Sputnik V Vaccine ಭಾರತಕ್ಕೆ ಬಂತು ರಷ್ಯಾದ ಸ್ಪುಟ್ನಿಕ್ ವಿ ಲಸಿಕೆಯ 30 ಲಕ್ಷ ಡೋಸ್‌

ದೆಹಲಿ/ಹೈದರಾಬಾದ್: ದೊಡ್ಡ ಪ್ರಮಾಣದಲ್ಲಿ  ರಷ್ಯಾದ ಸ್ಪುಟ್ನಿಕ್ ವಿ ಲಸಿಕೆ ಇಂದು ಮುಂಜಾನೆ ಹೈದರಾಬಾದ್ ಗೆ ಬಂದು ತಲುಪಿದ್ದು 90 ನಿಮಿಷಗಳಲ್ಲಿ ಇದು ತೆರವಾಗಿರುವುದು ದಾಖಲೆ. 56.6 ಟನ್ ತೂಕದ 30 ಲಕ್ಷ ಡೋಸ್ ಬಂದು ತಲುಪಿದ್ದು, ಇದು ದೇಶಕ್ಕೆ ಬರುವ ಕೊವಿಡ್ ಲಸಿಕೆಗಳ ಅತಿದೊಡ್ಡ ಆಮದು ರವಾನೆಯಾಗಿದೆ. ಲಸಿಕೆಗಳು ರಷ್ಯಾದಿಂದ ವಿಶೇಷವಾಗಿ ಚಾರ್ಟರ್ಡ್ ಸರಕು ಸಾಗಣೆ ಆರ್.ಯು -9450 ನಲ್ಲಿ ಬಂದಿದ್ದು ಮಂಗಳವಾರ ಮುಂಜಾನೆ 3:43 ಕ್ಕೆ ಹೈದರಾಬಾದ್ ವಿಮಾನ ನಿಲ್ದಾಣಕ್ಕೆ ತಲುಪಿದೆ

ಸ್ಪುಟ್ನಿಕ್ ವಿ ಲಸಿಕೆಗೆ ವಿಶೇಷ ನಿರ್ವಹಣೆ ಮತ್ತು ಸಂಗ್ರಹಣೆಯ ಅಗತ್ಯವಿದೆ.ಇದನ್ನು -20 ಡಿಗ್ರಿ ಸೆಲ್ಸಿಯಸ್‌ನಲ್ಲಿ ಇಡಬೇಕು ಎಂದು ಜಿಎಂಆರ್ ಹೈದರಾಬಾದ್ ಏರ್ ಕಾರ್ಗೋ ಹೇಳಿಕೆ ನೀಡಿದೆ. ಇದು ಭಾರತಕ್ಕೆ ಲಸಿಕೆ ಆಮದಿಗಾಗಿ ಬಳಸುವ ಏರ್ ಕಾರ್ಗೋ ಹಬ್ ಆಗಿ ಹೊರಹೊಮ್ಮಿದೆ.

ಲಸಿಕೆ ಸಾಗಣೆಯನ್ನು ಸುಗಮವಾಗಿ ನಿರ್ವಹಿಸಲು ಟರ್ಮಿನಲ್‌ನಲ್ಲಿ ಅಗತ್ಯ ಮೂಲಸೌಕರ್ಯ ಮತ್ತು ನಿರ್ವಹಣಾ ಪ್ರಕ್ರಿಯೆಗಳು ಸಂಪೂರ್ಣವಾಗಿ ಜಾರಿಯಲ್ಲಿವೆ ಎಂದು ಖಚಿತಪಡಿಸಿಕೊಳ್ಳಲು ಲಸಿಕೆ ಪೂರೈಕೆ ತಂಡ, ಕಸ್ಟಮ್ಸ್ ಅಧಿಕಾರಿಗಳು ಮತ್ತು ಇತರ ಸಂಬಂಧಿತ ಮಧ್ಯಸ್ಥಗಾರರೊಂದಿಗೆ ನಿಕಟವಾಗಿ ಕಾರ್ಯನಿರ್ವಹಿಸುತ್ತಿದೆ ಎಂದು ಜಿಎಂಆರ್ ಹೈದರಾಬಾದ್ ಹೇಳಿದೆ.

