UPSC Recruitment 2021: 5 ಖಾಲಿ ಹುದ್ದೆಗಳಿಗೆ ಅರ್ಜಿ ಆಹ್ವಾನಿಸಿದ ಕೇಂದ್ರ ಲೋಕ ಸೇವಾ ಆಯೋಗ; ನೀವೂ ಅರ್ಹರಾಗಿದ್ದರೆ ತಡ ಮಾಡಬೇಡಿ..

ಕೇಂದ್ರ ಲೋಕ ಸೇವಾ ಆಯೋಗ (UPSC) ಖಾಲಿ ಇರುವ ಹುದ್ದೆಗಳಿಗೆ ಅಭ್ಯರ್ಥಿಗಳಿಂದ ಆನ್​ಲೈನ್​ ಮೂಲಕ ಅರ್ಜಿ ಆಹ್ವಾನಿಸಿದೆ. ಮಹಿಳಾ ವೈದ್ಯಕೀಯ ಅಧಿಕಾರಿ, ಪ್ರಧಾನ ವಿನ್ಯಾಸಾಧಿಕಾರಿ (Principal Design Officer), ಮತ್ತು ಉಳಿದ ಕೆಲವು ಹುದ್ದೆಗಳಿಗೆ ಅರ್ಜಿ ಸಲ್ಲಿಸಬಹುದು ಎಂದು ಯುಪಿಎಸ್​ಸಿ ತನ್ನ ವೆಬ್​​ಸೈಟ್​ನಲ್ಲಿ ಹೇಳಿಕೊಂಡಿದೆ. ಆಸಕ್ತ ಹಾಗೂ ಅರ್ಹ ಅಭ್ಯರ್ಥಿಗಳು ಏಪ್ರಿಲ್​ 1ರ ಮಧ್ಯಾಹ್ನ 12ಗಂಟೆಯೊಳಗೆ upsc.gov.inನಲ್ಲಿ ಆನ್​ಲೈನ್​ ಮೂಲಕ ಅರ್ಜಿ ಸಲ್ಲಿಸಬೇಕು. ಹಾಗೇ, ಆನ್​ಲೈನ್​ ಮೂಲಕ ತುಂಬಿದ ಅರ್ಜಿಗಳನ್ನು ಮುದ್ರಣ ತೆಗೆದು ಅದನ್ನು ಕಳಿಸಲು ಕೊನೇ ದಿನ ಏಪ್ರಿಲ್​ 2ಎಂದು ಯುಪಿಎಸ್​ಸಿ ತಿಳಿಸಿದೆ.

UPSCಯ ಮಹಿಳಾ ವೈದ್ಯಾಧಿಕಾರಿ (ಕುಟುಂಬ ಕಲ್ಯಾಣ)ಹುದ್ದೆಯಲ್ಲಿ 2, ಪ್ರಧಾನ ವಿನ್ಯಾಸ ಅಧಿಕಾರಿ(ಎಲೆಕ್ಟ್ರಿಯಲ್​) ಪೋಸ್ಟ್​​ನಲ್ಲಿ ಒಂದು​​, ಶಿಪ್​ ಸರ್ವೇಯರ್​ ಕಮ್​ ಡೆಪ್ಯೂಟಿ ಡೈರೆಕ್ಟರ್​ ಜನರಲ್​ (ಟೆಕ್ನಿಕಲ್)ಹುದ್ದೆಯಲ್ಲಿ ಒಂದು ಹಾಗೂ ಅಸಿಸ್ಟೆಂಟ್​ ಆರ್ಕಿಟೆಕ್ಟ್​ ಮತ್ತು ಮುಖ್ಯ ಆರ್ಕಿಟೆಕ್ಟ್​ ಕಚೇರಿಯಲ್ಲಿ ತಲಾ ಒಂದು ವೆಕೆನ್ಸಿಗಳು ಇವೆ.

