ಜೈಲಿನಲ್ಲಿ 196 ಶಿಶುಗಳಿಗೆ ಜನ್ಮ ನೀಡಿದ ಮಹಿಳಾ ಕೈದಿಗಳು, ಸುಪ್ರೀಂಗೆ ಅಮಿಕಸ್ ಕ್ಯೂರಿ ಸಲ್ಲಿಸಿರುವ ವರದಿಯಲ್ಲೇನಿದೆ?

ಪಶ್ಚಿಮ ಬಂಗಾಳದ ವಿವಿಧ ಜೈಲುಗಳಲ್ಲಿ ಮಹಿಳಾ ಕೈದಿ(Women Prisoners)ಗಳು ಇತ್ತೀಚೆಗೆ 196 ಶಿಶುಗಳಿಗೆ ಜನ್ಮ ನೀಡಿರುವ ವಿಚಾರ ಹೆಚ್ಚು ಸದ್ದು ಮಾಡಿತ್ತು. ಹಾಗಾದರೆ ಜೈಲಿನಲ್ಲಿ ಭದ್ರತೆ ಇಲ್ಲವೇ, ಅದು ಹೇಗೆ ಮಹಿಳಾ ಕೈದಿಗಳು ಪುರುಷ ಕೈದಿಗಳ ಜತೆಗೆ ಸೇರಿತ್ತಾರೆ ಎಂದು ಸುಪ್ರೀಂಕೋರ್ಟ್​ ಕಳವಳ ವ್ಯಕ್ತಪಡಿಸಿ ಬಳಿಕ ವಕೀಲ ಗೌರವ್ ಅಗರ್ವಾಲ್ ಎಂಬುವವರನ್ನು ಅಮಿಕ್ಲ ಕ್ಯೂರಿಯಾಗಿ ನೇಮಿಸಿ ಶೀಘ್ರ ವರದಿ ಸಲ್ಲಿಸುವಂತೆ ಕೇಳಿತ್ತು.

ಇದೀಗ ಅಗರ್ವಾಲ್ ನೀಡಿರುವ ವರದಿಯಿಂದ ಸ್ವಲ್ಪ ನಿರಾಳವಾದಂತಾಗಿದೆ, ಅದರಲ್ಲಿ ಬಹುತೇಕ ಮಹಿಳಾ ಕೈದಿಗಳು ಜೈಲಿಗೆ ಬರುವ ಮುನ್ನವೇ ಗರ್ಭಿಣಿಯರಾಗಿದ್ದರು ಎಂದು ವರದಿಯಲ್ಲಿ ತಿಳಿಸಲಾಗಿದೆ. ಮಹಿಳಾ ಕೈದಿಗಳು ಪೆರೋಲ್‌ನಲ್ಲಿ ಹೊರಗೆ ಹೋಗಿದ್ದಾರೆ ಮತ್ತು ನಿರೀಕ್ಷಿಸಿ ಹಿಂತಿರುಗಿದ್ದಾರೆ ಆಗಲೂ ಗರ್ಭಧರಿಸಿರುವ ಸಾಧ್ಯತೆ ಇದೆ ಎಂದು ಅಗರ್ವಾಲ್ ಉಲ್ಲೇಖಿಸಿದ್ದಾರೆ.

ಮಹಿಳಾ ಕೈದಿಗಳ ಭದ್ರತೆ ಮತ್ತು ಕಲ್ಯಾಣಕ್ಕಾಗಿ ಸಾಕಷ್ಟು ಮಹಿಳಾ ಸಿಬ್ಬಂದಿ ಲಭ್ಯತೆ ಮತ್ತು ದಾಖಲಾತಿ ಸಮಯದಲ್ಲಿ ಹಾಗೂ ನಂತರ ನಿಯಮಿತ ಆರೋಗ್ಯ ತಪಾಸಣೆ ಮಾಡಬೇಕು ಎಂದು ಕೋರ್ಟ್​ ಹೇಳಿದೆ. ಮಹಿಳಾ ಜೈಲುಗಳಲ್ಲಿ ಮಹಿಳಾ ಅಧಿಕಾರಿಗಳು ಮಾತ್ರ ಇದ್ದಾರೆ ಮತ್ತು ಪರಿಧಿಯಲ್ಲಿ ಮತ್ತು ಗೇಟ್‌ಗಳಲ್ಲಿ ಮಾತ್ರ ಕೆಲವು ಪುರುಷ ಸಿಬ್ಬಂದಿಯನ್ನು ನಿಯೋಜಿಸಲಾಗಿದೆ ಎಂಬುದು ತಿಳಿದುಬಂದಿದೆ.

ಮತ್ತಷ್ಟು ಓದಿ: ಪಶ್ಚಿಮ ಬಂಗಾಳ: ಜೈಲಿನಲ್ಲಿ ಗರ್ಭಿಣಿಯರಾಗುತ್ತಿರುವ ಮಹಿಳಾ ಕೈದಿಗಳು, 196 ಶಿಶುಗಳ ಜನನ

ಆದಾಗ್ಯೂ, ಯಾವುದೇ ಪುರುಷರಿಗೆ ಈ ಮಹಿಳಾ ಜೈಲುಗಳ ಒಳಗೆ ಹೋಗಲು ಅನುಮತಿಯಿಲ್ಲ, ಉದಾಹರಣೆಗೆ ಪುರುಷ ವೈದ್ಯರು ಅಥವಾ ಪುರುಷ ಅಧಿಕಾರಿಗಳು ಮಹಿಳಾ ಸಿಬ್ಬಂದಿಯೊಂದಿಗೆ ಭೇಟಿ ನೀಡಬಹುದಾಗಿದೆ ಎಂದು ಹೇಳಲಾಗಿದೆ.

ಮಕ್ಕಳಿರುವ ಜೈಲುಗಳಲ್ಲಿ, ಜೈಲಿನಲ್ಲಿರುವ ತಮ್ಮ ತಾಯಂದಿರ ಬಳಿ ಇರುವ ಮಕ್ಕಳಿಗೆ ಶಿಶುವಿಹಾರಗಳು, ಶಾಲಾ ಶಿಕ್ಷಣ ಮತ್ತು ಇತರ ಸೌಲಭ್ಯಗಳ ಲಭ್ಯತೆಯನ್ನು ಪರಿಶೀಲಿಸಲು ಜಿಲ್ಲೆಯ ಮಕ್ಕಳ ಕಲ್ಯಾಣ ಸಮಿತಿಯ ಮಹಿಳಾ ಸದಸ್ಯೆ ಇರುವುದು ಉತ್ತಮ.
ಫೆಬ್ರವರಿ 16 ರಂದು ಸುಪ್ರೀಂ ಕೋರ್ಟ್ ಈ ಪ್ರಕರಣವನ್ನು ವಿಚಾರಣೆಗಾಗಿ ಕೈಗೆತ್ತಿಕೊಳ್ಳಲಿದೆ.

ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