Child Care: ಚಳಿಯಿಂದ ನಿಮ್ಮ ಹಸುಗೂಸನ್ನು ರಕ್ಷಿಸುವುದು ಹೇಗೆ?

ನವಜಾತ ಶಿಶುವಿಗೆ ಚಳಿಗಾಲದಲ್ಲಿ ಚಳಿಯನ್ನು ತಡೆಯಲು ಸಾಧ್ಯವಾಗದೇ ಇರಬಹುದು. ಚಳಿಗಾಲದಲ್ಲಿ ಎಳೆಯ ಮಗುವಿಗೆ ರೋಗ ಹರಡುವುದು ಕೂಡ ಬೇಗ. ಈ ಸಮಯದಲ್ಲಿ ಶೀತ, ಜ್ವರ, ಸೋಂಕುಗಳು ಕಾಣಿಸಿಕೊಳ್ಳುವ ಸಾಧ್ಯತೆ ಹೆಚ್ಚು. ಹೀಗಾಗಿ, ಚಳಿಗಾಲದಲ್ಲಿ ನಿಮ್ಮ ಮುದ್ದು ಕಂದನನ್ನು ಯಾವ ರೀತಿ ಕಾಪಾಡಬೇಕು? ಮಗುವನ್ನು ಬೆಚ್ಚಗಿಡಲು ಏನು ಮಾಡಬೇಕು? ಎಂಬುದರ ಬಗ್ಗೆ ಮಾಹಿತಿ ಇಲ್ಲಿದೆ.

ಮಗುವಿಗೆ ಚಳಿಗಾಲದಲ್ಲಿ ಕಾಟನ್​ನ ಬೆಚ್ಚಗಿನ ಉಡುಪನ್ನು ಹಾಕಿ. ಹೆಚ್ಚು ಲೇಯರ್ ಇರುವ ಭಾರವಾದ ಬಟ್ಟೆ ಹಾಕುವುದಕ್ಕಿಂತಲೂ ಕಾಟನ್​ನ ಬೆಚ್ಚಗಿನ ಬಟ್ಟೆ ಧರಿಸಿ. ಹತ್ತಿಯ ಬಟ್ಟೆಯನ್ನು ಹಾಕುವುದರಿಂದ ಚರ್ಮ ಚೆನ್ನಾಗಿ ಉಸಿರಾಡಲು ಸಾಧ್ಯವಾಗುತ್ತದೆ. ನಿಮ್ಮ ಮಗುವಿನ ಕೈಗಳು, ಪಾದಗಳು ಮತ್ತು ತಲೆಯನ್ನು ಮುಚ್ಚಲು ಉಣ್ಣೆಯ ಬಟ್ಟೆಗಳನ್ನು ನೀವು ಖರೀದಿಸಬಹುದು. ದೇಹವನ್ನು ಬೆಚ್ಚಗಿಡಲು ಅತ್ಯಂತ ಪರಿಣಾಮಕಾರಿ ಮಾರ್ಗವೆಂದರೆ ಗ್ಲೌಸ್​, ಸಾಕ್ಸ್ ಮತ್ತು ಕ್ಯಾಪ್​ಗಳನ್ನು ಧರಿಸುವುದು.

ಇದನ್ನೂ ಓದಿ: Breastfeeding: ಮಗುವಿಗೆ 6 ತಿಂಗಳ ನಂತರ ಎದೆಹಾಲು ಕುಡಿಸುವುದನ್ನು ನಿಲ್ಲಿಸಬೇಡಿ; ಇಲ್ಲಿದೆ ಕಾರಣ 

