100 ಕೋಟಿ ಡೋಸ್​ ಕೊವಿಡ್​ 19 ಲಸಿಕೆ ನೀಡಿಕೆ: ಭಾರತದ ಬದ್ಧತೆ, ನಾಯಕತ್ವವನ್ನು ಶ್ಲಾಘಿಸಿದ ಡಬ್ಲ್ಯೂಎಚ್​ಒದ ಪೂನಂ ಖೇತ್ರಪಾಲ್​ ಸಿಂಗ್​

ಭಾರತದಲ್ಲಿಂದು 100 ಕೋಟಿ ಡೋಸ್​ ಕೊವಿಡ್​ 19 ಲಸಿಕೆ ನೀಡಿಕೆ ಪೂರ್ಣಗೊಂಡಿದ್ದನ್ನು ವಿಶ್ವ ಆರೋಗ್ಯ ಸಂಸ್ಥೆಯ ಆಗ್ನೇಯ ಏಷ್ಯಾದ ಪ್ರಾದೇಶಿಕ ನಿರ್ದೇಶಕರಾದ ಪೂನಂ​ ಖೇತ್ರಪಾಲ್​ ಸಿಂಗ್​ ಶ್ಲಾಘಿಸಿದ್ದಾರೆ. ಭಾರತದಲ್ಲಿ ಜನವರಿ 16ರಂದು ಶುರುವಾದ ಕೊರೊನಾ ಲಸಿಕೆ ಅಭಿಯಾನ ಇಂದು ಮೈಲಿಗಲ್ಲು ತಲುಪಿದೆ. ಬರೋಬ್ಬರಿ 100 ಕೋಟಿ ಡೋಸ್ ಲಸಿಕೆ ನೀಡಲಾಗಿದೆ. ಈ ಹಿನ್ನೆಲೆಯಲ್ಲಿ ಪ್ರಧಾನಿ ಮೋದಿ ಸೇರಿ ಹಲವು ರಾಜಕೀಯ ಗಣ್ಯರು ಸಂತೋಷ ವ್ಯಕ್ತಪಡಿಸಿದ್ದಾರೆ. ದೇಶದ ಆರೋಗ್ಯ ಕಾರ್ಯಕರ್ತರನ್ನು ಶ್ಲಾಘಿಸಿದ್ದಾರೆ.  

ಹಾಗೇ, ಭಾರತದ 100 ಕೋಟಿ ಡೋಸ್​ ಲಸಿಕೆ ನೀಡಿಕೆ ಸಾಧನೆ ಬಗ್ಗೆ ಮಾತನಾಡಿದ ಪೂನಂ ಖೇತ್ರಪಾಲ್​ ಸಿಂಗ್​, ಒಂದು ಸದೃಢ ರಾಜಕೀಯ ನಾಯಕತ್ವ, ಒಗ್ಗೂಡಿಸುವಿಕೆ ಮತ್ತು ಆಡೀ ಆರೋಗ್ಯ ಕ್ಷೇತ್ರ, ಮುಂಚೂಣಿಯಲ್ಲಿದ್ದ ಇತರ ಕೊವಿಡ್​ 19 ಫೈಟರ್ಸ್​ ಮತ್ತು ಸಾಮಾನ್ಯ ಜನರ ಸಹಕಾರವಿಲ್ಲದೆ ಹೀಗೆ ಕಡಿಮೆ ಅವಧಿಯಲ್ಲಿ ಶತಕೋಟಿ ಡೋಸ್​ ಲಸಿಕೆ ನೀಡುವ ಅದ್ಭುತ ಸಾಧನೆ ಮಾಡಲು ಸಾಧ್ಯವಾಗುವುದಿಲ್ಲ ಎಂದಿದ್ದಾರೆ. ಈ ಮೂಲಕ ಭಾರತದ ನಾಯಕತ್ವ ಮತ್ತು ಇಲ್ಲಿನ ಜನರ ಸಮನ್ವಯತೆಯನ್ನು ಹೊಗಳಿದ್ದಾರೆ. ಹಾಗೇ, ಭಾರತದ ಸಾಧನೆಯನ್ನು ಅದರ ಪ್ರಶಂಸನೀಯ ಬದ್ಧತೆ ದೃಷ್ಟಿಯಿಂದ ನೋಡಬೇಕು. ಅದು ತಮ್ಮ ಕೊರೊನಾ ಲಸಿಕೆ ಲಭ್ಯವಾಗುವಂತೆ ಮಾಡುತ್ತಿದೆ ಎಂದೂ ಹೇಳಿದ್ದಾರೆ.

