Oral Hygiene: ನಿಮ್ಮ ಹಲ್ಲುಗಳ ಆರೋಗ್ಯಕ್ಕಾಗಿ ಈ ಅಭ್ಯಾಸವನ್ನು ರೂಢಿಸಿಕೊಳ್ಳಿ
ನೀವು ಬಾಯಿಯ ನೈರ್ಮಲ್ಯವನ್ನು ಕಾಪಾಡುವುದನ್ನು ನಿರ್ಲಕ್ಷ್ಯಿಸಿದರೆ, ಹೃದಯ ಸಮಸ್ಯೆಗಳಾದ ಸಾಂಕ್ರಾಮಿಕ ಎಂಡೋಕಾರ್ಡಿಟಿಸ್, ಶ್ವಾಸಕೋಶದ ತೊಂದರೆಗಳು ಮತ್ತು ಇತರ ಅನೇಕ ಸಮಸ್ಯೆಗಳಿಗೆ ಕಾರಣವಾಗಬಹುದು ಎಂದು ಸಂಶೋಧನೆ ತೋರಿಸಿದೆ.
ಸಾಂದರ್ಭಿಕ ಚಿತ್ರ
Image Credit source: NDTV
ಹಲ್ಲುಗಳ ವಿಚಾರಕ್ಕೆ ಬಂದಾಗ ಸ್ವಚ್ಚತೆ ಅತ್ಯಂತ ಅಗತ್ಯವಾಗಿರುತ್ತದೆ. ಕೀಟಾಣುಗಳಿಂದ ನಿಮ್ಮ ಹಲ್ಲನ್ನು ಕಾಪಾಡಲು ಬಾಯಿಯ ನೈರ್ಮಲ್ಯವನ್ನು ಕಾಪಾಡುವುದು ತುಂಬಾ ಮುಖ್ಯ. ನೀವು ಬಾಯಿಯ ನೈರ್ಮಲ್ಯವನ್ನು ಕಾಪಾಡುವಲ್ಲಿ ನಿರ್ಲಕ್ಷ್ಯಿಸಿದರೆ, ಹೃದಯ ಸಮಸ್ಯೆಗಳಾದ ಸಾಂಕ್ರಾಮಿಕ ಎಂಡೋಕಾರ್ಡಿಟಿಸ್, ಶ್ವಾಸಕೋಶದ ತೊಂದರೆಗಳು ಮತ್ತು ಇತರ ಅನೇಕ ಸಮಸ್ಯೆಗಳಿಗೆ ಕಾರಣವಾಗಬಹುದು ಎಂದು ಸಂಶೋಧನೆ ತೋರಿಸಿದೆ.
ಆರೋಗ್ಯಕರ ಬಾಯಿಯನ್ನು ಕಾಪಾಡಿಕೊಳ್ಳಲು ಕೆಲವು ಅಗತ್ಯ ಸಲಹೆಗಳು:
- ಪ್ರತಿ 6-8 ತಿಂಗಳಿಗೊಮ್ಮೆ ದಂತವೈದ್ಯರ ಭೇಟಿ ಮಾಡಿ ಪರೀಕ್ಷಿಸುವುದು ಅಗತ್ಯವಾಗಿದೆ.
- ಅಧಿಕ ಪ್ರಮಾಣದ ಸಕ್ಕರೆಯಿರುವ ಆಹಾರ ಮತ್ತು ಪಾನೀಯಗಳನ್ನು ಸೇವಿಸುವುದನ್ನು ಕಡಿಮೆ ಮಾಡಿ. ದಿನಕ್ಕೆ ಕನಿಷ್ಠ 2 ಬಾರಿ ಬ್ರಶ್ ಮಾಡಿ ಮತ್ತು ನಿಮ್ಮ ನಾಲಿಗೆಯನ್ನು ಸ್ವಚ್ಛಗೊಳಿಸಲು ಮರೆಯಬೇಡಿ.
- ಅಧಿಕ ಕೆಮಿಕಲ್ ಇಲ್ಲದೇ ಇರುವ ಅಥವಾ ಆರ್ಯುವೇದದ ಟೂತ್ಪೇಸ್ಟ್ಗಳನ್ನು ಬಳಸಿ. ಜೊತೆಗೆ ಪ್ರತಿ 3 ತಿಂಗಳಿಗೊಮ್ಮೆ ನಿಮ್ಮ ಹಲ್ಲುಜ್ಜುವ ಬ್ರಶ್ ಬದಲಿಸಿ.
- ಒಂದು ಬಾರಿ ಟೂತ್ಪೇಸ್ಟ್ ಬಳಸುವಾಗ , ಬಟಾಣಿ ಗಾತ್ರದಷ್ಟೇ ಟೂತ್ಪೇಸ್ಟ್. ಹೆಚ್ಚು ಹೆಚ್ಚು ಟೂತ್ಪೇಸ್ಟ್ ಬಳಸಿದಂತೆ ಹಲ್ಲುಗಳು ಹಾನಿಗೊಳ್ಳುವ ಸಾಧ್ಯತೆ ಹೆಚ್ಚಿದೆ.
- ಪ್ರತಿ ಬಾರಿ ಊಟದ ನಂತರ ಬಾಯಿಯನ್ನು ತೊಳೆಯಿರಿ. ಯಾಕೆಂದರೆ ಆಹಾರಗಳು ನಿಮ್ಮ ಹಲ್ಲುಗಳ ಮಧ್ಯೆ ಸಿಲುಕಿ ಬ್ಯಾಕ್ಟೀರಿಯಾಗಳು ಹೆಚ್ಚಾಗಲು ಕಾರಣವಾಗಬಹುದು.
- ತಂಬಾಕು, ಸಿಗರೇಟ್ಗಳಿಂದ ದೂರವಿರಿ.
- ಹಲ್ಲಿನ ನೈರ್ಮಲ್ಯದಲ್ಲಿ ಆರೋಗ್ಯಕರ ಆಹಾರವು ಬಹಳ ಮುಖ್ಯವಾಗಿದೆ. ಹಣ್ಣುಗಳು ಮತ್ತು ತರಕಾರಿಗಳಿಗೆ ಆದ್ಯತೆ ನೀಡಿ.
- ಬಾಯಿಯಿಂದ ಉಳಿದ ಆಹಾರವನ್ನು ತೆಗೆದುಹಾಕಲು ಮೌತ್ವಾಶ್ ಸಹ ಬಳಸಬಹುದು.
ಜೀವನಶೈಲಿಗೆ ಸಂಬಂಧಿಸಿದ ಇನ್ನಷ್ಟು ಸುದ್ದಿಗಾಗಿ ಇಲ್ಲಿ ಕ್ಲಿಕ್ ಮಾಡಿ:
Published On - 3:49 pm, Wed, 8 February 23
Follow Us