LIC Recruitment 2021: ಎಲ್​ಐಸಿ ಎಇ, ಎಎಒ ಹುದ್ದೆ ನೇಮಕಾತಿ ಪರೀಕ್ಷೆ ಅಕ್ಟೋಬರ್​ 31ಕ್ಕೆ; ವೇತನ, ಸೌಲಭ್ಯಗಳ ವಿವರ ಇಲ್ಲಿದೆ

ಅಕ್ಟೋಬರ್​ 31ರಂದು ನಡೆಯಲಿರುವ ನೇಮಕಾತಿ ಪರೀಕ್ಷೆ, ನಂತರದ ಸಂದರ್ಶನ ಮತ್ತು ದಾಖಲೆ ವೆರಿಫಿಕೇಶನ್​​, ವೈದ್ಯಕೀಯ ತಪಾಸಣೆ ಎಲ್ಲದರಲ್ಲೂ ಸರಿಯಾಗಿ ಉತ್ತೀರ್ಣರಾಗಿ ಅರ್ಹರು ಎನ್ನಿಸಿಕೊಂಡ ಅಭ್ಯರ್ಥಿಗಳು ಹುದ್ದೆಗಳಿಗೆ ನೇಮಕವಾಗಲಿದ್ದಾರೆ.

LIC Recruitment 2021: ಎಲ್​ಐಸಿ ಎಇ, ಎಎಒ ಹುದ್ದೆ ನೇಮಕಾತಿ ಪರೀಕ್ಷೆ ಅಕ್ಟೋಬರ್​ 31ಕ್ಕೆ; ವೇತನ, ಸೌಲಭ್ಯಗಳ ವಿವರ ಇಲ್ಲಿದೆ
ಸಾಂಕೇತಿಕ ಚಿತ್ರ

ಲೈಫ್​ ಇನ್ಶೂರೆನ್ಸ್​ ಕಾರ್ಪೋರೇಶನ್​ (LIC)ನ ಅಸಿಸ್ಟೆಂಟ್​ ಇಂಜಿನಿಯರ್ಸ್​ ಮತ್ತು ಅಸಿಸ್ಟೆಂಟ್​ ಅಡ್ಮಿನಿಸ್ಟ್ರೇಟಿವ್​ ಆಫೀಸರ್ಸ್​(ತಜ್ಞರು) ಹುದ್ದೆಗಳ ಪರೀಕ್ಷೇ ಅಕ್ಟೋಬರ್​ 31ರಂದು ನಡೆಯಲಿದೆ. ಈ ಬಗ್ಗೆ ಹೆಚ್ಚಿನ ಮಾಹಿತಿಗಾಗಿ ಅಭ್ಯರ್ಥಿಗಳು ಎಲ್​ಐಸಿಯ ಅಧಿಕೃತ ವೆಬ್​ಸೈಟ್​  Licindia.in.ನ್ನು ಪರಿಶೀಲಿಸಬಹುದಾಗಿದೆ.

ಎಲ್​ಐಸಿ ಎಇ (ಎಲ್​ಐಸಿ ಅಸಿಸ್ಟೆಂಟ್​ ಇಂಜಿನಿಯರ್ಸ್​​) ಮತ್ತು ಎಎಒ (ಅಸಿಸ್ಟೆಂಟ್​ ಅಡ್ಮಿನಿಸ್ಟ್ರೇಟಿವ್​ ಆಫೀಸರ್ಸ್) ಹುದ್ದೆಗಳಿಗೆ ನಡೆಸಲಾಗುವ ಪರೀಕ್ಷೆಯಲ್ಲಿ ಮಲ್ಟಿಪಲ್​ ಚಾಯಿಸ್​ ಪ್ರಶ್ನೆಗಳು (ಒಂದು ಪ್ರಶ್ನೆ ಕೊಟ್ಟು ಅದಕ್ಕೆ ಮೂರು ಅಥವಾ ನಾಲ್ಕು ಆಯ್ಕೆ ಕೊಟ್ಟಿರುತ್ತಾರೆ. ಅದರಲ್ಲಿ ಒಂದು ಸರಿಯಾದ ಉತ್ತರವನ್ನು ಬರೆಯುವುದು) ಮತ್ತು ವಿವರಣಾತ್ಮಕ ಪ್ರಶ್ನೆಗಳು ಎರಡೂ ಮಾದರಿಯ ಪ್ರಶ್ನೆಗಳಿರುತ್ತವೆ. ಒಟ್ಟು 300 ಅಂಕದ ಈ ಪರೀಕ್ಷೆ ಆನ್​ಲೈನ್​ ಮೂಲಕ ನಡೆಯಲಿದೆ. ವಿವರಣೆ ಬರೆಯಬೇಕಾದ ಪ್ರಶ್ನೆಗಳಿಗೆ ಅಭ್ಯರ್ಥಿಗಳು ಕಂಪ್ಯೂಟರ್​​ನಲ್ಲಿ ಟೈಪ್​ ಮಾಡಬೇಕಾಗುತ್ತದೆ.

