Beauty Tips: ನಿಮ್ಮ ಬಣ್ಣಕ್ಕೆ ಯಾವ ಕಲರ್ ಲಿಪ್ಸ್ಟಿಕ್ ಬಳಸಿದರೆ ಅಂದವಾಗಿ ಕಾಣಿಸಬಹದು?
ನಿಮ್ಮ ಬಣ್ಣಕ್ಕೆ ಸರಿ ಹೊಂದುವ ಲಿಪ್ಸ್ಟಿಕ್ ಬಣ್ಣ ಯಾವುದು? ಯಾವ ಬಣ್ಣವನ್ನು ಹೆಚ್ಚು ಬಳಸಬೇಕು ಎಂಬುದರ ಕುರಿತಾಗಿ ನಿಮಗಾಗಿಯೇ ಕೆಲವು ಬ್ಯೂಟಿ ಟಿಪ್ಸ್ಗಳು ಈ ಕೆಳಗಿನಂತಿವೆ.
ಈಗೆಲ್ಲಾ ಲಿಪ್ಸ್ಟಿಕ್ ಹಚ್ಚುವುದು ಟ್ರೆಂಡ್ ಆಗಿಬಿಟ್ಟಿದೆ. ಯುವತಿಯರಿಂದ ಹಿಡಿದು ವಯಸ್ಕರವರೆಗೂ ಎಲ್ಲಾ ಪ್ಯಾಶನ್ ಲೋಕದಲ್ಲಿ ಮುಳುಗಿದ್ದಾರೆ. ದಿನ್ಕೊಂದು ಹೊಸ ಹೊಸ ಮೇಕಪ್ ಕಿಟ್ಗಳು ಮಾರುಕಟ್ಟೆಗೆ ಬರುತ್ತಿವೆ. ವಿವಿಧ ಶೈಲಿಯ ಉಡುಗೆ ತೊಡುಗೆಗಳು ಮನ ಸೆಳೆಯುತ್ತಿವೆ. ಹೀಗಿರುವಾಗ ಹೊರ ಹೋಗಬೇಕೆಂದರೆ ಲಿಪ್ಸ್ಟಿಕ್ ಇರಲೇಬೇಕು ಅನ್ನುತ್ತಾರೆ ಮಹಿಳೆಯರು. ಅದರಲ್ಲಿಯೂ ಡಿಫರೆಂಟ್ ವೆರೈಟಿಯ ಲಿಪ್ಸ್ಟಿಕ್ಗಳಿವೆ. ಜತೆಗೆ ನಾನಾ ಬಣ್ಣಗಳಿವೆ. ಹಾಗಿರುವಾ ನಿಮ್ಮ ಬಣ್ಣಕ್ಕೆ ಸರಿ ಹೊಂದುವ ಲಿಪ್ಸ್ಟಿಕ್ ಬಣ್ಣ ಯಾವುದು? ಯಾವ ಬಣ್ಣವನ್ನು ಹೆಚ್ಚು ಬಳಸಬೇಕು ಎಂಬುದರ ಕುರಿತಾಗಿ ನಿಮಗಾಗಿಯೇ ಕೆಲವು ಬ್ಯೂಟಿ ಟಿಪ್ಸ್ಗಳು ಈ ಕೆಳಗಿನಂತಿವೆ.
ಈ ದಿನಗಳಲ್ಲಿ ಮ್ಯಾಟ್, ಹೊಳಪು, ಮಿನುಗು, ಮತ್ತು ದ್ರವ ಸೇರಿದಂತೆ ವಿವಿಧ ರೀತಿಯ ಲಿಪ್ಸ್ಟಿಕ್ಗಳು ಮಾರುಕಟ್ಟೆಯಲ್ಲಿ ಲಭ್ಯವಿರುತ್ತವೆ. ಅನೇಕ ಮಹಿಳೆಯರಿಗೆ ತಮ್ಮ ಚರ್ಮದ ಟೋನ್ ಬಗ್ಗೆ ತಿಳಿದಿರುವುದಿಲ್ಲ. ಯಾವ ಸಂಯೋಜನೆಯ ಲಿಪ್ಸ್ಟಿಕ್ ಯಾವ ಟೋನ್ ಹೊಂದುತ್ತದೆ ಎಂದ ವಿಷಯದ ಬಗ್ಗೆ ನಿಮಗೂ ಗೊಂದಲಗಳಿದ್ದರೆ ಚಿಂತಿಸಬೇಡಿ. ಚರ್ಮದ ಟೋನ್ಗೆ ಅನುಗುಣವಾಗಿ ಯಾವ ಲಿಪ್ಸ್ಟಿಕ್ ನಿಮಗೆ ಸರಿಹೊಂದುತ್ತದೆ ಎಂಬುದನ್ನು ತಿಳಿದುಕೊಳ್ಳಿ.
