Breast Cancer: ತಲೆನೋವಿಗೂ ಸ್ತನ ಕ್ಯಾನ್ಸರ್ಗೂ ಇದೆ ಸಂಬಂಧ; ಈ ಬಗ್ಗೆ ಎಚ್ಚರವಿರಲಿ
ಮೈಗ್ರೇನ್ ಎನ್ನುವುದು ವಿಪರೀತವಾದ ತಲೆನೋವಿನ ಒಂದು ವಿಧವಾಗಿದೆ. ಜಗತ್ತಿನ ಶೇ. 14ರಿಂದ 15ರಷ್ಟು ಜನರು ಮೈಗ್ರೇನ್ ಸಮಸ್ಯೆಯನ್ನು ಅನುಭವಿಸುತ್ತಾರೆ. ಈ ಮೈಗ್ರೇನ್ ಸಮಸ್ಯೆಗೂ ಸ್ತನ ಕ್ಯಾನ್ಸರ್ಗೂ ಸಂಬಂಧವಿದೆಯೇ ಎಂದು ನಡೆಸಲಾದ ಸಂಶೋಧನೆಯಲ್ಲಿ ಅಚ್ಚರಿಯ ಸಂಗತಿ ಬಯಲಾಗಿದೆ. ಆ ಬಗ್ಗೆ ವಿವರವಾದ ಮಾಹಿತಿ ಇಲ್ಲಿದೆ.
Updated on:Feb 09, 2024 | 1:06 PM
ಮೈಗ್ರೇನ್ (Migraine) ಜನರಲ್ಲಿ ಕಂಡುಬರುವ ಸಾಮಾನ್ಯವಾದ ಸಮಸ್ಯೆಯಾದರೆ ಸ್ತನ ಕ್ಯಾನ್ಸರ್ ಪ್ರಾಣವನ್ನೇ ತೆಗೆಯುವಂತಹ ಮಾರಣಾಂತಿಕ ಕಾಯಿಲೆ. ಈ ಎರಡೂ ಆರೋಗ್ಯ ಸಮಸ್ಯೆಗಳ (Health Problems) ನಡುವೆ ಏನಾದರೂ ಸಂಬಂಧವಿದೆಯೇ? ಎಂಬ ಪ್ರಶ್ನೆಗೆ ಉತ್ತರ ಇಲ್ಲಿದೆ. ಪ್ರಪಂಚದ ಜನಸಂಖ್ಯೆಯ ಸುಮಾರು ಶೇ. 14-15ರಷ್ಟು ಜನ ಮೈಗ್ರೇನ್ ಸಮಸ್ಯೆಯನ್ನು ಹೊಂದಿದ್ದಾರೆ. ಮೈಗ್ರೇನ್ ಅನುಭವಿಸುವ ಜನರು ಸ್ತನ ಕ್ಯಾನ್ಸರ್ (Breast Cancer) ಸೇರಿದಂತೆ ಇತರ ಕಾಯಿಲೆಗಳಿಗೆ ಹೆಚ್ಚಿನ ಅಪಾಯವನ್ನು ಹೊಂದಿರುತ್ತಾರೆ ಎಂದು ಸಂಶೋಧನೆಯೊಂದು ತಿಳಿಸಿದೆ.
ಸಿಚುವಾನ್ ವಿಶ್ವವಿದ್ಯಾನಿಲಯದ ವೆಸ್ಟ್ ಚೀನಾ ಆಸ್ಪತ್ರೆಯ ಕ್ಯಾನ್ಸರ್ ಕೇಂದ್ರದ ಸಂಶೋಧಕರು ಮೈಗ್ರೇನ್ ಮತ್ತು ಸ್ತನ ಕ್ಯಾನ್ಸರ್ ನಡುವಿನ ಸಂಭವನೀಯ ಅನುವಂಶಿಕ ಸಂಬಂಧವನ್ನು ಗುರುತಿಸಿದ್ದಾರೆ. ಮೈಗ್ರೇನ್ ಎಂಬುದು ನರವೈಜ್ಞಾನಿಕ ಸಮಸ್ಯೆಯಾಗಿದ್ದು, ಇದು ತೀವ್ರವಾದ ತಲೆನೋವು ಮತ್ತು ವ್ಯಕ್ತಿಯ ದೈನಂದಿನ ಜೀವನದ ಮೇಲೆ ಪರಿಣಾಮ ಬೀರುವ ಇತರ ರೋಗಲಕ್ಷಣಗಳನ್ನು ಉಂಟುಮಾಡುತ್ತದೆ.
