World Sandwich Day 2022: ವಿಶ್ವ ಸ್ಯಾಂಡ್‌ವಿಚ್ ದಿನದ ಬಗ್ಗೆ ಇಲ್ಲಿದೆ ಒಂದಿಷ್ಟು ಮಾಹಿತಿ
ಇಂದಿನ ಜೀವನ ಶೈಲಿಯಲ್ಲಿ ಅತ್ಯಂತ ಜನಪ್ರಿಯವಾಗಿರುವ ಸ್ಯಾಂಡ್‌ವಿಚ್ ಗಳಲ್ಲಿ ಹಲವಾರು ಬಗೆಗಳನ್ನು ಕಾಣಬಹುದು. ಸಿಹಿ, ಮಸಾಲೆ ಮತ್ತು ಖಾರ ಹಾಗೂ ಮೊಟ್ಟೆ, ಮಾಂಸ ಹಾಗೂ ವಿವಿಧ ರೀತಿಯ ತರಕಾರಿಗಳನ್ನು ಉಪಯೋಗಿಸಿ ಸ್ಯಾಂಡ್‌ವಿಚ್ ಗಳನ್ನು ತಯಾರಿಸಲಾಗುತ್ತದೆ.
ವಿಶ್ವದ ಹಲವು ಭಾಗಗಳಲ್ಲಿ ನವೆಂಬರ್ 3ರಂದು ಸ್ಯಾಂಡ್‌ವಿಚ್ ದಿನವನ್ನು ಆಚರಿಸಲಾಗುತ್ತದೆ. ನಿಮ್ಮ ಒತ್ತಡದ ಜೀವನದ ನಡುವೆ ಅತ್ಯಂತ ಸುಲಭವಾಗಿ ಸಿಗುವ ಹಾಗೂ ಅದರಲ್ಲೂ ಯುವಜನತೆ ಇಷ್ಟಪಡುವ ಆಹಾರ ಪದಾರ್ಥಗಳಲ್ಲಿ ಸ್ಯಾಂಡ್‌ವಿಚ್ ಪ್ರಮುಖವಾದುದಾಗಿದೆ.
ಇತಿಹಾಸ:
ಇತಿಹಾಸದ ಪ್ರಕಾರ 1762 ರಲ್ಲಿ ಇಂಗ್ಲೆಂಡ್‌ನಲ್ಲಿ ಮೊದಲ ಬಾರಿಗೆ ಬದಲಿ ಆಹಾರವಾಗಿ ಸ್ಯಾಂಡ್‌ವಿಚ್ ಅನ್ನು ಕಂಡುಹಿಡಿಯಲಾಯಿತು. ಇಂಗ್ಲೆಂಡ್‌ನ ಜಾನ್ ಮೊಂಟಾಗು ಎಂಬ ವ್ಯಕ್ತಿ ಭಾರೀ ಜೂಜುಕೋರನಾಗಿದ್ದ ಮತ್ತು ರಾತ್ರಿಯ ಊಟವು ಆತನಿಗೆ ಜೂಜು ಆಟಕ್ಕೆ ತೊಂದರೆ ನೀಡುತ್ತಿತ್ತು. ಆದ್ದರಿಂದ ಅವನ ಸೇವಕರು ಆತನ ರಾತ್ರಿ ಊಟದ ಬದಲಿಗಾಗಿ ಎರಡು ಬ್ರೆಡ್ ಸ್ಲೈಸ್‌ಗಳ ನಡುವೆ ಮಾಂಸವನ್ನು ಹಾಕಿ ಕೊಡಲಾಗುತ್ತಿತ್ತು. ಇದೇ ಮುಂದೆ ಸ್ಯಾಂಡ್‌ವಿಚ್ ಆಗಿ ಹೆಸರಾಯಿತು. ಆದ್ದರಿಂದ ಜಾನ್ ಮೊಂಟಾಗು ಹುಟ್ಟಿದ ದಿನ ನವೆಂಬರ್ 3ರಂದು ಸ್ಯಾಂಡ್‌ವಿಚ್ ದಿನವನ್ನು ಆಚರಿಸಲಾಗುತ್ತದೆ.
ಇಂದಿನ ಜೀವನ ಶೈಲಿಯಲ್ಲಿ ಅತ್ಯಂತ ಜನಪ್ರಿಯವಾಗಿರುವ ಸ್ಯಾಂಡ್‌ವಿಚ್ ಗಳಲ್ಲಿ ಹಲವಾರು ಬಗೆಗಳನ್ನು ಕಾಣಬಹುದು. ಸಿಹಿ, ಮಸಾಲೆ ಮತ್ತು ಖಾರ ಹಾಗೂ ಮೊಟ್ಟೆ, ಮಾಂಸ ಹಾಗೂ ವಿವಿಧ ರೀತಿಯ ತರಕಾರಿಗಳನ್ನು ಉಪಯೋಗಿಸಿ ಸ್ಯಾಂಡ್‌ವಿಚ್ ಗಳನ್ನು ತಯಾರಿಸಲಾಗುತ್ತದೆ. ಹಾಗೆಯೇ ಇಂದು ಸ್ಯಾಂಡ್‌ವಿಚ್ ಗಳದ್ದೇ ಸಾಕಷ್ಟು ಅಂಗಡಿಗಳನ್ನು ಕಾಣಬಹುದು. ದೊಡ್ಡ ಉದ್ಯಮವಾಗಿ ಬೆಳೆದಿದಂತೂ ಸುಳ್ಳಲ್ಲ.
