ಭಾರತೀಯರ ಫೇವರೆಟ್ ಫುಡ್ ಬಿರಿಯಾನಿಗೆ ಈ ಹೆಸರು ಬಂದಿದ್ದು ಹೇಗೆ? ಇಲ್ಲಿದೆ ಕುತೂಹಲಕಾರಿ ಮಾಹಿತಿ
ಬಿರಿಯಾನಿ ಎಂದರೆ ಯಾರಿಗೆ ತಾನೇ ಇಷ್ಟ ಇಲ್ಲ ಹೇಳಿ, ಎಲ್ಲರೂ ಕೂಡ ಬಾಯಿ ಚಪ್ಪರಿಸಿಕೊಂಡು ತಿನ್ನುವ ಆಹಾರಗಳಲ್ಲಿ ಇದು ಕೂಡ ಒಂದು. ಬಿರಿಯಾನಿ ಪ್ರಿಯರು ವಿವಿಧ ಬಗೆಯ ಬಿರಿಯಾನಿ ರುಚಿಯನ್ನು ಒಮ್ಮೆ ಸವಿದೇ ಇರುತ್ತಾರೆ. ಆದರೆ ಬಹುತೇಕರ ನೆಚ್ಚಿನ ಖಾದ್ಯಕ್ಕೆ ಈ ಹೆಸರು ಬಂದದ್ದು ಹೇಗೆ? ಈ ಕುರಿತಾದ ಕುತೂಹಲಕಾರಿ ಮಾಹಿತಿ ಇಲ್ಲಿದೆ.
ಭಾರತೀಯರು ಇಷ್ಟ ಪಟ್ಟು ತಿನ್ನುವ ಆಹಾರಗಳಲ್ಲಿ ಈ ಬಿರಿಯಾನಿ ಕೂಡ ಒಂದು. ಹೆಸರು ಕೇಳಿದರೇನೇ ಬಾಯಲ್ಲಿ ನೀರೂರುತ್ತದೆ. ವಾರಾಂತ್ಯದಲ್ಲಿ ಹೋಟೆಲ್ ರೆಸ್ಟೋರೆಂಟ್ ಗೆ ಹೋದರೆ ಬಿರಿಯಾನಿಯನ್ನು ತಪ್ಪದೇ ಆರ್ಡರ್ ಮಾಡುತ್ತಾರೆ.
ನಾನ್ ವೆಜ್ ಪ್ರಿಯರಂತೂ ಬಾಯಿ ಚಪ್ಪರಿಸಿಕೊಂಡು ಬಿರಿಯಾನಿ ಸವಿಯುತ್ತಾರೆ. ಈ ಬಿರಿಯಾನಿಯಲ್ಲಿ ಹೈದರಬಾದಿ ಬಿರಿಯಾನಿ, ಮಲಬಾರ್ ಬಿರಿಯಾನಿ, ಕೋಲ್ಕತ್ತಾ ಬಿರಿಯಾನಿ ಸೇರಿದಂತೆ ವಿವಿಧ ಬಗೆಯ ಚಿಕನ್, ಮಟನ್ ಬಿರಿಯಾನಿಗಳಿವೆ.
ಭಾರತ ಸೇರಿದಂತೆ ಸಿಂಗಾಪುರ್, ಮಲೇಷಿಯಾ, ಇರಾಕ್ ಹಾಗೂ ಥೈಲ್ಯಾಂಡ್ ಸೇರಿದಂತೆ ಹೀಗೆ ಪ್ರಪಂಚದ ವಿವಿಧ ಭಾಗಗಳಲ್ಲಿಯೂ ವಿಭಿನ್ನ ರುಚಿಯ ಈ ಬಿರಿಯಾನಿ ರುಚಿ ಸವಿಯಬಹುದು.
ಹೌದು, ಈ ಬಿರಿಯಾನಿಗೆ ಬಳಸುವ ಸಾಮಗ್ರಿಗಳೇ ಅದರ ರುಚಿಯನ್ನು ದುಪ್ಪಟ್ಟು ಮಾಡುತ್ತದೆ ಎನ್ನುವುದರದಲ್ಲಿ ಎರಡು ಮಾತಿಲ್ಲ. ಆದರೆ ಬಾಯಿ ಚಪ್ಪರಿಸಿಕೊಂಡು ಬಿರಿಯಾನಿ ತಿನ್ನುವ ಮುನ್ನ ಈ ಹೆಸರು ಬಂದದ್ದು ಹೇಗೆ ಎಂದು ಯೋಚಿಸಿದ್ದೀರಾ.
ಎಲ್ಲರ ಫೇವರಿಟ್ ಫುಡ್ ಈ ಖಾದ್ಯಕ್ಕೆ ಪರ್ಷಿಯನ್ ಬ್ರಿಯಾನ್ ಎಂಬ ಪದದಿಂದ ಈ ಹೆಸರು ಬಂದಿದೆ. ಬ್ರಿಯಾನ್ ಎನ್ನುವುದರ ಅರ್ಥ ಅಡುಗೆ ಮಾಡುವ ಮೊದಲು ಆಹಾರ ಪದಾರ್ಥಗಳನ್ನು ಹುರಿಯಬೇಕು ಎನ್ನುವುದಾಗಿದೆ.
ಈ ಬ್ರಿಯಾನ್ ಪದವನ್ನು ಬ್ರಿಂಜ್ ಎಂಬ ಪದದಿಂದ ಪಡೆಯಲಾಗಿದ್ದು, ಈ ಬ್ರಿಂಜ್ ಎಂದರೆ ಅಕ್ಕಿ ಎಂದರ್ಥ. ಹೀಗಾಗಿ ಈ ಖಾದ್ಯಕ್ಕೆ ಈ ಹೆಸರು ಬಂದಿದೆ ಎನ್ನಲಾಗಿದೆ.
ಈ ಬಿರಿಯಾನಿಯಲ್ಲಿ ಮಾಂಸ, ತುಪ್ಪ, ಅಕ್ಕಿ ಈ ಪ್ರಮುಖ ಪದಾರ್ಥಗಳನ್ನು ಬಳಸುವುದರಿಂದ ರುಚಿಯೂ ಅಷ್ಟೇ ಅದ್ಭುತವಾಗಿರುತ್ತದೆ. ಒಮ್ಮೆ ಸವಿದರೆ ಮತ್ತೆ ಮತ್ತೆ ಸವಿಯಬೇಕೇನಿಸದೇ ಇರದು.