Personality Test: ನಿಮ್ಮ ಆತ್ಮವಿಶ್ವಾಸದ ಕೀಲಿಕೈ ಯಾವುದೆಂದು ಈ ಚಿತ್ರವೇ ಬಹಿರಂಗಪಡಿಸುತ್ತದೆ
ಆಪ್ಟಿಕಲ್ ಇಲ್ಯೂಷನ್ ಚಿತ್ರಗಳು ಮೆದುಳಿಗೆ ಕೆಲಸ ನೀಡುವ, ಬುದ್ಧಿವಂತಿಕೆಗೆ ಸವಾಲೊಡ್ಡುವ ಮೋಜಿನ ಒಗಟಿನ ಆಟ ಮಾತ್ರವಲ್ಲದೆ ಇದು ವ್ಯಕ್ತಿತ್ವ ಪರೀಕ್ಷೆಯ ಒಂದು ವಿಧ ಕೂಡಾ ಹೌದು. ಈ ಆಪ್ಟಿಕಲ್ ಇಲ್ಯೂಷನ್ ಚಿತ್ರದ ಮೂಲಕ ನಮ್ಮ ಗುಪ್ತ ಭಾವನೆಗಳು, ಗುಣ ಲಕ್ಷಣ, ಸ್ವಭಾವದ ಬಗ್ಗೆ ತಿಳಿಯಬಹುದಾಗಿದೆ. ಇಲ್ಲೊಂದು ಅದೇ ರೀತಿಯ ಚಿತ್ರವೊಂದು ವೈರಲ್ ಆಗಿದ್ದು, ಅದರಲ್ಲಿ ನೀವು ಮೊದಲು ಯಾವ ಅಂಶವನ್ನು ಗಮನಿಸುತ್ತೀರಿ ಎಂಬುದರ ಆಧಾರದ ಮೇಲೆ ನಿಮ್ಮ ಆತ್ಮವಿಶ್ವಾಕ್ಕೆ ಮುಖ್ಯ ಕಾರಣ ಏನು ಎಂಬುದನ್ನು ಪರೀಕ್ಷಿಸಿ.
ಆತ್ಮವಿಶ್ವಾಸ (confidence) ಎನ್ನುವಂತಹದ್ದು ಪ್ರತಿಯೊಬ್ಬರಲ್ಲೂ ಇರಲೇಬೇಕಾದ ಮುಖ್ಯ ಗುಣ. ನಮ್ಮ ಮೇಲೆ ನಮಗೆಯೇ ನಂಬಿಕೆ, ವಿಶ್ವಾಸ ಇಲ್ಲದಿದ್ದರೆ ನಾವು ಜೀವನದಲ್ಲಿ ಏನನ್ನೂ ಸಾಧಿಸಲು ಸಾಧ್ಯವಿಲ್ಲ. ಹೀಗೆ ಎಲ್ಲರಿಗೂ ಒಂದಲ್ಲಾ ಒಂದು ರೀತಿ ಕಾನ್ಫಿಡೆನ್ಸ್ ಅನ್ನೋದು ಇದ್ದೇ ಇರುತ್ತದೆ. ನೀವು ನಿಮ್ಮ ಆತ್ಮವಿಶ್ವಾಸದ ಮೂಲ ಯಾವುದು, ಯಾವ ಕಾರಣದಿಂದ ನೀವು ಆತ್ವವಿಶ್ವಾಸವನ್ನು ಬೆಳೆಸಿಕೊಂಡಿದ್ದೀರಿ ಎಂಬುದನ್ನು ತಿಳಿದುಕೊಳ್ಳಬೇಕಾ? ಹಾಗಿದ್ರೆ ಈ ಆಪ್ಟಿಕಲ್ ಇಲ್ಯೂಷನ್ ಚಿತ್ರ ನಿಮಗೆ ಸಹಾಯವಾಗಲಿದೆ. ಹೌದು ಈ ಚಿತ್ರದಲ್ಲಿ ನೀವು ಮೊದಲು ಗಮನಿಸುವ ಅಂಶದ ಮುಖಾಂತರ ನಿಮ್ಮ ಆತ್ವವಿಶ್ವಾಸದ ಕೀಲಿಕೈ ಯಾವುದೆಂಬುದನ್ನು ಕ್ಷಣ ಮಾತ್ರದಲ್ಲಿ ತಿಳಿದುಕೊಳ್ಳಿ.
ನಿಮ್ಮ ಆತ್ವವಿಶ್ವಾಸದ ಬಗ್ಗೆ ಸಾಕಷ್ಟು ಹೇಳುತ್ತೆ ಈ ಚಿತ್ರ:
ಈ ನಿರ್ದಿಷ್ಟ ಆಪ್ಟಿಕಲ್ ಇಲ್ಯೂಷನ್ ಪರ್ಸನಾಲಿಟಿ ಟೆಸ್ಟನ್ನು ಮರೀನಾ ವಿನ್ಬರ್ಗ್ (marina_neuralean) ಎಂಬವರು ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ಈ ಚಿತ್ರದಲ್ಲಿ ಮುಖ, ಮರ ಮತ್ತು ಪಕ್ಷಿ ಈ ಮೂರು ಅಂಶಗಳಿದ್ದು, ಇದರಲ್ಲಿ ಮೊದಲು ನಿಮಗ್ಯಾವ ಅಂಶ ಕಾಣಿಸಿತು ಎಂಬುದರ ಆಧಾರದ ಮೇಲೆ ನೀವು ನಿಮ್ಮ ಆತ್ವವಿಶ್ವಾಸ, ಶಕ್ತಿಯ ಮೂಲದ ಬಗ್ಗೆ ತಿಳಿಯಿರಿ.