ಚಳಿಗಾಲದಲ್ಲಿ ಸಾರಭೂತ ತೈಲಗಳಿಂದ ಮಗುವಿಗೆ ಮಸಾಜ್ ಮಾಡಿ. ಬಾದಾಮಿ ಎಣ್ಣೆ, ಕೊಬ್ಬರಿ ಎಣ್ಣೆ, ಎಳ್ಳೆಣ್ಣೆ ಮುಂತಾದ ಅಗತ್ಯ ಪದಾರ್ಥಗಳನ್ನು ಹೊಂದಿರುವ ಬೆಚ್ಚಗಿನ ಎಣ್ಣೆಯಿಂದ ಮಗುವಿಗೆ ಮಸಾಜ್ ಮಾಡುವುದರಿಂದ ಮಗುವಿನ ದೇಹದಲ್ಲಿ ರಕ್ತ ಪರಿಚಲನೆ ಸುಧಾರಿಸುತ್ತದೆ. ಇದು ಮಗುವಿನ ಬೆಳವಣಿಗೆಗೆ ಬಲವಾದ ಮೂಳೆಗಳನ್ನು ನಿರ್ಮಿಸುತ್ತದೆ. ಮಸಾಜ್ ಮಾಡಿದ ನಂತರ 1ರಿಂದ 3 ಗಂಟೆಗಳ ಬಳಿಕ ನಿಮ್ಮ ಮಗುವಿಗೆ ಸ್ನಾನವನ್ನು ಮಾಡಿಸಿ. ತೈಲದ ಮಸಾಜ್ ನಿಮ್ಮ ಮಗುವಿನ ದೇಹವನ್ನು ಬೆಚ್ಚಗಿಡುತ್ತದೆ ಮತ್ತು ಆರಾಮಾಗಿ ಮಲಗಲು ಅನುವು ಮಾಡಿಕೊಡುತ್ತದೆ.

ಸರಿಯಾದ ಆಹಾರದೊಂದಿಗೆ ನಿಮ್ಮ ಮಗುವಿನ ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸಿ. ಸ್ತನ್ಯಪಾನವು ಮಗುವನ್ನು ಬೆಚ್ಚಗಾಗಲು ತಾಯಿಯ ಚರ್ಮದಿಂದ ಚರ್ಮಕ್ಕೆ ಸಂಪರ್ಕವನ್ನು ನೀಡುತ್ತದೆ. ಎದೆಹಾಲು ಆರೋಗ್ಯಕರ ಬೆಳವಣಿಗೆಯನ್ನು ಬೆಂಬಲಿಸಲು ಅಗತ್ಯವಿರುವ ಎಲ್ಲಾ ಪೋಷಕಾಂಶಗಳನ್ನು ಹೊಂದಿರುತ್ತದೆ. ನಿಮ್ಮ ಮಗುವಿಗೆ 6 ತಿಂಗಳಿಗಿಂತ ಹೆಚ್ಚು ವಯಸ್ಸಾಗಿದ್ದರೆ ವಿವಿಧ ಹಣ್ಣುಗಳು ಮತ್ತು ತರಕಾರಿಗಳನ್ನು ಒಳಗೊಂಡಿರುವ ಪೌಷ್ಟಿಕಾಂಶ-ಭರಿತ ಆಹಾರವನ್ನು ನೀಡಬಹುದು.

ಇದನ್ನೂ ಓದಿ: ಚಳಿಗಾಲದಲ್ಲಿ ಬೆಚ್ಚಗೆ, ಆರೋಗ್ಯವಾಗಿರಲು ಏನು ಮಾಡಬೇಕು?

ನೀವು ಹಾಲುಣಿಸುವ ತಾಯಿಯಾಗಿದ್ದರೆ, ನೀವು ಆರೋಗ್ಯಕರ ಆಹಾರವನ್ನು ಸೇವಿಸಬೇಕು. ಚಳಿಗಾಲದಲ್ಲಿ ತಾಪಮಾನವು 3ರಿಂದ 4 ಡಿಗ್ರಿಗಳಿಗೆ ಇಳಿದಾಗ ತಾಪಮಾನವನ್ನು ಸ್ಥಿರವಾಗಿಡಲು ರೂಮ್ ಹೀಟರ್​ಗಳನ್ನು ಬಳಸಬಹುದು. ಆದರೆ ಆರ್ದ್ರಕವು ಗಾಳಿಯ ತೇವಾಂಶದ ಮಟ್ಟವನ್ನು ಕಡಿಮೆ ಮಾಡುತ್ತದೆ. ಇಲ್ಲದಿದ್ದರೆ ಉಸಿರಾಟದ ಸಮಸ್ಯೆಗಳನ್ನು ಉಂಟುಮಾಡಬಹುದು.

ಇನ್ನಷ್ಟು ಜೀವನಶೈಲಿಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