Narendra Modi: ಭಾರತದಲ್ಲಿ ಪ್ರಜಾಸತ್ತಾತ್ಮಕ ಪ್ರಕ್ರಿಯೆ ಅನುಸರಿಸುತ್ತಿರುವ ಏಕೈಕ ರಾಜಕೀಯ ಪಕ್ಷ ಬಿಜೆಪಿ; ಪ್ರಧಾನಿ ಮೋದಿ
BJP Sadasyata Abhiyan: ದೆಹಲಿಯಲ್ಲಿ ಇಂದು ಬಿಜೆಪಿ ಸದಸ್ಯತಾ ಅಭಿಯಾನಕ್ಕೆ ಚಾಲನೆ ನೀಡಿರುವ ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಬಳಿಕ ಬಿಜೆಪಿ ಕಾರ್ಯಕರ್ತರನ್ನು ಉದ್ದೇಶಿಸಿ ಮಾತನಾಡಿದ್ದಾರೆ. ಬಿಜೆಪಿ 10 ಕೋಟಿ ಸದಸ್ಯರ ನೋಂದಣಿಯನ್ನು ತಲುಪುವ ಗುರಿಯನ್ನು ಹೊಂದಿದೆ.
ನವದೆಹಲಿ: ರಾಜವಂಶದ ರಾಜಕೀಯದ ಬಗ್ಗೆ ಕಾಂಗ್ರೆಸ್ ಮತ್ತು ಇತರ ವಿರೋಧ ಪಕ್ಷಗಳ ವಿರುದ್ಧ ವಾಗ್ದಾಳಿ ನಡೆಸಿದ ಪ್ರಧಾನಿ ನರೇಂದ್ರ ಮೋದಿ ಭಾರತದಲ್ಲಿ ಪ್ರಜಾಪ್ರಭುತ್ವ ಪ್ರಕ್ರಿಯೆಯನ್ನು ಅನುಸರಿಸುತ್ತಿರುವ ಏಕೈಕ ರಾಜಕೀಯ ಪಕ್ಷವೆಂದರೆ ಅದು ಬಿಜೆಪಿ ಎಂದು ಹೇಳಿದ್ದಾರೆ. ನವದೆಹಲಿಯ ಪಕ್ಷದ ಪ್ರಧಾನ ಕಛೇರಿಯಲ್ಲಿ ಬಿಜೆಪಿಯ ಸದಸ್ಯತ್ವ ಅಭಿಯಾನ – ‘ಸಂಘಟನ್ ಪರ್ವ, ಸದಾಸ್ಯತ ಅಭಿಯಾನ 2024’ಕ್ಕೆ ಚಾಲನೆ ನೀಡಿದ ಪ್ರಧಾನ ಮಂತ್ರಿ ಮೋದಿ ಈ ಹೇಳಿಕೆ ನೀಡಿದ್ದಾರೆ.
ಈ ವೇಳೆ ಪಕ್ಷದ ಹಲವಾರು ಕಾರ್ಯಕರ್ತರನ್ನು ಸ್ಮರಿಸಿದ ಪ್ರಧಾನಿ, “ಹಲವಾರು ತಲೆಮಾರುಗಳು ಈ ಪಕ್ಷಕ್ಕೆ ತಮ್ಮ ಜೀವನವನ್ನು ಹೂಡಿದ್ದಾರೆ. ಅದರಿಂದಲೇ ಇಂದು ಪಕ್ಷವು ಜನರ ಹೃದಯದಲ್ಲಿ ಸ್ಥಾನ ಪಡೆದಿದೆ” ಎಂದು ಹೇಳಿದರು.
