IND vs WI T20: ಮೂರನೇ ಟಿ20ಯಲ್ಲಿ ಟೀಮ್ ಇಂಡಿಯಾ ಗೆಲುವಿಗೆ ಕಾರಣವೇನು ಗೊತ್ತೇ?

ನಿಕೋಲಸ್ ಪೂರನ್ ಏಕಾಂಗಿ ಹೋರಾಟ ಭಾರತಕ್ಕೆ ಕಾಡುತ್ತಲೇ ಇತ್ತು. ಅಂತಿಮವಾಗಿ ಇವರನ್ನು 61 ರನ್ಗೆ ಠಾಕೂರ್ ಔಟ್ ಮಾಡಿ ಪಂದ್ಯವನ್ನು ಭಾರತದ ಕಡೆ ತಿರುಗಿಸಿದರು. ನಂತರ ಬಂದ ಯಾವುದೇ ಬ್ಯಾಟ್ಸ್ಮನ್ ಭಾರತೀಯ ಬೌಲರ್ಗಳನ್ನು ಎದುರಿಸಲು ಸಾಧ್ಯವಾಗಲಿಲ್ಲ. ಪರಿಣಾಮ ಭಾರತ 17 ರನ್ಗಳ ಜಯ ಸಾಧಿಸಿ ಟಿ20 ರ್ಯಾಂಕಿಂಗ್ನಲ್ಲಿ ನಂಬರ್ 1 ಪಟ್ಟಕ್ಕೇರಿದೆ.

Vinay Bhat |
Updated on:Feb 21, 2022 | 11:21 AM

ಮೂರು ಪಂದ್ಯಗಳ T20I ಸರಣಿಯಲ್ಲಿ ವೆಸ್ಟ್ ಇಂಡೀಸ್ ಅನ್ನು 3-0 ಅಂತರದಿಂದ ಸೋಲಿಸಿದ ಭಾರತವು ಕ್ಲೀಸ್ಸ್ವೀಪ್ ಸಾಧನೆ ಮಾಡಿದೆ. ಭಾನುವಾರ ನಡೆದಿದ್ದು ಅಂತಿಮ ಪಂದ್ಯದಲ್ಲಿ ಭಾರತ 17 ರನ್ಗಳಿಂದ ಗೆದ್ದು ಪ್ರವಾಸಿ ವಿಂಡೀಸ್ಗೆ ಶಾಕ್ ನೀಡಿತು. ಈ ಪ್ರವಾಸದಲ್ಲಿ ವಿಂಡೀಸ್ ತಂಡ ಒಂದೇ ಒಂದು ಪಂದ್ಯವನ್ನು ಗೆಲ್ಲಲು ಸಾಧ್ಯವಾಗಲಿಲ್ಲ. ಮೂರನೇ ಟಿ20 ಪಂದ್ಯದಲ್ಲಿ ಭಾರತ ವಿಂಡೀಸ್ ಮುಂದೆ 185 ರನ್ಗಳ ಸವಾಲನ್ನು ನೀಡಿತ್ತು. ಇಲ್ಲಿ ಭಾರತದ ಗೆಲುವಿಗೆ ಕಾರಣವೇನು ಗೊತ್ತಾ. — IND vs WI T20 Rohit Sharma lead Team India won the last t20 match against west indies know the reason of win
1 / 5

ಈ ಪಂದ್ಯದಲ್ಲಿ ಭಾರತಕ್ಕೆ ಉತ್ತಮ ಆರಂಭ ಸಿಗಲಿಲ್ಲ. ಆದರೆ ಸೂರ್ಯಕುಮಾರ್ ಯಾದವ್ ಮತ್ತು ವೆಂಕಟೇಶ್ ಅಯ್ಯರ್ ಐದನೇ ವಿಕೆಟ್ಗೆ ಉತ್ತಮ ಜೊತೆಯಾಟ ನೀಡುವ ಮೂಲಕ ತಂಡ ತಂಡ ಮೊತ್ತ ಕಲೆಹಾಕಲು ಕಾರಣವಾದರು. ಇಬ್ಬರೂ 37 ಎಸೆತಗಳಲ್ಲಿ 91 ರನ್ಗಳನ್ನು ಸೇರಿಸಿದರು, ಇದರ ಪರಿಣಾಮ ಭಾರತವು ವಿಂಡೀಸ್ ವಿರುದ್ಧ 184 ರನ್ಗಳ ಪ್ರಬಲ ಸ್ಕೋರ್ ಗಳಿಸಿತು. ಕೊನೆಯ ಐದು ಓವರ್ಗಳಲ್ಲಿ ಈ ಜೋಡಿ 86 ರನ್ ಗಳಿಸಿತು. ಸೂರ್ಯಕುಮಾರ್ 31 ಎಸೆತಗಳಲ್ಲಿ 65 ರನ್ ಮತ್ತು ವೆಂಕಟೇಶ್ ಅಯ್ಯರ್ 19 ಎಸೆತಗಳಲ್ಲಿ ಔಟಾಗದೆ 35 ರನ್ ಗಳಿಸಿದರು. — 2 / 5

ಹೀಗೆ ಭಾರತವು ಕಠಿಣ ಸವಾಲು ನೀಡಿದ ಬಳಿಕ ವೆಸ್ಟ್ ಇಂಡೀಸ್ಗೆ ಆರಂಭಿಕ ಆಘಾತಗಳನ್ನು ನೀಡಬೇಕಾಗಿತ್ತು. ಅದರಲ್ಲೂ ಟೀಮ್ ಇಂಡಿಯಾ ಯಶಸ್ವಿಯಾಗಿ ಎದುರಾಳಿಗೆ ಒತ್ತಡ ಹೇರಿತು. ಮೊದಲ ಓವರ್ನಲ್ಲಿ ದೀಪಕ್ ಚಹಾರ್ ಕೈಲ್ ಮೈಯರ್ಸ್ ಅವರನ್ನು ಔಟ್ ಮಾಡಿದರೆ ಇದರ ಬೆನ್ನಲ್ಲೇ ಶಾಯ್ ಹೋಪ್ಗೆ ಪೆವಿಲಿಯನ್ ಹಾದಿ ತೋರಿಸಿದರು. — 3 / 5