ಶೈಕ್ಷಣಿಕ ಅರ್ಹತೆ ಅಸಿಸ್ಟೆಂಟ್​ ಆರ್ಕಿಟೆಕ್ಟ್​ ಮತ್ತು ಮುಖ್ಯ ಆರ್ಕಿಟೆಕ್ಟ್ ಹುದ್ದೆ: ಈ ಪೋಸ್ಟ್​ಗೆ ಅರ್ಜಿ ಸಲ್ಲಿಸುವವರು ಆರ್ಕಿಟೆಕ್ಟ್​​ನಲ್ಲಿ ಪದವಿ ಪಡೆದಿರಬೇಕು ಅಥವಾ ಮಾನ್ಯತೆ ಪಡೆದ ಯಾವುದೇ ವಿಶ್ವವಿದ್ಯಾಲಯ, ಶೈಕ್ಷಣಿಕ ಸಂಸ್ಥೆಯಿಂದ ಆರ್ಕಿಟೆಕ್ಟ್​ ಪದವಿಗೆ ಸಮಾನವಾದ ಡಿಪ್ಲೊಮಾ ಮಾಡಿರಬೇಕು. ಎರಡು ವರ್ಷಗಳ ಅನುಭವ ಕಡ್ಡಾಯ.

ಶಿಪ್​ ಸರ್ವೇಯರ್​ ಕಮ್​ ಡೆಪ್ಯೂಟಿ ಡೈರೆಕ್ಟರ್​ ಜನರಲ್​ (ಟೆಕ್ನಿಕಲ್): ನೌಕಾ ವಿನ್ಯಾಸದಲ್ಲಿ ಪದವಿ ಪಡೆದು, ಹಡಗು ವಿನ್ಯಾಸ, ಸಂವಹನ, ಸರ್ವೇ ಮತ್ತು ಹಡಗು ರಿಪೇರಿಯಲ್ಲಿ 8ವರ್ಷಗಳ ಅನುಭವ ಉಳ್ಳವರು ಈ ಹುದ್ದೆಗೆ ಅರ್ಜಿ ಸಲ್ಲಿಸಬಹುದು.

ಪ್ರಧಾನ ವಿನ್ಯಾಸ ಅಧಿಕಾರಿ(ಎಲೆಕ್ಟ್ರಿಯಲ್​): ಮಾನ್ಯತೆ ಪಡೆದ ಯಾವುದೇ ವಿಶ್ವವಿದ್ಯಾಲಯದಿಂದ ಎಲೆಕ್ಟ್ರಿಕಲ್​, ಎಲೆಕ್ಟ್ರಾನಿಕ್​ ಅಥವಾ ಟೆಲಿಕಮ್ಯೂನಿಕೇಶನ್​ನಲ್ಲಿ ಎಂಜಿನಿಯರಿಂಗ್ ಪದವಿ ಪಡೆದು, ಹಗಡುಗಳ ವಿನ್ಯಾಸ, ಅಳವಡಿಕೆ, ನಿರ್ಮಾಣದಲ್ಲಿ 10ವರ್ಷ ಪ್ರಾಯೋಗಿಕ ಅನುಭವ ಇದ್ದವರು ಅರ್ಜಿ ಸಲ್ಲಿಸಬಹುದಾಗಿದೆ.

ಮಹಿಳಾ ವೈದ್ಯಾಧಿಕಾರಿ (ಕುಟುಂಬ ಕಲ್ಯಾಣ)ಹುದ್ದೆ: ಮಾನ್ಯತೆ ಪಡೆದ ವೈದ್ಯಕೀಯ ಅರ್ಹತೆ ಇರಬೇಕು. ಈ ಬಗ್ಗೆ ಹೆಚ್ಚಿನ ಮಾಹಿತಿಯನ್ನು UPSC ವೆಬ್​ಸೈಟ್ upsc.gov.in ನಲ್ಲಿ ಪಡೆಯಬಹುದು.

ಇದನ್ನೂ ಓದಿ: ಭಾರತಮಾತೆಯ ಹೆಮ್ಮೆಯ ಪುತ್ರ ಸಂದೀಪ್​ ಉನ್ನಿಕೃಷ್ಣನ್​ ಜನ್ಮದಿನ ಇಂದು; ಮುಂಬೈ ಉಗ್ರದಾಳಿಯ ಹೋರಾಟದ ಕ್ಷಣವನ್ನೊಮ್ಮೆ ನೆನಪಿಸಿಕೊಳ್ಳೋಣ

Justice For Kamaraj: ‘ಕಾಮರಾಜು ಮತ್ತೆ ಕೆಲಸಕ್ಕೆ ನೇಮಕವಾಗುವವರೆಗೂ ಜೊಮ್ಯಾಟೊದಿಂದ ಆರ್ಡರ್​ ಪಡೆಯುವುದಿಲ್ಲ’- ಶುರುವಾಗಿದೆ ಅಭಿಯಾನ

Published On - 3:11 pm, Mon, 15 March 21