ಸಿಂಧೂ ಜಲ ಒಪ್ಪಂದದ ಕುರಿತು ಭಾರತ-ಪಾಕಿಸ್ತಾನ ನಡುವಿನ 118ನೇ ದ್ವಿಪಕ್ಷೀಯ ಸಭೆ ಇಂದು ಆರಂಭ

ದೆಹಲಿ: ಪಾಕ್ ಪ್ರಧಾನಿ ಶೆಹಬಾಜ್ ಷರೀಫ್ (Shehbaz Sharif) ಅವರು ಅನುಮೋದಿಸಿರುವ ಪಾಕಿಸ್ತಾನದ (Pakistan) ಐದು ಸದಸ್ಯರ ನಿಯೋಗವು ವಾಘಾ ಗಡಿ ಮೂಲಕ ಭಾರತಕ್ಕೆ ಒಂದು ದಿನ ಮುಂಚಿತವಾಗಿ ಆಗಮಿಸಿದ್ದು, ಸಿಂಧೂ ಜಲ ಹಂಚಿಕೆ ( Indus Water Treaty) ಕುರಿತಾದ 118 ನೇ ದ್ವಿಪಕ್ಷೀಯ ಸಭೆಯಲ್ಲಿ ಸೋಮವಾರ ಭಾಗವಹಿಸಿದೆ. ಪಾಕಿಸ್ತಾನಿ ನಿಯೋಗವನ್ನು ಮೆಹರ್ ಅಲಿ ಷಾ ನೇತೃತ್ವ ವಹಿಸುತ್ತಿದ್ದಾರೆ ಎಂದು ಸುದ್ದಿ ಸಂಸ್ಥೆ WION ವರದಿ ಮಾಡಿದೆ. ಭಾರತಕ್ಕೆ ಜಲ ಆಯುಕ್ತ ಎಕೆ ಪಾಲ್ ನೇತೃತ್ವ ವಹಿಸಿದ್ದಾರೆ. ಈ ಪ್ರದೇಶದಲ್ಲಿನ ನದಿಗಳಿಗೆ ಸಂಬಂಧಿಸಿದ ದ್ವಿಪಕ್ಷೀಯ ಸಮಸ್ಯೆಗಳನ್ನು ಪರಿಹರಿಸಲು ಮಾತುಕತೆಗಳು ಒಪ್ಪಂದದ ಬಾಧ್ಯತೆಯ ಒಂದು ಭಾಗವಾಗಿದೆ ಎಂದು ಪಾಕಿಸ್ತಾನಿ ನಿಯೋಗವು ತಿಳಿಸಿದೆ ಎಂದು WION ವರದಿ ಮಾಡಿದೆ. ಎರಡೂ ಕಡೆಯವರು ಮೇ ತಿಂಗಳಲ್ಲಿ ಭೇಟಿಯಾಗಿದ್ದು ಅಲ್ಲಿ ಎರಡೂ ರಾಷ್ಟ್ರಗಳು ಸಿಂಧೂ ಜಲ ಒಪ್ಪಂದವನ್ನು (IWT) ಅದರ ನಿಜವಾದ ಉತ್ಸಾಹದಲ್ಲಿ ಜಾರಿಗೆ ತರಲು ತಮ್ಮ ಬದ್ಧತೆಯನ್ನು ಪುನರುಚ್ಚರಿಸಿದವು.   ಪಾಕಿಸ್ತಾನದ ಮಾಧ್ಯಮ ಡಾನ್ ಪ್ರಕಾರ, ಪಾಕಿಸ್ತಾನದ ನಿಯೋಗವು ಪಾಕಿಸ್ತಾನ್ ಆಯೋಗದ ಸಿಂಧೂ ಜಲಗಳ (PCIW) ದತ್ತಾಂಶವನ್ನು ಸಭೆಯಲ್ಲಿ ಪ್ರಸ್ತಾಪಿಸಲಿದೆ. ಅಣೆಕಟ್ಟು ನಿರ್ಮಾಣಕ್ಕೆ ಸಂಬಂಧಿಸಿದಂತೆ ಪಾಕಿಸ್ತಾನವು ಈ ಹಿಂದೆ ತನ್ನ ಆತಂಕಗಳನ್ನು ಹಂಚಿಕೊಂಡಿತ್ತು ಆದರೆ ಮಾರ್ಚ್‌ನಲ್ಲಿ ಭಾರತವು ಸಿಂಧೂ ಜಲ ಒಪ್ಪಂದ ನಿಯಮಗಳನ್ನು ಅನುಸರಿಸುತ್ತಿರುವುದಾಗಿ ಹೇಳಿತು.  1960 ರಲ್ಲಿ ಸಹಿ ಹಾಕಿದ ಸಿಂಧೂ ಜಲ ಒಪ್ಪಂದವು ಸಟ್ಲೆಜ್, ಬಿಯಾಸ್ ಮತ್ತು ರಾವಿ ನದಿಗಳನ್ನು ಭಾರತದೊಂದಿಗೆ ಮತ್ತು ಸಿಂಧೂ, ಝೀಲಂ ಮತ್ತು ಚೆನಾಬ್ ನದಿ ನೀರನ್ನು ಪಾಕಿಸ್ತಾನಕ್ಕೆ ಹಂಚುವುದಕ್ಕೆ ಸಂಬಂಧಪಟ್ಟದ್ದಾಗಿದೆ.

