Smallest Country: ನೀವು ಕೇವಲ 40 ನಿಮಿಷಗಳಲ್ಲಿ ಭೇಟಿ ನೀಡಬಹುದಾದ ವಿಶ್ವದ ಚಿಕ್ಕ ದೇಶ

ಇದುವರೆಗೆ ನೀವು ಜಗತ್ತಿನ ಅನೇಕ ಸಣ್ಣ ಅಥವಾ ದೊಡ್ಡ ದೇಶಗಳ ಬಗ್ಗೆ ಕೇಳಿರಬಹುದು ಅಥವಾ ನೋಡಿರಬಹುದು. ಆದರೆ ನೀವು ಕೇವಲ 30 ರಿಂದ 40 ನಿಮಿಷಗಳಲ್ಲಿ ಭೇಟಿ ನೀಡಬಹುದಾದ ವಿಶ್ವದ ಅತ್ಯಂತ ಚಿಕ್ಕ ದೇಶದ ಬಗ್ಗೆ ನಿಮಗೆ ತಿಳಿದಿದೆಯೇ? ಹೌದು, ಕೇವಲ ಅರ್ಧ ಗಂಟೆಯಲ್ಲಿ ನೀವು ಭೇಟಿ ನೀಡಬಹುದಾದ ಇಂತಹ ದೇಶವೂ ಕೂಡ ಇದೆ ಎಂದು ತಿಳಿದರೆ ಬಹುಶಃ ನೀವು ಆಶ್ಚರ್ಯ ಪಡುತ್ತೀರಿ. ಆದ್ದರಿಂದ ಈ ಪುಟ್ಟ ದೇಶದ ಬಗ್ಗೆಗಿನ ಸಂಪೂರ್ಣ ಮಾಹಿತಿಯನ್ನು ಇಲ್ಲಿ ತಿಳಿದುಕೊಳ್ಳಿ.

ಯುರೋಪಿಯನ್ ಖಂಡದಲ್ಲಿರುವ ವ್ಯಾಟಿಕನ್ ವಿಶ್ವದ ಅತ್ಯಂತ ಚಿಕ್ಕ ದೇಶವಾಗಿದೆ. ಈ ದೇಶದ ವಿಸ್ತೀರ್ಣ ಕೇವಲ 44 ಹೆಕ್ಟೇರ್ ಅಂದರೆ ಸುಮಾರು 108 ಎಕರೆ. ಇಟಲಿಯ ರಾಜಧಾನಿ ರೋಮ್‌ನಲ್ಲಿರುವ ಈ ದೇಶದ ಜನಸಂಖ್ಯೆಯು 1000 ಕ್ಕಿಂತ ಕಡಿಮೆಯಿದೆ. ರೋಮ್ ನಗರದಲ್ಲಿ ನೆಲೆಗೊಂಡಿರುವ ಈ ದೇಶದ ಜನರು ಲ್ಯಾಟಿನ್ ಭಾಷೆಯಲ್ಲಿ ಮಾತನಾಡುತ್ತಾರೆ.

ಇದನ್ನೂ ಓದಿ: ಭಾರತದ ಈ 5 ತಾಣಗಳಲ್ಲಿ ಕಡಿಮೆ ಬಜೆಟ್‌ನಲ್ಲಿ ಹೊಸ ವರ್ಷ ಆಚರಿಸಿ

ವ್ಯಾಟಿಕನ್ ನಗರವು ಕ್ಯಾಥೋಲಿಕ್ ಕ್ರಿಶ್ಚಿಯನ್ ಸಮುದಾಯದ ಜನರ ಧಾರ್ಮಿಕ ಮತ್ತು ಸಾಂಸ್ಕೃತಿಕ ತಾಣವಾಗಿದೆ. ನೀವು ವ್ಯಾಟಿಕನ್ ಸಿಟಿಯಲ್ಲಿರುವ ಸೇಂಟ್ ಪೀಟರ್ಸ್ ಬೆಸಿಲಿಕಾವನ್ನು ಸಹ ಭೇಟಿ ಮಾಡಬಹುದು. ಇದನ್ನು ಇಟಾಲಿಯನ್ ಭಾಷೆಯಲ್ಲಿ ವ್ಯಾಟಿಕನ್‌ನಲ್ಲಿ ಬೆಸಿಲಿಕಾ ಡಿ ಸ್ಯಾನ್ ಪಿಯೆಟ್ರೋ ಎಂದು ಕರೆಯಲಾಗುತ್ತದೆ. ಕ್ಯಾಥೋಲಿಕ್ ಸಂಪ್ರದಾಯದ ಪ್ರಕಾರ, ಈ ದೊಡ್ಡ ಚರ್ಚ್ ಅನ್ನು ಸೇಂಟ್ ಪೀಟರ್ ಸಮಾಧಿ ಮಾಡಿದ ಸ್ಥಳವೆಂದು ಪರಿಗಣಿಸಲಾಗಿದೆ. ಅವನು ಯೇಸುವಿನ 12 ಅಪೊಸ್ತಲರಲ್ಲಿ ಒಬ್ಬನಾಗಿದ್ದನು. ಸೇಂಟ್ ಪೀಟರ್ಸ್ ಬೆಸಿಲಿಕಾದ ಸಂಕೀರ್ಣದಲ್ಲಿ ಸುಮಾರು 100 ಸಮಾಧಿಗಳಿವೆ ಮತ್ತು ಈ ಸ್ಥಳವು ವಿಶೇಷವಾಗಿ ಯಾತ್ರಾ ಸ್ಥಳವಾಗಿ ಪ್ರಸಿದ್ಧವಾಗಿದೆ. ನೀವು ಏಪ್ರಿಲ್ ನಿಂದ ಸೆಪ್ಟೆಂಬರ್ ವರೆಗೆ ಈ ಸ್ಥಳಕ್ಕೆ ಭೇಟಿ ನೀಡಬಹುದು.

ಕ್ರಿಸ್ಮಸ್ ಸಂಭ್ರಮ:

ಕ್ರಿಸ್‌ಮಸ್ ಸಮಯದಲ್ಲಿ ವ್ಯಾಟಿಕನ್ ನಗರವನ್ನು ನೋಡುವುದೇ ಕಣ್ಣಿಗೊಂದು ಹಬ್ಬ. ವ್ಯಾಟಿಕನ್ ಸಿಟಿಯ ಧಾರ್ಮಿಕ ಪ್ರಾಮುಖ್ಯತೆಯಿಂದಾಗಿ, ಕ್ರಿಸ್‌ಮಸ್‌ನಲ್ಲಿ ಜನರು ಇಲ್ಲಿ ಸೇರುತ್ತಾರೆ. ಇಲ್ಲಿನ ಕ್ರಿಸ್‌ಮಸ್‌ ಸಂಭ್ರಮವನ್ನು ನೋಡಲು ಬೇರೆ ದೇಶಗಳಿಂದ ಪ್ರವಾಸಿಗರು ಇಲ್ಲಿಗೆ ಬರುತ್ತಾರೆ.

ಜೀವನಶೈಲಿಗೆ ಸಂಬಂಧಿಸಿದ ಇನ್ನಷ್ಟು ಸುದ್ದಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ: