World Usability Day 2024 : ವಿಶ್ವ ಉಪಯುಕ್ತತೆ ದಿನವನ್ನು ಆಚರಿಸುವುದು ಏಕೆ? ಇಲ್ಲಿದೆ ಮಾಹಿತಿ

ಇತ್ತೀಚಿನ ದಿನಗಳಲ್ಲಿ ಅಂತರ್ಜಾಲದ ಅಭಿವೃದ್ಧಿಯು ಎಲ್ಲಾ ಸೇವೆಗಳನ್ನು ಸುಲಭವಾಗಿಸಿದೆ. ನಮ್ಮ ದೈನಂದಿನ ಚಟುವಟಿಕೆಗಳಾದ ಕಛೇರಿ ಕೆಲಸಗಳು, ಸಭೆಗಳು ಮತ್ತು ಆಸ್ಪತ್ರೆ ನಿರ್ಮಾಣ ಸೇರಿದಂತೆ ಬಹುತೇಕ ಕೆಲಸಗಳನ್ನು ಕಡಿಮೆ ಸಮಯದಲ್ಲಿ ಮಾಡಿ ಮುಗಿಸಬಹುದಾಗಿದೆ. ಇದರ ಹಿಂದೆ ಉಪಯುಕ್ತತೆಯ ಪಾತ್ರವು ಬಹುದೊಡ್ಡದು. ಬಳಕೆದಾರನು ತನ್ನ ಅನುಭವದ ಮೂಲಕ ತಂತ್ರಜ್ಞಾನವನ್ನು ಅಭಿವೃದ್ಧಿಗೊಳಿಸಿ, ಆಧುನಿಕ ಜಗತ್ತಿಗೆ ಹೇಗೆ ಕೊಡುಗೆ ನೀಡಬಹುದು ಎನ್ನುವ ಬಗ್ಗೆ ಚಿಂತಿಸಲಾಗುತ್ತದೆ. ಈ ಮುಖೇನವಾಗಿ ಈ ಜಗತ್ತಿನಲ್ಲಿ ಗುಣಮಟ್ಟದ ಉತ್ಪನ್ನಗಳು ಮತ್ತು ಸೇವೆಗಳನ್ನು ವಿನ್ಯಾಸಗೊಳಿಸಲಾಗುತ್ತದೆ. ಬದುಕಲು ಯೋಗ್ಯವಾದ ಸ್ಥಳವನ್ನು ನಿರ್ಮಿಸುವ ಉದ್ದೇಶದಿಂದ ವಿಶ್ವ ಉಪಯುಕ್ತತೆ ದಿನವು ಬಹಳ ಪ್ರಮುಖವಾಗಿದ್ದು, ಈ ವರ್ಷ ನವೆಂಬರ್ 14 ರಂದು ವಿಶ್ವ ಉಪಯುಕ್ತತೆ ದಿನವನ್ನು ಆಚರಿಸಲಾಗುತ್ತಿದೆ.

ವಿಶ್ವ ಉಪಯುಕ್ತತೆ ದಿನದ ಇತಿಹಾಸ

ನವೆಂಬರ್ 2005 ರಲ್ಲಿ, ಬಳಕೆದಾರರ ಅನುಭವ ವೃತ್ತಿಪರರ ಸಂಘವು ವಿಶ್ವ ಉಪಯುಕ್ತತೆ ದಿನವನ್ನು ಸ್ಥಾಪಿಸಿತು. 50 ಸದಸ್ಯರೊಂದಿಗೆ 1991 ರಲ್ಲಿ ಸ್ಥಾಪನೆಯಾದ ಸಂಘವು 30 ದೇಶಗಳಲ್ಲಿ ವಾರ್ಷಿಕ ಅಂತಾರಾಷ್ಟ್ರೀಯ ಸಮ್ಮೇಳನಗಳ ಮೂಲಕ ಬಳಕೆದಾರರ ಅನುಭವ ಪರಿಕಲ್ಪನೆಗಳು ಹಾಗೂ ತಂತ್ರಗಳನ್ನು ಉತ್ತೇಜಿಸುವ ಮೂಲಕ ಪ್ರಪಂಚದಾದ್ಯಂತ ಸುಮಾರು 2,400 ವೃತ್ತಿಪರರ ಸಮುದಾಯಕ್ಕೆ ಸೇವೆ ಸಲ್ಲಿಸಲು ವಿಸ್ತರಿಸಿದೆ. ಅಂದಿನಿಂದ ಪ್ರತಿ ವರ್ಷ ನವೆಂಬರ್ ತಿಂಗಳ ಎರಡನೇ ಗುರುವಾರದಂದು ವಿಶ್ವ ಉಪಯುಕ್ತತೆ ದಿನವನ್ನು ಆಚರಿಸಲಾಗುತ್ತಿದೆ.

