ಗೋವಾದ ಮಸೀದಿಗಳಲ್ಲಿ ಇನ್ಮುಂದೆ ಅನುಮತಿ ಇಲ್ಲದೆ ಲೌಡ್ಸ್ಪೀಕರ್ ಬಳಸುವ ಹಾಗಿಲ್ಲ; ಶಬ್ದ ಮಾಲಿನ್ಯ ಪ್ರಮಾಣವೂ ನಿಗದಿ
Loudspeakers in Mosques: ಅನುಮತಿ ನೀಡಿದ ಬಳಿಕವೂ ಮಸೀದಿಯಲ್ಲಿ ಲೌಡ್ಸ್ಪೀಕರ್ ಬಳಕೆಯಿಂದ ಶಬ್ದ ಮಾಲಿನ್ಯವು ನಿಗದಿತ ಪ್ರಮಾಣಕ್ಕಿಂತ 10 ಡೆಸಿಬಲ್ಸ್ ಮಾತ್ರ ಹೆಚ್ಚಾಗಿರಬಹುದು. ಪೋಂಡಾ ಪೊಲೀಸ್ ಠಾಣಾ ಇನ್ಸ್ಪೆಕ್ಟರ್ ಈ ಮಸೀದಿಗಳಲ್ಲಿ ಲೌಡ್ಸ್ಪೀಕರ್ ಬಳಕೆ ಮೇಲೆ ನಿಗಾವಹಿಸಿ, ನ್ಯಾಯಾಲಯದ ಆದೇಶ ಪಾಲಿಸಲಾಗುತ್ತಿದೆಯಾ? ಎಂಬುದನ್ನು ಕಾಲಕಾಲಕ್ಕೆ ಖಾತ್ರಿಪಡಿಸಬೇಕು.
Updated on: Mar 16, 2021 | 6:16 PM
ಪಣಜಿ: ಇನ್ಮುಂದೆ ದಕ್ಷಿಣ ಗೋವಾದಲ್ಲಿರುವ ಪೋಂಡಾ ಪೊಲೀಸ್ ಠಾಣಾ ವ್ಯಾಪ್ತಿಯ ಪೋಂಡಾ ಮಸೀದಿ ಮತ್ತು ಬೆಳಗಾವಿ ಬೈಪಾಸ್ ರಸ್ತೆಯಲ್ಲಿರುವ ಪಣಜಿ ಮಸೀದಿಯಲ್ಲಿ ಲೌಡ್ಸ್ಪೀಕರ್ ಅಥವಾ ಸಾರ್ವಜನಿಕವಾಗಿ ಸದ್ದು ಮಾಡುವ ಯಾವುದೇ ಯಂತ್ರಗಳ ಬಳಕೆ ಮಾಡುವುದಕ್ಕೆ ಕಡಿವಾಣ ಹಾಕಲಾಗಿದೆ. ಲೌಡ್ಸ್ಪೀಕರ್ ಬಳಕೆಗೆ ಸ್ಥಳೀಯ ಆಡಳಿತದಿಂದ ಕಡ್ಡಾಯವಾಗಿ ಅನುಮತಿ ಪಡೆಯಲೇಬೇಕು ಮತ್ತು ನಿಗದಿತ ಪ್ರಮಾಣದಲ್ಲಿಯೇ ಶಬ್ದ ಪ್ರಮಾಣ ಇರಬೇಕು ಎಂದು ಪೋಂಡಾ ನ್ಯಾಯಾಲಯ ಆದೇಶ ನೀಡಿದೆ.
