ಪ್ರಧಾನಿ ಮೋದಿ ಸ್ವೀಕರಿಸಿದ ಉಡುಗೊರೆಗಳು ಆನ್​ಲೈನ್​ನಲ್ಲಿ ಹರಾಜು, ನೀವೂ ಪಡೀಬೇಕೆ? ಇಲ್ಲಿದೆ ವಿವರ

ಪ್ರಧಾನಿ ನರೇಂದ್ರ ಮೋದಿ ಸ್ವೀಕರಿಸಿದ ಸ್ಮರಣಿಕೆಗಳನ್ನು (A gift received by Prime Minister Modi) ಆನ್​​​ಲೈನ್​​​ ಹರಾಜು ಮಾಡಲಾಗುತ್ತಿದೆ. ಈ ಪ್ರಕ್ರಿಯೆ ಅ.31ರವರೆಗೆ ಇದೆ ಎಂದು ಹೇಳಲಾಗಿದೆ. ಇದರಲ್ಲಿ ಸೊಗಸಾದ ಶಿಲ್ಪಗಳು, ವರ್ಣಚಿತ್ರಗಳು, ರೇಖಾಚಿತ್ರಗಳು, ಕರಕುಶಲ ವಸ್ತುಗಳು, ಸಾಂಪ್ರದಾಯಿಕ ಉಡುಗೆಗಳು, ಪೇಟ ಇನ್ನಿತರ ವಸ್ತುಗಳನ್ನು ಒಳಗೊಂಡಿದೆ. ಇವುಗಳ ಬೆಲೆ 700 ರೂ.ನಿಂದ ಆರಂಭವಾಗಲಿದ್ದು 64,80,000 ರೂ. ವರೆಗಿನ ವಸ್ತುಗಳು ಇದೆ. ಇನ್ನು ಈ ವಸ್ತುಗಳನ್ನು ನೀವು ಪಡೆಯಬೇಕೆಂದರೆ ಆನ್​​ಲೈನ್​ ಮೂಲಕ PM Mementos ಪೋರ್ಟಲ್​​ಗೆ ಭೇಟಿ ನೀಡಬೇಕು. ಇಲ್ಲಿ ನೀವು ಪ್ರಧಾನಿ ಮೋದಿ ಅವರಿಗೆ ಸಿಕ್ಕ ಸ್ಮರಣಿಕೆಗಳನ್ನು ಪಡೆಯಬಹುದು.

ನೀವೂ ಪಡೀಬೇಕೆ? ಈ ಹಂತಗಳನ್ನು ಅನುಸರಿಸಿ:

ಹಂತ-1

– ಹೊಸ ಖರೀದಿದಾರರು PM Mementos ಪೋರ್ಟಲ್ ಮುಖಪುಟದ ಮೇಲಿನ ಬಲ ಮೂಲೆಯಲ್ಲಿರುವ “ಖರೀದಿದಾರರ ಸೈನ್ ಅಪ್” ಬಟನ್ ಅನ್ನು ಕ್ಲಿಕ್ ಮಾಡಬೇಕು .

– ಖರೀದಿದಾರರ ಸೈನ್‌ಅಪ್ ಪುಟದಲ್ಲಿ ಮೊಬೈಲ್ ಸಂಖ್ಯೆ, ಇಮೇಲ್ ವಿಳಾಸ ಮತ್ತು ಪಾಸ್‌ವರ್ಡ್‌ನಂತಹ ವಿವರಗಳನ್ನು ಒದಗಿಸಿ.

– ಚೆಕ್‌ಬಾಕ್ಸ್ ನ್ನು ಕ್ಲಿಕ್ ಮಾಡುವ ಮೂಲಕ ಹರಾಜು ನಿಯಮಗಳು ಮತ್ತು ಷರತ್ತುಗಳನ್ನು ಒಪ್ಪಿಕೊಳ್ಳಿ.

– ನೋಂದಾಯಿತ ಮೊಬೈಲ್ ಸಂಖ್ಯೆ ಮತ್ತು ಇಮೇಲ್ ಐಡಿ ಮೂಲಕ ಸ್ವೀಕರಿಸಿದ OTPನ್ನು ಇಲ್ಲಿ ತಿಳಿಸಿ.

– ಪ್ರೊಫೈಲ್ ವಿವರಗಳ ಪುಟದಲ್ಲಿ ಹೆಸರು, ಲಿಂಗ, ಹುಟ್ಟಿದ ದಿನಾಂಕ ಮತ್ತು ವಿಳಾಸದ ವಿವರಗಳನ್ನು ನಮೂದಿಸಿ.

-ಎಲ್ಲ ವಿವರಗಳನ್ನು ಒಮ್ಮೆ ಪರಿಶೀಲಿಸಿ ಮತ್ತು “ಸಲ್ಲಿಸು” ನೀಡಿರುವ ಆಯ್ಕೆಗೆ ಕ್ಲಿಕ್ ಮಾಡಿ.

– ನಂತರ ಪೋರ್ಟಲ್​​ “ನಿಮ್ಮ ಸೈನ್ ಅಪ್ ಯಶಸ್ವಿಯಾಗಿ ಮಾಡಲಾಗಿದೆ” ಎಂಬ ಸಂದೇಶವನ್ನು ತೋರಿಸುತ್ತದೆ.

ಹಂತ 2:

ಹಂತ ಒಂದು ಮುಗಿದ ನಂತರ ಲಾಗಿನ್​​​ ಐಡಿಯನ್ನು ಇಲ್ಲಿ ಹಾಕಿ (ಮಾನ್ಯವಾದ ಪಾಸ್‌ವರ್ಡ್‌ನೊಂದಿಗೆ ಇಮೇಲ್ ಐಡಿ ಅಥವಾ ಮೊಬೈಲ್ ಸಂಖ್ಯೆ) ಲಾಗಿನ್​​ ಮಾಡಿಕೊಳ್ಳಿ.

ಹಂತ 3:

-ಇನ್ನು ನೀವು ನೀಡಿದ ಮಾಹಿತಿಯಲ್ಲಿ ಆಧಾರ ದೃಢೀಕರಣ ಇದೆಯೇ ಎಂದು ಪರಿಶೀಲನೆ ಮಾಡುತ್ತದೆ.

– ಒಂದು ವೇಳೆ ಮಾಹಿತಿಯಲ್ಲಿ ಆಧಾರ ದೃಢೀಕರಣ ಇಲ್ಲವೆಂದರೆ, ಆಧಾರ ದೃಢೀಕರಣ ಪುಟಕ್ಕೆ ನ್ಯಾವಿಗೇಟ್ ಮಾಡುತ್ತದೆ.

ಹಂತ 4:

ಲಾಗಿನ್​​ ನಂತರ ನೀವು ಹರಾಜು ಮಾಡಲಾದ ವಸ್ತುಗಳ ಮೇನುವನ್ನು ತೋರಿಸುತ್ತದೆ. ಇಲ್ಲಿ ನಿಮಗೆ ಬೇಕಾದ ವಷ್ತುಗಳನ್ನು ಆಯ್ಕೆ ಮಾಡಿಕೊಳ್ಳಬಹುದು.

ಹಂತ 5:

-ನೀವು ಆಯ್ಕೆ ಮಾಡಿದ ವಸ್ತುಗಳನ್ನು ಮತ್ತೊಮ್ಮೆ ಪರಿಶೀಲನೆ ಮಾಡಿ. ಜತೆಗೆ ಅದರ ದರವನ್ನು ಕೂಡ ಅಲ್ಲಿ ತಿಳಿಸಲಾಗುತ್ತದೆ. ಇದರ ಜತೆಗೆ ನಿಮಗೆ ಕಾರ್ಟ್ ಕೂಡ ನೀಡಲಾಗುತ್ತದೆ. ಅದಕ್ಕೆ ನೀವು ಆಯ್ಕೆ ಮಾಡಿದ ವಸ್ತುಗಳನ್ನು ಸೇರಿಸಬೇಕು.

– ಇನ್ನು ಇಲ್ಲಿ ಕಾರ್ಟ್​​ಗಳನ್ನು ಆಯ್ಕೆ ಮಾಡಿಕೊಳ್ಳುವುದು ಕಡ್ಡಾಯವಾಗಿದೆ. ಏಕೆಂದರೆ ಕಾರ್ಟ್ ಆಯ್ಕೆ ಮಾಡಿದವರಿಗೆ ಮಾತ್ರ ಈ ಹರಾಜಿನಲ್ಲಿ ಭಾಗವಹಿಸಲು ಅವಕಾಶ ನೀಡಲಾಗುತ್ತದೆ.

ಹಂತ 6:

-ಇನ್ನು ಕಾರ್ಟ್​​ಗೆ ವಸ್ತುಗಳನ್ನು ಸೇರಿಸಿದ ನಂತರ ಬಿಡ್ ಮಾಡಬಹುದು. ಅಲ್ಲಿಂದ ಹರಾಜು ಪ್ರಾರಂಭವಾಗುತ್ತದೆ.

-ಈ ಬಿಡ್​​ನ್ನು ಹರಾಜು ಮುಗಿಯುವರೆಗೆ ಮಾಡಬಹುದು.

ಹಂತ -7 :

ಹರಾಜು ಮುಗಿದ ನಂತರ ಮತ್ತು ಇಲಾಖೆ ಹರಾಜಿನ ಸೂಚಕಗಳನ್ನು ತಿಳಿಸುತ್ತದೆ. ಅಲ್ಲಿಂದ ಹರಾಜುದಾರರು ವಸ್ತುವಿನ ಬೆಲೆಗೆ ಅನುಗುಣವಾಗಿ ಅಂದರೆ ಹರಾಜಿನಲ್ಲಿ ತಿಳಿಸಿದ ಮೊತ್ತವನ್ನು ಪಾವತಿಸಬೇಕು. ಮೊತ್ತವನ್ನು ಪೋರ್ಟಲ್​​ನಲ್ಲಿ ಪಾವತಿಸಬೇಕು. ಜತೆಗೆ ದೇಶದೊಳಗಿನ ವಿಳಾಸಕ್ಕೆ ಮಾತ್ರ ಇಲಾಖೆಯೇ ತಲುಪಿಸುತ್ತದೆ.

ಇದನ್ನೂ ಓದಿ: ಪ್ರಧಾನಿ ಮೋದಿ ಸ್ವೀಕರಿಸಿದ ಉಡುಗೊರೆ, ಸ್ಮರಣಿಕೆಗಳ ಹರಾಜು; ಕ್ರೀಡಾಪಟುಗಳು ಕೊಟ್ಟ ಗಿಫ್ಟ್​ಗಳಿಗೆ ಭರ್ಜರಿ ಬೇಡಿಕೆ

ಭಾರತ ಸರ್ಕಾರದ ಸಂಸ್ಕೃತಿ ಸಚಿವಾಲಯ ನ್ಯಾಷನಲ್ ಗ್ಯಾಲರಿ ಆಫ್ ಮಾಡರ್ನ್ ಆರ್ಟ್ (NGMA) ಆಯೋಜಿಸಿರುವ ಈ ಇ-ಹರಾಜನ್ನು ಭಾರತೀಯರು ಪ್ರತ್ಯೇಕವಾಗಿ ಪ್ರವೇಶಿಸಬಹುದಾಗಿದೆ. ಇನ್ನು ಈ ಆನ್‌ಲೈನ್ ಹರಾಜಿನಿಂದ ಬರುವ ಆದಾಯವು ಗಂಗಾ ನದಿಯನ್ನು ಪುನರುಜ್ಜೀವನಗೊಳಿಸುವ “ನಮಾಮಿ ಗಂಗೆ ಕಾರ್ಯಕ್ರಮ”ಕ್ಕೆ ಉಪಯೋಗಿಸಲಾಗುವುದು ಎಂದು ಇಲಾಖೆ ಹೇಳಿದೆ.

ಮತ್ತಷ್ಟು ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