ಇದನ್ನೂ ಓದಿ: Breast Cancer: ನಿಮ್ಮ ಚರ್ಮದ ಮೇಲಾಗುವ ಈ ಬದಲಾವಣೆ ಸ್ತನ ಕ್ಯಾನ್ಸರ್ ಲಕ್ಷಣಗಳಾಗಿರಬಹುದು ಎಚ್ಚರ!
ಮೈಗ್ರೇನ್ ತಲೆನೋವು ಅನುಭವಿಸುವ ಜನರು ಸ್ತನ ಕ್ಯಾನ್ಸರ್ ಸೇರಿದಂತೆ ಕೆಲವು ಕ್ಯಾನ್ಸರ್ಗಳ ಹೆಚ್ಚಿನ ಅಪಾಯವನ್ನು ಹೊಂದುತ್ತಾರೆ ಎಂದು ಹಿಂದಿನ ಸಂಶೋಧನೆಯು ಕಂಡುಹಿಡಿದಿದೆ. ಈಗ, ಚೀನಾದ ಸಿಚುವಾನ್ ವಿಶ್ವವಿದ್ಯಾನಿಲಯದ ವೆಸ್ಟ್ ಚೀನಾ ಆಸ್ಪತ್ರೆಯ ಕ್ಯಾನ್ಸರ್ ಕೇಂದ್ರದ ಸಂಶೋಧಕರು ಮೈಗ್ರೇನ್ ಮತ್ತು ಸ್ತನ ಕ್ಯಾನ್ಸರ್ ನಡುವಿನ ಸಂಭವನೀಯ ಆನುವಂಶಿಕ ಸಂಬಂಧವನ್ನು ಗುರುತಿಸಿದ್ದಾರೆ. ಈ ಅಧ್ಯಯನವನ್ನು ಇತ್ತೀಚೆಗೆ BMC ಕ್ಯಾನ್ಸರ್ ಜರ್ನಲ್‌ನಲ್ಲಿ ಪ್ರಕಟಿಸಲಾಗಿದೆ.
ಮೈಗ್ರೇನ್ ದಾಳಿಯು ದೈಹಿಕ ಆರೋಗ್ಯದ ಮೇಲೆ ಹೇಗೆ ಪರಿಣಾಮ ಬೀರುತ್ತದೆ?:
ಮೈಗ್ರೇನ್ ದಾಳಿಯು ತೀವ್ರವಾದ ತಲೆನೋವಿನ ಲಕ್ಷಣವನ್ನು ಹೊಂದಿರುತ್ತದೆ. ಇದು ಸಾಮಾನ್ಯವಾಗಿ ಒಂದು ನಿರ್ದಿಷ್ಟ ಪ್ರದೇಶದಲ್ಲಿ ಅಥವಾ ತಲೆಯ ಒಂದು ಭಾಗದಲ್ಲಿ ಹಿಂಡುವಂತಹ ನೋವನ್ನು ಉಂಟುಮಾಡಬಹುದು. ಈ ನೋವು ಕೆಲವು ಗಂಟೆಗಳಿಂದ ಕೆಲವು ದಿನಗಳವರೆಗೆ ಇರುತ್ತದೆ. ಇದರ ತೀವ್ರತೆಯಿಂದಾಗಿ ಮೈಗ್ರೇನ್ ಸಂಬಂಧಿತ ತಲೆನೋವು ಸಾಮಾನ್ಯವಾಗಿ ವಾಕರಿಕೆ, ವಾಂತಿ ಮುಂತಾದ ಲಕ್ಷಣಗಳನ್ನು ಹೊಂದಿರುತ್ತದೆ.