ಒಂದು ವೇಳೆ ಇಲ್ಲಿನ ಯಾವುದೇ ಮಸೀದಿಯವರು ಲೌಡ್ಸ್ಪೀಕರ್ ಬಳಕೆಗೆ ಅನುಮತಿ ಕೋರಿ ಅರ್ಜಿ ಸಲ್ಲಿಸಿದರೆ ಶಬ್ದ ಮಾಲಿನ್ಯ ನಿಯಂತ್ರಣ ಕ್ರಮಗಳನ್ನು ಪಾಲಿಸಲಾಗುತ್ತಿದೆಯೇ? ಎಂಬುದನ್ನು ಖಾತ್ರಿಪಡಿಸಿಕೊಂಡು ಅನುಮತಿ ನೀಡಬೇಕಾಗುತ್ತದೆ. ಅನುಮತಿ ನೀಡಿದ ಬಳಿಕವೂ ಮಸೀದಿಯಲ್ಲಿ ಲೌಡ್ಸ್ಪೀಕರ್ ಬಳಕೆಯಿಂದ ಶಬ್ದ ಮಾಲಿನ್ಯವು ನಿಗದಿತ ಪ್ರಮಾಣಕ್ಕಿಂತ 10 ಡೆಸಿಬಲ್ಸ್ ಮಾತ್ರ ಹೆಚ್ಚಾಗಿರಬಹುದು.
ಆದರೆ ಅದಕ್ಕಿಂತ ಹೆಚ್ಚಾಗಿ ಇದ್ದರೆ ಕ್ರಮ ಕೈಗೊಳ್ಳಬಹುದು. ಪೋಂಡಾ ಪೊಲೀಸ್ ಠಾಣಾ ಇನ್ಸ್ಪೆಕ್ಟರ್ ಈ ಮಸೀದಿಗಳಲ್ಲಿ ಲೌಡ್ಸ್ಪೀಕರ್ ಬಳಕೆ ಮೇಲೆ ನಿಗಾವಹಿಸಿ, ನ್ಯಾಯಾಲಯದ ಆದೇಶವನ್ನು ಚಾಚೂ ತಪ್ಪದೆ ಪಾಲಿಸಲಾಗುತ್ತಿದೆಯಾ? ಎಂಬುದನ್ನು ಕಾಲಕಾಲಕ್ಕೆ ಖಾತ್ರಿಪಡಿಸಬೇಕು ಎಂದೂ ದಕ್ಷಿಣ ಗೋವಾದ ಹೆಚ್ಚುವರಿ ಜಿಲ್ಲಾ ಮ್ಯಾಜಿಸ್ಟ್ರೇಟ್ ಇದೇ ತಿಂಗಳ 11ರಂದು ಆದೇಶ ಹೊರಡಿಸಿದ್ದಾರೆ.
ಗೋವಾದ ಮಸೀದಿಗಳಲ್ಲಿ ಇನ್ಮುಂದೆ ಅನುಮತಿ ಇಲ್ಲದೆ ಲೌಡ್ಸ್ಪೀಕರ್ ಬಳಸುವ ಹಾಗಿಲ್ಲ; ಶಬ್ದ ಮಾಲಿನ್ಯ ಪ್ರಮಾಣವೂ ನಿಗದಿ
ಈ ಬಗ್ಗೆ ಪೋಂಡಾ ನ್ಯಾಯಾಲಯದಲ್ಲಿ ಸಾಫ್ಟ್ವೇರ್ ಎಂಜಿನಿಯರ್ ಒಬ್ಬರು ದೂರು ದಾಖಲಿಸಿದ್ದರು. ಅದರ ವಿಚಾರಣೆ ನಡೆಸಿದ ಜಿಲ್ಲಾ ಮ್ಯಾಜಿಸ್ಟ್ರೇಟ್ ನ್ಯಾಯಾಲಯ ಈ ಆದೇಶ ಹೊರಡಿಸಿದೆ.
A software engineer from Goa lodged a complaint against Mosques using loudspeakers to spread their agenda in the name of Azaan and also won the case.
Now, loudspeakers are not allowed in the Mosques without permission.#JaiSriRam pic.twitter.com/foqntq266h
— सनातनी ❁ (@sanaatanii) March 16, 2021