ಸಭೆಯಲ್ಲಿ, ಎರಡೂ ಕಡೆಯವರು ಮುಂಗಡ ಪ್ರವಾಹ ಮಾಹಿತಿ ಮತ್ತು ಸಿಂಧೂ ಜಲ ಶಾಶ್ವತ ಆಯೋಗದ (PCIW) ವಾರ್ಷಿಕ ವರದಿಯ ವಿಷಯದ ಬಗ್ಗೆ ಚರ್ಚಿಸಲಿದ್ದಾರೆ. ಪಾಕಿಸ್ತಾನ  ಸಿಂಧೂ ಜಲ ಒಪ್ಪಂದದ ಆರ್ಟಿಕಲ್ IX ಅಡಿಯಲ್ಲಿ 1,000 MW ಪಾಕಲ್ ದುಲ್, 48 MW ಲೋವರ್ ಕಲ್ನೈ ಮತ್ತು 624 MW ಕಿರು ಯೋಜನೆಗಳ ಜಲವಿದ್ಯುತ್ ಯೋಜನೆಗಳನ್ನು ಭಾರತವು ಪಶ್ಚಿಮಕ್ಕೆ ಹರಿಯುವ ನದಿಗಳಲ್ಲಿ ನಿರ್ಮಿಸುವ ಬಗ್ಗೆ ಚರ್ಚಿಸಲಿದ್ದಾರೆ ಎಂದು ಡಾನ್ ವರದಿ ಮಾಡಿದೆ.

ದೇಶವು ನೀರಿನ ಕೊರತೆಯ ತೀವ್ರತರವಾದ ಹೊರೆಯನ್ನು ಅನುಭವಿಸುತ್ತಿರುವುದರಿಂದ ನೀರಿನ ಸಮಸ್ಯೆಗಳ ಕುರಿತು ಚರ್ಚಿಸಲು ಉಭಯ ದೇಶಗಳು ಮುಂದಿನ ಎರಡು ದಿನಗಳ ಕಾಲ ನವದೆಹಲಿಯಲ್ಲಿ ಪಿಸಿಐಡಬ್ಲ್ಯು ಮಟ್ಟದ ಮಾತುಕತೆಗಳನ್ನು ನಡೆಸಲಿವೆ.

ಪಾಕಿಸ್ತಾನದ ಪ್ರಧಾನಿ ಶೆಹಬಾಜ್ ಷರೀಫ್ ಅವರು ಸ್ಥಾಪಿಸಿದ ಹವಾಮಾನ ಬದಲಾವಣೆಯ ಕುರಿತು ಪಾಕಿಸ್ತಾನ ಕಾರ್ಯಪಡೆಯ ಮುಖ್ಯಸ್ಥ ಶೆರ್ರಿ ರೆಹಮಾನ್ ಈ ವಾರ ಎಚ್ಚರಿಸಿದ್ದಾರೆ, ಪಾಕಿಸ್ತಾನವು ವಿಶ್ವದ ಮೂರು ಅತ್ಯಂತ ನೀರಿನ ಒತ್ತಡದ ದೇಶಗಳಲ್ಲಿ ಒಂದಾಗಿದೆ.  ಈ ಬಗ್ಗೆ  ಕ್ರಮಗಳನ್ನು ತೆಗೆದುಕೊಳ್ಳದಿದ್ದರೆ 2025 ರ ವೇಳೆಗೆ ಕೊರತೆ ಪೀಡಿತ ದೇಶವಾಗಬಹುದು ಎಂದು ಅವರು ಹೇಳಿರುವುದಾಗಿ ಡಾನ್ ವರದಿ ಮಾಡಿದೆ.

