ಕಾಲಜನ್ ಸಮೃದ್ಧ ಆಹಾರಗಳು ಯಾವವು? ಇದರಿಂದ ಸಿಗುವ ಪ್ರಯೋಜನಗಳೇನು?

ಕಾಲಜನ್ (Collagen) ನಮ್ಮ ದೇಹದಲ್ಲಿ ಹೇರಳವಾಗಿ ಕಂಡು ಬರುವ ನೈಸರ್ಗಿಕ ಪ್ರೋಟೀನ್ ಆಗಿದ್ದು,ಚರ್ಮದ ರಚನೆ ಮತ್ತು ಅದಕ್ಕೆ ಶಕ್ತಿಯನ್ನು ಒದಗಿಸುವುದರ ಜೊತೆಗೆ ಚರ್ಮವನ್ನು ರಕ್ಷಿಸುವ ಕೆಲಸ ಮಾಡುತ್ತದೆ. ಕಾಲಜನ್ ಸರಿಯಾದ ಪ್ರಮಾಣದಲ್ಲಿದ್ದರೆ ನಮ್ಮ ಚರ್ಮವು ನಯವಾಗಿ, ಮೃದುವಾಗಿ ಮತ್ತು ದೃಢವಾಗಿರುತ್ತದೆ. ವಯಸ್ಸಾದಂತೆ, ಕಾಲಜನ್ ಉತ್ಪಾದನೆಯು ಕಡಿಮೆಯಾಗುತ್ತದೆ ಮತ್ತು ಚರ್ಮದ ಸ್ಥಿತಿಸ್ಥಾಪಕತ್ವದ ನಷ್ಟವಾಗುತ್ತದೆ. ಪರಿಣಾಮ ಚರ್ಮವು ಸುಕ್ಕುಸುಕ್ಕಾಗಲು ಪ್ರಾರಂಭಿಸುತ್ತದೆ ಮತ್ತು ಮುಖದ ಮೇಲೆ ಗೆರೆಗಳು ಕಾಣಿಸಿಕೊಳ್ಳುತ್ತವೆ. ಹಾಗಾಗಿ ನಿಮ್ಮ ಆಹಾರದಲ್ಲಿ ಕಾಲಜನ್ ಸಮೃದ್ಧ ಆಹಾರಗಳನ್ನು ಸೇರಿಸುವುದರಿಂದ ಅನೇಕ ಆರೋಗ್ಯ ಪ್ರಯೋಜನಗಳಿವೆ. ನಿಮ್ಮ ಸ್ನಾಯು ಮತ್ತು ಕೀಲುಗಳ ಆರೋಗ್ಯವನ್ನು ಸುಧಾರಿಸುವುದರಿಂದ ಹಿಡಿದು ಕೂದಲಿನ ಬೆಳವಣಿಗೆಯನ್ನು ಹೆಚ್ಚಿಸುತ್ತದೆ.

ಕಾಲಜನ್ ಭರಿತ ಆಹಾರಗಳು ಯಾವುವು?

ಕಾಲಜನ್ ನಮ್ಮ ದೇಹದಲ್ಲಿ ಬಿಲ್ಡಿಂಗ್ ಬ್ಲಾಕ್ ಆಗಿ ಕಾರ್ಯನಿರ್ವಹಿಸುತ್ತದೆ, ಇದು ನಮ್ಮ ಚರ್ಮ, ಕೂದಲು, ಉಗುರುಗಳು, ಮೂಳೆಗಳು ಮತ್ತು ಸಂಪರ್ಕ ಅಂಗಾಂಶಗಳ ರಚನೆಗೆ ಸಹಕಾರಿಯಾಗಿದೆ ಎಂದು ಕ್ಲಿನಿಕಲ್ ಡಯಟೀಷಿಯನ್ ಮತ್ತು ಪೌಷ್ಟಿಕತಜ್ಞ ಎಟಿ ಜೈನ್ ತಿಳಿಸಿದ್ದಾರೆ. ಮೂಲಭೂತವಾಗಿ, ಇದು ಅಂಟಿನಂತೆ ಕಾರ್ಯನಿರ್ವಹಿಸುತ್ತದೆ. ಇದು ನಮ್ಮ ಚರ್ಮ, ಮೂಳೆಗಳು, ಸ್ನಾಯುಗಳು ಮತ್ತು ಅಸ್ಥಿರಜ್ಜುಗಳಲ್ಲಿ ಕಂಡುಬರುತ್ತದೆ, ಇದು ಅವುಗಳ ಶಕ್ತಿ ಮತ್ತು ಸ್ಥಿತಿಸ್ಥಾಪಕತ್ವಕ್ಕೆ ಕೊಡುಗೆ ನೀಡುತ್ತದೆ. ಕಾಲಜನ್ ಸಮೃದ್ಧ ಆಹಾರಗಳು ದೇಹದ ಕಾಲಜನ್ ಉತ್ಪಾದನೆಯನ್ನು ಬೆಂಬಲಿಸುತ್ತವೆ.