ನಿಮಗೆ ಮನೆಯಲ್ಲಿಯೇ ಸುಲಭವಾಗಿ ತಯಾರಿಸಬಹುದಾದ ಸ್ಯಾಂಡ್‌ವಿಚ್ ರೆಸಿಪಿ ಇಲ್ಲಿದೆ.
- ದೊಡ್ಡ ಮಿಕ್ಸಿಂಗ್ ಬೌಲ್‌ನಲ್ಲಿ ಈರುಳ್ಳಿ, ಕ್ಯಾಪ್ಸಿಕಂ, ಟೊಮ್ಯಾಟೊ, ಹಸಿರು ಮೆಣಸಿನಕಾಯಿ, ಕೊತ್ತಂಬರಿ ಸೊಪ್ಪು, ಬೇಯಿಸಿದ ಮತ್ತು ಹಿಸುಕಿದ ಆಲೂಗಡ್ಡೆ, ಉಪ್ಪು, ಚಾಟ್ ಮಸಾಲಾ ಮತ್ತು ಕರಿಮೆಣಸಿನ ಪುಡಿಯನ್ನು ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ.
- ಮಿಶ್ರಣ ಮಾಡಿದ ನಂತರ ಮೇಯನೇಸ್ ಸೇರಿಸಿ ಮತ್ತು ಸ್ಟಫಿಂಗ್ ಅನ್ನು ಚೆನ್ನಾಗಿ ಮಿಶ್ರಣ ಮಾಡಿ.
- 2 ಬ್ರೆಡ್ ಸ್ಲೈಸ್‌ಗಳನ್ನು ತೆಗೆದುಕೊಂಡು ಬ್ರೆಡ್‌ನ ಎರಡೂ ಸ್ಲೈಸ್‌ಗಳ ಮೇಲೆ ಸ್ಟಫಿಂಗ್ ಅನ್ನು ಚೆನ್ನಾಗಿ ಹರಡಿ.
- ಸ್ಟಫಿಂಗ್‌ನ ಮೇಲೆ 1 ಚೀಸ್ ಸ್ಲೈಸ್ ಅನ್ನು ಒಂದು ಇರಿಸಿ.
- ಈಗ ಬ್ರೆಡ್ ಮೇಲೆ ಬೆಣ್ಣೆಯನ್ನು ಹರಡಿ.
- ಬೆಣ್ಣೆ ಸವರಿದ ಸೈಡ್ ಬ್ರೆಡ್ ಅನ್ನು ಪ್ಯಾನ್ ಮೇಲೆ ಇಳಿಸಿ ಮತ್ತು ಅದು ಗೋಲ್ಡನ್ ಬ್ರೌನ್ ಬಣ್ಣಕ್ಕೆ ಬರುವವರೆಗೆ ಬೇಯಿಸಿ.
- ನಂತರ ಬ್ರೆಡ್‌ನ ಇನ್ನೊಂದು ಸ್ಲೈಸ್‌ಗೆ ಬೆಣ್ಣೆಯನ್ನು ಹಚ್ಚಿ ಮತ್ತು ಈ ಬದಿಯನ್ನು ಕೂಡ ಹಾಗೆಯೇ ಮಾಡಿ.
- ಎರಡೂ ಬದಿಗಳನ್ನು ಗ್ರಿಲ್ ಮಾಡಿದ ನಂತರ ಅವುಗಳನ್ನು ಪ್ಲೇಟ್‌ನಲ್ಲಿ ತೆಗೆದು ಇಡಿ ಮತ್ತು ಬ್ರೆಡ್‌ನ ಮಧ್ಯಭಾಗದಿಂದ ಕತ್ತರಿಸಿ.
- ನಂತರ ಸ್ವಲ್ಪ ಟೊಮೆಟೊ ಕೆಚಪ್ ಅಥವಾ ಸ್ವಲ್ಪ ಮಸಾಲೆಯುಕ್ತ ಹಸಿರು ಚಟ್ನಿಯೊಂದಿಗೆ ಬಿಸಿಯಾಗಿರುವಾಗಲೇ ರುಚಿಕರ ಸ್ಯಾಂಡ್‌ವಿಚ್ ಸವಿಯಿರಿ.
ಇದನ್ನು ಓದಿ: ಕೆಲವೇ ನಿಮಿಷಗಳಲ್ಲಿ ಮನೆಯಲ್ಲಿಯೇ ತಯಾರಿಸಿ ಕ್ಯಾಶೂ ಬಟರ್ ನಟ್
ಆದ್ದರಿಂದ ಇಂದು ವಿಶ್ವ ಸ್ಯಾಂಡ್‌ವಿಚ್ ದಿನದ ಅಂಗವಾಗಿ ನಿಮ್ಮ ಮನೆಯಲ್ಲೇ ಆರೋಗ್ಯಕರ ಸ್ಯಾಂಡ್‌ವಿಚ್ ಮಾಡಿ ಸವಿಯಿರಿ.
ಜೀವನ ಶೈಲಿಗೆ ಸಂಬಂಧಿಸಿದ ಇನ್ನಷ್ಟು ಸುದ್ಧಿಗಾಗಿ ಇಲ್ಲಿ ಕ್ಲಿಕ್ ಮಾಡಿ:
Published On - 11:52 am, Thu, 3 November 22