ಸೆರಂ ಇನ್‌ಸ್ಟಿಟ್ಯೂಟ್ ಆಫ್ ಇಂಡಿಯಾದ ಕೊವಿಶೀಲ್ಡ್ ಮತ್ತು ಭಾರತ್ ಬಯೋಟೆಕ್‌ನ ಕೋವಾಕ್ಸಿನ್ ನಂತರ ಭಾರತದಲ್ಲಿ ಬಳಕೆಗೆ ಅನುಮತಿ  ನೀಡಿದ ಮೂರನೇ ಲಸಿಕೆ ಸ್ಪುಟ್ನಿಕ್ ವಿ.

ಲಸಿಕೆ ಕೊರತೆಯಿಂದಾಗಿ ಭಾರತದ ವ್ಯಾಕ್ಸಿನೇಷನ್ ಡ್ರೈವ್ ಗೆ ತೊಂದರೆ ಆಗಿರುವುದರಿಂದ, ವಿವಿಧ ರಾಜ್ಯಗಳು ಲಸಿಕೆಯನ್ನು ತ್ವರಿತವಾಗಿ ಬಿಡುಗಡೆ ಮಾಡಲು ಕೇಂದ್ರಕ್ಕೆ ಒತ್ತಾಯಿಸುತ್ತಿವೆ

ಮೊದಲ ಸೋವಿಯತ್ ಬಾಹ್ಯಾಕಾಶ ಉಪಗ್ರಹದ ಹೆಸರಿನ ಸ್ಪುಟ್ನಿಕ್ ವಿ, ದೇಹದಲ್ಲಿ ರೋಗನಿರೋಧಕ ಪ್ರತಿಕ್ರಿಯೆಯನ್ನು ಪ್ರಚೋದಿಸುವ ರೋಗಕಾರಕದ ಭಾಗಗಳನ್ನು ತಲುಪಿಸುವ ಕೊವಿಡ್ ವೈರಸ್‌ನ ದುರ್ಬಲಗೊಳಿಸುವ ತತ್ತ್ವದ ಮೇಲೆ ಕಾರ್ಯನಿರ್ವಹಿಸುತ್ತದೆ.

ಅಪೊಲೊ ಗ್ರೂಪ್ ಆಫ್ ಹಾಸ್ಪಿಟಲ್ಸ್ ಜೂನ್ ಎರಡನೇ ವಾರದಿಂದ  ಭಾರತದ ತನ್ನ ಆಸ್ಪತ್ರೆಗಳಲ್ಲಿ ಸ್ಪುಟ್ನಿಕ್ ವಿ  (ಅಂದಾಜು ಡೋಸ್‌ಗೆ ₹ 1,195.) ಅನ್ನು ನೀಡಲು ಪ್ರಾರಂಭಿಸುವುದಾಗಿ ಘೋಷಿಸಿದೆ.

ಏಪ್ರಿಲ್ 12 ರಂದು ತುರ್ತು ಬಳಕೆಯ  ದೃಢೀಕರಣ ಕಾರ್ಯವಿಧಾನದಡಿಯಲ್ಲಿ ಸ್ಪುಟ್ನಿಕ್ ವಿ ಅನ್ನು ಭಾರತದಲ್ಲಿ ನೋಂದಾಯಿಸಲಾಗಿದೆ.

2021 ರ ಅಂತ್ಯದ ವೇಳೆಗೆ ಇಡೀ ಭಾರತಕ್ಕೆ ಲಸಿಕೆ ಹಾಕಲು ಯೋಜಿಸಿದೆ ಎಂದು ಕೇಂದ್ರ ಹೇಳಿದೆ. ಕಳೆದ ತಿಂಗಳು ಆಗಸ್ಟ್ ಮತ್ತು ಡಿಸೆಂಬರ್ ನಡುವೆ 200 ಕೋಟಿ ಡೋಸ್‌ಗಳು ಲಭ್ಯವಾಗಲಿದೆ ಎಂದು ಹೇಳಿರುವ ನೀಲನಕ್ಷೆಯನ್ನು ಅದು ತೋರಿಸಿದೆ.

ಇದನ್ನೂ ಓದಿ:Sputnik V: ಸ್ಪುಟ್ನಿಕ್​ ವಿ ಕೊರೊನಾ ಲಸಿಕೆ ಒಂದು ಡೋಸ್​ಗೆ 995.40 ರೂ; ಭಾರತದಲ್ಲಿ ಉತ್ಪಾದನೆ ಆರಂಭವಾದ ನಂತರ ಬೆಲೆ ತಗ್ಗುವ ಸಾಧ್ಯತೆ