ಕಾಲಜನ್​​ನ ಅತ್ಯುತ್ತಮ ಆಹಾರ ಮೂಲಗಳು ಯಾವುವು?

ಕಾಲಜನ್ ಪೂರಕಗಳನ್ನು ನಿಮ್ಮ ವೈದ್ಯರ ಶಿಫಾರಸಿನ ಮೇರೆಗೆ ತೆಗೆದುಕೊಳ್ಳಬಹುದು ಅಥವಾ ಕಾಲಜನ್ ಅಧಿಕವಾಗಿರುವ ಆಹಾರವನ್ನು ಸೇವಿಸಬಹುದು. ಇದರಿಂದ ನಿಮ್ಮ ದೇಹವು ಅದನ್ನು ಹೆಚ್ಚು ಉತ್ಪಾದಿಸಲು ಪ್ರೋತ್ಸಾಹಿಸುತ್ತದೆ. ಕಾಲಜನ್ ನೈಸರ್ಗಿಕವಾಗಿ ವಿವಿಧ ಪ್ರಾಣಿ ಮತ್ತು ಸಸ್ಯ ಉತ್ಪನ್ನಗಳಲ್ಲಿಕಂಡುಬರುತ್ತದೆ. ಕಾಲಜನ್​​​​ನ ಕೆಲವು ಅತ್ಯುತ್ತಮ ಮೂಲಗಳಲ್ಲಿ ಇವು ಸೇರಿವೆ:

1. ಮೂಳೆಯ ಸಾರು: ಮೂಳೆಯ ಸಾರು ಕಾಲಜನ್​​​​​ನ ಅತ್ಯುತ್ತಮ ಮೂಲವಾಗಿದೆ ಎಂದು ತಜ್ಞರು ತಿಳಿಸಿದ್ದಾರೆ.

2. ಮೀನು: ಮೀನುಗಳನ್ನು ನಿಮ್ಮ ಆಹಾರದಲ್ಲಿ ಸೇರಿಸಿಕೊಳ್ಳಿ. ಸಾಲ್ಮನ್, ಬಂಗುಡೆ ಮತ್ತು ಸಾರ್ಡೀನ್ ಉತ್ತಮ ಆಯ್ಕೆಗಳಾಗಿವೆ.

3. ಚಿಕನ್: ಚಿಕನ್ ತಿನ್ನಲು ಅನೇಕರು ಇಷ್ಟಪಡುತ್ತಾರೆ. ಇದು ಕಾಲಜನ್​​​​​ಗೆ, ವಿಶೇಷವಾಗಿ ಚರ್ಮ ಮತ್ತು ಕೂದಲು ಬೆಳವಣಿಗೆಗೆ ಒಳ್ಳೆಯದು.

4. ಮೊಟ್ಟೆಗಳು: ಮೊಟ್ಟೆಯ ಬಿಳಿ ಭಾಗವು ತೂಕ ನಷ್ಟಕ್ಕೆ ಒಳ್ಳೆಯದು ಮಾತ್ರವಲ್ಲ, ಕಾಲಜನ್ ಉತ್ಪಾದನೆಗೆ ಮುಖ್ಯವಾದ ಅಮೈನೋ ಆಮ್ಲವಾದ ಪ್ರೋಲಿನ್ ಅನ್ನು ಹೊಂದಿರುತ್ತವೆ.