ಅಕ್ಟೋಬರ್​ 31ರಂದು ನಡೆಯಲಿರುವ ನೇಮಕಾತಿ ಪರೀಕ್ಷೆ, ನಂತರದ ಸಂದರ್ಶನ ಮತ್ತು ದಾಖಲೆ ವೆರಿಫಿಕೇಶನ್​​, ವೈದ್ಯಕೀಯ ತಪಾಸಣೆ ಎಲ್ಲದರಲ್ಲೂ ಸರಿಯಾಗಿ ಉತ್ತೀರ್ಣರಾಗಿ ಅರ್ಹರು ಎನ್ನಿಸಿಕೊಂಡ ಅಭ್ಯರ್ಥಿಗಳು ಹುದ್ದೆಗಳಿಗೆ ನೇಮಕವಾಗಲಿದ್ದಾರೆ. ಹೀಗೆ ಅಂತಿಮವಾಗಿ ನೇಮಕವಾಗುವ ಅಭ್ಯರ್ಥಿಗಳಿಗೆ ತಿಂಗಳಿಗೆ 57 ಸಾವಿರ ರೂಪಾಯಿ ಸಂಬಳ ಇರಲಿದೆ. ಅದರಾಚೆ ಕಂಪನಿಯ ವಿಮೆ, ಮೆಡಿ-ಕ್ಲೇಮ್, ಎಲ್‌ಟಿಸಿ, ಗ್ರಾಚ್ಯುಟಿ ಸೇರಿ ವಿವಿಧ ಭತ್ಯೆಗಳಿಗೆ ಅವರು ಅರ್ಹರಾಗುತ್ತಾರೆ.  ಇನ್ನು ನೇಮಕಾತಿ ಪ್ರಕ್ರಿಯೆಯಲ್ಲಿ ಅಭ್ಯರ್ಥಿಗಳ ಐರಿಸ್ (ಕಣ್ಪೊರೆ)​ ಮತ್ತು ಫೋಟೋವನ್ನು ತೆಗೆಯಲು ಮತ್ತು ಪರಿಶೀಲನೆ ನಡೆಸಲು ನಿರ್ಧರಿಸಲಾಗಿದೆ.  ಮುಖ್ಯ ಪರೀಕ್ಷೆಯ ಪ್ರಾರಂಭಕ್ಕೂ ಮೊದಲು, ಪರೀಕ್ಷೆ ಮುಗಿಸಿ ಆಯಾ ಹಾಲ್​/ಲ್ಯಾಬ್​​ನಿಂದ ಅಭ್ಯರ್ಥಿಗಳು ಹೊರಡುವ ಮೊದಲು, ಸಂದರ್ಶನಕ್ಕೂ ಮೊದಲು ದಾಖಲೆಗಳನ್ನು ಪರಿಶೀಲನೆ ಮಾಡುವಾಗ, ಎಲ್ಲವೂ ಮುಗಿಸಿ ನಂತರ ತರಬೇತಿಗೆ, ಕೆಲಸಕ್ಕೆ ಹಾಜರಾಗುವ ಮೊದಲು ಈ ಫೋಟೋ, ಕಣ್ಪೊರೆ ಪರಿಶೀಲನೆ ಪ್ರಕ್ರಿಯೆ ನಡೆಯಲಿದೆ.

ಇದನ್ನೂ ಓದಿ: ರೋಗಿಗೆ ಗಾಳಿಯನ್ನು ಚುಚ್ಚುವ ಮೂಲಕ 4 ಜನರನ್ನು ಕೊಂದ ‘ಸೀರಿಯಲ್ ಕಿಲ್ಲರ್’ ನರ್ಸ್‌ಗೆ ಮರಣದಂಡನೆ ವಿಧಿಸಲು ಒತ್ತಾಯ

Shah Rukh Khan: ಬಾಲಿವುಡ್​ ನಟ ಶಾರುಖ್​ ಖಾನ್, ನಟಿ ಅನನ್ಯಾ ಪಾಂಡೆ ನಿವಾಸದ ಮೇಲೆ NCB ದಾಳಿ

Click on your DTH Provider to Add TV9 Kannada