ನಿರ್ಮಾಣವಾದ ಐದೇ ದಿನಗಳಲ್ಲಿ ಧ್ವಂಸವಾದ ಕೊರೊನಾ ಮಾತಾ ದೇವಾಲಯ; ಕೆಡವಿದ್ದು ಯಾರೆಂಬುದೇ ಪ್ರಶ್ನೆ

TV9kannada Web Team

TV9kannada Web Team | Edited By: Lakshmi Hegde

Updated on: Jun 13, 2021 | 3:48 PM

ಲೋಕೇಶ್​ ಕುಮಾರ್​ ಶ್ರೀವಾಸ್ತವ್​ ಎಂಬುವರು, ಹಳ್ಳಿಯವರಿಂದ ಡೊನೇಶನ್​ ಪಡೆದು ಈ ದೇವಸ್ಥಾನವನ್ನು ನಿರ್ಮಿಸಿದ್ದರು. ಜೂ.7ರಂದು ದೇಗುಲ ಕಟ್ಟಲ್ಪಟ್ಟಿತ್ತು. ಆದರೆ ಐದೇ ದಿನದಲ್ಲಿ ಕೆಡವಲಾಗಿದೆ. ಇದು ಪೊಲೀಸರ ಕೆಲಸ ಎಂದು ಗ್ರಾಮಸ್ಥರು ಆರೋಪ ಮಾಡಿದ್ದಾರೆ.

ನಿರ್ಮಾಣವಾದ ಐದೇ ದಿನಗಳಲ್ಲಿ ಧ್ವಂಸವಾದ ಕೊರೊನಾ ಮಾತಾ ದೇವಾಲಯ; ಕೆಡವಿದ್ದು ಯಾರೆಂಬುದೇ ಪ್ರಶ್ನೆ
ಕೊರೊನಾ ಮಾತಾ ದೇಗುಲ

ಪ್ರತಾಪ್​ಗಡ್​: ಕೊರೊನಾ ಸೋಂಕಿನ ನಿವಾರಣೆಯಾಗಲೆಂದು ಈಗಾಗಲೇ ಹಲವರು ಪೂಜೆ, ವ್ರತ, ದೇವರ ಸ್ಮರಣೆಯ ಮೊರೆ ಹೋಗಿದ್ದಾರೆ. ಹಾಗೇ ಉತ್ತರಪ್ರದೇಶದ ಪ್ರತಾಪ್​ಗಡ್​ ಜಿಲ್ಲೆಯ ಶುಕುಲ್​ಪುರ ಗ್ರಾಮದಲ್ಲಿ ಜನರು ಕೊರೊನಾ ಮಾತಾ ದೇವಸ್ಥಾನವನ್ನೂ ಕಟ್ಟಿಸಿ, ಪೂಜಿಸಿದ್ದಾರೆ. ಜೂ.7ರಂದು ಕಟ್ಟಲ್ಪಟ್ಟಿದ್ದ ಈ ದೇವಾಲಯವನ್ನು ಐದೇ ದಿನದಲ್ಲಿ ಕೆಡವಲಾಗಿದೆ. ಆದರೆ ಕೆಡವಿದ್ದು ನಾವಲ್ಲ, ಪೊಲೀಸರು ಎಂದು ಹಳ್ಳಿಗರು ಆರೋಪಿಸುತ್ತಿದ್ದಾರೆ.

ಲೋಕೇಶ್​ ಕುಮಾರ್​ ಶ್ರೀವಾಸ್ತವ್​ ಎಂಬುವರು, ಹಳ್ಳಿಯವರಿಂದ ಡೊನೇಶನ್​ ಪಡೆದು ಈ ದೇವಸ್ಥಾನವನ್ನು ನಿರ್ಮಿಸಿದ್ದರು. ಜೂ.7ರಂದು ದೇಗುಲ ಕಟ್ಟಲ್ಪಟ್ಟಿತ್ತು. ಆದರೆ ಐದೇ ದಿನದಲ್ಲಿ ಕೆಡವಲಾಗಿದೆ. ಇದು ಪೊಲೀಸರ ಕೆಲಸ ಎಂದು ಗ್ರಾಮಸ್ಥರು ಆರೋಪ ಮಾಡಿದ್ದಾರೆ. ಆದರೆ ಈ ಆರೋಪವನ್ನು ಪೊಲೀಸರು ನಿರಾಕರಿಸಿದ್ದಾರೆ. ವಿವಾದಿತ ಸ್ಥಳದಲ್ಲಿ ದೇಗುಲ ಕಟ್ಟಲಾಗಿತ್ತು. ಈ ವಿವಾದದಲ್ಲಿ ಒಳಗೊಂಡಿರುವ ಯಾರೋ ಒಬ್ಬರು ಕೊರೊನಾ ಮಾತಾ ದೇವಸ್ಥಾನ ಧ್ವಂಸಗೊಳಿಸಿದ್ದಾರೆ ಎಂದು ಹೇಳಿದ್ದಾರೆ.

