‘ಇಂದಿರಾನಗರ್ ಕಾ ಗೂಂಡಾ’ ಬಳಸಿ ವಿವಿಧ ರಾಜ್ಯಗಳ ಟ್ರಾಫಿಕ್ ಪೊಲೀಸ್ ಟ್ವೀಟ್; ಸೋಷಿಯಲ್ ಮೀಡಿಯಾದಲ್ಲಿ ರಾಹುಲ್ ದ್ರಾವಿಡ್ ಹವಾ

ಕ್ರಿಕೆಟ್ ಲೋಕ ಕಂಡ ಅಜಾತಶತ್ರು, ಜಂಟಲ್​ಮನ್ ಬ್ಯಾಟ್ಸ್​ಮನ್ ರಾಹುಲ್ ದ್ರಾವಿಡ್ ಕಾಣಿಸಿಕೊಂಡಿರುವ ಜಾಹೀರಾತು ಕಳೆದ ಕೆಲ ದಿನಗಳಿಂದ ಸಾಮಾಜಿಕ ಜಾಲತಾಣಗಳಲ್ಲಿ ಸಂಚಲನ ಮೂಡಿಸಿದೆ. ಯಾವತ್ತೂ ತಾಳ್ಮೆ ಕಳೆದುಕೊಳ್ಳದ ವಾಲ್ ಟ್ರಾಫಿಕ್​ನಲ್ಲಿ ಈ ಪರಿ ಸಿಟ್ಟಾಗಿದ್ದಾರೆ. ಅಯ್ಯೋ.. ದ್ರಾವಿಡ್ ಸಿಟ್ಟು ಕೂಡ ಎಷ್ಟು ಖುಷಿ ಕೊಡುತ್ತಿದೆ. ಇಂದಿರಾನಗರ್​ ಕಾ ಗೂಂಡಾ ಹು ಮೈ ಎಂಬ ಸಾಲು, ಇತ್ಯಾದಿಗಳು ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿತ್ತು. ಇದೀಗ ಈ ಟ್ರೆಂಡ್ ಮತ್ತೂ ಒಂದು ಹೆಜ್ಜೆ ಮುಂದಕ್ಕೆ ಹೋಗಿದೆ.

ಗುಜರಾತ್ ಸೂರತ್ ಸಿಟಿ ಪೊಲೀಸ್, ನಾಗ್ಪುರ್ ಸಿಟಿ ಪೊಲೀಸ್ ಹಾಗೂ ಮುಂಬೈ ಪೊಲೀಸ್ ಕೂಡ ಈ ತುಣುಕನ್ನು ಬಳಸಿಕೊಂಡಿದ್ದಾರೆ. ಗುಜರಾತ್ ಹಾಗೂ ಸೂರತ್ ಸಿಟಿ ಪೊಲೀಸರು ಜಾಹೀರಾತಿನ ಒಂದು ಚಿತ್ರವನ್ನು ಬಳಸಿಕೊಂಡು ರಸ್ತೆ ಜಾಗೃತಿ ಮೂಡಿಸಿದ್ದಾರೆ. ‘ಗೂಂಡಾಗಿರಿ ಸಿನಿಮಾದಲ್ಲಿ ಚೆನ್ನಾಗಿರುತ್ತದೆ. ಆದರೆ ರಸ್ತೆ ಮೇಲಲ್ಲ. ಅದು ಇಂದಿರಾನಗರ್ ಆಗಿರಲಿ ಅಥವಾ ಸೂರತ್ ರಸ್ತೆಯೇ ಆಗಿರಲಿ. ಗೂಂಡಾಗಿರಿ ಸಾಧುವಲ್ಲ’ ಎಂದು ಬರೆದುಕೊಂಡಿದ್ದಾರೆ.

ಜೊತೆಗೆ ಮುಂಬೈ ಪೊಲೀಸರು ಕೂಡ ಈ ಜಾಹೀರಾತಿನ ಚಿತ್ರ ಬಳಸಿ ಜನಜಾಗೃತಿ ಮೂಡಿಸಲು ಯತ್ನಿಸಿದ್ದಾರೆ. ಕೊರೊನಾ ವೈರಸ್ ಹೆಚ್ಚಳವಾಗುತ್ತಿರುವ ಸಂದರ್ಭದಲ್ಲಿ ಮಾಸ್ಕ್ ಧರಿಸುವುದು ಅವಶ್ಯ ಎಂದು ತಿಳಿಸಿಕೊಟ್ಟಿದ್ದಾರೆ.

ಈ ಜಾಹೀರಾತು ಕ್ರೆಡಿಟ್ ಕಾರ್ಡ್ ಪೇಮೆಂಟ್ ಅಪ್ಲಿಕೇಷನ್, CREDನ ಇಂಡಿಯನ್ ಪ್ರೀಮಿಯರ್ ಲೀಗ್ ಕ್ಯಾಂಪೇನ್​ನ ಭಾಗವಾಗಿತ್ತು. ಈ ಜಾಹೀರಾತು ಹೊರಬಿದ್ದ ಮರುಕ್ಷಣವೇ ಸಾಮಾಜಿಕ ಜಾಲತಾಣದಲ್ಲಿ ಸದ್ದು ಮಾಡಿತ್ತು. ಈ ಬಗ್ಗೆ ಸಾಲು ಸಾಲು ಮಿಮ್ಸ್​ಗಳು ಹಂಚಲ್ಪಟ್ಟಿದ್ದವು. ಜನಸಾಮಾನ್ಯರು ಕೂಡ ಈ ಜಾಹೀರಾತಿಗೆ ವಿವಿಧ ಆಯಾಮ ನೀಡಿ ಹಂಚಿಕೊಂಡಿದ್ದರು. ದ್ರಾವಿಡ್ ಅವರನ್ನು ಈ ರೀತಿ ನೋಡೇ ಇರಲಿಲ್ಲ ಎಂದು ವಿರಾಟ್ ಕೊಹ್ಲಿ ಟ್ವೀಟ್ ಮಾಡಿದ್ದಾರೆ. ಈ ಪರ್ಫಾಮೆನ್ಸ್​ಗೆ ದ್ರಾವಿಡ್​ಗೆ ಆಸ್ಕರ್ ಕೊಡಬೇಕು ಎಂದು ಹಲವರು ಸಂತಸಪಟ್ಟಿದ್ದಾರೆ. ರಾಹುಲ್ ದ್ರಾವಿಡ್ ಇರುವ ಜಾಹೀರಾತು ತರಹೇವಾರಿ ರೂಪದಲ್ಲಿ ಟ್ವಿಟರ್​ನಲ್ಲಿ ಶೇರ್ ಆಗಿರುವುದು..

ಇದನ್ನೂ ಓದಿ: Rahul Dravid: ವೆಂಕಟೇಶ್​ ಪ್ರಸಾದ್​ ಕೂಡ ಇಂದಿರಾ ನಗರದ ಗೂಂಡಾ! ದ್ರಾವಿಡ್​ ಬಳಿಕ ಇನ್ನೊಂದು ವಿಡಿಯೋ ವೈರಲ್​

Rahul Dravid: ದ್ರಾವಿಡ್​ ನಟಿಸಬಹುದಾದ 8 ಕನ್ನಡ ಸಿನಿಮಾಗಳು! ಟೈಟಲ್​ ಕೇಳಿ ನಗುತ್ತಿರುವ ನೆಟ್ಟಿಗರು

(Police Forces use Rahul Dravids Indiranagar ka gunda hashtag memes Ad featuring Rahul Dravid goes viral)