ಚಂದ್ರಯಾನ 3: ವಿಕ್ರಮ್​ನ ಹಾಪ್ ಪರೀಕ್ಷೆ ಮೊದಲು ಹಾಗೂ ನಂತರದ ಚಿತ್ರ ಹಂಚಿಕೊಂಡ ಇಸ್ರೋ, ಸ್ಲೀಪ್​ ಮೋಡ್​ನತ್ತ ಲ್ಯಾಂಡರ್​

ವಿಕ್ರಮ್ ಲ್ಯಾಂಡರ್(Vikram Lander) ಚಂದ್ರನ ಮೇಲೆ ಎರಡನೇ ಬಾರಿ ಮೃದುವಾಗಿ ಇಳಿದಿದೆ. ಇಸ್ರೋದ ಚಂದ್ರಯಾನ 3 ತನ್ನ ಕಾರ್ಯಾಚರಣೆಯನ್ನು ಪೂರ್ಣಗೊಳಿಸಿದೆ. ವಿಕ್ರಮ್ ಲ್ಯಾಂಡರ್ ತನ್ನ ಗುರಿಗಳನ್ನು ಸಾಧಿಸಿದೆ, ಹಾಪ್ ಪರೀಕ್ಷೆಯನ್ನು ಯಶಸ್ವಿಯಾಗಿ ಪೂರ್ಣಗೊಳಿಸಿದೆ ಎಂದು ಇಸ್ರೋ ಟ್ವೀಟ್ ಮಾಡಿದೆ. ಅದರ ಬೆನ್ನಲ್ಲೇ ಹಾಪ್ ಪರೀಕ್ಷೆ ಮುನ್ನ ಹಾಗೂ ಪರೀಕ್ಷೆ ನಂತರ ತೆಗೆದ ಚಿತ್ರಗಳನ್ನು ಕೂಡ ಹಂಚಿಕೊಂಡಿದೆ. ISO ನಿಂದ ಆದೇಶವನ್ನು ಸ್ವೀಕರಿಸಿದ ನಂತರ,  ತನ್ನ ಎಂಜಿನ್ ಆನ್ ಆಗಿತ್ತು, ನಿರೀಕ್ಷೆಯಂತೆ, ಅದು 40 ಸೆಂ.ಮೀ ಎತ್ತರಕ್ಕೆ ಹಾರಿತು ಸುರಕ್ಷಿತವಾಗಿ ಮತ್ತೆ 30-40 ಸೆಂ.ಮೀ ದೂರದಲ್ಲಿ ಇಳಿಯಿತು. ಇದೀಗ ವಿಕ್ರಮ್ ಲ್ಯಾಂಡರ್​ ಕೂಡ ಸ್ಲೀಪ್​ ಮೋಡ್​ಗೆ ಜಾರಲಿದೆ.

ವಿಕ್ರಮ್ ಲ್ಯಾಂಡರ್ ಹೋಪ್ ಟೆಸ್ಟ್ ಅಂದರೆ ಜಂಪ್ ಟೆಸ್ಟ್ ಅನ್ನು ಯಶಸ್ವಿಯಾಗಿ ನಡೆಸಿತು. ಸಂಸ್ಥೆಯು ಈ ಪ್ರಕ್ರಿಯೆಯನ್ನು ಕಿಕ್-ಸ್ಟಾರ್ಟ್ ಎಂದು ವಿವರಿಸಿದೆ. ಈ ಪ್ರಯೋಗದ ನಂತರ, ವಿಕ್ರಮ್‌ ಲ್ಯಾಂಡರ್​ನ ಎಲ್ಲಾ ವ್ಯವಸ್ಥೆಗಳು ಸಾಮಾನ್ಯವಾಗಿ ಕಾರ್ಯನಿರ್ವಹಿಸುತ್ತಿವೆ. ಪರೀಕ್ಷೆಯ ಸಮಯದಲ್ಲಿ, ಲ್ಯಾಂಡರ್‌ನಲ್ಲಿನ ಪೇಲೋಡ್‌ಗಳಾದ ChaSTE ಮತ್ತು ILSA ಆದೇಶಗಳನ್ನು ನೀಡುವ ಮೂಲಕ ಮಡಚಲಾಯಿತು. ಈ ಪ್ರಯೋಗದೊಂದಿಗೆ ಚಂದ್ರಯಾನ-3 ಮಿಷನ್ ನಿರೀಕ್ಷೆಗೂ ಮೀರಿ ಕೆಲಸ ಮಾಡಿದೆ ಎಂದು ಇಸ್ರೋ ಹೇಳಿದೆ.

