‘ದಿ ರಾಯಲ್ ಕೋಹಿನೂರ್ ಹೈಸ್ಟ್’ – ಅಮೂಲ್ಯ ವಜ್ರದ ಇತಿಹಾಸಕ್ಕೆ ಮರುಜೀವ ನೀಡುವ ಗೌರವ್ ಕರ್ರಿರ್ ಅವರ ಪತ್ತೇದಾರಿ ಕಾದಂಬರಿ
Book Review of 'The Royal Kohinoor Heist' written by Gaurav S Karrir: ಸ್ಪೋರ್ಟ್ಸ್ ಬ್ರಾಡ್ಕಾಸ್ಟರ್ ಆಗಿ ಅನುಭವಿಯಾಗಿರುವ ಗೌರವ್ ಎಸ್ ಕರ್ರಿರ್ ಅವರು ಬರೆದಿರುವ ಚೊಚ್ಚಲ ಕಾದಂಬರಿ ‘ದಿ ರಾಯಲ್ ಕೋಹಿನೂರ್ ಹೈಸ್ಟ್’. ಕೋಹಿನೂರ್ ಡೈಮಂಡ್, 20ನೇ ಶತಮಾನದ ವಾಸ್ತವಿಕ ಘಟನೆಗಳೊಂದಿಗೆ ಮಿಳಿತಗೊಂಡ ಕಾಲ್ಪನಿಕ ಕಥಾ ಹಂದರ ಈ ಕಾದಂಬರಿಗಿದೆ. ಸಾಮಾನ್ಯ ವ್ಯಕ್ತಿಯ ವಜ್ರದ ಮೇಲಿನ ಆಕರ್ಷಣೆ ಹಲವು ರೋಚಕ ಘಟನೆಗಳಿಗೆ ಹೇಗೆ ಎಡೆ ಮಾಡಿಕೊಡುತ್ತದೆ, ಈ ಪುಸ್ತಕ ಓದಿ ನೋಡಿ.
ಮುಖ್ಯಾಂಶಗಳು
- ಗೌರವ್ ಎಸ್ ಕರ್ರಿರ್ ಅವರು ಬರೆದಿರುವ ಚೊಚ್ಚಲ ಕಾದಂಬರಿ ‘ದಿ ರಾಯಲ್ ಕೋಹಿನೂರ್ ಹೈಸ್ಟ್’.
- 20ನೇ ಶತಮಾನದ ವಾಸ್ತವಿಕ ಘಟನೆಗಳೊಂದಿಗೆ ಮಿಳಿತಗೊಂಡ ಕಾಲ್ಪನಿಕ ಕಥಾ ಹಂದರ ಇದೆ.
- ಸಾಮಾನ್ಯನ ವಜ್ರದ ಮೇಲಿನ ಆಕರ್ಷಣೆ ಹಲವು ರೋಚಕ ಘಟನೆಗಳಿಗೆ ಎಡೆ ಮಾಡಿಕೊಡುವ ಕಥೆ
ಭಾರತೀಯ ಸಾಹಿತ್ಯ ಲೋಕದಲ್ಲಿ ಐತಿಹಾಸಿಕ ಪತ್ತೇದಾರಿ (Historical Thriller) ಕಾದಂಬರಿಗಳು ಬರುವುದು ತುಂಬಾ ಅಪರೂಪ. ಈ ಕಾರಣಕ್ಕಾಗಿಯೇ ಹೊಸದಾಗಿ ಮಾರುಕಟ್ಟೆಗೆ ಬಂದಿರುವ ‘ದಿ ರಾಯಲ್ ಕೋಹಿನೂರ್ ಹೈಸ್ಟ್ – ಎ 1930ಸ್ ಸ್ಪೈ ಥ್ರಿಲ್ಲರ್’ (The Royal Kohinoor Heist – A 1930s Spy Thriller) ಕಾದಂಬರಿಯು ಓದುಗರಿಗೆ ಒಂದು ವಿಭಿನ್ನ ಅನುಭವವನ್ನು ನೀಡುತ್ತದೆ.
ಹೊಸ ಲೇಖಕರಾದ ಗೌರವ್ ಎಸ್. ಕರ್ರಿರ್ (Gaurav S. Karrir) ಅವರು ಬರೆದಿರುವ ಈ ಚೊಚ್ಚಲ ಕಾದಂಬರಿಯು, ಜಗತ್ಪ್ರಸಿದ್ಧ ‘ಕೋಹಿನೂರ್’ ವಜ್ರದ ಸುತ್ತ ಹೆಣೆಯಲಾದ ಕಾಲ್ಪನಿಕ ಕಥೆಯಾಗಿದೆ. ಆದರೆ, ಇದಕ್ಕೆ ಲೇಖಕರು ನೈಜ ಐತಿಹಾಸಿಕ ಘಟನೆಗಳ ಹಿನ್ನೆಲೆಯನ್ನು ಅದ್ಭುತವಾಗಿ ಬಳಸಿಕೊಂಡಿದ್ದಾರೆ.
