ಬುಡಕಟ್ಟು ನಮ್ಮ ಸಮಾಜದ ಮೂಲ, ಅವರ ಕಲೆ, ಸಂಸ್ಕೃತಿ, ಉಡುಪುಗಳಿಗೆ ಅದರದೇ ಆದ ವೈಶಿಷ್ಟ್ಯವಿದೆ: ಧರ್ಮೇಂದ್ರ ಪ್ರಧಾನ್

“ಬುಡಕಟ್ಟು ನಮ್ಮ ಸಮಾಜದ ಮೂಲವಾಗಿದೆ, ಕಲೆ, ಸಂಸ್ಕೃತಿ, ಆಚಾರ, ವಿಚಾರ, ನೃತ್ಯ ಸಂಗೀತ, ಹಾಡು, ಉಡುಗೆ, ತೊಡುಗೆಯಲ್ಲಿ ಈ ಸಮಾಜ ತನ್ನದೇ ಆದ ವೈಶಿಷ್ಟ್ಯ ಹೊಂದಿದೆ” ಎಂದು ಕೇಂದ್ರ ಸಚಿವ ಧರ್ಮೇಂದ್ರ ಪ್ರಧಾನ್(Dharmendra Pradhan) ಹೇಳಿದ್ದಾರೆ. ನಾಲ್ಕೋ ನಗರದಲ್ಲಿ ನಡೆದ ‘ಪರಿಚಯ: ರಾಷ್ಟ್ರೀಯ ಜನಜಾತಿ ಮಹೋತ್ಸವ’ ಕಾರ್ಯಕ್ರಮದಲ್ಲಿ ಪಾಲ್ಗೊಂಡು ಅವರು ಮಾತನಾಡಿದರು.

ಒಡಿಶಾದಲ್ಲಿ 62 ಬುಡಕಟ್ಟು ಜನಾಂಗಗಳಿವೆ, 21 ವಿವಿಧ ಭಾಷೆಗಳು ಹಾಗೂ 74 ಉಪಭಾಷೆಗಳನ್ನು ಹೊಂದಿರುವ ವಿಶಿಷ್ಟ ರಾಜ್ಯವಾಗಿದೆ. ಒಡಿಶಾದಲ್ಲಿ ಪ್ರಸ್ತುತ 7 ಬುಡಕಟ್ಟು ಲಿಪಿಗಳು ಕೂಡ ಇವೆ. ಬುಡಕಟ್ಟು ಜನರು ಸರಳ ಹಾಗೂ ಸ್ವಚ್ಛ ಮನಸ್ಸಿನವರು, ಒಡಿಶಾದ ಹೆಮ್ಮೆಯ ಪುತ್ರಿ ದ್ರೌಪದಿ ಮುರ್ಮು ಈಗ ಭಾರತದ ರಾಷ್ಟ್ರಪತಿಯಾಗಿದ್ದಾರೆ.

ಬುಡಕಟ್ಟು ನಾಯಕತ್ವಕ್ಕೆ ಹೆಚ್ಚಿನ ಪ್ರಾತಿನಿಧ್ಯ ನೀಡುವಲ್ಲಿ ಮೋದಿ ಸರ್ಕಾರವು ಪ್ರಮುಖ ಕ್ರಮಗಳನ್ನು ತೆಗೆದುಕೊಂಡಿದೆ ಎಂದು ಹೇಳಿದರು. ವಿದ್ಯಾರ್ಥಿಗಳಿಗೆ ಗುಣಮಟ್ಟದ ಶಿಕ್ಷಣ ನೀಡಲು ಮೋದಿ ಸರ್ಕಾರ ಏಕಲವ್ಯ ವಿದ್ಯಾಲಯಗಳನ್ನು ಸ್ಥಾಪಿಸಿದೆ. ಈಗ ಬಿರ್ಸಾ ಮುಂಡಾ ಅವರ ಜನ್ಮದಿನವನ್ನು ‘ಜಂಜಾತಿ ಗೌರವ್ ದಿವಸ್’ ಎಂದು ಆಚರಿಸಲಾಗುತ್ತಿದೆ ಎಂದು ಪ್ರಧಾನ್ ಹೇಳಿದರು.

ಸಾಂಪ್ರದಾಯಿಕ ಕುಶಲಕರ್ಮಿಗಳು, ಕರಕುಶಲ ಮತ್ತು ಇತರ ಕಲಾವಿದರನ್ನು ಬೆಂಬಲಿಸಲು ಪ್ರಧಾನ ಮಂತ್ರಿ ಪ್ರಧಾನ ಮಂತ್ರಿ ವಿಶ್ವಕರ್ಮ ಯೋಜನೆ ಹೊಸ ಯೋಜನೆಯನ್ನು ತಂದಿದ್ದಾರೆ ಎಂದು ಅವರು ಹೇಳಿದರು. ಈ ಯೋಜನೆಯಿಂದ ಬುಡಕಟ್ಟು ಸಮಾಜವೂ ಪ್ರಯೋಜನ ಪಡೆಯಲಿದೆ.

ಮತ್ತಷ್ಟು ಓದಿ: ಹಾಸನದ ಎಸ್ಪಿ ಕಚೇರಿಯಲ್ಲಿ ಧ್ವಜಾರೋಹಣ ಮಾಡಿದ ಬುಡಕಟ್ಟು ಜನಾಂಗದ ಬಾಲಕಿ ಈ ಸಂದರ್ಭದಲ್ಲಿ ಆದಿವಾಸಿಗಳು ಡೊಳ್ಳು ಬಾರಿಸುವ, ಕುಣಿತ, ಗಾಯನದ ನಡುವೆ ಸಚಿವರಿಗೆ ಭವ್ಯ ಸ್ವಾಗತ ಕೋರಿದರು.

ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ 

Published On - 8:25 am, Sat, 19 August 23