Pfizer Vaccine: 5ರಿಂದ 11 ವರ್ಷದೊಳಗಿನ ಮಕ್ಕಳಿಗೆ ಫೈಜರ್ ಕೊವಿಡ್ ಲಸಿಕೆ ಪರಿಣಾಮಕಾರಿ; ಪ್ರಯೋಗದಲ್ಲಿ ಸಾಬೀತು

ನವದೆಹಲಿ: ಕೊರೊನಾ ಮೂರನೇ ಅಲೆಯಿಂದ ಮಕ್ಕಳ ಮೇಲೆ ತೀವ್ರ ಪರಿಣಾಮ ಉಂಟಾಗಲಿದೆ ಎಂದು ತಜ್ಞರು ಹೇಳಿರುವ ಹಿನ್ನೆಲೆಯಲ್ಲಿ ಆದಷ್ಟು ಬೇಗ ಮಕ್ಕಳಿಗೂ ಕೊವಿಡ್​ ಲಸಿಕೆಗಳನ್ನು ಕಂಡುಹಿಡಿಯಲು ಕೇಂದ್ರ ಸರ್ಕಾರ ಮುಂದಾಗಿದೆ. 5ರಿಂದ 11 ವರ್ಷದೊಳಗಿನ ಮಕ್ಕಳಿಗೆ ಫೈಜರ್ (Pfizer) ಮತ್ತು ಬಯೋಎನ್​ಟೆಕ್ (BioNTech) ಲಸಿಕೆಗಳನ್ನು ಪ್ರಯೋಗ ಮಾಡಿದ್ದು, ತಮ್ಮ ಕೊವಿಡ್ ಲಸಿಕೆ (Covid Vaccine) ಮಕ್ಕಳಿಗೂ ಬಹಳ ಸುರಕ್ಷಿತವಾಗಿದೆ ಎಂದು ಘೋಷಿಸಿದೆ. ಫೈಜರ್ ಲಸಿಕೆ 11 ವರ್ಷದೊಳಗಿನ ಮಕ್ಕಳಲ್ಲಿ ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತದೆ ಎಂದು ಫೈಜರ್ ಮತ್ತು ಬಯೋಎನ್​ಟೆಕ್ ಹೇಳಿದ್ದು, ಕೆಲವೇ ದಿನಗಳಲ್ಲಿ ಅದಕ್ಕೆ ಅನುಮತಿ ಸಿಗಲಿದೆ ಎಂದಿದೆ.

12 ವರ್ಷ ಮೇಲ್ಪಟ್ಟವರಿಗಿಂತಲೂ 5ರಿಂದ 11 ವರ್ಷದೊಳಗಿನ ಮಕ್ಕಳಿಗೆ ಕಡಿಮೆ ಡೋಸೇಜ್ ಲಸಿಕೆ ನೀಡಲಾಗುವುದು. 5ರಿಂದ 11 ವರ್ಷದೊಳಗಿನ ಮಕ್ಕಳಿಗೆ ಈ ಕೊವಿಡ್ ಲಸಿಕೆ ಸೇಫ್ ಆಗಿದೆ ಎಂದು ಅಮೆರಿಕ ಮೂಲದ ಫೈಜರ್ ಹೇಳಿದೆ. ಈ ಪ್ರಯೋಗದ ವರದಿಯನ್ನು ಆದಷ್ಟು ಬೇಗ ಯುರೋಪಿಯನ್ ಯೂನಿಯನ್​ನ ರೆಗ್ಯುಲೇಟರಿ ಕೇಂದ್ರಕ್ಕೆ ನೀಡಲು ನಿರ್ಧರಿಸಲಾಗಿದೆ. ಈ ಪ್ರಯೋಗವನ್ನು 12 ವರ್ಷದೊಳಗಿನ ಮಕ್ಕಳ ಮೇಲೆ ಪ್ರಯೋಗಿಸಲಾಗಿದೆ.

ಫೈಜರ್ ಮತ್ತು ಮಾಡರ್ನಾ ಲಸಿಕೆಗಳೆರಡೂ ಯಶಸ್ವಿಯಾಗಿದ್ದು, ಕೊರೊನಾ ಸೋಂಕಿನ ಪ್ರಮಾಣದ ಪರಿಣಾಮ ಮಕ್ಕಳ ಮೇಲೆ ಕಡಿಮೆ ಪ್ರಭಾವ ಬೀರಲಿದೆ. 5ರಿಂದ 11 ವರ್ಷದೊಳಗಿನ ಟ್ರಯಲ್ ಗ್ರೂಪ್ 10 ಮೈಕ್ರೋಗ್ರಾಂ 2 ಡೋಸ್ ಲಸಿಕೆಗಳನ್ನು ಪಡೆದಿದೆ. 12 ವರ್ಷ ಮೇಲ್ಪಟ್ಟವರಿಗೆ 30 ಮೈಕ್ರೋಗ್ರಾಂ ಡೋಸ್ ಲಸಿಕೆ ನೀಡಲಾಗುತ್ತದೆ. 11 ವರ್ಷದೊಳಗಿನ 4,500 ಮಕ್ಕಳಿಗೆ ಪ್ರಯೋಗಾತ್ಮಕವಾಗಿ ಫೈಜರ್- ಬಯೋಎನ್​ಟೆಕ್ ಲಸಿಕೆಗಳನ್ನು ನೀಡಲಾಗಿದೆ.

ಇಸ್ರೇಲ್‌ನಲ್ಲಿ ಮುಖ್ಯವಾಗಿ ಫೈಜರ್ ಮಾಡರ್ನಾ ಲಸಿಕೆಯನ್ನು ನೀಡಲಾಗುತ್ತಿದೆ. ಆಗಸ್ಟ್‌ ತಿಂಗಳಿನಿಂದ ಬೂಸ್ಟರ್ ಲಸಿಕೆಗಳನ್ನು ನೀಡಲು ಆರಂಭಿಸಿದ್ದು, ಇದುವರೆಗೂ 2.8 ಮಿಲಿಯನ್ ಮಂದಿಗೆ ಮೂರನೇ ಡೋಸ್ ಲಸಿಕೆ ನೀಡಲಾಗಿದೆ. ಅಮೆರಿಕ, ಫಿನ್​ಲ್ಯಾಂಡ್, ಪೋಲ್ಯಾಂಡ್, ಸ್ಪೇನ್​ನಲ್ಲಿ ಈ ಲಸಿಕೆಗಳ ಪ್ರಯೋಗ ಮಾಡಲಾಗಿದೆ.

ಇದನ್ನೂ ಓದಿ: Karnataka Covid19 Update: ಕರ್ನಾಟಕದಲ್ಲಿ ಹೊಸದಾಗಿ 783 ಜನರಿಗೆ ಕೊರೊನಾ ದೃಢ; 16 ಮಂದಿ ಸಾವು

Covid Vaccine | ಭಾರತದಲ್ಲಿ ಕೊವಿಡ್ ಲಸಿಕೆ ಕೊರತೆ ನೀಗಿಸಲು ಕೇಂದ್ರ ಸರ್ಕಾರದಿಂದ ಹೊಸ ಪ್ಲಾನ್

(Clinical trial results show Pfizer Covid-19 Vaccine safe and Effective for children aged 5-11)