ಮೂಳೆ ಮುರಿತಕ್ಕೊಳಗಾದ 7 ವಾರದ ಆನೆ ಮರಿ ಅಸ್ಸಾಂನಿಂದ ವಂತಾರಾಗೆ ಏರ್ಲಿಫ್ಟ್; ವಿಶೇಷ ಚಿಕಿತ್ಸೆಗೆ ವ್ಯವಸ್ಥೆ
ಹುಟ್ಟಿದ 2 ತಿಂಗಳಲ್ಲೇ ಕಠಿಣ ಪರಿಸ್ಥಿತಿ ಎದುರಿಸುತ್ತಿರುವ ‘ರಾಜ’ ಎಂಬ 2 ತಿಂಗಳ ಆನೆ ಮರಿಗೆ ಗುಜರಾತ್ನ ಜಾಮ್ನಗರದಲ್ಲಿರುವ ವನ್ಯಜೀವಿ ರಕ್ಷಣಾ ಮತ್ತು ಪುನರ್ವಸತಿ ಕೇಂದ್ರವಾದ ‘ವಂತಾರಾ’ದಲ್ಲಿ ವಿಶೇಷ ವೈದ್ಯಕೀಯ ಚಿಕಿತ್ಸೆ ನೀಡಲು ಸಿದ್ಧತೆ ನಡೆಸಲಾಗಿದೆ. ನವೆಂಬರ್ 20ರಂದು ವಿಶೇಷವಾಗಿ ವ್ಯವಸ್ಥೆ ಮಾಡಲಾದ ಚಾರ್ಟರ್ಡ್ ವಿಮಾನದ ಮೂಲಕ ಈ ಆನೆ ಮರಿಯನ್ನು ಅಸ್ಸಾಂನಿಂದ ಜಾಮ್ನಗರಕ್ಕೆ ಕರೆದೊಯ್ಯಲಾಗುತ್ತಿದೆ. ಆನೆ ಮರಿಯು ಚೇತರಿಸಿಕೊಳ್ಳಲು ಅಗತ್ಯವಿರುವ ವೈದ್ಯಕೀಯ ನೆರವು ಮತ್ತು ದಿನದ 24 ಗಂಟೆಗಳ ಆರೈಕೆಗಾಗಿ ವಂತಾರಾ ಸಂಸ್ಥಾಪಕ ಅನಂತ್ ಅಂಬಾನಿ ಈ ತುರ್ತು ಏರ್ಲಿಫ್ಟ್ಗೆ ವ್ಯವಸ್ಥೆ ಮಾಡಿದ್ದಾರೆ.

ಗುವಾಹಟಿ, ನವೆಂಬರ್ 20: ತಾಯಿಯ ಆರೈಕೆಯಿಂದ ವಂಚಿತವಾಗಿ, ತೊಡೆ ಮೂಳೆ ಮುರಿತದಿಂದ ಬಳಲುತ್ತಿರುವ 7 ವಾರಗಳ (2 ತಿಂಗಳ) ಪುಟ್ಟ ಆನೆ ಮರಿಯಾದ ರಾಜನನ್ನು ಹೆಚ್ಚಿನ ಹಾಗೂ ವಿಶೇಷ ವೈದ್ಯಕೀಯ ಚಿಕಿತ್ಸೆಗಾಗಿ ಅಸ್ಸಾಂನಿಂದ ಗುಜರಾತ್ನ ಜಾಮ್ನಗರದಲ್ಲಿರುವ ವನ್ಯಜೀವಿ ರಕ್ಷಣಾ ಮತ್ತು ಪುನರ್ವಸತಿ ಕೇಂದ್ರವಾದ ‘ವಂತಾರಾ’ಗೆ ಏರ್ಲಿಫ್ಟ್ ಮಾಡಲಾಗುತ್ತಿದೆ. ವಂತಾರಾ ಸಂಸ್ಥಾಪಕ ಅನಂತ್ ಅಂಬಾನಿ ಅವರ ವಿಶೇಷ ಕಾಳಜಿ ಮತ್ತು ನೆರವಿನಿಂದ ಈ ತುರ್ತು ಏರ್ಲಿಫ್ಟ್ಗೆ ವ್ಯವಸ್ಥೆ ಮಾಡಲಾಗಿದ್ದು, ವಿಶೇಷ ಸೌಲಭ್ಯವುಳ್ಳ ಚಾರ್ಟರ್ಡ್ ವಿಮಾನದ ಮೂಲಕ ಆನೆ ಮರಿಯನ್ನು ಸ್ಥಳಾಂತರಿಸಲಾಗುತ್ತಿದೆ.