‘ದಿ ರಾಯಲ್ ಕೋಹಿನೂರ್ ಹೈಸ್ಟ್’ ಕಥೆಯ ಸಾರಾಂಶ
ಈ ಕಾದಂಬರಿಯಲ್ಲಿಯ ಕಥೆಯ ಮುಖ್ಯ ನಾಯಕ ಕೆಹರ್ ಸಿಂಗ್, ಪಂಜಾಬ್ನ ಒಬ್ಬ ಸಾಮಾನ್ಯ ಸಿಖ್ ಯುವಕ. ಕೋಹಿನೂರ್ ವಜ್ರದ ಮೇಲಿನ ಅವನ ಅತಿಯಾದ ಆಕರ್ಷಣೆ, ಮುಂದೆ ಅವನ ಜೀವನದ ಅತಿ ದೊಡ್ಡ ಗುರಿಯಾಗಿ ಬದಲಾಗುತ್ತದೆ. ಆ ವಜ್ರವನ್ನು ಹಿಂಪಡೆಯುವ ಸಾಹಸದ ಹಾದಿಯಲ್ಲಿ ಅವನು 1930ರ ದಶಕದ ಅತ್ಯಂತ ಪ್ರಕ್ಷುಬ್ಧ ಪ್ರದೇಶಗಳಾದ ನಾಜಿ ಜರ್ಮನಿ ಮತ್ತು ಎರಡನೇ ಮಹಾಯುದ್ಧದ ಮುನ್ನಾದಿನಗಳಲ್ಲಿದ್ದ ಲಂಡನ್ ನಗರಗಳಿಗೆ ಪ್ರಯಾಣಿಸುತ್ತಾನೆ. ಈ ಪ್ರಯಾಣದಲ್ಲಿ ಅವನು ರಹಸ್ಯ ಬೇಹುಗಾರಿಕೆ (Espionage), ರಾಜಕೀಯ ಪಿತೂರಿಗಳು ಮತ್ತು ಜೀವಕ್ಕೆ ಅಪಾಯ ತರುವಂತಹ ಕಠಿಣ ಸನ್ನಿವೇಶಗಳನ್ನು ಎದುರಿಸುತ್ತಾನೆ. ಇವು ಆತನ ಧೈರ್ಯ ಮತ್ತು ದೇಶಪ್ರೇಮಕ್ಕೆ ಒಡ್ಡುವ ದೊಡ್ಡ ಪರೀಕ್ಷೆಗಳಾಗಿರುತ್ತವೆ.
‘ದಿ ರಾಯಲ್ ಕೋಹಿನೂರ್ ಹೈಸ್ಟ್’ ಕಾದಂಬರಿ ವಿಶೇಷತೆಗಳು
ಈ ಕಾದಂಬರಿಯು ಆ ಕಾಲದ ವಾತಾವರಣವನ್ನು ಓದುಗರ ಕಣ್ಣಿಗೆ ಕಟ್ಟುವಂತೆ ವಿವರಿಸುತ್ತದೆ. ಕಥಾನಾಯಕ ಕೆಹರ್ ಸಿಂಗ್ ಯಾವುದೇ ಸೂಪರ್ ಹೀರೊ ಅಥವಾ ಪ್ರಸಿದ್ಧ ಐತಿಹಾಸಿಕ ವ್ಯಕ್ತಿಯಲ್ಲ; ಬದಲಿಗೆ ಅಸಾಮಾನ್ಯ ಕನಸನ್ನು ಬೆನ್ನಟ್ಟುವ ಒಬ್ಬ ಸಾಮಾನ್ಯ ಯುವಕ. ಹೀಗಾಗಿ ಓದುಗರು ಸುಲಭವಾಗಿ ಕಥೆಯೊಂದಿಗೆ ಕನೆಕ್ಟ್ ಆಗಬಹುದು.
ಇತಿಹಾಸ, ರೋಮಾಂಚನ ಮತ್ತು ಸಾಹಸಗಳನ್ನು ಅದ್ಭುತವಾಗಿ ಸಮ್ಮಿಲನಗೊಳಿಸಿರುವ ‘ದಿ ರಾಯಲ್ ಕೋಹಿನೂರ್ ಹೈಸ್ಟ್’ ಪುಸ್ತಕವು, ಐತಿಹಾಸಿಕ ಪತ್ತೇದಾರಿ ಕಥೆಗಳನ್ನು ಇಷ್ಟಪಡುವ ಓದುಗರಿಗೆ ಖಂಡಿತವಾಗಿಯೂ ಇಷ್ಟವಾಗುತ್ತದೆ. ಭಾರತೀಯರ ಮನಸ್ಸಿನಲ್ಲಿ ಕೋಹಿನೂರ್ ವಜ್ರಕ್ಕೆ ಇರುವ ಭಾವನಾತ್ಮಕ ಸ್ಥಾನ ಮತ್ತು ಅದರ ಸುತ್ತಲಿನ ಕುತೂಹಲವನ್ನು ಈ ಕಾದಂಬರಿ ಮತ್ತೊಮ್ಮೆ ನೆನಪಿಸುತ್ತದೆ.
