ನಿಮ್ಮ ಹೆಲ್ಮೆಟ್​ ಎಲ್ಲಿ? ಪೊಲೀಸರನ್ನೇ ಹಿಂಬಾಲಿಸಿ ಪ್ರಶ್ನೆ ಮಾಡಿದ ಮಹಿಳೆಯರು

ಕಾನೂನನ್ನು ಬೋಧಿಸುವವರೇ ಕಾನೂನು ಪಾಲನೆ ಮಾಡದಿದ್ದರೆ ಹೇಗೆ?, ಪೊಲೀಸ್ ಅಧಿಕಾರಿಯೊಬ್ಬರು ಹೆಲ್ಮೆಟ್​ ಇಲ್ಲದೆ ಬೈಕ್​ ಓಡಿಸುತ್ತಿದ್ದುದನ್ನು ಕಂಡು ಇಬ್ಬರು ಮಹಿಳೆಯರು ಅವರನ್ನೇ ಹಿಂಬಾಲಿಸಿ ಹೋಗಿ ಪ್ರಶ್ನೆ ಮಾಡಿರುವ ವಿಡಿಯೋ ಎಲ್ಲೆಡೆ ವೈರಲ್ ಆಗಿದೆ. ಸಾಮಾನ್ಯವಾಗಿ ಪೊಲೀಸರು ಜನರನ್ನು ಬೆನ್ನಟ್ಟುವುದನ್ನು ನೋಡಿರುತ್ತೀರಿ ಆದರೆ ಈ ಮಹಿಳೆಯರು ಪೊಲೀಸರನ್ನೇ ಬೆನ್ನಟ್ಟಿದ್ದಾರೆ.

ಇಬ್ಬರು ಮಹಿಳೆಯರು ಕಾರಿನಲ್ಲಿ ಹೋಗುತ್ತಿರುವಾಗ ಪೊಲೀಸ್ ಅಧಿಕಾರಿಯೊಬ್ಬರು ಹೆಲ್ಮೆಟ್​ ಇಲ್ಲದೇ ಹೋಗುತ್ತಿರುವುದನ್ನು ಕಂಡು ಅವರನ್ನು ಹಿಂಬಾಲಿಸಿದ್ದಾರೆ, ಅಷ್ಟೇ ಅಲ್ಲದೆ ನಿಮ್ಮ ಹೆಲ್ಮೆಟ್​ ಎಲ್ಲಿ ಎಂದು ಪ್ರಶ್ನೆ ಮಾಡಿದ್ದಾರೆ.

ಬಳಿಕ ಪೊಲೀಸ್​ಗೆ ಸರಿಯಾಗಿ ಇವರು ಏನು ಹೇಳುತ್ತಿದ್ದಾರೆ ಎಂಬುದು ಕೇಳಿಸಿಲ್ಲ, ಯಾವುದಾದರೂ ವಿಳಾಸ ಕೇಳುತ್ತಿರಬಹುದು ಎಂದು ಬೈಕ್​ ಅನ್ನು ನಿಧಾನ ಮಾಡಿದ್ದಾರೆ, ಆಗ ಇವರು ಮತ್ತೆ ನಿಮ್ಮ ಹೆಲ್ಮೆಟ್​ ಎಲ್ಲಿ ಎಂದು ಜೋರಾಗಿ ಕೇಳಿದ್ದಾರೆ ಆಗ ಪೊಲೀಸ್​ ಯಾವ ಉತ್ತರವನ್ನೂ ಕೊಡದೆ ಗಾಡಿ ಚಲಾಯಿಸಿಕೊಂಡು ಮುಂದೆ ಹೋಗಿದ್ದಾರೆ.

ಮತ್ತಷ್ಟು ಓದಿ: ಬೆಂಗಳೂರು: ಹೆಲ್ಮೆಟ್ ಕಳ್ಳತನ, ಹುಡುಕಿಕೊಡಿ ಎಂದು ಪೊಲೀಸ್ ಠಾಣೆಗೆ ದೂರು

ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ, ಟ್ವಿಟ್ಟರ್​ನಲ್ಲಿ ನಾಲ್ಕು ಲಕ್ಷಕ್ಕೂ ಹೆಚ್ಚು ಮಂದಿ ಈ ವಿಡಿಯೋವನ್ನು ವೀಕ್ಷಿಸಿದ್ದಾರೆ. ಆದರೆ ಮಹಿಳೆ ಸ್ವತಃ ಸೀಟ್​ಬೆಲ್ಟ್​ ಧರಿಸಿದಂತೆ ಕಾಣುತ್ತಿಲ್ಲ ಎಂದು ಬಳಕೆದಾರರು ಟ್ವೀಟ್​ ಮಾಡಿದ್ದಾರೆ.

Kalesh b/w a Woman and Police Officer over not wearing a helmet pic.twitter.com/msuGVbnPmA

— Ghar Ke Kalesh (@gharkekalesh) November 8, 2023

ಇಂತಹ ಘಟನೆಗಳು ನಡೆಯುತ್ತಿರುವುದು ಇದೇ ಮೊದಲಲ್ಲ, ಇದಕ್ಕೂ ಮುನ್ನ ಹೆಲ್ಮೆಟ್​ ಇಲ್ಲದೆ ಬೈಕ್ ಚಲಾಯಿಸುತ್ತಿದ್ದ ಇಬ್ಬರು ಪೊಲೀಸರನ್ನು ಇಬ್ಬರು ಮಹಿಳೆಯರು ಹಿಂಬಾಲಿಸಿದ್ದರು. ಉತ್ತರ ಪ್ರದೇಶದ ಗಾಜಿಯಾಬಾದ್​ನಲ್ಲಿ ನಡೆದ ಘಟನೆ ವೈರಲ್ ಆಗಿದೆ. ಬಳಿಕ ಗಾಜಿಯಾಬಾದ್​ ಟ್ರಾಫಿಕ್ ಪೊಲೀಸರು ಸಾವಿರ ರೂ. ದಂಡವನ್ನು ವಿಧಿಸಿ ಚಲನ್ ನೀಡಿದ್ದಾರೆ.

ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