ಉತ್ತರ ಪ್ರದೇಶದಲ್ಲಿ ಪ್ರೇಮ ಕಲಹ: ಮಾವ ಬಿಜೆಪಿ ಸಂಸದ -ಅತ್ತೆ ಶಾಸಕಿ! ಸೊಸೆಯಿಂದ ಆತ್ಮಹತ್ಯೆಗೆ ಯತ್ನ
‘ತಮ್ಮಿಂದ ಬೇರ್ಪಟ್ಟ ಗಂಡ ಆಯುಷ್ ಮರಳಿ ಬರುತ್ತಾರೆ ಎಂದು ಅಂದುಕೊಂಡಿದ್ದೆ, ಆದರೆ, ಆಯುಷ್ ತಮ್ಮ ಬಳಿ ಮರಳಿ ಬರಲಿಲ್ಲ’ ಎಂದು ಬಿಜೆಪಿ ಸಂಸದ ಕೌಶಲ್ ಕಿಶೋರ್ ಅವರ ಮಗ ಆಯುಷ್ ಅವರಿಂದ ಸಾಂಸಾರಿಕವಾಗಿ ಬೇರ್ಪಟ್ಟಿರುವ ಹೆಂಡತಿ ಅಂಕಿತಾ ದೂರಿದ್ದಾರೆ.
Updated on:Mar 15, 2021 | 2:33 PM
ಲಕ್ನೋ: ಏನೂ ಇಲ್ಲದಿದ್ದರೂ ಜೀವನದಲ್ಲಿ ಮುಂದೆ ಬರಬೇಕು ಎನ್ನುವವರು ಒಂದೆಡೆಯಾದರೆ, ಎಲ್ಲಾ ಇದ್ದೂ ಜೀವನ ಸಾಕು ಎನ್ನುವವರು ಇನ್ನೊಂದೆಡೆ. ಉತ್ತರ ಪ್ರದೇಶದ ಮೋಹನ್ಲಾಲ್ಗಂಜ್ ಲೋಕಸಭಾ ಕ್ಷೇತ್ರದ ಬಿಜೆಪಿ ಸಂಸದ ಕೌಶಲ್ ಕಿಶೋರ್ ಅವರ ಮಗ ಆಯುಷ್ ಅವರಿಂದ ಸಾಂಸಾರಿಕವಾಗಿ ಬೇರ್ಪಟ್ಟಿರುವ ಹೆಂಡತಿ ಅಂಕಿತಾ ಆತ್ಮಹತ್ಯೆ ಪ್ರಯತ್ನ ನಡೆಸಿದ್ದಾರೆ. ಅವರ ಆತ್ಮಹತ್ಯೆಯ ಪ್ರಯತ್ನದ ವಿಡಿಯೋ ವೈರಲ್ ಆಗಿದೆ.
ವಿಡಿಯೋದಲ್ಲಿ ತಮ್ಮ ಆತ್ಮಹತ್ಯೆಯ ಪ್ರಯತ್ನಕ್ಕೆ ಬೇರ್ಪಟ್ಟ ಗಂಡ ಆಯುಷ್, ಮಾವ, ಬಿಜೆಪಿ ಸಂಸದ ಕೌಶಲ್ ಕಿಶೋರ್, ಶಾಸಕಿಯೂ ಆಗಿರುವ ಅತ್ತೆ ಜೈ ದೇವಿ ಮತ್ತು ಬೇರ್ಪಟ್ಟ ಗಂಡನ ಸಹೋದರ ಕಾರಣ ಎಂದು ಅಂಕಿತಾ ತಿಳಿಸಿದ್ದಾರೆ. ತಮ್ಮಿಂದ ಬೇರ್ಪಟ್ಟ ಗಂಡ ಆಯುಷ್ ತಮಗೆ ಮೋಸ ಮಾಡಿದ್ದಾರೆ ಎಂದು ಸಹ ದೂರಿದ್ದಾರೆ ಅಂಕಿತಾ.
ಅಲ್ಲದೇ ಅವರು ಆತ್ಮಹತ್ಯೆ ಮಾಡಿಕೊಳ್ಳಲು ಪ್ರಯತ್ನಿಸಿದ ವಿಡಿಯೋದಲ್ಲಿ ಅಳುತ್ತಿರುವುದು ಕಂಡುಬರುತ್ತದೆ. ‘ತಮ್ಮಿಂದ ಬೇರ್ಪಟ್ಟ ಗಂಡ ಆಯುಷ್ ಮರಳಿ ಬರುತ್ತಾರೆ ಎಂದು ಅಂದುಕೊಂಡಿದ್ದೆ, ಆದರೆ, ಆಯುಷ್ ತಮ್ಮ ಬಳಿ ಮರಳಿ ಬರಲಿಲ್ಲ’ ಎಂದು ಅವರು ವಿಡಿಯೊದಲ್ಲಿ ಆರೋಪಿಸಿದ್ದಾರೆ. ಮೂಲಗಳ ಪ್ರಕಾರ ತಮ್ಮ ಬೇರ್ಪಟ್ಟ ಗಂಡನ ಮನೆಗೆ ತೆರಳಿದ ಅವರು ಅಲ್ಲಿಯೇ ಕೈ ಕೊಯ್ದುಕೊಂಡು ಆತ್ಮಹತ್ಯೆಯ ಪ್ರಯತ್ನ ನಡೆಸಿದ್ದಾರೆ. ಆದರೆ ತಕ್ಷಣವೇ ಅವರನ್ನು ಮಹಿಳಾ ಪೊಲೀಸರ ನೇತೃತ್ವದಲ್ಲಿ ಸ್ಥಳೀಯ ಆಸ್ಪತ್ರೆಗೆ ಸೇರಿಸಲಾಗಿದೆ. ಹೀಗಾಗಿ ಅಂಕಿತಾ ಪ್ರಾಣಾಪಾಯದಿಂದ ಬಚಾವಾಗಿದ್ದಾರೆ.
ಮೂಲಗಳ ಪ್ರಕಾರ ಬಿಜೆಪಿ ಸಂಸದ ಕೌಶಲ್ ಕಿಶೋರ್ ಅವರ ಮಗ ಆಯುಷ್, ಅಂಕಿತಾ ಜತೆ ಕಳೆದ ವರ್ಷವಷ್ಟೇ ಪ್ರೇಮ ವಿವಾಹವಾಗಿದ್ದರು. ಈ ವಿವಾಹಕ್ಕೆ ಆಯುಷ್ ಅವರ ತಂದೆ ಕೌಶಲ್ ಕಿಶೋರ್ ಅವರ ಒಪ್ಪಿಗೆ ಇರಲಿಲ್ಲ ಎಂದು ವರದಿಯಾಗಿತ್ತು.
ಇದನ್ನೂ ಓದಿ: Bengaluru Crime: ಫೇಸ್ಬುಕ್ ಲೈವ್ ವಿಡಿಯೋ ಅಪ್ಲೋಡ್ ಮಾಡಿದ ನಂತರ ವ್ಯಕ್ತಿ ಆತ್ಮಹತ್ಯೆ
Published On - 2:28 pm, Mon, 15 March 21