ಅಕ್ಟೋಬರ್ 2ರಂದು ಅಸ್ಸಾಂನ ಲಖಿಂಪುರ ಜಿಲ್ಲೆಯ ಗೋಗಾಮುಖ್ನ ರೂಪಾಹಿ ಅರಣ್ಯ ವಲಯದಲ್ಲಿ ಜನಿಸಿದ ‘ರಾಜ’, ಭುವನ್ ಪೆಗು ಅವರಿಗೆ ಸೇರಿದ ‘ಮಖೋನಿ’ ಎಂಬ ಸಾಕಾನೆಯ ಮರಿಯಾಗಿದೆ. ಜನಿಸಿದ ಕೆಲವೇ ದಿನಗಳಲ್ಲಿ ತಾಯಿ ಆನೆಯು ಆ ಮರಿಗೆ ಒದ್ದ ಪರಿಣಾಮ ಅದರ ತೊಡೆಯ ಮೂಳೆ ಮುರಿತಕ್ಕೊಳಗಾಗಿತ್ತು. ಅಲ್ಲದೆ, ತಾಯಿಯ ಹಾಲು ಮತ್ತು ಆರೈಕೆಯಿಂದಲೂ ಈ ಪುಟ್ಟ ಮರಿ ವಂಚಿತವಾಗಿತ್ತು.
ಇದನ್ನೂ ಓದಿ: ಕೇರಳದಿಂದ ವಂತಾರಗೆ ‘ಮಾಯಾ’ ಪಯಣ; ನಡೆಯಲು ಆಗದೆ, ನಿಲ್ಲಲೂ ಆಗದೆ ಒದ್ದಾಡುತ್ತಿರುವ ಮರಿಯಾನೆಯ ಮನಕಲುಕುವ ಕಥೆ
A Little Life, a Big Fight. Meet Raja.
Born in Assam 7 weeks ago with a severe leg fracture and rejected by his mother, baby elephant Raja has received 6 weeks of care from Vantara’s team but now needs advanced treatment.
Today, Nov 20, Anant Ambani’s Vantara is airlifting him to its specialised hospital in Jamnagar. The 2500+ km road trip is cut to ~5 hours by air with vets monitoring.
A journey to recovery and a second chance.
— BhikuMhatre (@MumbaichaDon) November 20, 2026
ಪಶುವೈದ್ಯರ ನಿಗಾದಲ್ಲಿ ಪ್ರಾಥಮಿಕ ಆರೈಕೆ:
ಈ ಘಟನೆಯ ಬಳಿಕ ವಂತಾರಾದ ಅನುಭವಿ ಪಶುವೈದ್ಯರ ತಂಡವು ಮರಿ ಆನೆಗೆ ಪ್ರಾಥಮಿಕ ಚಿಕಿತ್ಸೆ ನೀಡಿ, ವೈದ್ಯರ ನಿವಾಸದಲ್ಲೇ ವಿಶೇಷ ಕಾಳಜಿಯೊಂದಿಗೆ ಆರೈಕೆ ಮಾಡುತ್ತಿತ್ತು. ಆದರೆ, ಕಾಲಿನ ಮೂಳೆ ಮುರಿತಕ್ಕೆ ಉನ್ನತ ಮಟ್ಟದ ಚಿಕಿತ್ಸೆಯ ಅಗತ್ಯವಿದ್ದ ಕಾರಣ ಜಾಮ್ನಗರಕ್ಕೆ ಸ್ಥಳಾಂತರಿಸಲು ನಿರ್ಧರಿಸಲಾಯಿತು.