ಗೋಧಿ ಬಣ್ಣ
ಈ ಬಣ್ಣದ ಮಹಿಳೆಯರು ಹೆಚ್ಚು ಕಪ್ಪು ಬಣ್ಣದವರೂ ಅಲ್ಲ. ತುಂಬಾ ಬೆಳ್ಳಗೂ ಕಾಣಿಸುವವರಲ್ಲ. ಅಂಥವರಿಗೆ ವಿಶೇಷವಾಗಿ ಕಂದು ನೆರಳು ಬಣ್ಣ ಬಹಳಷ್ಟು ಹೊಂದುತ್ತದೆ. ಇದರ ಹೊರತಾಗಿ ನೀವು ಗುಲಾಬಿ, ರಕ್ತ ಕೆಂಪು, ಮಾಗಿದ ಕಿತ್ತಳೆ ಬಣ್ಣವನ್ನು ಬಳಸಬಹುದು. ಈ ಬಣ್ಣದಲ್ಲಿ ಮುಖ ಅಂದವಾಗಿ ಕಾಣುತ್ತದೆ. ಜತೆಗೆ ಮುಖಕ್ಕೆ ಲೈಟ್ಆಗಿ ಸರಿಹೊಂದುವ ಮೇಕಪ್ ಮಾಡಿಕೊಳ್ಳಿ.
ಕಪ್ಪು ಅಥವಾ ತಿಳಿ ಕಪ್ಪು
ನಿಮ್ಮ ಮೈ ಬಣ್ಣ ಕಪ್ಪು ಬಣ್ಣವಾಗಿದ್ದರೆ ಇಟ್ಟಿಗೆ ಕೆಂಪು ಮತ್ತು ಕ್ಯಾರಮೆಲ್ ಬಣ್ಣವನ್ನು ಹಚ್ಚಬಹುದು. ಯಾವಾಗಲೂ ಮ್ಯಾಟ್ ಲಿಪ್ಸ್ಟಿಕ್ಅನ್ನು ಆಯ್ಕೆ ಮಾಡಿ. ಹೆಚ್ಚು ಹೊಳಪಿರುವ ಲಿಪ್ಸ್ಟಿಕ್ಗಳು ಬೇಡ. ಕಂದು, ಕೆಂಪು ಮತ್ತು ನೇರಳೆ ಬಣ್ಣವನ್ನು ಕೂಡಾ ಪ್ರಯತ್ನಿಸಬಹುದು.
ತಿಳಿ ಹಳದಿ ಅಥವಾ ತಿಳಿ ಗೋಧಿ ಬಣ್ಣ
ಲಿಪ್ಸ್ಟಿಕ್ ಆರಿಸುವಾಗ ಅಂಡರ್ಟೋನ್ಅನ್ನು ಸಹ ಕಾಳಜಿವಹಿಸಬೇಕು. ನಿಮ್ಮ ಚರ್ಮ ಹಳದಿ ಅಥವಾ ಗೋಧಿ ಬಣ್ಣದಲ್ಲಿದ್ದರೆ ಅದಕ್ಕೆ ತಕ್ಕಂತೆ ಲಿಪ್ಸ್ಟಿಕ್ ಆಯ್ಕೆ ಮಾಡಿ. ಆದರೆ ಪ್ರತಿ ಬಾರಿಯೂ ತುಟಿಗೆ ಹಚ್ಚಿ ಲಿಪ್ಸ್ಟಿಕ್ ನೋಡಬೇಕಂತಿಲ್ಲ. ಮಣಿಕಟ್ಟಿನ ಮೇಲೆ ಲಿಪ್ಸ್ಟಿಕ್ನಿಂದ ಒಂದು ಗೆರೆ ಎಳೆಯಿರಿ. ಆ ಬಣ್ಣ ನಿಮಗೆ ಸರಿ ಹೊಂದುತ್ತದೆಯೋ ಇಲ್ಲವೋ ಎಂಬುದು ತಕ್ಷಣ ಗೊತ್ತಾಗುತ್ತದೆ. ನಿಮ್ಮ ಚರ್ಮದ ಟೋನ್ಗೆ ಹೊಂದಿಕೆಯಾದರೆ ನೀವು ಬಳಸಬಹುದು.
ಇದನ್ನೂ ಓದಿ:
Beauty Tips: ಸುಂದರವಾದ ತುಟಿ ಪಡೆಯಲು ಇಲ್ಲಿದೆ ಉತ್ತಮ ಮಾರ್ಗಗಳು
Beauty Tips: ಹಳದಿ ಹಲ್ಲುಗಳಿಂದಾಗಿ ನಗಲು ಮುಜುಗರ ಪಡುತ್ತಿದ್ದೀರಾ?-ಈ ಸರಳ ವಿಧಾನಗಳ ಮೂಲಕ ಪಡೆಯಿರಿ ಬಿಳಿ ಹಲ್ಲು
(Know with colour lipstick looks best check in kannada)