Congratulations #India ?? for crossing 1 billion #COVID19 vaccine doses milestone.@MoHFW_INDIA @PIB_India @ANI pic.twitter.com/nQkaidVzvU

— WHO South-East Asia (@WHOSEARO) October 21, 2021

ಭಾರತದ ಇಂದಿನ ಸಾಧನೆಯನ್ನು ಕೇಂದ್ರ ಆರೋಗ್ಯ ಸಚಿವ ಮನ್​ಸುಖ್​ ಮಾಂಡವಿಯಾ ಟ್ವೀಟ್​ ಮೂಲಕ ಹೊಗಳಿದ್ದಾರೆ. ಇಂಥದ್ದೊಂದು ಮಹತ್ವದ ಸಾಧನೆಗೆ ಸಹಕಾರ ನೀಡಿದ ಭಾರತದ ಪ್ರತಿಯೊಬ್ಬ ನಾಗರಿಕನಿಗೂ ಅಭಿನಂದನೆ ಸಲ್ಲಿಸುವುದಾಗಿ ತಿಳಿಸಿದ್ದಾರೆ. ಹಾಗೇ, ಇದು ಸಾಧ್ಯವಾಗಿದ್ದು ಪ್ರಧಾನಿ ನರೇಂದ್ರ ಮೋದಿಯವರ ಸಮರ್ಥ ನಾಯಕತ್ವ ಮತ್ತು ದೂರದೃಷ್ಟಿಯಿಂದ ಎಂದೂ ಹೇಳಿದ್ದಾರೆ.  ನೀತಿ ಆಯೋಗದ ಸದಸ್ಯ ವಿ.ಕೆ.ಪೌಲ್​ ಪ್ರತಿಕ್ರಿಯಿಸಿ, 100 ಕೋಟಿ ಡೋಸ್​ ಲಸಿಕೆ ನೀಡಿಕೆಯ ಮೈಲಿಗಲ್ಲನ್ನು ಭಾರತ ತಲುಪಿದೆ. ಈ ಹೊತ್ತಲ್ಲಿ ಇಡೀ ದೇಶ, ಇಲ್ಲಿನ ಜನರು ಅದಕ್ಕೂ ಮುಖ್ಯವಾಗಿ ಆರೋಗ್ಯ ಕ್ಷೇತ್ರದ ಸಿಬ್ಬಂದಿ ಅಭಿನಂದನಾರ್ಹರು ಎಂದು ಹೇಳಿದ್ದಾರೆ. ಅದರಲ್ಲೂ ಕೊವಿಡ್​ 19 ಲಸಿಕೆ ಅಭಿಯಾನ ಶುರುವಾಗಿ ಕೇವಲ 9 ತಿಂಗಳಲ್ಲಿ ಇಂಥದ್ದೊಂದು ಮಹತ್ವದ ಸಾಧನೆ ಮಾಡಿದ್ದು ನಿಜಕ್ಕೂ ಸಂತೋಷ ಪಡುವ ವಿಚಾರವೇ ಆಗಿದೆ ಎಂದು ಹೇಳಿದ್ದಾರೆ.

ಇದನ್ನೂ ಓದಿ: Amazon Prime: ಪ್ರೈಮ್ ಸದಸ್ಯರಿಗೆ ಬಿಗ್ ಶಾಕ್ ನೀಡಿದ ಅಮೆಜಾನ್: ವಾರ್ಷಿಕ ಯೋಜನೆಯಲ್ಲಿ ದೊಡ್ಡ ಬದಲಾವಣೆ

ತನ್ನ ಮರಿಯನ್ನು ರಕ್ಷಿಸಲು ಮೊಸಳೆಯನ್ನು ಕೊಂದ ತಾಯಿ ಆನೆ; ವಿಡಿಯೋ ವೈರಲ್