Relationship Tips : ನಿಮ್ಮ ಸಂಗಾತಿ ನಿಮಗೆ ಮೋಸ ಮಾಡುತ್ತಿದ್ದಾರೆಯೇ? ಹಾಗಾದ್ರೆ ಹೀಗೆ ತಿಳಿದುಕೊಳ್ಳಿ

ಸಂಬಂಧಗಳು ಬಹಳ ಸೂಕ್ಷ್ಮವಾದುದು. ಯಾವುದೇ ಸಂಬಂಧಗಳಿರಲಿ ಅದನ್ನು ಬಹಳ ಕಾಳಜಿಯುತವಾಗಿ ನಿಭಾಯಿಸಿಕೊಂಡು ಹೋಗುವ ಜಾಣ್ಮೆಯಿರಲೇಬೇಕು. ಕೆಲವೊಮ್ಮೆ ಸಂಗಾತಿಯು ಬೇರೆ ವ್ಯಕ್ತಿಯತ್ತ ಆಕರ್ಷಿತರಾಗುತ್ತಾರೆ. ಅವರ ಈ ವರ್ತನೆ ಹಾಗೂ ನಡವಳಿಕೆಯಿಂದಲೇ ಸಂಬಂಧಗಳು ಹಾಳಾಗುತ್ತದೆ. ಈ ದಂಪತಿಗಳ ನಡುವೆ ವೈಮನಸ್ಸು ಮೂಡಲು, ಸಂಬಂಧವು ಹಾಳಾಗಲು ಇದೇ ಪ್ರಮುಖ ಕಾರಣವಾಗುತ್ತದೆ. ಹೀಗಾಗಿ ದಾಂಪತ್ಯ ಜೀವನದಲ್ಲಿ ತನ್ನ ಸಂಗಾತಿಯು ತನಗೆ ಮೋಸ ಮಾಡುತ್ತಿದ್ದಾರೆಯೇ ತಿಳಿಯಲು ಆ ವ್ಯಕ್ತಿಯಲ್ಲಿ ಈ ಬದಲಾವಣೆಗಳು ಇವೆಯೇ ಎಂದು ಒಮ್ಮೆ ಪರೀಕ್ಷಿಸಿ.