ಇದನ್ನೂ ಓದಿ: Vande Bharat: 3 ಹೊಸ ವಂದೇ ಭಾರತ್ ರೈಲುಗಳಿಗೆ ಪ್ರಧಾನಿ ಮೋದಿ ಚಾಲನೆ
ಗೋಡೆಯಲ್ಲಿ ಕಮಲದ ಚಿತ್ರ ಬಿಡಿಸಿದ್ದೆ:
ಬಿಜೆಪಿಗೆ ಸೇರ್ಪಡೆಯಾದ ತಮ್ಮ ಆರಂಭದ ದಿನಗಳನ್ನು ಸ್ಮರಿಸಿದ ನರೇಂದ್ರ ಮೋದಿ, ನಾನು ಆರಂಭದಲ್ಲಿ ಗೋಡೆಗಳ ಮೇಲೆ ಕಮಲವನ್ನು ಚಿತ್ರಿಸಿದ್ದೇನೆ. ಆದರೆ, ಮುಂದೊಂದು ದಿನ ಜನರ ಹೃದಯದಲ್ಲಿ ಕಮಲ ಅರಳುತ್ತದೆ ಎಂಬ ನಂಬಿಕೆ ನನಗೆ ಯಾವಾಗಲೂ ಇತ್ತು. ನಾನು ರಾಜಕೀಯದಲ್ಲಿ ಇಲ್ಲದಿದ್ದಾಗ, ಜನಸಂಘದ ಕಾಲದಲ್ಲಿ ಉತ್ಸಾಹಿ ಕಾರ್ಯಕರ್ತರು ಗೋಡೆಗಳ ಮೇಲೆ ದೀಪಗಳನ್ನು ಹಚ್ಚುತ್ತಿದ್ದರು. ಇತರ ರಾಜಕೀಯ ಪಕ್ಷಗಳ ಅನೇಕ ಮುಖಂಡರು ತಮ್ಮ ಭಾಷಣದಲ್ಲಿ ಗೋಡೆಗೆ ದೀಪ ಹಚ್ಚಿದರೆ ಅಧಿಕಾರ ಸಿಗುವುದಿಲ್ಲ ಎಂದು ಲೇವಡಿ ಮಾಡುತ್ತಿದ್ದರು. ಭಕ್ತಿಯಿಂದ ಗೋಡೆಗಳ ಮೇಲೆ ಕಮಲಗಳನ್ನು ಚಿತ್ರಿಸಿದ ಜನರು ಗೋಡೆಗಳ ಮೇಲೆ ಚಿತ್ರಿಸಿದ ಕಮಲವು ಅಂತಿಮವಾಗಿ ಹೃದಯದ ಮೇಲೂ ಚಿತ್ರಿಸುತ್ತದೆ ಎಂದು ನಾವು ನಂಬಿದ್ದೆವು ಎಂದು ಅವರು ಹೇಳಿದ್ದಾರೆ.
VIDEO | “Another round of ‘Sadasyata Abhiyan’ is beginning today. From Bharatiya Jana Sangh till now, we have made all possible efforts to being a new political culture in the country. The organisation or political party through which people gives power, that unit, that… pic.twitter.com/zAzePWCbzB
— Press Trust of India (@PTI_News) September 2, 2024
ಇದನ್ನೂ ಓದಿ: ಬಿಜೆಪಿ ಸದಸ್ಯತಾ ಅಭಿಯಾನಕ್ಕೆ ಪ್ರಧಾನಿ ನರೇಂದ್ರ ಮೋದಿ ಚಾಲನೆ
ಸದಸ್ಯತ್ವ ಕುಟುಂಬದ ವಿಸ್ತರಣೆ:
ಬಿಜೆಪಿಗೆ ಸದಸ್ಯತ್ವ ಅಭಿಯಾನವು ಕುಟುಂಬದ ವಿಸ್ತರಣೆಯಾಗಿದೆ ಎಂದು ಪ್ರಧಾನಿ ಹೇಳಿದ್ದಾರೆ. ಚುನಾವಣೆಯಲ್ಲಿ ಮಹಿಳೆಯರ ಗರಿಷ್ಠ ಭಾಗವಹಿಸುವಿಕೆಗೆ ಆದ್ಯತೆ ನೀಡಬೇಕಿದೆ. “ಈ ಸದಸ್ಯತ್ವ ಅಭಿಯಾನವು ಕೇವಲ ಆಚರಣೆಯಲ್ಲ. ಇದು ನಮ್ಮ ಕುಟುಂಬದ ವಿಸ್ತರಣೆಯಾಗಿದೆ. ಇದು ಸಂಖ್ಯೆಗಳ ಆಟವಲ್ಲ. ನಾವು ಸಾಧಿಸುವ ಸಂಖ್ಯೆಗಳು ಮುಖ್ಯವಲ್ಲ. ಈ ಸದಸ್ಯತ್ವ ಅಭಿಯಾನವು ಸೈದ್ಧಾಂತಿಕ ಮತ್ತು ಭಾವನಾತ್ಮಕ ಆಂದೋಲನವಾಗಿದೆ ಎಂದು ಮೋದಿ ಹೇಳಿದ್ದಾರೆ.
#WATCH | Delhi: At the launch of BJP’s Sanghatan Parva, Sadasyata Abhiyan 2024, Prime Minister Narendra Modi says, ” During the time of Bharatiya Jana Sangh, party workers used to paint ‘diyas’, then symbol of the party on walls with a lot of enthusiasm. Other party leaders used… pic.twitter.com/iD5zVtU3YU
— ANI (@ANI) September 2, 2024
ಬಿಜೆಪಿಗೆ “ಚುನಾವಣಾ ಯಂತ್ರ” ಎಂಬ ಪದವನ್ನು ಬಳಸುವುದು ಈ ಪಕ್ಷಕ್ಕೆ ಅವಮಾನ ಎಂದು ಹೇಳಿದ ಮೋದಿ ಚುನಾವಣೆಯಲ್ಲಿ ಗೆಲ್ಲುವುದು ಈ ಪಕ್ಷದ ಕಾರ್ಯಕರ್ತರ ಪ್ರಯತ್ನದ ಫಲವಾಗಿದೆ ಎಂದು ಹೇಳಿದರು.
ಇನ್ನಷ್ಟು ರಾಷ್ಟ್ರೀಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
