WNV: ಕೊವಿಡ್ ಬೆನ್ನಲ್ಲೇ ರಷ್ಯಾದಲ್ಲಿ ಆತಂಕ ಹೆಚ್ಚಿಸಿದೆ ವೆಸ್ಟ್ ನೈಲ್ ವೈರಸ್; ಏನಿದು ಹೊಸ ರೋಗ?

ನವದೆಹಲಿ: ಈಗಾಗಲೇ ಭಾರತದಲ್ಲಿ ಕೊವಿಡ್ 3ನೇ ಅಲೆಯ (Covid 3rd Wave) ಭೀತಿ ಶುರುವಾಗಿದೆ. ವಿಶ್ವಾದ್ಯಂತ ಕೊರೊನಾ (Coronavirus Pandemic) ಅಟ್ಟಹಾಸ ಮುಂದುವರೆದಿದೆ. ಕೊವಿಡ್ ರೂಪಾಂತರಿ ವೈರಸ್​ಗಳು ಕೂಡ ಎಲ್ಲೆಡೆ ಹರಡುತ್ತಿವೆ. ಇದೆಲ್ಲದರ ನಡುವೆ ರಷ್ಯಾದಲ್ಲಿ ವೆಸ್ಟ್ ನೈಲ್ ವೈರಸ್ (WNV) ಕಾಣಿಸಿಕೊಂಡಿದ್ದು, ಈ ಸೋಂಕು ವ್ಯಾಪಕವಾಗಿ ಹರಡುವ ಸಾಧ್ಯತೆಯಿದೆ ಎಂದು ರಷ್ಯಾ ಎಚ್ಚರಿಕೆ ನೀಡಿದೆ. ತಂಪಾದ ವಾತಾವರಣದಲ್ಲಿ ಹರಡುವ ಈ ವೆಸ್ಟ್ ನೈಲ್ ವೈರಸ್ (West Nile ಮುಖ್ಯವಾಗಿ ಸೋಂಕಿತ ಸೊಳ್ಳೆಗಳಿಂದ ಎಲ್ಲೆಡೆ ಹರಡುತ್ತದೆ. ಇದು ಕೂಡ ಕೊರೊನಾ ರೀತಿಯ ಸಾಂಕ್ರಾಮಿಕ ರೋಗವಾಗಿದೆ.

ಈ ವರ್ಷ ರಷ್ಯಾದಲ್ಲಿ ಭಾರೀ ಮಳೆಯಾಗುತ್ತಿರುವುದರಿಂದ ವೆಸ್ಟ್ ನೈಲ್ ವೈರಸ್ ಹರಡುವ ಸಾಧ್ಯತೆ ಹೆಚ್ಚಾಗಿದೆ. ರಷ್ಯಾದಲ್ಲಿ ದಾಖಲಾಗಿರುವ ಡಬ್ಲುಎನ್​ವಿ ಕೇಸುಗಳ ಪೈಕಿ ಶೇ. 80ರಷ್ಟು ಪ್ರಕರಣಗಳು ರಷ್ಯಾದ ಸೌತ್​ವೆಸ್ಟ್​ ಭಾಗದಲ್ಲಿಯೇ ದಾಖಲಾಗಿವೆ. ಸೋಂಕಿತ ಸೊಳ್ಳೆಗಳಿಂದ ಹರಡುವ ಡಬ್ಲುಎನ್​ವಿ ರೋಗ ಸಾಂಕ್ರಾಮಿಕ ರೋಗವಾಗಿದೆ. ಇದು ಸೋಂಕಿತ ಸೊಳ್ಳೆಗಳಿಂದ ಹಕ್ಕಿಗಳಿಗೆ ಹರಡಿ, ಹಕ್ಕಿಗಳಿಂದ ಮನುಷ್ಯರಿಗೆ ಹರಡುತ್ತದೆ. ಝಿಕಾ, ಡೆಂಗ್ಯು, ಹಳದಿ ಜ್ವರದ ವೈರಸ್​ಗಳಿಗೂ ಈ ವೆಸ್ಟ್ ನೈಲ್ ವೈರಸ್ ರೋಗಕ್ಕೂ ಸಾಮ್ಯತೆಯಿದೆ.

ಕ್ಯುಲೆಕ್ಸ್​ ಎಂಬ ವಿಧದ ಜಾತಿಯ ಸೊಳ್ಳೆಗಳ ಮೂಲಕ ಈ ಹೊಸ ರೋಗ ಹರಡುತ್ತದೆ. ವೆಸ್ಟ್ ನೈಲ್ ವೈರಸ್ ರೋಗ ತಗುಲುವ ಮನುಷ್ಯರಿಗೆ ನರ ಸಂಬಂಧಿ ಸಮಸ್ಯೆಗಳು ಕಾಣಿಸಿಕೊಳ್ಳುತ್ತವೆ. ಕೊರೊನಾದಂತೆ ವೆಸ್ಟ್ ನೈಲ್ ವೈರಸ್​ ರೋಗದಲ್ಲಿ ಕೂಡ ಕೆಲವೊಮ್ಮೆ ರೋಗ ಲಕ್ಷಣಗಳು ಕಾಣಿಸಿದರೆ ಇನ್ನು ಕೆಲವೊಮ್ಮೆ ರೋಗ ಲಕ್ಷಣಗಳು ಗೋಚರವಾಗುವುದಿಲ್ಲ. ಸಾಮಾನ್ಯವಾಗಿ ಈ ಸೋಂಕು ಕಾಣಿಸಿಕೊಳ್ಳುವ ಜನರಲ್ಲಿ ಜ್ವರ, ಮೈ ಕೈ ನೋವು, ತಲೆ ನೋವು, ಚರ್ಮದ ತುರಿಕೆಯಂತಹ ರೋಗ ಲಕ್ಷಣಗಳು ಕಾಣಿಸಿಕೊಳ್ಳುತ್ತವೆ ಎಂದು ಹಿಂದುಸ್ತಾನ್ ಟೈಮ್ಸ್ ವರದಿ ಮಾಡಿದೆ.

ಇದನ್ನೂ ಓದಿ: ಕೇರಳದಿಂದ ಕರ್ನಾಟಕಕ್ಕೆ ಪ್ರವೇಶಿಸಲು ಕೊವಿಡ್ ನೆಗೆಟಿವ್ ನಕಲಿ ವರದಿ: ಒಟ್ಟು 7 ಜನರ ಬಂಧನ

TV9 Kannada Exclusive: ಅಫ್ಘಾನಿಸ್ತಾನದಲ್ಲಿಯೂ ಕೊವಿಡ್ ಇದೆ, ನಿಮಗೆ ನೆನಪಿದೆಯೇ?

(West Nile Virus Symptoms: Russia warns of increase in cases of West Nile Virus What is WNV)