ಮೊದಲು ಮುಖವನ್ನು ನೋಡಿದರೆ: ಈ ನಿರ್ದಿಷ್ಟ ಆಪ್ಟಿಕಲ್ ಇಲ್ಯೂಷನ್ ಚಿತ್ರದಲ್ಲಿ ನೀವು ಮೊದಲು ಮುಖವನ್ನು ನೋಡಿದರೆ ನಿಮ್ಮ ಶಕ್ತಿ, ಆತ್ವವಿಶ್ವಾಸ ಸಾಮಾಜಿಕ ಸಂಪರ್ಕಗಳು ಮತ್ತು ಇತರರಿಂದ ಬೆಂಬಲದಲ್ಲಿದೆ ಎಂದರ್ಥ. ನೀವು ಆಂತರಿಕ ಸ್ಥಿರತೆಯನ್ನು ಪಡೆಯಲು ಕಾಳಜಿ ಮತ್ತು ಮನ್ನಣೆಯನ್ನು ಸ್ವೀಕರಿಸುವ ಸಾಮರ್ಥ್ಯವನ್ನು ಅಭಿವೃದ್ಧಿಪಡಿಸುವುದು ಬಹಳ ಮುಖ್ಯ ಎನ್ನುತ್ತಾರೆ ಮರೀನಾ ವಿನ್ಬರ್ಗ್.
ವಿಡಿಯೋ ಇಲ್ಲಿದೆ ನೋಡಿ:
ಮೊದಲು ಮರವನ್ನು ನೋಡಿದರೆ: ಈ ನಿರ್ದಿಷ್ಟ ಆಪ್ಟಿಕಲ್ ಇಲ್ಯೂಷನ್ ಚಿತ್ರದಲ್ಲಿ ನೀವು ಮೊದಲು ಮರವನ್ನು ಗಮನಿಸಿದರೆ ನಿಮ್ಮ ಆತ್ಮವಿಶ್ವಾಸ ಮತ್ತು ಶಕ್ತಿ ನಿಮ್ಮ ವೈಯಕ್ತಿಕ ಬೆಳವಣಿಗೆ, ಸಾಧನೆಗಳು ಮತ್ತು ಬಲವಾದ ಮೌಲ್ಯಗಳ ಮೇಲೆ ನಿರ್ಮಿತವಾಗಿದೆ ಎಂದರ್ಥ. ನೀವು ಪ್ರಜ್ಞಾಪೂರ್ವಕವಾಗಿ ಗುರಿಗಳನ್ನು ಹೊಂದಿಸುವುದು, ಜೀವನದ ಸರಿಯಾದ ಅಡಿಪಾಯವನ್ನು ನಿರ್ಮಿಸುವುದು ಅತ್ಯಗತ್ಯ ಎನ್ನುತ್ತಾರೆ ಮರೀನಾ ವಿನ್ಬರ್ಗ್.
ಇದನ್ನೂ ಓದಿ: ನೀವು ಭಾವನಾತ್ಮಕವಾಗಿ ಎಷ್ಟು ಬಲಶಾಲಿಗಳು ಎಂಬುದನ್ನು ಈ ಚಿತ್ರದ ಮೂಲಕ ತಿಳಿಯಿರಿ
ಮೊದಲು ಪಕ್ಷಿಯನ್ನು ನೋಡಿದರೆ: ಈ ನಿರ್ದಿಷ್ಟ ಚಿತ್ರದಲ್ಲಿ ನೀವು ಮೊದಲು ಪಕ್ಷಿಯನ್ನು ನೋಡಿದರೆ, ನಿಮ್ಮ ಆತ್ವವಿಶ್ವಾಸ, ಶಕ್ತಿ ಎನ್ನುವಂತಹದ್ದು ಬದಲಾವಣೆ ಮತ್ತು ಸ್ವಾತಂತ್ರ್ಯದ ಮೇಲೆ ನಿರ್ಮಿತವಾಗಿದೆ ಎಂದರ್ಥ. ನೀವು ಸ್ವಾತಂತ್ರ್ಯದ ಮೂಲಕ ಸ್ಥಿರತೆಯನ್ನು ಬಯಸುವ ವ್ಯಕ್ತಿಗಳಾಗಿದ್ದೀರಿ. ನಿಮ್ಮ ಆತ್ಮವಿಶ್ವಾಸವನ್ನು ರೂಪಿಸಿಕೊಳ್ಳುವಾಗ, ಸ್ವಾತಂತ್ರ್ಯ ಮತ್ತು ವೈಯಕ್ತಿಕ ಜವಾಬ್ದಾರಿಯನ್ನು ಸಮತೋಲನಗೊಳಿಸುವ ಬಗ್ಗೆ ಮರೆಯದಿರಿ ಎನ್ನುತ್ತಾರೆ ಮರೀನಾ ವಿನ್ಬರ್ಗ್.
ಜೀವನಶೈಲಿ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