5. ಬೆರ್ರಿ ಹಣ್ಣುಗಳು: ಸ್ಟ್ರಾಬೆರಿ ಮತ್ತು ಬ್ಲೂಬೆರ್ರಿಗಳಂತಹ ಬೆರ್ರಿ ಹಣ್ಣುಗಳು ಕಾಲಜನ್ ಸಂಶ್ಲೇಷಣೆಯನ್ನು ಬೆಂಬಲಿಸುವ ಉತ್ಕರ್ಷಣ ನಿರೋಧಕಗಳಿಂದ ಸಮೃದ್ಧವಾಗಿವೆ.

6. ಸಿಟ್ರಸ್ ಹಣ್ಣುಗಳು: ಕಿತ್ತಳೆ ಮತ್ತು ನಿಂಬೆಯಂತಹ ಸಿಟ್ರಸ್ ಹಣ್ಣುಗಳನ್ನು ಸೇವಿಸಿ, ಏಕೆಂದರೆ ಇವುಗಳಲ್ಲಿ ವಿಟಮಿನ್ ಸಿ ಅಧಿಕವಾಗಿರುತ್ತದೆ, ಇದು ಕಾಲಜನ್ ರಚನೆಗೆ ಪ್ರಮುಖ ಪೋಷಕಾಂಶವಾಗಿದೆ.

ನಮ್ಮ ದೇಹಕ್ಕೆ ಕಾಲಜನ್ ಅಂಶ ಕಡಿಮೆಯಾದರೆ ಏನಾಗುತ್ತದೆ?

ಕಾಲಜನ್ ಕೊರತೆಯು ಹಲವಾರು ಆರೋಗ್ಯ ಸಮಸ್ಯೆಗಳಿಗೆ ಕಾರಣವಾಗಬಹುದು. ಚರ್ಮದ ಸ್ಥಿತಿಸ್ಥಾಪಕತ್ವ, ಕೀಲು ಆರೋಗ್ಯ ಮತ್ತು ಮೂಳೆಗಳು ಮತ್ತು ಸಂಪರ್ಕ ಅಂಗಾಂಶಗಳ ಬಲವನ್ನು ಕಾಪಾಡಿಕೊಳ್ಳಲು ಕಾಲಜನ್ ಅವಿಭಾಜ್ಯವಾಗಿದೆ. ಇದರ ಅಂಶ ಕಡಿಮೆ ಆದಲ್ಲಿ ಸುಕ್ಕುಗಳು ಮತ್ತು ಚರ್ಮದ ಕುಗ್ಗುವಿಕೆಗೆ ಕಾರಣವಾಗಬಹುದು ಎಂದು ಪೌಷ್ಟಿಕತಜ್ಞ ಎಟಿ ಜೈನ್ ಹೇಳುತ್ತಾರೆ.

ಕಾಲಜನ್ ಭರಿತ ಆಹಾರದ ಆರೋಗ್ಯ ಪ್ರಯೋಜನಗಳು ಯಾವುವು?

ಕಾಲಜನ್ ಸಮೃದ್ಧ ಆಹಾರಗಳು ಅನೇಕ ಆರೋಗ್ಯ ಪ್ರಯೋಜನಗಳನ್ನು ನೀಡುತ್ತವೆ, ಅವುಗಳೆಂದರೆ:

1. ಚರ್ಮದ ಆರೋಗ್ಯ

ಕಾಲಜನ್ ಚರ್ಮದ ಸ್ಥಿತಿಸ್ಥಾಪಕತ್ವವನ್ನು ಹೆಚ್ಚಿಸುತ್ತದೆ, ಸುಕ್ಕುಗಳನ್ನು ಕಡಿಮೆ ಮಾಡುತ್ತದೆ ಮತ್ತು ಚರ್ಮದ ಆರೋಗ್ಯವನ್ನು ಕಾಪಾಡಿಕೊಳ್ಳುತ್ತದೆ.

2. ಉರಿಯೂತವನ್ನು ಕಡಿಮೆ ಮಾಡುತ್ತದೆ

ಕಾಲಜನ್ ಕಾರ್ಟಿಲೆಜ್​​​ನ ಸಮಗ್ರತೆಯನ್ನು ಕಾಪಾಡಿಕೊಳ್ಳುವ ಮೂಲಕ ಜಂಟಿ ಆರೋಗ್ಯವನ್ನು ಬೆಂಬಲಿಸುತ್ತದೆ ಮತ್ತು ಉರಿಯೂತವನ್ನು ಕಡಿಮೆ ಮಾಡುತ್ತದೆ.

