Bengaluru Crime: ಫೇಸ್ಬುಕ್ ಲೈವ್ ವಿಡಿಯೋ ಅಪ್ಲೋಡ್ ಮಾಡಿದ ನಂತರ ವ್ಯಕ್ತಿ ಆತ್ಮಹತ್ಯೆ
Bengaluru Crime: ನಗರದಲ್ಲಿ ಚಾಕುವಿನಿಂದ ಇರಿದು ಮಹಿಳೆಯ ಹತ್ಯೆ ಮಾಡಲಾಗಿದೆ. ಪಶ್ಚಿಮ ಬಂಗಾಳದ ಕೊಲ್ಕತ್ತಾದ ಅಲೀಂ ಅಬಿ ಅವರನ್ನು(35) ಹತ್ಯೆ ಮಾಡಲಾಗಿದೆ. ನಗರದ ಇನ್ನೊಂಡೆ ಸ್ನೇಹಿತನಿಂದ ವಂಚನೆಗೊಳಗಾದ ವ್ಯಕ್ತಿ ಫೇಸ್ಬುಕ್ನಲ್ಲಿ ವಿಡಿಯೋ ಹಂಚಿಕೊಂಡು ನೇಣಿಗೆ ಶರಣಾಗಿದ್ದಾನೆ.
Updated on:Feb 28, 2021 | 12:54 PM
ಬೆಂಗಳೂರು: ನಗರದಲ್ಲಿ ಚಾಕುವಿನಿಂದ ಇರಿದು, ಪಶ್ಚಿಮ ಬಂಗಾಳದ ಕೊಲ್ಕತ್ತಾದ ಅಲೀಂ ಅಬಿ ಅವರನ್ನು(35) ಹತ್ಯೆ ಮಾಡಲಾಗಿದೆ. ರಫೀಕ್ ಎಂಬಾತ ಹತ್ಯೆ ಮಾಡಿರುವುದು ತಿಳಿದು ಬಂದಿದೆ. ರಫೀಕ್ ಮತ್ತು ಅಲೀಂ ಅಬಿ ನಡುವೆ ಹಣಕಾಸಿನ ವಿಚಾರಕ್ಕೆ ಜಗಳವಾಗಿತ್ತು. ಬೆಳಗ್ಗೆ ಅಲೀಂ ಅಬಿ ಕೆಲಸಕ್ಕೆಂದು ತೆರಳುತ್ತಿರುವಾಗ ಬ್ರೂಕ್ ಫೀಲ್ಡ್ ಎರಡನೇ ಹಂತದಲ್ಲಿ ರಫೀಕ್, ಚಾಕುವಿನಿಂದ ಚುಚ್ಚಿ ಹತ್ಯೆಗೈದಿದ್ದಾನೆ.
ಆರೋಪಿ ರಫೀಕ್ ಸಹ ಕಲ್ಕತ್ತಾ ಮೂಲದವನು. ಪಶ್ಚಿಮ ಬಂಗಾಳದಿಂದ ಸೀರೆಗಳನ್ನ ತಂದು ಮಾರಾಟ ಮಾಡುತ್ತಿದ್ದ. ರಫೀಕ್ ಬಳಿ, ಅಲೀಂ ಅಬಿ ಸೀರೆ ಖರೀದಿಸಿದ್ದಳು. ಹಣ ಪಾವತಿಸಿಲ್ಲವೆಂದು 15 ದಿನಳ ಹಿಂದೆ ಇಬ್ಬರ ನಡುವೆ ಜಗಳ ಏರ್ಪಟ್ಟಿತ್ತು. ಆ ವೇಳೆ ರಫೀಕ್ಗೆ ಅಲೀಂ ಅಬಿ ಚಪ್ಪಲಿಯಿಂದ ಹೊಡೆದಿದ್ದಳು. ಅದೇ ಜಿದ್ದಿನಲ್ಲಿ ರಫೀಕ್ ಕೃತ್ಯ ಮಾಡಿದ್ದಾನೆ ಎಂಬುದು ತಿಳಿದು ಬಂದಿದ್ದು, ಹೆಚ್.ಎ.ಎಲ್ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಪ್ರಕರಣ ನಡೆದಿದೆ.
