ಗಾಲ್ವಾನ್ ಬಳಿಕವೂ ಚೀನಾ-ಭಾರತದ ನಡುವೆ ಎರಡು ಬಾರಿ ನಡೆದಿತ್ತು ಘರ್ಷಣೆ

2020ರಲ್ಲಿ ಗಾಲ್ವಾನ್(Galwan) ಕಣಿವೆಯಲ್ಲಿ ಏಷ್ಯಾದ ಎರಡು ದೊಡ್ಡ ದೇಶಗಳ ನಡುವೆ ಘರ್ಷಣೆ ನಡೆದ ಬಳಿಕ ಭಾರತ ಮತ್ತು ಚೀನಾದ ಸೈನಿಕರ ನಡುವೆ ಗಡಿಯಲ್ಲಿ ಮತ್ತೆ ಎರಡು ಘರ್ಷಣೆಗಳು ನಡೆದಿತ್ತು ಎನ್ನುವ ವಿಚಾರ ಬಹಿರಂಗಗೊಂಡಿದೆ. ಉಭಯ ದೇಶಗಳ ಸೈನಿಕರ ನಡುವೆ ಈ ಘರ್ಷಣೆ ಸೆಪ್ಟೆಂಬರ್ 2021 ಮತ್ತು ನವೆಂಬರ್ 2022 ರ ನಡುವೆ ನಡೆಯಿತು.

ಎಲ್​ಎಸಿ ಬಳಿ ಭಾರತೀಯ ಸೇನೆ ಹಾಗೂ ಚೀನಾ ಸೈನಿಕರ ನಡುವೆ ಎರಡು ಬಾರಿ ಘರ್ಷಣೆಗಳು ನಡೆದಿವೆ. ದರೆ, ಈ ಬಗ್ಗೆ ಭಾರತೀಯ ಸೇನೆ ಯಾವುದೇ ಹೇಳಿಕೆ ನೀಡಿಲ್ಲ. ಘರ್ಷಣೆಯಲ್ಲಿ ಎರಡೂ ಕಡೆಯ ಸೈನಿಕರು ಗಾಯಗೊಂಡಿದ್ದಾರೆಯೇ ಅಥವಾ ಇಲ್ಲವೇ ಎಂಬ ಬಗ್ಗೆ ಯಾವುದೇ ಮಾಹಿತಿ ಇಲ್ಲ.

ಎಲ್‌ಎಸಿಯಲ್ಲಿ ಚೀನಾದ ಪೀಪಲ್ಸ್ ಲಿಬರೇಶನ್ ಆರ್ಮಿ (ಪಿಎಲ್‌ಎ) ಸೈನಿಕರಿಗೆ ಭಾರತೀಯ ಸೈನಿಕರು ಹೇಗೆ ತಕ್ಕ ಪ್ರತ್ಯುತ್ತರ ನೀಡಿದರು ಎಂಬ ಮಾಹಿತಿಯನ್ನು ಅದು ನೀಡಿದೆ ಎಂಬುದು ಸೇನೆ ಹಂಚಿಕೊಂಡ ವಿಡಿಯೋದಿಂದ ತಿಳಿದುಬಂದಿದೆ. ಆದರೆ ಸೋಮವಾರವೇ ಅ ವಿಡಿಯೋವನ್ನು ಹಿಂಪಡೆಯಲಾಗಿತ್ತು.

ಮತ್ತಷ್ಟು ಓದಿ: Galwan Clash | ಗಾಲ್ವಾನ್ ಕಣಿವೆ ಸಂಘರ್ಷದ ವಿಡಿಯೊ ಬಿಡುಗಡೆ ಮಾಡಿದ ಚೀನಾ ಮಾಧ್ಯಮ: ಶಾಂತಿಯ ಹೊಸಿಲಲ್ಲಿ ಇದೆಂಥ ನಡೆ?

ಸೆಪ್ಟೆಂಬರ್ 2021 ಮತ್ತು ನವೆಂಬರ್ 2022 ರ ನಡುವೆ ಭಾರತೀಯ ಸೇನೆಯ ಸೈನಿಕರು ಮತ್ತು ಪೀಪಲ್ಸ್ ಲಿಬರೇಶನ್ ಆರ್ಮಿ ಸೈನಿಕರ ನಡುವೆ LAC ನಲ್ಲಿ ಘರ್ಷಣೆಗಳು ನಡೆದವು. ಈ ಬಗ್ಗೆ ಸೇನೆಯು ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ. ಕೇಂದ್ರ ಸರ್ಕಾರವೂ ಯಾವುದೇ ಮಾಹಿತಿ ನೀಡಿಲ್ಲ. ಅದೇ ಸಮಯದಲ್ಲಿ, ಚೀನಾ ಸೇನೆ ಅಥವಾ ಅಲ್ಲಿನ ಸರ್ಕಾರದಿಂದ ಯಾವುದೇ ಪ್ರತಿಕ್ರಿಯೆ ಬಂದಿಲ್ಲ.

ಗಾಲ್ವಾನ್ ಕಣಿವೆಯಲ್ಲಿ ಘರ್ಷಣೆಯ ನಂತರ, ಸೇನೆಯು ಗಡಿಯಲ್ಲಿ ಕಟ್ಟೆಚ್ಚರವಹಿಸಿದೆ.3,488 ಕಿಮೀ ಉದ್ದದ ಎಲ್‌ಎಸಿಯಲ್ಲಿ ಚೀನಾದ ದುಷ್ಕೃತ್ಯಗಳನ್ನು ಎದುರಿಸಲು ಭಾರತೀಯ ಸೇನೆಯು ಟ್ಯಾಂಕ್‌ಗಳಿಂದ ಹಿಡಿದು ಸೈನಿಕರವರೆಗಿನ ಎಲ್ಲದರ ನಿಯೋಜನೆಯನ್ನು ಹೆಚ್ಚಿಸಿದೆ.

ಎಲ್‌ಎಸಿಯಲ್ಲಿ ಭಾರತ ಮತ್ತು ಚೀನಾದ ಸೈನಿಕರ ನಡುವಿನ ಚಕಮಕಿಯ ಹಲವು ಘಟನೆಗಳು ಈ ಹಿಂದೆಯೂ ಬೆಳಕಿಗೆ ಬಂದಿವೆ. ಚೀನೀ ಸೈನಿಕರು LAC ಯ ತವಾಂಗ್ ಸೆಕ್ಟರ್‌ಗೆ ನುಸುಳಲು ಪ್ರಯತ್ನಿಸಿದ್ದರು, ನಂತರ ಭಾರತೀಯ ಸೈನಿಕರು ಅವರನ್ನು ಓಡಿಸಿತ್ತು.

ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