ಒಂದು ವರ್ಷದ ಮಗುವನ್ನು ಬಸ್​​ಸ್ಟ್ಯಾಂಡ್​ನಲ್ಲಿ ಬಿಟ್ಟು, ಇನ್​ಸ್ಟಾಗ್ರಾಂ ಲವರ್​ ಜತೆ ಮಹಿಳೆ ಪರಾರಿ

ನಲ್ಗೊಂಡ, ಜುಲೈ 31: ಮಗುವಿಗೋಸ್ಕರ ಸಮಾಜವನ್ನೇ ಬೇಕಾದರೂ ಎದುರು ಹಾಕಿಕೊಂಡು ಹೋರಾಡುವ ತಾಯಿ (Mother)ಒಂದೆಡೆಯಾದರೆ, ತನ್ನ ಪ್ರಿಯಕರನಿಗಾಗಿ ಒಂದು ವರ್ಷದ ಮಗುವನ್ನು ಬಸ್​​ಸ್ಟ್ಯಾಂಡ್​​ನಲ್ಲಿ ಬಿಟ್ಟು ಹೋದ ತಾಯಿ ಮತ್ತೊಂದೆಡೆ. ಈ ಘಟನೆ ತೆಲಂಗಾಣದ ನಲ್ಗೊಂಡ ಜಿಲ್ಲೆಯಲ್ಲಿ ನಡೆದಿದೆ.

ಇನ್​​ಸ್ಟಾಗ್ರಾಂನಲ್ಲಿ ಪರಿಚಯವಾದ ವ್ಯಕ್ತಿ ಜತೆ ಮಹಿಳೆಗೆ ಸ್ನೇಹ ಬೆಳೆದು ಬಳಿಕ ಅದು ಪ್ರೀತಿಯಾಗಿದ್ದು, ತನ್ನ ಸಂಬಂಧಕ್ಕೆ ಮಗು ಅಡ್ಡಬರುವುದೆಂದು ಮಗುವನ್ನು ಬಸ್​​ಸ್ಟ್ಯಾಂಡ್​​ನಲ್ಲಿ ಬಿಟ್ಟು ಆಕೆ ಲವರ್ ಜತೆ ಪರಾರಿಯಾಗಿದ್ದಾಳೆ. ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ಆ ವಿಡಿಯೋ ವೈರಲ್ ಆಗಿದೆ. ಮಗು ಅಳುತ್ತಿರುವುದನ್ನು ಡಿಪೋ ಸಿಬ್ಬಂದಿ ನೋಡಿ, ಆತಂಕಗೊಂಡು ಪೊಲೀಸರಿಗೆ ಮಾಹಿತಿ ನೀಡಿದ್ದರು.

ನ್ಯೂ ಇಂಡಿಯನ್ ಎಕ್ಸ್​ಪ್ರೆಸ್​ ವರದಿ ಪ್ರಕಾರ, ಟೂ ಟೌನ್ ಪೊಲೀಸ್ ಠಾಣೆಯ ಸಬ್​​-ಇನ್ಸ್​​ಪೆಕ್ಟರ್ ವಿ ಸೈದುಲು ಮಾತನಾಡಿ, ಹೈದರಾಬಾದ್​ನ ವಿವಾಹಿತ ಮಹಿಳೆ ಮಗುವನ್ನು ಬಸ್ ಸ್ಟ್ಯಾಂಡ್ನಲ್ಲಿ ಬಿಟ್ಟು ಓಲ್ಡ್​ ಸಿಟಿ ಪ್ರದೇಶದ ವ್ಯಕ್ತಿಯೊಂದಿಗೆ ಬೈಕ್​​ನಲ್ಲಿ ಪರಾರಿಯಾಗಿದ್ದಾಳೆ. ಆ ಮಹಿಳೆ ಇನ್​​ಸ್ಟಾಗ್ರಾಂ ಮೂಲಕ ಆ ವ್ಯಕ್ತಿಯನ್ನು ಭೇಟಿಯಾಗಿದ್ದಳು. ತನ್ನ ಪತಿ ಹಾಗೂ ಮಗುವನ್ನು ಬಿಟ್ಟು ಆತನೊಂದಿಗೆ ಇರಲು ಬಯಸಿದ್ದಳು ಎಂದು ತಿಳಿಸಿದ್ದಾರೆ.

ఇన్స్టాగ్రామ్లో పరిచయమైన వ్యక్తి కోసం కన్నబిడ్డను దిక్కు లేని అనాధగా బస్‌స్టాండులో వదిలేసి వెళ్ళిపోయిన తల్లి

నల్గొండ బస్‌స్టాండులో చోటు చేసుకున్న ఘటన

ప్రియుడు తనవెంట రమ్మని వెంటపడడంతో… మానవత్వం మరిచి ముక్కుపచ్చలారని కన్నబిడ్డను దిక్కులేని అనాధగా వదిలేసి వెళ్లిన తల్లి… pic.twitter.com/mkZZjK0jh2

— Telugu Scribe (@TeluguScribe) July 27, 2025

ಬಸ್​ ಡಿಪೋದ ಸಿಸಿಟಿವಿ ದೃಶ್ಯಾವಳಿಗಳು ನಿರ್ಣಾಯಕ ಸಾಕ್ಷ್ಯಗಳನ್ನು ಒದಗಿಸಿವೆ.ಅಳುತ್ತಿದ್ದ ಮಗುವಿನಿಂದ ಮಹಿಳೆ ದೂರ ಹೋಗುತ್ತಿರುವುದನ್ನು ಕಾಣಬಹುದು. ಅದೇ ದೃಶ್ಯಗಳು ಅವಳು ಬೈಕ್ ಹತ್ತಿ ಆ ವ್ಯಕ್ತಿಯೊಂದಿಗೆ ಸವಾರಿ ಮಾಡುವುದನ್ನು ಸಹ ಸೆರೆಹಿಡಿದಿವೆ.

ಸಿಸಿಟಿವಿ ಫೂಟೇಜ್ ಮಗುವಿಗೆ ತೋರಿಸಿದಾಗ ಅಮ್ಮ ಎಂದು ಕರೆದು ಅದು ಅತ್ತಿದೆ. ದೃಶ್ಯ ಸಾಕ್ಷ್ಯಗಳನ್ನು ಬಳಸಿಕೊಂಡು, ಪೊಲೀಸರು ಪರಾರಿಯಾಗಲು ಬಳಸಿದ್ದ ವಾಹನವನ್ನು ಪತ್ತೆಹಚ್ಚಿದರು. ಘಟನೆಯ ದಿನದಂದು ಬೈಕ್ ಅನ್ನು ಮಹಿಳೆಯ ಸ್ನೇಹಿತ ಆಕೆಯ ಪ್ರಿಯಕರನಿಗೆ ನೀಡಿದ್ದ.

ಪೊಲೀಸರು ಮಹಿಳೆ, ಆಕೆಯ ಪ್ರಿಯಕರ ಮತ್ತು ಆಕೆಯ ಪತಿಯನ್ನು ಕೌನ್ಸೆಲಿಂಗ್‌ಗಾಗಿ ಕರೆಸಿದರು. ಅಧಿಕಾರಿಗಳ ಸಂಪೂರ್ಣ ವಿಚಾರಣೆ ಮತ್ತು ಹಸ್ತಕ್ಷೇಪದ ನಂತರ, 15 ತಿಂಗಳ ಬಾಲಕನ ಕಸ್ಟಡಿಯನ್ನು ಅವನ ತಂದೆಗೆ ಹಸ್ತಾಂತರಿಸಲಾಯಿತು.

ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