗುತ್ತಿತು. ಇದರ ಜನಪ್ರಿಯತೆ ಹೆಚ್ಚಾದ ಕಾರಣ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಆಚರಿಸಲಾಯಿತು. 2007 ರಿಂದ 2012 ರ ವರೆಗೆ ಈ ದಿನವನ್ನು ಆಗಸ್ಟ್ 5 ರಂದು ಆಚರಿಸಲಾಯಿತು. 2012 ರ ನಂತರದಲ್ಲಿ ಆಗಸ್ಟ್ ತಿಂಗಳ ಮೊದಲ ಶುಕ್ರವಾರದಂದು ಬಿಯರ್ ದಿನವನ್ನು ಆಚರಿಸಲು ನಿರ್ಧರಿಸಲಾಯಿತು. ಈ ದಿನದಂದು ವಿದೇಶಗಳಲ್ಲಿ ಸ್ನೇಹಿತರು, ಕುಟುಂಬ ಸದಸ್ಯರೊಂದಿಗೆ ಪಬ್ ಗಳಿಗೆ ತೆರಳಿ ಬಿಯರ್ ಕುಡಿದು ಸಂಭ್ರಮಿಸುತ್ತಾರೆ. ಇಲ್ಲದಿದ್ದರೆ ಮನೆಯಲ್ಲೇ ಪಾರ್ಟಿಯನ್ನು ಆಯೋಜಿಸುತ್ತಾರೆ.
ಇದನ್ನೂ ಓದಿ: ವಿಶ್ವ ಸ್ತನ್ಯಪಾನ ಸಪ್ತಾಹ ದಿನವನ್ನು ಆಚರಿಸುವುದು ಏಕೆ? ಏನಿದರ ಮಹತ್ವ?
ಬಿಯರ್ ಕುರಿತಾದ ಆಸಕ್ತಿಕರ ಸಂಗತಿಗಳು:
- ಸರಿಸುಮಾರು 400 ಬಗೆಯ ಬಿಯರ್ ಬ್ರ್ಯಾಂಡ್ ಗಳಿದ್ದು, ಬೆಲ್ಜಿಯಂಗೆ ಹೋದರೆ ಎಲ್ಲಾ ಬ್ರ್ಯಾಂಡ್ ಗಳು ಸಿಗುತ್ತದೆ.
- ಮೊದಲಿಗೆ ಬೀರ್ ಅನ್ನು ಚಿಚಾ ಎಂಬ ವಸ್ತುವಿನಿಂದ ತಯಾರಿಸಲಾಯಿತು ಎನ್ನಲಾಗಿದೆ.
- 1716ರಿಂದ ಇಂಗ್ಲೆಡ್ನ ಬಿಯರ್ ಅನ್ನು ಭಾರತಕ್ಕೆ ಆಮದುಕೊಳ್ಳಲಾಗಿತ್ತು.
- ಕ್ರಿಸ್ತಪೂರ್ವ 1500ಕ್ಕೂ ಮೊದಲು ಭಾರತೀಯರು ಅಕ್ಕಿಯಿಂದ ತಯಾರಿಸಿದ ಬಿಯರ್ ಕುಡಿಯುತ್ತಿದ್ದರಂತೆ.
- ವೇದಗಳ ಕಾಲದಲ್ಲೇ ಬಿಯರ್ ಇತ್ತು. ಆದರೆ ಇದನ್ನು ಸುರ ಎಂಬ ಹೆಸರಿನಲ್ಲಿ ಕರೆಯುತ್ತಿದ್ದರು.
ಹೆಚ್ಚಿನ ಜೀವನಶೈಲಿ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