Asian Kabaddi Championship 2023: ಮೊದಲ ದಿನವೇ 2 ಪಂದ್ಯ ಗೆದ್ದ ಭಾರತ! ಇಂದು ಜಪಾನ್ ಎದುರಾಳಿ
Asian Kabaddi Championship 2023: ಸೌತ್ ಕೊರಿಯಾದಲ್ಲಿ ನಡೆಯುತ್ತಿರುವ ಏಷ್ಯನ್ ಕಬಡ್ಡಿ ಚಾಂಪಿಯನ್ಶಿಪ್ 2023 ರಲ್ಲಿ ಭಾರತ ಕಬ್ಬಡಿ ತಂಡ ಮೊದಲ ದಿನವೇ ಎರಡು ಪಂದ್ಯಗಳ ಭರ್ಜರಿ ಜಯದೊಂದಿಗೆ ಚಾಂಪಿಯನ್ಶಿಪ್ನಲ್ಲಿ ಶುಭಾರಂಭ ಮಾಡಿದೆ.
ಸೌತ್ ಕೊರಿಯಾದಲ್ಲಿ ನಡೆಯುತ್ತಿರುವ ಏಷ್ಯನ್ ಕಬಡ್ಡಿ ಚಾಂಪಿಯನ್ಶಿಪ್ 2023 ರಲ್ಲಿ ಭಾರತ ಕಬಡ್ಡಿ ತಂಡ ಮೊದಲ ದಿನವೇ ಎರಡು ಪಂದ್ಯಗಳ ಭರ್ಜರಿ ಜಯದೊಂದಿಗೆ ಚಾಂಪಿಯನ್ಶಿಪ್ನಲ್ಲಿ ಶುಭಾರಂಭ ಮಾಡಿದೆ. ಜೂನ್ 27 ರಿಂದ ಆರಂಭವಾಗಿರುವ ಏಷ್ಯನ್ ಕಬಡ್ಡಿ ಚಾಂಪಿಯನ್ಶಿಪ್ ಪಾಯಿಂಟ್ ಪಟ್ಟಿಯಲ್ಲಿ ಮೊದಲೆರಡು ಸ್ಥಾನ ಗಳಿಸುವ ತಂಡಗಳು ಜೂನ್ 30 ರಂದು ಫೈನಲ್ ಪಂದ್ಯವನ್ನು ಆಡಲಿವೆ.
ಜೂನ್ 27 ರಂದು ನಡೆದ ಮೊದಲ ಪಂದ್ಯದಲ್ಲಿ ಆತಿಥೇಯ ಕೊರಿಯಾ ತಂಡವನ್ನು ಎದುರಿಸಿದ ಪವನ್ ಸೆಹ್ರಾವತ್ ನೇತೃತ್ವದ ಭಾರತದ ಕಬಡ್ಡಿ ತಂಡ 76-13 ಅಂತರದ ಭರ್ಜರಿ ಗೆಲುವು ದಾಖಲಿಸಿತು. ಭಾರತ ತಂಡ ಕೊರಿಯಾವನ್ನು ಬರೋಬ್ಬರಿ ಏಳು ಬಾರಿ ಆಲ್ ಔಟ್ ಮಾಡುವಲ್ಲಿ ಯಶಸ್ವಿಯಾಯಿತು. ಈ ಬಲಿಷ್ಠ ಭಾರತದ ತಂಡದ ಮುಂದೆ ಕೊರಿಯಾ ತಂಡಕ್ಕೆ ನಿಲ್ಲಲು ಸಾಧ್ಯವಾಗಲಿಲ್ಲ. ಪಂದ್ಯದುದ್ದಕ್ಕೂ ಕೊರಿಯಾ ತಂಡದಿಂದ ಟೀಂ ಇಂಡಿಯಾಗೆ ಯಾವುದೇ ಸವಾಲು ಎದುರಾಗಲಿಲ್ಲ.
ಇನ್ನು ಜೂನ್ 27 ರಂದೇ ತನ್ನ ಎರಡನೇ ಪಂದ್ಯವನ್ನಾಡಿದ ಭಾರತ, ತನ್ನ 2ನೇ ಪಂದ್ಯದಲ್ಲಿ ಚೈನೀಸ್ ತೈಪೆ ತಂಡವನ್ನು 53-20 ಅಂತರದಿಂದ ಸೋಲಿಸಿತು. ಮೊದಲ 10 ನಿಮಿಷಗಳ ಆಟದಲ್ಲಿ ಚೈನೀಸ್ ತೈಪೆ ತಂಡ ಅದ್ಭುತ ಹೋರಾಟ ನೀಡಿತು. ಹೀಗಾಗಿ ಪವನ್ ಸೆಹ್ರಾವತ್ ಮತ್ತು ನವೀನ್ ಕುಮಾರ್ ಅವರಂತಹ ರೈಡರ್ಗಳು ಆರಂಭದಲ್ಲಿ ಅಂಕಗಳನ್ನು ಗಳಿಸಲು ಹೆಚ್ಚಿನ ಅವಕಾಶಗಳನ್ನು ಪಡೆಯಲಿಲ್ಲ. ಆದರೆ ಆ ಬಳಿಕ ಭಾರತದ ಆಕ್ರಮಣಕಾರಿ ಆಡದ ಮುಂದೆ ಚೈನೀಸ್ ತೈಪೆ ಮಂಡಿಯೂರಬೇಕಾಯಿತು.
ಈ ಮೂಲಕ ಆಡಿದ ಮೊದಲ ಎರಡು ಪಂದ್ಯಗಳಲ್ಲೇ ಎದುರಾಳಿ ತಂಡವನ್ನು ಹೀನಾಯವಾಗಿ ಸೋಲಿಸುವ ಮೂಲಕ ಚಾಂಪಿಯನ್ಶಿಪ್ನಲ್ಲಿ ಭರ್ಜರಿ ಆರಂಭ ಪಡೆದುಕೊಂಡಿದೆ. ಇದೀಗ ಭಾರತ ತನ್ನ ಮೂರನೇ ಪಂದ್ಯದಲ್ಲಿ ಜಪಾನ್ ತಂಡವನ್ನು ಜೂನ್ 28 ರಂದು ಅಂದರೆ ಇಂದು ಎದುರಿಸಲಿದೆ. ಈ ಉಭಯ ತಂಡಗಳ ನಡುವಿನ ಪಂದ್ಯ ಬೆಳಿಗ್ಗೆ 11:30 ಕ್ಕೆ ಆರಂಭವಾಗಲಿದೆ.
ಭಾರತ ಕಬಡ್ಡಿ ತಂಡ: ಅರ್ಜುನ್ ದೇಶ್ವಾಲ್, ನವೀನ್ ಕುಮಾರ್, ಸಚಿನ್, ಅಸ್ಲಾಂ ಇನ್ಮಾದಾರ್, ಮೋಹಿತ್ ಗೋಯತ್, ಸುನಿಲ್ ಕುಮಾರ್, ಪರ್ವೇಶ್ ಭೈನ್ಸ್ವಾಲ್, ನಿತಿನ್ ರಾವಲ್, ನಿತೇಶ್ ಕುಮಾರ್, ಸುರ್ಜೀತ್ ಸಿಂಗ್, ವಿಶಾಲ್ ಭಾರದ್ವಾಜ್, ಪವನ್ ಸೆಹ್ರಾವತ್ ಸ್ಟ್ಯಾಂಡ್ ಬೈ ಆಟಗಾರರು: ವಿಜಯ್ ಮಲಿಕ್, ಶುಭಂ ಶಿಂಧೆ
Published On - 10:44 am, Wed, 28 June 23