ಆರಂಭಿಕ ಹಿನ್ನಡೆಯ ನಂತರ ವಿಂಡೀಸ್ ತಂಡಕ್ಕೆ ಸುದೀರ್ಘ ಜೊತೆಯಾಟದ ಅಗತ್ಯವಿತ್ತು. ಆದರೆ, ವಿಂಡೀಸ್ ಬ್ಯಾಟ್ಸ್ಮನ್ಗಳ ಜೊತೆಯಾಟಕ್ಕೆ ಭಾರತ ಅವಕಾಶ ನೀಡಲಿಲ್ಲ. ನಿಕೋಲಸ್ ಪೂರನ್ ಮತ್ತು ರೋವ್ಮನ್ ಪೊವೆಲ್ ಮೂರನೇ ವಿಕೆಟ್ಗೆ 47 ರನ್ ಸೇರಿಸಿದರು. ಆದರೆ ಭಾರತ ಈ ಜೊತೆಯಾಟವನ್ನು ಸಮಯಕ್ಕೆ ಸರಿಯಾಗಿ ಮುರಿಯಲು ಯಶಸ್ವಿಯಾಯಿತು. ಇದಾದ ನಂತರ, ಪೂರನ್ ಮತ್ತು ರೊಮಾರಿಯೊ ಶೆಫರ್ಡ್ ಜೊತೆಯಾಟಕ್ಕೆ 48 ರನ್ಗಳಲ್ಲಿ ಬ್ರೇಕ್ ಹಾಕಿತು. — 4 / 5

ಆದರೆ, ನಿಕೋಲಸ್ ಪೂರನ್ ಏಕಾಂಗಿ ಹೋರಾಟ ಭಾರತಕ್ಕೆ ಕಾಡುತ್ತಲೇ ಇತ್ತು. ಅಂತಿಮವಾಗಿ ಇವರನ್ನು 61 ರನ್ಗೆ ಠಾಕೂರ್ ಔಟ್ ಮಾಡಿ ಪಂದ್ಯವನ್ನು ಭಾರತದ ಕಡೆ ತಿರುಗಿಸಿದರು. ನಂತರ ಬಂದ ಯಾವುದೇ ಬ್ಯಾಟ್ಸ್ಮನ್ ಭಾರತೀಯ ಬೌಲರ್ಗಳನ್ನು ಎದುರಿಸಲು ಸಾಧ್ಯವಾಗಲಿಲ್ಲ. ಪರಿಣಾಮ ಭಾರತ 17 ರನ್ಗಳ ಜಯ ಸಾಧಿಸಿ ಟಿ20 ರ್ಯಾಂಕಿಂಗ್ನಲ್ಲಿ ನಂಬರ್ 1 ಪಟ್ಟಕ್ಕೇರಿದೆ. — 5 / 5

Published On - 10:51 am, Mon, 21 February 22

Vinay Bhat

Tv9 ಕನ್ನಡ ಡಿಜಿಟಲ್‌ನಲ್ಲಿ 2021ರ ಜುಲೈನಿಂದ ಕ್ರೀಡಾ ಹಾಗೂ ತಂತ್ರಜ್ಞಾನ ಪತ್ರಕರ್ತನಾಗಿ ಕೆಲಸ ಮಾಡುತ್ತಿದ್ದೇನೆ. ಡಿಜಿಟಲ್ ವಿಭಾಗದಲ್ಲಿ 6 ವರ್ಷ ಅನುಭವ. ಮೂಲತಃ ದಕ್ಷಿಣ ಕನ್ನಡ ಜಿಲ್ಲೆಯ ಬೆಳ್ತಂಗಡಿ ತಾಲೂಕಿನವ. ಕ್ರೀಡಾ ಸುದ್ದಿ, ಕ್ರೀಡಾ ಲೇಖನ, ಟೆಕ್ನಾಲಜಿ, ಸಿನಿಮಾ ಸುದ್ದಿ ಬರೆಯುವುದು ನನ್ನ ಆಸಕ್ತದಾಯಕ ವಿಷಯಗಳು.

LIVETV

Related Photo Gallery

ಸಚಿನ್ ತೆಂಡೂಲ್ಕರ್ ಕ್ರಿಕೆಟ್ ಪಯಣಕ್ಕೆ 'ಬ್ಯಾಟೋಗ್ರಫಿ' ಕಿರೀಟ

ಮುಂಬೈಗೆ ಗುಡ್‌ಬೈ: ಹೊಸ ತಂಡ ಸೇರಿ ಹಾರ್ದಿಕ್ ಮೊದಲ ಪೋಸ್ಟ್

ಹಾರ್ದಿಕ್ ಪಾಂಡ್ಯ vs ಅರ್ಷದೀಪ್ ಸಿಂಗ್: 36 ಕೋಟಿ ರೂ. ಸ್ವಾಪ್ ಡೀಲ್..!

ಅರ್ಥಪೂರ್ಣವಾಗಿ ದೀಪಾವಳಿ ಹಬ್ಬ ಆಚರಣೆ ಮಾಡಿದ ‘ದೇವಿ’ ಚಿತ್ರತಂಡ