ಒಡೆದ ತೆಂಗಿನಕಾಯಿ ಹೀಗೆ ಸಂಗ್ರಹಿಸಿಟ್ಟರೆ ತಿಂಗಳುಗಟ್ಟಲೇ ಫ್ರೆಶ್ ಆಗಿರುತ್ತೆ

ಭಾರತೀಯ ಅಡುಗೆ ಮನೆಯಲ್ಲಿ ತೆಂಗಿನಕಾಯಿ ಇಲ್ಲದೇ ಯಾವ ಅಡುಗೆಯು ರುಚಿಸುವುದಿಲ್ಲ. ಹೀಗಾಗಿ ಸಾಂಬಾರ್ ಪದಾರ್ಥಗಳಿಂದ ಹಿಡಿದು ಸಿಹಿ ತಿಂಡಿಗಳ ತಯಾರಿಕೆಯಲ್ಲಿಯೂ ಈ ತೆಂಗಿನಕಾಯಿ ಬಳಸಲಾಗುತ್ತದೆ. ಕೆಲವೊಮ್ಮೆ ಒಡೆದ ತೆಂಗಿನಕಾಯಿ ಉಳಿದುಬಿಟ್ಟರೆ ಅದನ್ನು ಶೇಖರಿಸಿ ಇಡುವುದು ತುಂಬಾನೇ ಕಷ್ಟ, ಹಾಗೆ ಇಟ್ಟರೆ ಲೋಳೆ ಬರುತ್ತದೆ. ಹೀಗಾಗಿ ಸರಿಯಾದ ವಿಧಾನದಲ್ಲಿ ಒಡೆದ ತೆಂಗಿನಕಾಯಿ ಸಂಗ್ರಹಿಸಿ ಕೆಡದಂತೆ ದೀರ್ಘಕಾಲದವರೆಗೆ ಶೇಖರಿಸಿಡುವುದು ಬಹಳ ಮುಖ್ಯ.

• ಒಡೆದ ತೆಂಗಿನಕಾಯಿ ತಾಜಾವಾಗಿರಬೇಕೆಂದರೆ, ತೆಂಗಿನಕಾಯಿ ತುರಿದು ಫ್ರಿಡ್ಜ್ ನಲ್ಲಿಟ್ಟರೆ ಒಂದು ವಾರದವರೆಗೆ ಕೆಡುವುದಿಲ್ಲ. ಆದರೆ ತೆಂಗಿನತುರಿಯನ್ನು ಗಾಳಿಯಾಡದ ಕಂಟೈನರ್ ನಲ್ಲಿ ಇಡುವುದು ಒಳ್ಳೆಯದು.
• ಒಡೆದ ತೆಂಗಿನಕಾಯಿ ಉಳಿದಿದ್ದರೆ ಅದನ್ನು ಬಿಸಿಲಿದ್ದರೆ ಒಣಗಿಸಿಡಿ. ಬಿಸಿಲಿನಲ್ಲಿ ಒಣಗಿಸಿದರೆ ಲೋಳೆಯು ಬರುವುದಿಲ್ಲ. ಮರುದಿನ ಇದನ್ನು ಅಡುಗೆಗೆ ಬಳಸಬಹುದು.
• ತೆಂಗಿನಕಾಯಿ ತುರಿಯನ್ನು ಫ್ರಿಜ್​ನಲ್ಲಿ ಶೇಖರಿಸಿಡಬಹುದು. ಇಲ್ಲವಾದರೆ, ಕಾಯಿ ತುರಿಯನ್ನು ಪಾತ್ರೆಗೆ ಹಾಕಿ ಒಲೆಯ ಮೇಲಿಟ್ಟು ಸ್ವಲ್ಪ ಬೆಚ್ಚಗೆ ಮಾಡಿ ಗಾಜಿನ ಕಂಟೈನರ್ ನಲ್ಲಿ ಸಂಗ್ರಹಿಸಿಡಬಹುದು. ಅಡುಗೆಗೆ ಬಳಸುವ ಮುನ್ನ ಸ್ವಲ್ಪ ಹುರಿದುಕೊಂಡರೆ ಅಡುಗೆಯ ರುಚಿಯು ಹೆಚ್ಚಾಗುತ್ತದೆ.
• ತೆಂಗಿನಕಾಯಿ ಹಾಳಾಗದಂತೆ ಸಂಗ್ರಹಿಸಿಡುವ ಮತ್ತೊಂದು ವಿಧಾನಗಳಲ್ಲಿ ಉಪ್ಪಿನ ಪಾತ್ರೆಯಲ್ಲಿ ಹಾಕಿಡುವುದು ಕೂಡ ಒಂದು. ಒಡೆದ ಕಾಯಿಯನ್ನು ಉಪ್ಪಿನ ಪಾತ್ರೆಯಲ್ಲಿ ಇಟ್ಟರೆ ಒಂದೆರಡು ದಿನಗಳು ಕೆಡುವುದಿಲ್ಲ, ಆ ಬಳಿಕ ಅಡುಗೆಗೆ ಬಳಸಬಹುದು.
• ಭತ್ತದ ಹುಲ್ಲಿನೊಳಗೆ ಕಾಯಿಯನ್ನು ಇಡುವುದು ಶೇಖರಿಸಿಡುವ ಅತ್ಯುತ್ತಮ ವಿಧಾನಗಳಲ್ಲಿ ಒಂದು. ಈ ಹುಲ್ಲಿನಲ್ಲಿರುವ ಉಷ್ಣಾಂಶವು ಕಾಯಿ ಹಾಳಾಗದಂತೆ ತಾಜಾವಾಗಿರಿಸುತ್ತದೆ.
• ಒಡೆದ ಕಾಯಿಗೆ ಇದ್ದರೆ ಅದಕ್ಕೆ ಸ್ವಲ್ಪ ಅರಿಶಿನವನ್ನು ಹಚ್ಚಿಡುವುದರಿಂದ ಕಾಯಿಯು ಹಾಳಾಗುವುದಿಲ್ಲ. ಈ ವಿಧಾನದ ಮೂಲಕ ಒಂದೆರಡು ದಿನಗಳ ಕಾಲ ಸಂಗ್ರಹಿಸಿಡಬಹುದು.

ಜೀವನಶೈಲಿ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