Farmers Protest: ಪಂಜಾಬ್ನಲ್ಲಿ ಬಿಜೆಪಿ ಮುಖಂಡನ ಹೊಲಕ್ಕೆ ನುಗ್ಗಿ ಭತ್ತದ ಸಸಿಗಳನ್ನು ಪೂರ್ತಿಯಾಗಿ ನಾಶ ಮಾಡಿದ ರೈತರು
ಗದ್ದೆಯನ್ನು ಧ್ವಂಸ ಮಾಡಿದವರ ವಿರುದ್ಧ ಹರ್ಜೀತ್ ಸಿಂಗ್ ಪಂಜಾಬ್ ಡಿಜಿಪಿಗೆ ದೂರು ನೀಡಿದ್ದಾರೆ. ಗೃಹ ಸಚಿವ ಅಮಿತ್ ಶಾರಿಗೂ ಘಟನೆಯ ಬಗ್ಗೆ ಸಮಗ್ರ ಮಾಹಿತಿ ನೀಡಿದ್ದಾರೆ.
Updated on: Jul 03, 2021 | 5:36 PM
ದೆಹಲಿ: ಸಂಯುಕ್ತ ಕಿಸಾನ್ ಮೋರ್ಚಾ (SKM) ಸಂಘಟನೆಯ ರೈತರು ಪುಂಡಾಟಿಕೆ ತೋರಿದ್ದಾರೆ. ಪಂಜಾಬ್ನ ಬರ್ನಲಾ ಜಿಲ್ಲೆಯ ಧನೌಲಾ ಗ್ರಾಮದಲ್ಲಿರುವ, ಬಿಜೆಪಿ ಮುಖಂಡ ಹರ್ಜೀತ್ ಸಿಂಗ್ ಗ್ರೇವಾಲ್ ಅವರ ಭತ್ತದ ಗದ್ದೆಯನ್ನು ಸಂಪೂರ್ಣವಾಗಿ ನಾಶ ಮಾಡಿದ್ದಾರೆ. ಮಹಿಳೆಯರೂ ಸೇರಿ ಕೆಲವು ರೈತರು ಕೈಯಲ್ಲಿ ಸಂಯುಕ್ತ ಕಿಸಾನ್ ಮೋರ್ಚಾ ಮತ್ತು ಭಾರತೀಯ ಕಿಸಾನ್ ಯೂನಿಯನ್ನ ಬಾವುಟವನ್ನು ಹಿಡಿದು, ಹರ್ಜೀತ್ ಸಿಂಗ್ರ ಭತ್ತದ ಗದ್ದೆಗೆ ನುಗ್ಗಿದ್ದರು. ಸುಮಾರು 1.5 ಎಕರೆ ವಿಸ್ತೀರ್ಣದ ಹೊಲದಲ್ಲಿ ಬೆಳೆದಿದ್ದ ಭತ್ತದ ಸಸಿಗಳನ್ನೆಲ್ಲ ಕಿತ್ತು ಎಸೆದು, ತಮ್ಮ ಟ್ರ್ಯಾಕ್ಟರ್ನಿಂದ ಮತ್ತೊಮ್ಮೆ ಗದ್ದೆಯನ್ನು ಉಳಿಮೆ ಮಾಡಿದ್ದಾರೆ.
ಹರ್ಜೀತ್ ಗ್ರೇವಾಲಾರ ಹೇಳಿಕೆಗೆ ಕ್ರೋಧ ಬಿಜೆಪಿ ಮುಖಂಡ ಹರ್ಜೀತ್ ಸಿಂಗ್ ಅವರು ರೈತರ ವಿರುದ್ಧ ನೀಡಿದ್ದ ಒಂದು ಹೇಳಿಕೆಯಿಂದ ರೈತಸಂಘಟನೆಗಳು ತೀವ್ರ ಕ್ರೋಧಗೊಂಡಿದ್ದವು. ಕೆಲವು ರೈತ ಸಂಘಟನೆಗಳಿಗೆ ಪ್ರತಿಭಟನೆಯನ್ನು ಅಂತ್ಯಗೊಳಿಸುವುದು ಇಷ್ಟವಿಲ್ಲ. ಅವರು ಪ್ರತಿಭಟನೆ ಹೆಸರಲ್ಲಿ ಹಳ್ಳಿಗಳಿಂದ ನಿಧಿ ಸಂಗ್ರಹಿಸುತ್ತಿದ್ದಾರೆ. ಅಷ್ಟೇ ಅಲ್ಲ, ವಿದೇಶಗಳಿಂದಲೂ ಹಣಕಾಸಿನ ನೆರವು ಪಡೆಯುತ್ತಿದ್ದಾರೆ ಎಂದು ಹರ್ಜೀತ್ ಸಿಂಗ್ ಆರೋಪಿಸಿದ್ದರು. ಅದಾದ ಬೆನ್ನಲ್ಲೇ ರೈತ ಸಂಘಟನೆಗಳು, ಹರ್ಜೀತ್ ಸಿಂಗ್ ಗ್ರೇವಾಲ್ರ ಭೂಮಿಯನ್ನು ಕೃಷಿಚಟುವಟಿಕೆಗಾಗಿ ಯಾರೂ ಗುತ್ತಿಗೆ ಪಡೆಯುವಂತಿಲ್ಲ, ಹಾಗೇನಾದರೂ ಆದರೆ ನಾವು ಸುಮ್ಮನಿರುವುದಿಲ್ಲ ಎಂದು ಎಚ್ಚರಿಕೆಯನ್ನು ನೀಡಿದ್ದರು. ಇದೀಗ ಭತ್ತದ ಸಸಿಗಳು ಬೆಳೆದು ನಿಂತ ಬೆನ್ನಲ್ಲೇ ಇಂಥ ಕೃತ್ಯ ಎಸಗಿದ್ದಾರೆ. ಇದೀಗ ಭತ್ತದ ಗದ್ದೆಯನ್ನು ರೈತರು ಧ್ವಂಸಗೊಳಿಸಿದ ವಿಡಿಯೋ ಸೋಷಿಯಲ್ ಮೀಡಿಯಾಗಳನ್ನೂ ಸಿಕ್ಕಾಪಟೆ ವೈರಲ್ ಆಗಿದೆ.
