5 ವರ್ಷಗಳ ಇ-ಟೂರಿಸ್ಟ್ ವೀಸಾಗಳನ್ನು ತಕ್ಷಣವೇ ಜಾರಿಗೆ ಬರುವಂತೆ ಮರುಸ್ಥಾಪಿಸಿದ ಕೇಂದ್ರ ಸರ್ಕಾರ

ದೆಹಲಿ:  ಕೊವಿಡ್  ಸಾಂಕ್ರಾಮಿಕ ರೋಗದಿಂದಾಗಿ ಮಾರ್ಚ್ 2020 ರಿಂದ ರದ್ದು ಮಾಡಲಾಗಿದ್ದ ಐದು ವರ್ಷಗಳ ಇ-ಟೂರಿಸ್ಟ್ ವೀಸಾಗಳನ್ನು(e-tourist visa) 156 ದೇಶಗಳ ಪ್ರಜೆಗಳಿಗೆ ತಕ್ಷಣದಿಂದಲೇ ಜಾರಿಗೆ ಬರುವಂತೆ ಕೇಂದ್ರ ಸರ್ಕಾರ ಬುಧವಾರ ಮರುಸ್ಥಾಪಿಸಿದೆ ಎಂದು ಸುದ್ದಿ ಸಂಸ್ಥೆ ಎಎನ್ಐ ವರದಿ ಮಾಡಿದೆ. ಅಮೆರಿಕನ್ ಮತ್ತು ಜಪಾನೀಸ್ ಪ್ರಜೆಗಳಿಗೆ ನಿಯಮಿತ ದೀರ್ಘಾವಧಿಯ (10 ವರ್ಷಗಳು) ಪ್ರವಾಸಿ ವೀಸಾಗಳನ್ನು ತಕ್ಷಣದಿಂದ ಜಾರಿಗೆ ಬರುವಂತೆ (ಇನ್ನೂ ಮಾನ್ಯವಾಗಿದ್ದರೆ) ಮರುಸ್ಥಾಪಿಸುವುದಾಗಿ ಸರ್ಕಾರ ಹೇಳಿದೆ. “ದೇಶದಲ್ಲಿ ಕೊವಿಡ್ -19 (Covid 19) ಪರಿಸ್ಥಿತಿಯಲ್ಲಿನ ಸುಧಾರಣೆಯನ್ನು ಗಮನದಲ್ಲಿಟ್ಟುಕೊಂಡು ಮತ್ತು ವೀಸಾ ಮತ್ತು ಪ್ರಯಾಣ ನಿರ್ಬಂಧಗಳನ್ನು ಮತ್ತಷ್ಟು ಸಡಿಲಿಸುವ ಅಗತ್ಯವನ್ನು ಪರಿಗಣಿಸಿ ಸರ್ಕಾರವು ಈ ಕ್ರಮವನ್ನು ತೆಗೆದುಕೊಂಡಿದೆ” ಎಂದು ಗೃಹ ಸಚಿವರು ಹೇಳಿದ್ದಾರೆ ಎಂದು ಎಎನ್‌ಐ ವರದಿ ಮಾಡಿದೆ. ಒಂದಕ್ಕಿಂತ ಹೆಚ್ಚು ಬಾರಿ ಭೇಟಿ ಮಾಡಲು ಬಯಸುವ ವಿದೇಶಿ ಪ್ರಜೆಗಳಿಗೆ ಐದು ವರ್ಷಗಳ ಪ್ರವಾಸಿ ವೀಸಾವನ್ನು ನೀಡಲಾಗುತ್ತದೆ. ವೀಸಾ ಕೈಪಿಡಿ (2019) ಪ್ರಕಾರ ಈ 156 ದೇಶಗಳ ಪ್ರಜೆಗಳು ಸಹ ಹೊಸತು ಇ-ಟೂರಿಸ್ಟ್ ವೀಸಾಗಳನ್ನು ನೀಡಲು ಅರ್ಹರಾಗಿರುತ್ತಾರೆ. ಪ್ರವಾಸಿ ಮತ್ತು ಇ-ಪ್ರವಾಸಿ ವೀಸಾದಲ್ಲಿರುವ ವಿದೇಶಿ ಪ್ರಜೆಗಳು ‘ವಂದೇ ಭಾರತ್ ಮಿಷನ್’ ಅಥವಾ ‘ಏರ್ ಬಬಲ್’ ಯೋಜನೆಯಡಿಯಲ್ಲಿ ಅಥವಾ ನಾಗರಿಕ ವಾಯುಯಾನ ಸಚಿವಾಲಯ ಅನುಮತಿಸಿದಂತೆ ವಿಮಾನಗಳ ಮೂಲಕ ಗೊತ್ತುಪಡಿಸಿದ ಸಮುದ್ರ ಅಥವಾ ವಾಯು ವಲಸೆ ಚೆಕ್ ಪೋಸ್ಟ್‌ಗಳ ಮೂಲಕ ಮಾತ್ರ ಭಾರತಕ್ಕೆ ಪ್ರವೇಶಿಸಲು ಸಾಧ್ಯವಾಗುತ್ತದೆ.

