Lung Damage: ಕೊವಿಡ್ ನಂತರ ಶ್ವಾಸಕೋಶದ ತೊಂದರೆ ಹೆಚ್ಚಳ; ಅಧ್ಯಯನ

ಕೊರೊನಾವೈರಸ್ (Coronavirus) ಜಗತ್ತಿನಾದ್ಯಂತ ಆರೋಗ್ಯ ತುರ್ತುಪರಿಸ್ಥಿತಿಯನ್ನು ಉಂಟುಮಾಡಿತ್ತು. ಕೊವಿಡ್ ಲಸಿಕೆಯಿಂದ (Covid Vaccine) ಅಡ್ಡಪರಿಣಾಮಗಳು ಉಂಟಾಗಿದ್ದು, ಅದರಿಂದಲೇ ಹೃದಯಾಘಾತ (Heart Attack), ಕಿಡ್ನಿ ಸಮಸ್ಯೆ ಮುಂತಾದವುಗಳು ಹೆಚ್ಚುತ್ತಿವೆ ಎಂಬ ನಂಬಿಕೆಯಿತ್ತು. ಆದರೆ, ಹಲವು ವೈದ್ಯರು ಅದನ್ನು ಅಲ್ಲಗಳೆದಿದ್ದರು. ಇದೀಗ ಕೊವಿಡ್​ ಸೋಂಕು ಶುರುವಾದ ಬಳಿಕ ಶ್ವಾಸಕೋಶದ ಹಾನಿಯ (Lung Damage) ಪ್ರಕರಣಗಳು ಹೆಚ್ಚಾಗುತ್ತಿವೆ ಎಂದು ಅಧ್ಯಯನವೊಂದು ತಿಳಿಸಿದೆ.

ಹೊಸ ಅಧ್ಯಯನದ ಪ್ರಕಾರ, ಕೊವಿಡ್‌ನಿಂದ ಚೇತರಿಸಿಕೊಂಡ ಭಾರತೀಯರು ಯುರೋಪಿಯನ್ನರು ಮತ್ತು ಚೀನಿಯರಿಗಿಂತ ಶ್ವಾಸಕೋಶದ ಸಮಸ್ಯೆಗಳಿಂದ ಹೆಚ್ಚು ಬಳಲುತ್ತಿದ್ದಾರೆ. ದೀರ್ಘಕಾಲದ ರೋಗಲಕ್ಷಣಗಳು ಕಡಿಮೆಯಾಗಲು ಕೆಲವು ಸಂದರ್ಭಗಳಲ್ಲಿ 1 ವರ್ಷದವರೆಗೆ ಬೇಕಾಗಬಹುದು. ಆದರೆ ಉಳಿದವರು ತಮ್ಮ ಜೀವನದುದ್ದಕ್ಕೂ ಹಾನಿಗೊಳಗಾದ ಶ್ವಾಸಕೋಶಗಳೊಂದಿಗೆ ಬದುಕಬೇಕಾಗಬಹುದು ಎಂದು ಅಧ್ಯಯನದಲ್ಲಿ ಕಂಡುಹಿಡಿಯಲಾಗಿದೆ.

ಇದನ್ನೂ ಓದಿ: Breast Cancer: ತಲೆನೋವಿ​ಗೂ ಸ್ತನ ಕ್ಯಾನ್ಸರ್​ಗೂ ಇದೆ ಸಂಬಂಧ; ಈ ಬಗ್ಗೆ ಎಚ್ಚರವಿರಲಿ

ಭಾರತೀಯರ ಶ್ವಾಸಕೋಶದ ಕಾರ್ಯನಿರ್ವಹಣೆ ಮತ್ತು ಜೀವನದ ಗುಣಮಟ್ಟದ ಮೇಲೆ COVID-19 ಪ್ರಭಾವದ ಕುರಿತು ವೆಲ್ಲೂರಿನ ಕ್ರಿಶ್ಚಿಯನ್ ವೈದ್ಯಕೀಯ ಕಾಲೇಜು ನಡೆಸಿದ ಅಧ್ಯಯನವನ್ನು PLOS ಗ್ಲೋಬಲ್ ಪಬ್ಲಿಕ್ ಹೆಲ್ತ್ ಜರ್ನಲ್‌ನಲ್ಲಿ ಪ್ರಕಟಿಸಲಾಗಿದೆ. ಈ ಅಧ್ಯಯನವು 207 ಭಾರತೀಯರನ್ನು ಅವರ ರೋಗಲಕ್ಷಣಗಳ ಪ್ರಾರಂಭದಿಂದ ಸರಾಸರಿ 63 ದಿನಗಳವರೆಗೆ ಸಾಂಕ್ರಾಮಿಕ ರೋಗದ ಮೊದಲ ವಾರದಲ್ಲಿ ಮೌಲ್ಯಮಾಪನ ಮಾಡಿದೆ.

ಇದನ್ನೂ ಓದಿ: Cervical Cancer: ಗರ್ಭಕಂಠದ ಕ್ಯಾನ್ಸರ್ ಬಾರದಂತೆ ತಡೆಯುವುದು ಹೇಗೆ?

ಯುರೋಪಿಯನ್ ಮತ್ತು ಚೀನೀ ರೋಗಿಗಳಿಗಿಂತ ನಮ್ಮ ಭಾರತೀಯರು ಹೆಚ್ಚು ಇತರೆ ರೋಗಗಳನ್ನು ಹೊಂದಿದ್ದಾರೆ. ಶ್ವಾಸಕೋಶದ ಕಾರ್ಯಚಟುವಟಿಕೆಯಲ್ಲಿ ಹೆಚ್ಚಿನ ದುರ್ಬಲತೆಯನ್ನು ಹೊಂದಿದ್ದಾರೆ ಎಂದು ಅಧ್ಯಯನ ತಿಳಿಸಿದೆ ಎಂದು ಅಧ್ಯಯನವು ಹೇಳಿದೆ. ಇದು ಭಾರತೀಯರ ಮೇಲಿನ ಮೊದಲ ವರದಿಯಾಗಿದೆ. ಭಾರತೀಯ ಜನಸಂಖ್ಯೆಯ ಹೆಚ್ಚಿನ ಭಾಗವು ಶಾಶ್ವತ ಶ್ವಾಸಕೋಶದ ಕ್ರಿಯೆಯ ಹಾನಿಯಿಂದ ಬಳಲುತ್ತಿದ್ದರೆ ಅದನ್ನು ಇನ್ನೂ ನಿರ್ಣಯಿಸಬೇಕಾಗಿದೆ ಎಂದು CMC ಹೇಳಿದೆ.

ಇನ್ನಷ್ಟು ಜೀವನಶೈಲಿಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