3. ಮೂಳೆಯ ಬಲ

ಕಾಲಜನ್ ಮೂಳೆ ರಚನೆಯ ಪ್ರಮುಖ ಅಂಶವಾಗಿದೆ, ಇದು ಮೂಳೆಗೆ ಶಕ್ತಿ ನೀಡುವಲ್ಲಿ ಮುಖ್ಯ ಪಾತ್ರ ವಹಿಸುತ್ತದೆ.

4. ಕರುಳಿನ ಆರೋಗ್ಯ

ಕಾಲಜನ್ ಜೀರ್ಣಾಂಗವ್ಯೂಹವನ್ನು ಆರೋಗ್ಯವಾಗಿ ಕಾಪಾಡಿಕೊಳ್ಳಲು ಸಹಾಯ ಮಾಡುತ್ತದೆ, ಆರೋಗ್ಯಕರ ಕರುಳನ್ನು ಬೆಂಬಲಿಸುತ್ತದೆ ಎಂದು ಪೌಷ್ಟಿಕತಜ್ಞ ಎಟಿ ಜೈನ್ ಹೇಳುತ್ತಾರೆ.

ಇದನ್ನೂ ಓದಿ:ರೋಗ ನಿರೋಧಕ ಶಕ್ತಿ ಹೆಚ್ಚಿಸಲು ಮಿಟಮಿನ್​​ ಸಿ ಸಮೃದ್ಧ ಆಹಾರಗಳು

ಕಾಲಜನ್ ಭರಿತ ಆಹಾರದ ಅಡ್ಡಪರಿಣಾಮಗಳು ಯಾವುವು?

ಕಾಲಜನ್ ಭರಿತ ಆಹಾರಗಳು ಸಾಮಾನ್ಯವಾಗಿ ಯಾವುದೇ ಗಮನಾರ್ಹ ಅಡ್ಡಪರಿಣಾಮಗಳನ್ನು ಹೊಂದಿಲ್ಲವಾದರೂ, ಪೂರಕಗಳ ಅತಿಯಾದ ಸೇವನೆಯು ಜೀರ್ಣಕಾರಿ ಅಸ್ವಸ್ಥತೆಗೆ ಕಾರಣವಾಗಬಹುದು. ನಿಮ್ಮ ಆಹಾರದಲ್ಲಿ, ವಿವಿಧ ಕಾಲಜನ್ ಮೂಲಗಳನ್ನು ಸೇರಿಸುವ ಮೂಲಕ ವೈವಿಧ್ಯತೆಯನ್ನು ಕಾಪಾಡಿಕೊಳ್ಳುವುದು ಬಹಳ ಮುಖ್ಯ. ನೀವು ಪೂರಕಗಳನ್ನು ತೆಗೆದುಕೊಳ್ಳುತ್ತಿದ್ದರೆ ಶಿಫಾರಸು ಮಾಡಿದ ಡೋಸೇಜ್ಗಳನ್ನು ಅನುಸರಿಸಿ ಮತ್ತು ಕಾಲಜನ್ ಪೂರಕಗಳನ್ನು ಪ್ರಾರಂಭಿಸುವ ಮೊದಲು ಆರೋಗ್ಯ ವೃತ್ತಿಪರರನ್ನು ಸಂಪರ್ಕಿಸಿ. ಅಲರ್ಜಿ ಅಥವಾ ನಿರ್ದಿಷ್ಟ ಆಹಾರ ನಿರ್ಬಂಧಗಳನ್ನು ಹೊಂದಿರುವ ವ್ಯಕ್ತಿಗಳು ತಮ್ಮ ಅಗತ್ಯಗಳಿಗೆ ಹೊಂದಿಕೆಯಾಗುವ ಕಾಲಜನ್ ಮೂಲಗಳನ್ನು ಎಚ್ಚರಿಕೆಯಿಂದ ಆಯ್ಕೆ ಮಾಡಬೇಕು.

ಇನ್ನಷ್ಟು ಆರೋಗ್ಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