ಯಾವುದೇ ಸಂದರ್ಭದಲ್ಲಿ ಪ್ರವಾಸಿ ಅಥವಾ ಇ-ಟೂರಿಸ್ಟ್ ವೀಸಾಗಳನ್ನು ಹೊಂದಿರುವ ವಿದೇಶಿ ಪ್ರಜೆಗಳನ್ನು ನೆಲ ಅಥವಾ ನದಿಯ ಗಡಿಗಳ ಮೂಲಕ ಪ್ರವೇಶಿಸಲು ಅನುಮತಿಸಲಾಗುವುದಿಲ್ಲ ಎಂದು ಗೃಹ ಸಚಿವಾಲಯ ತಿಳಿಸಿದೆ.

ಆದಾಗ್ಯೂ, ಇ-ಎಮರ್ಜೆನ್ಸಿ x-misc ವೀಸಾದ ಮಂಜೂರಾತಿಗೆ ಸಂಬಂಧಿಸಿದಂತೆ ಗೃಹ ಸಚಿವಾಲಯವು ನೀಡಿದ ಪ್ರತ್ಯೇಕ ಸೂಚನೆಗಳ ಮೂಲಕ ನಿಯಮ ಮುಂದುವರಿಸುವ ಅಫ್ಘಾನಿಸ್ತಾನ್ ಪ್ರಜೆಗಳಿಗೆ ಸೂಚನೆಗಳು ಅನ್ವಯಿಸುವುದಿಲ್ಲ.

ಭಾರತದಲ್ಲಿ ಕೊರೊನಾವೈರಸ್ ಪರಿಸ್ಥಿತಿಯ ಹಿನ್ನೆಲೆಯಲ್ಲಿ ಮಾರ್ಚ್ 27 ರಂದು ಸೇವೆಗಳನ್ನು ಪುನರಾರಂಭಿಸಿದ ನಂತರ ಸೋಮವಾರ, ಸರ್ಕಾರವು ಶೇ 100 ಸಾಮರ್ಥ್ಯದೊಂದಿಗೆ ನಿಯಮಿತ ಅಂತರರಾಷ್ಟ್ರೀಯ ವಿಮಾನಗಳ ಕಾರ್ಯಾಚರಣೆಯನ್ನು ಪುನರಾರಂಭಿಸಿತು.

ಮೇಲ್ಮನೆಯಲ್ಲಿ ಪ್ರಶ್ನೋತ್ತರ ವೇಳೆಯಲ್ಲಿ ವಾಯುಯಾನ ಸಚಿವ ಜ್ಯೋತಿರಾದಿತ್ಯ ಸಿಂಧಿಯಾ ಅವರು “ಭಾರತದಲ್ಲಿ ಈಗ ಕೊರೊನಾವೈರಸ್ ಪರಿಸ್ಥಿತಿ ಸುಧಾರಿಸಿರುವುದರಿಂದ ಮಾರ್ಚ್ 27 ರೊಳಗೆ ಎಲ್ಲಾ ನಿಯಮಿತ ಅಂತರಾಷ್ಟ್ರೀಯ ವಿಮಾನಗಳು ಶೇಕಡಾ 100 ರಷ್ಟು ಸಾಮರ್ಥ್ಯದಲ್ಲಿ ಕಾರ್ಯನಿರ್ವಹಿಸುತ್ತವೆ ಎಂದಿದ್ದಾರೆ.

ಇದನ್ನೂ ಓದಿ: ಅತ್ಯಾಚಾರ ಆರೋಪಿಗಳ ಎನ್​ಕೌಂಟರ್​​: ಅಸ್ಸಾಂನಲ್ಲಿ 24 ಗಂಟೆಯಲ್ಲಿ ಇಬ್ಬರು ರೇಪಿಸ್ಟ್​​ಗಳಿಗೆ ಗುಂಡಿಕ್ಕಿ ಕೊಂದ ಪೊಲೀಸರು