ಸ್ನೇಹಿತರಿಂದಲೇ ಮೋಸ ಹೋದ ವ್ಯಕ್ತಿ ಸಾವಿಗೆ ಶರಣು
ಸಾವಿಗೆ ಮುನ್ನ ಫೇಸ್ ಬುಕ್ ಲೈವ್ ವಿಡಿಯೋ ಅಪ್ಲೋಡ್ ಮಾಡಿರೋ ಯುವಕ ಮಂಜುನಾಥ್ ಸಾವಿಗೆ ಶರಣಾಗಿರುವ ಘಟನೆ ನಡೆದಿದೆ. ಸ್ನೇಹಿತರು ಮೋಸ ಮಾಡಿದ್ದಾರೆ. ₹11 ಲಕ್ಷ ಹಣ ಪಡೆದು ವಾಪಸ್ ನೀಡದೆ ಹಿಂಸೆ ಮಾಡುತ್ತಿದ್ದಾರೆ ಎಂದು ಯುವಕ ಹೇಳಿಕೊಂಡಿದ್ದಾನೆ.
ಕಳೆದ 6 ತಿಂಗಳ ಹಿಂದೆ ಪವನ್ ಎಂಬಾತ 11 ಲಕ್ಷ ಪಡೆದಿದ್ದರು. ಹಣ ವಾಪಸ್ ಕೇಳಿದ್ರೆ ಜೀವ ಬೆದರಿಕೆ ಹಾಕ್ತಿದ್ದಾನೆ ಎಂದು ಮಂಜುನಾಥ್ ಆರೋಪಿಸಿ ನೇಣಿಗೆ ಶರಣಾಗಿದ್ದಾನೆ. ಬಾಗಲೂರು ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಘಟನೆ ನಡೆದಿದೆ.
ಗೂಡ್ಸ್ ಲಾರಿ ಹರಿದು ಮಹಿಳೆ ಸ್ಥಳದಲ್ಲೇ ದುರ್ಮರಣ
ಬೆಂಗಳೂರಿನ ನಾಗರಬಾವಿ ಸರ್ಕಲ್‌ ಬಳಿ ದುರ್ಘಟನೆ ನಡೆದಿದ್ದು, ಚಾಲಕನ ನಿಯಂತ್ರಣ ತಪ್ಪಿದ ಗೂಡ್ಸ್ ಲಾರಿ ಫುಟ್‌ಪಾತ್‌ಗೆ ನುಗ್ಗಿದೆ. ಈ ವೇಳೆ ಫುಟ್‌ಪಾತ್ ಮೇಲೆ ನಿಂತಿದ್ದ 45 ವರ್ಷದ ಮಹಿಳೆ ಸ್ಥಳದಲ್ಲೇ ಮರಣ ಹೊಂದಿದ್ದಾರೆ. ಬ್ಯಾಟರಾಯನಪುರ ಸಂಚಾರಿ ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.
ಮಂಜುನಾಥ್
ಇದನ್ನೂ ಓದಿ: ತುಮಕೂರು: ಕ್ಯಾಬ್ನಲ್ಲೇ ಭೀಕರವಾಗಿ ಇರಿದು ಬೆಂಗಳೂರು ಮೂಲದ ವ್ಯಕ್ತಿಯ ಹತ್ಯೆ
ಇದನ್ನೂ ಓದಿ: ಚಿಂತಾಮಣಿ: ಬ್ರಾಹ್ಮಣರಹಳ್ಳಿಯಲ್ಲಿ 9 ತಿಂಗಳ ಮಗುವಿನೊಂದಿಗೆ ತಂದೆ ಆತ್ಮಹತ್ಯೆ, 3 ತಿಂಗಳ ಹಿಂದೆ ಪತ್ನಿಯ ಸಾವು
Published On - 12:51 pm, Sun, 28 February 21