ತಾಜಾ ಸುದ್ದಿ

ಪುಟ್ಟ ದೇವಾಲಯ ನಿರ್ಮಿಸಿ ಅದರಲ್ಲಿ ಕೊರೊನಾ ಮಾತಾ ಮೂರ್ತಿಯನ್ನು ಇಡಲಾಗಿತ್ತು. ಪೂಜೆಗಾಗಿ ರಾಧೆಶ್ಯಾಮ್​ ವರ್ಮಾ ಎಂಬ ಅರ್ಚಕರನ್ನು ನೇಮಕ ಮಾಡಲಾಗಿತ್ತು. ಅದಾಗಲೇ ಹಳ್ಳಿಯ ಜನರು ಇಲ್ಲಿ ಪೂಜೆ, ಪ್ರಾರ್ಥನೆ ಸಲ್ಲಿಸಲು ಪ್ರಾರಂಭಿಸಿದ್ದರು ಎಂದೂ ಸ್ಥಳೀಯರು ಹೇಳಿದ್ದಾರೆ.

ದೇಗುಲ ನಿರ್ಮಾಣ ಮಾಡಿದ ಲೋಕೇಶ್​ ನೊಯ್ಡಾ ನಿವಾಸಿಯಾಗಿದ್ದಾರೆ. ಈ ಸ್ಥಳದಲ್ಲಿ ದೇವಸ್ಥಾನ ನಿರ್ಮಿಸಿ, ಅವರು ನೊಯ್ಡಾಕ್ಕೆ ಹೋಗಿದ್ದರು. ದೇಗುಲ ನಿರ್ಮಾಣವಾದ ಭೂಮಿ ವಿಚಾರದಲ್ಲಿ ನಾಗೇಶ್​ ಕುಮಾರ್​ ಶ್ರೀವಾಸ್ತವ್​, ಜೈ ಪ್ರಕಾಶ್​ ಶ್ರೀವಾಸ್ತವ್​ ಮತ್ತು ಲೋಕೇಶ್ ನಡುವೆ ವಿವಾದವಿದೆ ಎನ್ನಲಾಗಿದ್ದು, ದೇವಸ್ಥಾನ ನಿರ್ಮಾಣವಾಗುತ್ತಿದ್ದಂತೆ ನಾಗೇಶ್​ ಪೊಲೀಸರಿಗೆ ದೂರು ನೀಡಿದ್ದಾರೆ. ಜಮೀನನ್ನು ಸಂಪೂರ್ಣವಾಗಿ ಒಳಪಡಿಸಿಕೊಳ್ಳಲು ಕೊರೊನಾ ಮಾತಾ ದೇವಸ್ಥಾನ ನಿರ್ಮಾಣ ಮಾಡಲಾಗಿದೆ ಎಂದು ಆರೋಪಿಸಿದ್ದಾರೆ. ಸದ್ಯ ಪೊಲೀಸರು ಪ್ರಕರಣದ ತನಿಖೆ ಶುರು ಮಾಡಿದ್ದಾರೆ.

ಇದನ್ನೂ ಓದಿ: ‘ಮತ್ತೆ ಬದುಕುವುದಕ್ಕೆ ಇಷ್ಟವಿಲ್ಲ’; ಕೊವಿಡ್​ನಿಂದ ತಂದೆ-ತಾಯಿ ಇಬ್ಬರನ್ನೂ ಕಳೆದುಕೊಂಡ ಖ್ಯಾತ ಯೂಟ್ಯೂಬರ್ ಭುವನ್

(Coronamata Temple Built in Uttar Pradesh and aftet 5 days demolished)

ತಾಜಾ ಸುದ್ದಿ

Follow us on

Related Stories

Most Read Stories

Click on your DTH Provider to Add TV9 Kannada