ಕಳೆದ ನಾಲ್ಕು ತಿಂಗಳಿನಿಂದ ದೇಶದಲ್ಲಿ ನೀರಿನ ಕೊರತೆಯ ಬಗ್ಗೆ ತಜ್ಞರು ಎಚ್ಚರಿಕೆ ನೀಡುತ್ತಿದ್ದಾರೆ ಎಂದು ವರದಿ ಹೇಳಿದೆ.  ಕಳೆದ ಚಳಿಗಾಲದಲ್ಲಿ ಕಳೆದ ವರ್ಷಕ್ಕೆ ಹೋಲಿಸಿದರೆ ದೇಶವು ಶೇಕಡಾ 26 ರಷ್ಟು ಕಡಿಮೆ ಹಿಮಪಾತವನ್ನು ಪಡೆದಿದೆ, ನಂತರ ಮಾರ್ಚ್ ಮತ್ತು ಏಪ್ರಿಲ್‌ನಲ್ಲಿ ಸಂಪೂರ್ಣವಾಗಿ ಶುಷ್ಕ ವಾತಾವರಣವಿತ್ತು. ಸಮಸ್ಯೆಯನ್ನು ಗಣನೆಗೆ ತೆಗೆದುಕೊಳ್ಳದಿದ್ದರೆ ಹಿಮನದಿಗಳ ನಿಧಾನವಾಗಿ ಕರಗುವಿಕೆಯು ಕೊರತೆಯನ್ನು ತೀವ್ರಗೊಳಿಸುತ್ತದೆ.

ಪಾಕಿಸ್ತಾನದ ಕಮಿಷನರ್ ಸೈಯದ್ ಮೆಹರ್ ಅಲಿ ಶಾ ನೇತೃತ್ವದ ಐವರು ಸದಸ್ಯರ ನಿಯೋಗದಲ್ಲಿ ಪಂಜಾಬ್ ನೀರಾವರಿ ಇಲಾಖೆಯ ಮುಖ್ಯ ಇಂಜಿನಿಯರ್, ಮೆಟ್ ಆಫೀಸ್ ಮಹಾನಿರ್ದೇಶಕರು, ಪಾಕಿಸ್ತಾನದ ರಾಷ್ಟ್ರೀಯ ಎಂಜಿನಿಯರಿಂಗ್ ಸೇವೆಗಳ ಜನರಲ್ ಮ್ಯಾನೇಜರ್ (NESPAK), ಮತ್ತು ಮತ್ತು ಡೈರೆಕ್ಟರ್ ಜನರಲ್ ಆಫ್ ಮಿನಿಸ್ಟರ್ ಆಫ್ ಫಾರಿನ್ ಅಫೇರ್ಸ್ ಆನ್ ಇಂಡಿಯಾ ಡೆಸ್ಕ್ (DG MoFA) ಇದ್ದಾರೆ. ನಿಯೋಗವು ಜೂನ್ 1 ರಂದು ಹಿಂತಿರುಗಲಿದೆ ಎಂದು ದಿ ನ್ಯೂಸ್ ಇಂಟರ್ನ್ಯಾಷನಲ್ ವರದಿ ಮಾಡಿದೆ.

ದೇಶದ ಇತರ ಸುದ್ದಿಗಳಿಗಾಗಿಇಲ್ಲಿ ಕ್ಲಿಕ್ ಮಾಡಿ ಪ್ರಮುಖ  ಸುದ್ದಿಗಳಿಗಾಗಿಇಲ್ಲಿ ಕ್ಲಿಕ್ ಮಾಡಿ