• ವೈಯುಕ್ತಿಕ ಅಂತರ ಕಾಯ್ದುಕೊಳ್ಳುವುದು : ದ್ರೋಹ ಅಥವಾ ಮೋಸ ಮಾಡುತ್ತಿರುವ ಸಂಗಾತಿಯ ನಡವಳಿಕೆಯಲ್ಲಿ ಈ ಬದಲಾವಣೆಗಳನ್ನು ಗಮನಿಸಬಹುದು. ಹೆಚ್ಚು ಸಮಯ ಕಳೆಯುತ್ತಿದ್ದ ವ್ಯಕ್ತಿಯು ಏಕಾಏಕಿ ಅಂತರವನ್ನು ಕಾಯ್ದುಕೊಳ್ಳುವುದು. ಸಂಗಾತಿಯೊಂದಿಗೆ ಮಾತನಾಡಲು ಇಷ್ಟ ಪಡದೇ ಇರುವುದು. ಪತಿ ಅಥವಾ ಪತ್ನಿಯು ಮಾತನಾಡಿದರೆ ಸಿಡುಕುವುದು, ಕಿರುಚುವಂತಹ ವರ್ತನೆಗಳು ಈ ಸಂಬಂಧದಲ್ಲಿ ಇಷ್ಟವಿಲ್ಲ ಎನ್ನುವುದು ತೋರಿಸುತ್ತದೆ.
• ವಿಚಾರಗಳನ್ನು ಮುಚ್ಚಿಡುವ ಪ್ರಯತ್ನಗಳು : ದಾಂಪತ್ಯ ಜೀವನದಲ್ಲಿ ಯಾವುದೇ ಮುಚ್ಚುಮರೆ ಮಾಡದ ವ್ಯಕ್ತಿಯು ಪ್ರಾಮಾಣಿಕವಾಗಿದ್ದಾನೆ ಎಂದು ಸೂಚಿಸುತ್ತದೆ. ಆದರೆ ಸೋಶಿಯಲ್ ಮೀಡಿಯಾದಲ್ಲಿ ಡಿಲೀಟ್ ಮಾಡಿರುವಂತಹ ಮೆಸೇಜ್ ಗಳು, ಪದೇ ಪದೇ ಫೋನ್ ಕರೆಗಳು ಬರುತ್ತಿರುವುದು ಸಂಬಂಧದಲ್ಲಿ ಪ್ರಾಮಾಣಿಕವಾಗಿಲ್ಲ. ಫೋನ್ ಗೆ ಪಾಸ್ ವರ್ಡ ಹಾಗೂ ಲಾಕ್ ಗಳನ್ನು ಹಾಕಿರುವುದು ಸಂಗಾತಿಯು ಏನನ್ನೋ ಮುಚ್ಚಿಡುತ್ತಿದ್ದಾನೆ ಎನ್ನುವುದನ್ನು ಅರ್ಥ ಮಾಡಿಕೊಳ್ಳಬಹುದು.
• ಯಾವಾಗಲೂ ಫೋನ್ ಅಥವಾ ಮೆಸೇಜ್ ನಲ್ಲೇ ಮುಳುಗಿರುವುದು : ದಾಂಪತ್ಯ ಜೀವನದಲ್ಲಿ ಇಬ್ಬರೂ ಜೊತೆಗೆ ಇದ್ದರೂ ಕೂಡ ಆತ್ಮೀಯತೆ ಇರುವುದಿಲ್ಲ. ನಿಮ್ಮ ಸಂಗಾತಿಯು ಹೆಚ್ಚು ಸಮಯ ಫೋನ್ ನಲ್ಲೇ ಕಳೆಯುತ್ತಿರುವುದು. ಫೋನ್ ಬಗ್ಗೆ ವಿಪರೀತ ಒಲವು ಬೆಳೆಸಿಕೊಂಡಿದ್ದರೆ ಬೇರೆ ವ್ಯಕ್ತಿಯ ಸಹವಾಸವನ್ನು ಬೆಳೆಸಿದ್ದಾನೆ. ಅದಲ್ಲದೇ ನೀವೇನಾದರೂ ಸಂಗಾತಿಯ ಫೋನ್ ಮುಟ್ಟಿದ್ದರೆ ರೇಗಾಡುವುದು ಹಾಗೂ ಪಾಸ್ ವರ್ಡ್ ಕೇಳಿದರೆ ವಿಷಯವನ್ನು ಬೇರೆಡೆಗೆ ತಿರುಗಿಸುವಂತಹ ವರ್ತನೆಗಳು ಇವೆಯೇ ಎಂದು ಗಮನಿಸಿ. ಈ ಎಲ್ಲಾ ನಡವಳಿಕೆಗಳು ಆ ವ್ಯಕ್ತಿಯಲ್ಲಿ ಕಾಣಿಸಿಕೊಂಡರೆ ದಾಂಪತ್ಯ ಜೀವನವು ದಿಕ್ಕುತಪ್ಪುತ್ತಿದೆ ಎಂದು ಅರ್ಥ ಮಾಡಿಕೊಳ್ಳಿ.
• ದೈಹಿಕ ಆಪ್ತತೆ ಇಲ್ಲದಿರುವುದು : ಪ್ರೀತಯಿಂದ ಸಂಗಾತಿಯೊಂದಿಗೆ ಮಾತನಾಡಲು ಹೋದರೆ ಮಾತಿನಲ್ಲಿ ಯಾವುದೇ ಆಸಕ್ತಿಯು ತೋರುವುದಿಲ್ಲ. ಹತ್ತಿರ ಹೋದರೂ ಸಂಗಾತಿಯು ನಿಮ್ಮನ್ನು ದೂರವಿಡಲು ಪ್ರಯತ್ನಿಸುತ್ತಿದ್ದಾರೆ ಎಂದರೆ ಆ ಬಗ್ಗೆ ಹೆಚ್ಚು ಗಮನ ಹರಿಸಿ. ಇದು ದೈಹಿಕ ಆಪ್ತತೆಯು ಕಡಿಮೆಯಾಗಿದೆ ಎನ್ನುವುದನ್ನು ಸೂಚಿಸುತ್ತದೆ. ನಿಮ್ಮ ಸಂಗಾತಿಯಲ್ಲಿ ಕಿರಿಕಿರಿಯ ಭಾವನೆ, ದೈಹಿಕ ಅಂತರ ಕಾಯ್ದುಕೊಂಡರೆ ಸಂಬಂಧದಲ್ಲಿ ಪ್ರಾಮಾಣಿಕವಾಗಿಲ್ಲ ಎನ್ನುವುದು ಅರಿತುಕೊಳ್ಳಿ. ಸಾಧ್ಯವಾದರೆ ಈ ಬಗ್ಗೆ ಇಬ್ಬರೂ ಕುಳಿತು ಮುಕ್ತವಾಗಿ ಮಾತನಾಡಿ ಸಂಬಂಧವನ್ನು ಸರಿ ಪಡಿಸಿಕೊಂಡರೆ ಉತ್ತಮ.

ಜೀವನಶಶೈಲಿ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