Today, Raja is being airlifted from Assam to Vantara, Jamnagar, Gujarat, in a specially designed transport crate, accompanied by a dedicated team of veterinarians and caregivers. A journey of over 2,500 km that would have taken days by road will be completed in approximately five hours by air, minimising the risks to his fragile condition. At Vantara, Raja will receive comprehensive diagnostics, specialist treatment, pain management, nutritional rehabilitation, mobility therapy and continued veterinary care. An extraordinary effort is underway to give this little calf a fighting chance at life. Hoping and praying that Raja recovers, gets back on his feet and gets to experience the life he deserves. Vantara truly deserves appreciation for this extraordinary effort and compassion. ❤️🐘
— Mr Sinha (@Mrsinha) November 20, 2026
ಅಸ್ಸಾಂನಿಂದ ಗುಜರಾತ್ನ ಜಾಮ್ನಗರಕ್ಕೆ ಸುಮಾರು 2,500 ಕಿಲೋಮೀಟರ್ಗಳಿಗೂ ಹೆಚ್ಚು ದೂರವಿದ್ದು, ರಸ್ತೆಯ ಮಾರ್ಗವಾಗಿ ಕರೆದೊಯ್ದರೆ ಹಲವು ದಿನಗಳೇ ಬೇಕಾಗುತ್ತಿತ್ತು ಮತ್ತು ಗಾಯಗೊಂಡ ಮರಿಗೆ ತೀವ್ರ ತೊಂದರೆಯಾಗುತ್ತಿತ್ತು. ಹೀಗಾಗಿ, ಗುವಾಹಟಿ ವಿಮಾನ ನಿಲ್ದಾಣದಿಂದ ವಿಶೇಷ ಚಾರ್ಟರ್ಡ್ ವಿಮಾನದ ಮೂಲಕ ಕೇವಲ 5 ಗಂಟೆಗಳಲ್ಲಿ ರಾಜನನ್ನು ಜಾಮ್ನಗರಕ್ಕೆ ತಲುಪಿಸಲಾಗುತ್ತಿದೆ. ಪ್ರಯಾಣದ ಉದ್ದಕ್ಕೂ ಪಶುವೈದ್ಯರ ವಿಶೇಷ ತಂಡವು ಮರಿಯ ಆರೋಗ್ಯದ ಮೇಲೆ ನಿಗಾ ಇರಿಸಲಿದೆ.
ವಂತಾರಾದಲ್ಲಿ ಮುಂದಿನ ಚಿಕಿತ್ಸೆ ಮತ್ತು ಪುನರ್ವಸತಿ:
ಜಾಮ್ನಗರದ ವಂತಾರಾ ಕೇಂದ್ರ ತಲುಪಿದ ನಂತರ, ರಾಜನ ಮುರಿತಕ್ಕೊಳಗಾದ ತೊಡೆ ಮೂಳೆಗೆ ವಿಶೇಷ ಮೂಳೆಚಿಕಿತ್ಸೆ, ಫಿಸಿಯೋಥೆರಪಿ, ಪೌಷ್ಟಿಕ ಆಹಾರ ಮತ್ತು ದಿನದ 24 ಗಂಟೆಗಳ ವೈದ್ಯಕೀಯ ಮೇಲ್ವಿಚಾರಣೆಯನ್ನು ಒದಗಿಸಲಾಗುವುದು. ಅನಂತ್ ಅಂಬಾನಿ ಭಾರತದಲ್ಲಿ ಕೈಗೊಂಡಿರುವ ಇಂತಹ ಮೂರನೇ ತುರ್ತು ವನ್ಯಜೀವಿ ಏರ್ಲಿಫ್ಟ್ ಕಾರ್ಯಾಚರಣೆ ಇದಾಗಿದೆ.
ಇನ್ನಷ್ಟು ರಾಷ್ಟ್ರೀಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ




