ದೇಶದ ಆರ್ಥಿಕತೆ ಮೇಲೆ ಕೊರೊನಾ ಕರಿಛಾಯೆ: ತಾಂತ್ರಿಕ ಹಿಂಜರಿತದ ಸುಳಿಯಲ್ಲಿ ಭಾರತ

ದೇಶದ ಆರ್ಥಿಕತೆ ಮೇಲೆ ಕೊರೊನಾ ಕರಿಛಾಯೆ: ತಾಂತ್ರಿಕ ಹಿಂಜರಿತದ ಸುಳಿಯಲ್ಲಿ ಭಾರತ

ದೆಹಲಿ: ಕೊರೊನಾ ಅಟ್ಟಹಾಸದಿಂದ ದೇಶ ಅಕ್ಷರಶಃ ನಲುಗಿ ಹೋಗಿದ್ದು ಅದರ ಹರಡುವಿಕೆಯನ್ನು ತಡೆಗಟ್ಟಲು ವಿಧಿಸಲಾದ ಲಾಕ್​ಡೌನ್​ನಿಂದ ಆರ್ಥಿಕ ಪರಿಸ್ಥಿತಿ ತೀರಾ ಹದಗೆಟ್ಟಿದೆ. ಈ ನಡುವೆ, ಭಾರತೀಯ ರಿಸರ್ವ್​ ಬ್ಯಾಂಕ್​ನ ಅಧಿಕಾರಿಯೊಬ್ಬರು ಒಟ್ಟು ಆಂತರಿಕ ಉತ್ಪಾದನೆಯಲ್ಲಿ (ಜಿಡಿಪಿ) ಕುಸಿತದ ಬಗ್ಗೆ ಮಾಹಿತಿ ನೀಡಿದ್ದಾರೆ. 2020-21ರ ಹಣಕಾಸು ವರ್ಷದ ಜುಲೈ-ಸೆಪ್ಟಂಬರ್ ತ್ರೈಮಾಸಿಕದಲ್ಲಿ ಭಾರತದ ಒಟ್ಟು ಆಂತರಿಕ ಉತ್ಪಾದನೆ (ಜಿಡಿಪಿ) ಶೇ. 8.6 ರಷ್ಟು ಕುಸಿದಿದೆ ಎಂದು ಇತ್ತೀಚಿನ ಬಿಡುಗಡೆಯಾದ RBIನ ಮಾಸಿಕ ಬುಲೆಟಿನ್​ನಲ್ಲಿ ಅಧಿಕಾರಿಯೊಬ್ಬರು ಅಂದಾಜಿಸಿದ್ದಾರೆ. ಹೀಗಾಗಿ, ಭಾರತವು 2020-21ರ […]

KUSHAL V

|

Nov 15, 2020 | 5:23 PM

ದೆಹಲಿ: ಕೊರೊನಾ ಅಟ್ಟಹಾಸದಿಂದ ದೇಶ ಅಕ್ಷರಶಃ ನಲುಗಿ ಹೋಗಿದ್ದು ಅದರ ಹರಡುವಿಕೆಯನ್ನು ತಡೆಗಟ್ಟಲು ವಿಧಿಸಲಾದ ಲಾಕ್​ಡೌನ್​ನಿಂದ ಆರ್ಥಿಕ ಪರಿಸ್ಥಿತಿ ತೀರಾ ಹದಗೆಟ್ಟಿದೆ. ಈ ನಡುವೆ, ಭಾರತೀಯ ರಿಸರ್ವ್​ ಬ್ಯಾಂಕ್​ನ ಅಧಿಕಾರಿಯೊಬ್ಬರು ಒಟ್ಟು ಆಂತರಿಕ ಉತ್ಪಾದನೆಯಲ್ಲಿ (ಜಿಡಿಪಿ) ಕುಸಿತದ ಬಗ್ಗೆ ಮಾಹಿತಿ ನೀಡಿದ್ದಾರೆ.

2020-21ರ ಹಣಕಾಸು ವರ್ಷದ ಜುಲೈ-ಸೆಪ್ಟಂಬರ್ ತ್ರೈಮಾಸಿಕದಲ್ಲಿ ಭಾರತದ ಒಟ್ಟು ಆಂತರಿಕ ಉತ್ಪಾದನೆ (ಜಿಡಿಪಿ) ಶೇ. 8.6 ರಷ್ಟು ಕುಸಿದಿದೆ ಎಂದು ಇತ್ತೀಚಿನ ಬಿಡುಗಡೆಯಾದ RBIನ ಮಾಸಿಕ ಬುಲೆಟಿನ್​ನಲ್ಲಿ ಅಧಿಕಾರಿಯೊಬ್ಬರು ಅಂದಾಜಿಸಿದ್ದಾರೆ. ಹೀಗಾಗಿ, ಭಾರತವು 2020-21ರ ಮೊದಲಾರ್ಧದಲ್ಲಿ ತಾಂತ್ರಿಕ ಹಿಂಜರಿತದಿಂದ ಹೊಸ ಇತಿಹಾಸವನ್ನೇ ಸೃಷ್ಟಿಸುವ ಸಾಧ್ಯತೆಯಿದೆ. ಇದಲ್ಲದೆ, ರಾಷ್ಟ್ರೀಯ ಸಂಖ್ಯಾಶಾಸ್ತ್ರ ಕಚೇರಿ (NSO) ಕಳೆದ ಆಗಸ್ಟ್​ನಲ್ಲಿ ಶೇ. 23.9 ರಷ್ಟು ಜಿಡಿಪಿ ಕುಸಿದಿದೆ ಎಂದು ಸ್ಪಷ್ಟಪಡಿಸಿದೆ.

ತಾಂತ್ರಿಕ ಹಿಂಜರಿತ (Technical Recession) ಎಂದರೇನು? ಉತ್ಪಾದನೆಯಲ್ಲಿ ಸತತ ಎರಡು ತ್ರೈಮಾಸಿಕಗಳ ಕಾಲ ಕಂಡುಬರುವ ಆರ್ಥಿಕ ಕುಸಿತವನ್ನು ತಾಂತ್ರಿಕ ಹಿಂಜರಿತ (Technical Recession) ಎಂದು ಕರೆಯಲಾಗುತ್ತದೆ. ಇದರ ಜೊತೆಗೆ, ಉದ್ಯೋಗ, ಗೃಹ, ಸಾಂಸ್ಥಿಕ ಆದಾಯ ಮತ್ತು ಇತರ ವ್ಯವಹಾರಗಳ ಆರ್ಥಿಕ ಪರಿಸ್ಥಿತಿ ಬಗ್ಗೆ ವಿವರಿಸಲು ತಾಂತ್ರಿಕ ಹಿಂಜರಿತ ಎಂಬ ಪದವನ್ನು ಬಳಸಲಾಗುತ್ತದೆ

ಇತ್ತೀಚೆಗೆ ತಾಂತ್ರಿಕ ಹಿಂಜರಿತವನ್ನು ಅನುಭವಿಸಿದ ದೇಶಗಳಾವುವು? ಈಗಾಗಲೇ ಕೊರೊನಾ ಮಹಾಮಾರಿ ಜಾಗತಿಕ ಆರ್ಥಿಕತೆಯ ಮೇಲೆ ಕೆಟ್ಟ ಪರಿಣಾಮ ಬೀರಿದೆ. ಇಂಡೋನೇಷ್ಯಾ ಎರಡು ದಶಕಗಳಲ್ಲಿ ಮೊದಲ ಬಾರಿಗೆ ಆರ್ಥಿಕ ಕುಸಿತ ಕಂಡಿದ್ದು, ಸೆಪ್ಟೆಂಬರ್ ಅಂತ್ಯದ ಮೂರು ತಿಂಗಳಲ್ಲಿ ಶೇ.3.49 ರಷ್ಟು ಜಿಡಿಪಿ ಕುಸಿದಿದೆ. ಏಪ್ರಿಲ್-ಜೂನ್ ತ್ರೈಮಾಸಿಕದಲ್ಲಿ ಇಂಗ್ಲೆಂಡ್​ ಶೇ. 21.7ರಷ್ಟು ಮತ್ತು ಮೊದಲ ತ್ರೈಮಾಸಿಕದಲ್ಲಿ ಶೇ. 1.6ರಷ್ಟು ಕುಸಿತ ಕಂಡಿದೆ. ಜೊತೆಗೆ, ಜೂನ್ ಅಂತ್ಯದ ಮೂರು ತಿಂಗಳಲ್ಲಿ ಬ್ರೆಜಿಲ್ ಶೇ.11.4ರಷ್ಟು ಜಿಡಿಪಿ ಕುಸಿತವನ್ನು ಕಂಡಿತ್ತು.

Follow us on

Related Stories

Most Read Stories

Click on your DTH Provider to Add TV9 Kannada