ಪ್ರಗ್ಯಾನ್ ರೋವರ್ ತನ್ನ ಕೆಲಸವನ್ನು ಪೂರ್ಣಗೊಳಿಸಿದೆ ಮತ್ತು ಸುರಕ್ಷಿತ ಸ್ಥಳದಲ್ಲಿ ನಿಲ್ಲಿಸಲಾಗಿದೆ ಮತ್ತು ಸ್ಲೀಪ್ ಮೋಡ್‌ನಲ್ಲಿರಿಸಲಾಗಿದೆ. ಚಂದ್ರನ ಮೇಲೆ, ಒಂದು ದಿನವು ಭೂಮಿಯ ಮೇಲಿನ 14 ದಿನಗಳಿಗೆ ಸಮಾನವಾಗಿರುತ್ತದೆ. ಚಂದ್ರನ ದಕ್ಷಿಣ ಧ್ರುವದಲ್ಲಿನ ತಾಪಮಾನವು ರಾತ್ರಿಯಲ್ಲಿ ಮೈನಸ್ 238 ಡಿಗ್ರಿ ಸೆಲ್ಸಿಯಸ್‌ಗೆ ಇಳಿಯುತ್ತದೆ.

ಮತ್ತಷ್ಟು ಓದಿ: ಚಂದ್ರಯಾನ 3: ಮತ್ತೆ ಚಂದಿರನ ಮೇಲೆ ಸುರಕ್ಷಿತವಾಗಿ ಇಳಿದ ವಿಕ್ರಮ್ ಲ್ಯಾಂಡರ್

ಅಂತಹ ಪರಿಸ್ಥಿತಿಯಲ್ಲಿ, ರೋವರ್ ಮತ್ತು ಲ್ಯಾಂಡರ್ ಅಂತಹ ಕಡಿಮೆ ತಾಪಮಾನದಲ್ಲಿ ಕಾರ್ಯನಿರ್ವಹಿಸಲು ಸಾಧ್ಯವಾಗುವುದಿಲ್ಲ. ಚಂದ್ರನ ಮೇಲೆ ರಾತ್ರಿ ಹಾದುಹೋದಾಗ, ಲ್ಯಾಂಡರ್ ಮತ್ತು ರೋವರ್ ಅನ್ನು ಪುನಃ ಸಕ್ರಿಯಗೊಳಿಸುವ ಪ್ರಯತ್ನವನ್ನು ಮಾಡಲಾಗುವುದು ಆದರೆ ಇದಕ್ಕೆ ಭರವಸೆ ಕಡಿಮೆ ಇದೆ.

Chandrayaan-3 Mission: Vikram Lander is set into sleep mode around 08:00 Hrs. IST today.

Prior to that, in-situ experiments by ChaSTE, RAMBHA-LP and ILSA payloads are performed at the new location. The data collected is received at the Earth. Payloads are now switched off.… pic.twitter.com/vwOWLcbm6P

— ISRO (@isro) September 4, 2023

ಚಂದ್ರಯಾನ 3 ಮಿಷನ್ ಯಶಸ್ವಿಯಾದ ಬಳಿಕ, ಇಸ್ರೋ ಸನ್ ಮಿಷನ್​ ಅನ್ನು ಪ್ರಾರಂಭಿಸಿದೆ. ಪೆಲೋಡ್​ನ್ನು ಈಗ ಸ್ವಿಚ್ಡ್​ ಆಫ್ ಮಾಡಲಾಗಿದೆ. ಸೋಲಾರ ಪವರ್ ಮುಗಿದು ಬ್ಯಾಟರಿ ಖಾಲಿಯಾದ ಮೇಲೆ ಪ್ರಗ್ಯಾನ್ ಪಕ್ಕದಲ್ಲೇ ವಿಕ್ರಮ್ ಕೂಡ ಇರಲಿದೆ.

ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