ಮೈಗ್ರೇನ್ ದಾಳಿಯ ಮೊದಲು ವ್ಯಕ್ತಿಯಲ್ಲಿ ಮೂಡ್ ಬದಲಾವಣೆಗಳು, ತಲೆತಿರುಗುವಿಕೆ, ಬಾಯಾರಿಕೆ, ಬೆಳಕು ಮತ್ತು ಧ್ವನಿಯನ್ನು ಕೇಳಿದರೆ ಹಿಂಸೆಯಾಗುವುದು ಮುಂತಾದ ಲಕ್ಷಣಗಳು ಉಂಟಾಗುತ್ತದೆ. ಸುಮಾರು ಶೇ. 25ರಷ್ಟು ಜನರು ಮೈಗ್ರೇನ್‌ನೊಂದಿಗೆ ಅವರು ನೋಡುವ, ಸ್ಪರ್ಶಿಸುವ ಮತ್ತು ಮಾತನಾಡುವ ಸಾಮರ್ಥ್ಯದ ಮೇಲೆ ಪರಿಣಾಮ ಬೀರುವ ತೊಂದರೆಗಳನ್ನು ಕೂಡ ಅನುಭವಿಸುತ್ತಾರೆ.
ಮೈಗ್ರೇನ್ ತಲೆನೋವನ್ನು ತಲೆಯ ಒಂದು ಅಥವಾ ಎರಡೂ ಬದಿಗಳಲ್ಲಿ ನೋವಿನಿಂದ ಗುರುತಿಸಲಾಗುತ್ತದೆ. ದಣಿವು, ತಲೆತಿರುಗುವಿಕೆ, ಏಕಾಗ್ರತೆಯ ತೊಂದರೆ, ದೇಹದಲ್ಲಿ ನೋವು ಮತ್ತು ಖಿನ್ನತೆ ಸೇರಿದಂತೆ ಹಲವು ರೋಗಲಕ್ಷಣಗಳೊಂದಿಗೆ ತಲೆನೋವು ಹೆಚ್ಚಾಗುತ್ತಾ ಹೋಗುತ್ತದೆ. ಮೈಗ್ರೇನ್ ಸಂವೇದನಾ ನರವ್ಯೂಹವನ್ನು ಹಾನಿಗೊಳಿಸಬಹುದು. ಮೈಗ್ರೇನ್ ತಲೆನೋವು ದೇಹದ ಸ್ವನಿಯಂತ್ರಿತ ನರಮಂಡಲದ ವಿಶ್ವಾಸಾರ್ಹ ಮೂಲವನ್ನು ಹಾನಿಗೊಳಿಸುತ್ತದೆ ಎಂದು ಮತ್ತೊಂದು ಅಧ್ಯಯನವು ಕಂಡುಹಿಡಿದಿದೆ. ಇದು ಉಸಿರಾಟ ಮತ್ತು ಹೃದಯ ಬಡಿತದಂತಹ ಸುಪ್ತಾವಸ್ಥೆಯ ಪ್ರಕ್ರಿಯೆಗಳನ್ನು ನಿಯಂತ್ರಿಸುತ್ತದೆ.