ಗೌರವ್ ಎಸ್ ಕರ್ರಿರ್ ಅವರ ಪರಿಚಯ
ಗೌರವ್ ಎಸ್ ಕರ್ರಿರ್ ಅವರೊಬ್ಬ ಲೈವ್ ಸ್ಪೋರ್ಟ್ಸ್ ಬ್ರಾಡ್ಕ್ಯಾಸ್ಟರ್ ಆಗಿದ್ದಾರೆ. ಭಾರತದ ಎರಡು ಪ್ರಮುಖ ರೇಡಿಯೋ ನೆಟ್ವರ್ಕ್ಗಳಲ್ಲಿ ಪ್ರೋಗ್ರಾಮಿಂಗ್ ಡೈರೆಕ್ಟರ್ ಆಗಿ ಕೆಲಸ ಮಾಡಿದವರಾಗಿದ್ದಾರೆ. 1990ರ ದಶಕದ ಕೊನೆಯಲ್ಲಿ ಕ್ರೈಮ್ ಮತ್ತು ಕೋರ್ಟ್ ರಿಪೋರ್ಟರ್ ಆಗುವುದರೊಂದಿಗೆ ಅವರ ಸ್ಟೋರಿಟೆಲಿಂಗ್ ಅಧ್ಯಾಯ ಆರಂಭವಾಗಿತ್ತು. ಎಂಬಿಬಿಎಸ್ ಫಸ್ಟ್ ಯಿಯರ್ ಎಂಬುದು ಅವರ ಚೊಚ್ಚಲ ಆಡಿಯೋ ಸೀರೀಸ್. ಅಲ್ಲಿಂದ ಮೊದಲಿಟ್ಟ ಅವರ ಕಥೆಗಾರಿಕೆ ಈಗ ಅವರ ಮೊದಲ ಕಾದಂಬರಿಯಾದ ‘ದಿ ರಾಯಲ್ ಕೊಹಿನೂರ್ ಹೈಸ್ಟ್’ ಹಂತಕ್ಕೆ ಬಂದಿದೆ.
ಐತಿಹಾಸಿಕ ಪ್ರಶ್ನೆ ಮತ್ತು ನಿರೂಪಣೆಯ ತೀವ್ರತೆ ಮಿಳಿತಗೊಂಡಿರುವ ಗೌರವ್ ಕರ್ರಿರ್ ಅವರ ಕಾದಂಬರಿಯು ಮನರಂಜನೆ ನೀಡುವುದು ಮಾತ್ರವಲ್ಲ, ಕೊಹಿನೂರ್ ವಜ್ರದ ಪಾರಂಪರಿಕತೆಯ ಸುತ್ತ ಸಂವಾದವನ್ನೂ ಹುಟ್ಟು ಹಾಕುತ್ತದೆ.
ಇದನ್ನೂ ಓದಿ: ಮಜಾ ಮಾಡಲು ಹೋಗಿ ಹೆಣವಾಗಿ ಮರಳಿದ ಪ್ರವಾಸಿಗ; 10 ಅಡಿ ಎತ್ತರದಿಂದ ಸ್ವಿಮ್ಮಿಂಗ್ ಪೂಲ್ಗೆ ಜಂಪ್ ಮಾಡಿದ ಯುವಕ ಸ್ಥಳದಲ್ಲೇ ಸಾವು
‘ದಿ ರಾಯಲ್ ಕೊಹಿನೂರ್ ಹೈಸ್ಟ್’ ಪುಸ್ತಕ ಖರೀದಿಸಲು ಲಿಂಕ್ಗಳು:
- ಬ್ಲೂರೋಸ್ ಸ್ಟೋರ್ blueroseone.com/store
- ಅಮೇಜಾನ್ ಇಂಡಿಯಾ www.amazon.in
- ಫ್ಲಿಪ್ಕಾರ್ಟ್ www.flipkart.com
- ಅಮೇಜಾನ್ ಕಿಂಡಲ್ www.amazon.in/kindle
- ಗೂಗಲ್ ಬುಕ್ಸ್ books.google.com
ಇನ್ನಷ್ಟು ರಾಷ್ಟ್ರೀಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ
Published On - 3:02 pm, Mon, 29 June 26