ವಿಶ್ವ ಉಪಯುಕ್ತತೆ ದಿನ 2024 ರ ಥೀಮ್

ಈ ವರ್ಷದ ವಿಶ್ವ ಉಪಯುಕ್ತತೆ ದಿನವು ಆರೋಗ್ಯವನ್ನು ಅವಲಂಬಿಸಿರುತ್ತದೆ. ವರ್ಚುವಲ್ ಆರೋಗ್ಯ, ಎಲೆಕ್ಟ್ರಾನಿಕ್ ಆರೋಗ್ಯ ದಾಖಲೆಗಳು ಮತ್ತು ಇತರ ಆರೋಗ್ಯ ಸಂಬಂಧಿತ ತಂತ್ರಜ್ಞಾನಗಳನ್ನು ಉತ್ತೇಜಿಸುವುದಾಗಿದೆ.

ಇದನ್ನೂ ಓದಿ: ನವೆಂಬರ್ 14ರಂದೇ ಮಕ್ಕಳ ದಿನಾಚರಣೆ ಆಚರಿಸುವುದು ಏಕೆ? ಇಲ್ಲಿದೆ ಮಾಹಿತಿ

ವಿಶ್ವ ಉಪಯುಕ್ತತೆ ದಿನದ ಮಹತ್ವ ಹಾಗೂ ಆಚರಣೆ

ವೃತ್ತಿಪರ, ಕೈಗಾರಿಕಾ, ಶೈಕ್ಷಣಿಕ, ನಾಗರಿಕ ಮತ್ತು ಸರ್ಕಾರಿ ಗುಂಪುಗಳ ಸಮುದಾಯಗಳನ್ನು ಒಂದು ಸಾಮಾನ್ಯ ಗುರಿಯತ್ತ ಕೆಲಸ ಮಾಡಲು, ಅಗತ್ಯ ಸೇವೆಗಳು ಮತ್ತು ಉತ್ಪನ್ನಗಳ ಪ್ರವೇಶ ಮತ್ತು ಬಳಕೆಯನ್ನು ಸರಾಗಗೊಳಿಸುವುದು. ಬಳಸಬಹುದಾದ ಉತ್ಪನ್ನಗಳ ರಚನೆಯನ್ನು ಬದಲಾಯಿಸುವುದು ಮತ್ತು ಉಪಯುಕ್ತತೆಯು ನಮ್ಮ ದೈನಂದಿನ ಜೀವನದ ಮೇಲೆ ಹೇಗೆ ಪರಿಣಾಮ ಬೀರುತ್ತದೆ ಎಂಬುದರ ಕುರಿತು ಸಾರ್ವಜನಿಕರಿಗೆ ಶಿಕ್ಷಣ ನೀಡುವುದು. ಪ್ರಪಂಚವು ಕಾರ್ಯನಿರ್ವಹಿಸುವ ವಿಧಾನವನ್ನು ಸುಧಾರಿಸುವ ಉದ್ದೇಶದಿಂದ ಈ ದಿನದ ಆಚರಣೆಯು ಮಹತ್ವದಾಯಕವಾಗಿದೆ. ಈ ವಿಶೇಷ ದಿನದಂದು ಜನರಿಗೆ ಮಾಹಿತಿ ನೀಡಲು ಜಾಗೃತಿ ಕಾರ್ಯಕ್ರಮಗಳು ಹಾಗೂ ಕಾರ್ಯಾಗಾರಗಳನ್ನು ಆಯೋಜಿಸಲಾಗುತ್ತದೆ.

ಜೀವನಶೈಲಿ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