ಎಫ್ಐಆರ್ ದಾಖಲು ಇನ್ನು ಗದ್ದೆಯನ್ನು ಧ್ವಂಸ ಮಾಡಿದವರ ವಿರುದ್ಧ ಹರ್ಜೀತ್ ಸಿಂಗ್ ಪಂಜಾಬ್ ಡಿಜಿಪಿಗೆ ದೂರು ನೀಡಿದ್ದಾರೆ. ಗೃಹ ಸಚಿವ ಅಮಿತ್ ಶಾರಿಗೂ ಘಟನೆಯ ಬಗ್ಗೆ ಸಮಗ್ರ ಮಾಹಿತಿ ನೀಡಿದ್ದಾರೆ. ಹೊಲದಲ್ಲಿ ಭತ್ತದ ಸಸಿಗಳನ್ನು ಕಿತ್ತವರ ವಿರುದ್ಧ ಧನೌಲಾ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಆದರೆ ಯಾವುದೇ ಗಂಭೀರ ಕ್ರಮವನ್ನು ಸದ್ಯದ ಮಟ್ಟಿಗೆ ತೆಗೆದುಕೊಂಡಿಲ್ಲ.
ಕೇಂದ್ರದ ಕೃಷಿ ಕಾಯ್ದೆಗಳನ್ನು ವಿರೋಧಿ ಗದ್ದೆಯನ್ನು ಧ್ವಂಸ ಮಾಡಿದವರ ವಿರುದ್ಧ ಹರ್ಜೀತ್ ಸಿಂಗ್ ಪಂಜಾಬ್ ಡಿಜಿಪಿಗೆ ದೂರು ನೀಡಿದ್ದಾರೆ. ಗೃಹ ಸಚಿವ ಅಮಿತ್ ಶಾರಿಗೂ ಘಟನೆ ಯ ಬಗ್ಗೆ ಸಮಗ್ರ ಮಾಹಿತಿ ನೀಡಿದ್ದಾರೆ.ಸಿ ಸಾವಿರಾರು ರೈತರು ಏಳು ತಿಂಗಳುಗಳಿಂದ ದೆಹಲಿಯ ಗಡಿಗಳಲ್ಲಿ ಪ್ರತಿಭಟನೆ ನಡೆಸುತ್ತಿದ್ದಾರೆ. ಸಿಂಗು, ಟಿಕ್ರಿ ಮತ್ತು ಘಾಜಿಪುರ್ಗಳಲ್ಲೇ ಬೀಡುಬಿಟ್ಟಿದ್ದಾರೆ. ಪ್ರತಿಭಟನೆ ಕೈಬಿಡುವಂತೆ ಕೃಷಿ ಸಚಿವ ನರೇಂದ್ರ ಸಿಂಗ್ ತೋಮರ್, ವಾಣಿಜ್ಯ ಇಲಾಖೆ ಸಚಿವ ಪಿಯುಷ್ ಗೋಯಲ್ ಹಲವು ಬಾರಿ ರೈತರಿಗೆ ಮನವಿ ಮಾಡಿದ್ದಾರೆ. ಆದರೆ ಮೂರು ಕೃಷಿ ಕಾಯ್ದೆಗಳನ್ನು ವಾಪಸ್ ಪಡೆಯುವವರೆಗೂ ಪ್ರತಿಭಟನೆ ಬಿಡುವುದಿಲ್ಲ ಎಂದು ರೈತರು ಪಟ್ಟು ಹಿಡಿದು ಕುಳಿತಿದ್ದಾರೆ.
ಇದನ್ನೂ ಓದಿ: Delta Variant: ಡೆಲ್ಟಾ ಮಾದರಿ ಕೊರೊನಾ ಸೋಂಕಿನ ಲಕ್ಷಣಗಳು ಈ ಮೊದಲ ಕೊವಿಡ್ ರೋಗಲಕ್ಷಣಕ್ಕಿಂತ ಭಿನ್ನವಾಗಿರಬಹುದು: ಅಧ್ಯಯನ
(Farmers destroy BJP leaders land uproot paddy In Punjab)