ಮೈಗ್ರೇನ್ ಮತ್ತು ಸ್ತನ ಕ್ಯಾನ್ಸರ್ ನಡುವಿನ ಸಂಬಂಧ:
ಮೈಗ್ರೇನ್ ಮತ್ತು ಸ್ತನ ಕ್ಯಾನ್ಸರ್ ನಡುವೆ ಏಕೆ ಸಂಬಂಧ ಇರಬಹುದು? ಮೈಗ್ರೇನ್ ಮತ್ತು ಸ್ತನ ಕ್ಯಾನ್ಸರ್ ಎರಡೂ ಈಸ್ಟ್ರೊಜೆನ್ ಮಟ್ಟದಲ್ಲಿನ ಬದಲಾವಣೆಗಳೊಂದಿಗೆ ಸಂಬಂಧ ಹೊಂದಿವೆ. ಹೆಚ್ಚಿನ ಈಸ್ಟ್ರೊಜೆನ್ ಮಟ್ಟಗಳು ವ್ಯಕ್ತಿಯ ಸ್ತನ ಕ್ಯಾನ್ಸರ್ ಅಪಾಯವನ್ನು ಹೆಚ್ಚಿಸಬಹುದು. ಇದಲ್ಲದೆ, ಮಹಿಳೆಯರಲ್ಲಿ ಮೈಗ್ರೇನ್ ದಾಳಿಯ ತೀವ್ರತೆ ಮತ್ತು ಆವರ್ತನವು ಅವರ ಋತುಚಕ್ರ, ಋತುಬಂಧದ ಹಂತ ಅಥವಾ ಗರ್ಭಾವಸ್ಥೆಯಲ್ಲಿ ಈಸ್ಟ್ರೊಜೆನ್ ಮಟ್ಟವನ್ನು ಬದಲಾಯಿಸುವ ಅಂಶಗಳಿಂದ ಪ್ರಭಾವಿತವಾಗಿರುತ್ತದೆ.
ಇದನ್ನೂ ಓದಿ: ಸ್ತನ ಕ್ಯಾನ್ಸರ್ ಬಗ್ಗೆ ಇರುವ 15 ತಪ್ಪು ಕಲ್ಪನೆಗಳಿವು
ಕಳೆದ ಕೆಲವು ವರ್ಷಗಳಿಂದ, ಮೈಗ್ರೇನ್ ಮತ್ತು ಸ್ತನ ಕ್ಯಾನ್ಸರ್ ನಡುವಿನ ಸಂಭಾವ್ಯ ಸಂಪರ್ಕವನ್ನು ನೋಡುವ ಹಲವಾರು ಅಧ್ಯಯನಗಳು ನಡೆದಿವೆ. ಆದರೆ, ಅದರ ಫಲಿತಾಂಶಗಳು ಮಿಶ್ರಿತವಾಗಿವೆ. ಏಪ್ರಿಲ್ 2023ರಲ್ಲಿ ಪ್ರಕಟವಾದ ಅಧ್ಯಯನವು ಮೈಗ್ರೇನ್ ಹೊಂದಿರುವ ಮಹಿಳೆಯರು ಸ್ತನ ಕ್ಯಾನ್ಸರ್ನ ಕೆಲವು ಲಕ್ಷಣಗಳನ್ನು ಹೊಂದುವ ಹೆಚ್ಚಿನ ಅಪಾಯವನ್ನು ಹೊಂದಿದ್ದಾರೆ ಎಂದು ಕಂಡುಹಿಡಿದಿದೆ.
ಡಿಸೆಂಬರ್ 2018ರಲ್ಲಿ ಪ್ರಕಟವಾದ ಅಧ್ಯಯನವು, ಪ್ರತಿ ವರ್ಷ ಮೈಗ್ರೇನ್‌ನಿಂದ 4ಕ್ಕಿಂತ ಹೆಚ್ಚು ಬಾರಿ ಚಿಕಿತ್ಸೆಗೆ ಬರುವ ಮಹಿಳೆಯರಿಗೆ ಸ್ತನ ಕ್ಯಾನ್ಸರ್ನ ಹೆಚ್ಚಿನ ಅಪಾಯವಿದೆ ಎಂದು ಕಂಡುಹಿಡಿದಿದೆ.
ಇನ್ನಷ್ಟು ಆರೋಗ್ಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
Published On - 1:03 pm, Fri, 9 February 24
