IPL 2025: ಐವರಿಗೆ 75 ಕೋಟಿ ರೂ: 20 ಮಂದಿಗೆ 45 ಕೋಟಿ ರೂ.
IPL 2025 player retention rules: ಐಪಿಎಲ್ ಮೆಗಾ ಹರಾಜಿಗಾಗಿ ಈ ಬಾರಿ ಪ್ರತಿ ಫ್ರಾಂಚೈಸಿಗಳು 120 ಕೋಟಿ ರೂ. ಅನ್ನು ವ್ಯಯಿಸಬಹುದು. ಆದರೆ ಮೆಗಾ ಹರಾಜಿಗೂ ಮುನ್ನ 5 ಆಟಗಾರರನ್ನು ರಿಟೈನ್ ಮಾಡಿಕೊಂಡರೆ, ಅವರಿಗೆ 75 ಕೋಟಿ ರೂ. ನೀಡಬೇಕಾಗುತ್ತದೆ. ಹೀಗಾಗಿಯೇ ಈ ಬಾರಿಯ ಮೆಗಾ ಹರಾಜಿನಲ್ಲಿ ಬೃಹತ್ ಮೊತ್ತದ ಪೈಪೋಟಿ ಕಂಡು ಬರುವ ಸಾಧ್ಯತೆಯಿಲ್ಲ.
ಐಪಿಎಲ್ ಮೆಗಾ ಹರಾಜಿನ ಧಾರಣ ನಿಯಮ ಹೊರಬಿದ್ದಿದೆ. ಹೊಸ ನಿಯಮದ ಪ್ರಕಾರ, ಈ ಬಾರಿ ಒಟ್ಟು 6 ಆಟಗಾರರನ್ನು ಉಳಿಸಿಕೊಳ್ಳಬಹುದು. ಇವರಲ್ಲಿ ಐವರನ್ನು ನೇರವಾಗಿ ಆಯ್ಕೆ ಮಾಡಿದರೆ, ಓರ್ವನ ಮೇಲೆ ರೈಟ್ ಟು ಮ್ಯಾಚ್ (RTM) ಕಾರ್ಡ್ ಬಳಸಿಕೊಳ್ಳಬಹುದು. ಅಂದರೆ ಈ ಬಾರಿಯ ಮೆಗಾ ಹರಾಜಿಗೂ ಮುನ್ನ ಪ್ರತಿ ಫ್ರಾಂಚೈಸಿಗಳಿಗೆ 6 ಆಟಗಾರರನ್ನು ಉಳಿಸಿಕೊಳ್ಳಲು ಅವಕಾಶ ನೀಡಲಾಗಿದೆ.
1 / 7
ಅದರಂತೆ ಫ್ರಾಂಚೈಸಿಗಳು ಬಯಸಿದರೆ 6 ಭಾರತೀಯರನ್ನು ಅಥವಾ 6 ವಿದೇಶಿ ಆಟಗಾರರನ್ನು ಬೇಕಿದ್ದರೂ ರಿಟೈನ್ ಮಾಡಿಕೊಳ್ಳಬಹುದು. ಇದಾಗ್ಯೂ ಅನ್ಕ್ಯಾಪ್ಡ್ ಆಟಗಾರನನ್ನು (ರಾಷ್ಟ್ರೀಯ ತಂಡದ ಪರ ಆಡದ ಪ್ಲೇಯರ್) ಉಳಿಸಿಕೊಳ್ಳಲು ಬಯಸಿದರೆ ಕೇವಲ ಇಬ್ಬರನ್ನು ಮಾತ್ರ ಆಯ್ಕೆ ಮಾಡಿಕೊಳ್ಳಲು ಅವಕಾಶ ನೀಡಲಾಗಿದೆ. ಅಂದರೆ ಫ್ರಾಂಚೈಸಿಯೊಂದು ಒಟ್ಟು 6 ಆಟಗಾರನನ್ನು ರಿಟೈನ್ ಮಾಡಿಕೊಳ್ಳಲು ಮುಂದಾದರೆ, ಅದರಲ್ಲಿ ಇಬ್ಬರಿಗಿಂತ ಹೆಚ್ಚಿನ ಅನ್ಕ್ಯಾಪ್ಡ್ ಆಟಗಾರರು ಇರಬಾರದು ಎಂದು ಬಿಸಿಸಿಐ ತಿಳಿಸಿದೆ.
2 / 7
ಇನ್ನು ಪ್ರತಿ ಫ್ರಾಂಚೈಸಿಗಳು ಉಳಿಸಿಕೊಳ್ಳುವ ಆಟಗಾರರಿಗೆ ನಿರ್ದಿಷ್ಟ ಮೊತ್ತವನ್ನು ನಿಗದಿ ಮಾಡಲಾಗಿದೆ. ಅಂದರೆ ಫ್ರಾಂಚೈಸಿಯೊಂದು ಐವರು ಆಟಗಾರರನ್ನು ರಿಟೈನ್ ಮಾಡಿಕೊಳ್ಳಲು ಮುಂದಾದರೆ ಮೊದಲ ಆಟಗಾರನಿಗೆ 18 ಕೋಟಿ, ಎರಡನೇ ಆಟಗಾರನಿಗೆ 14 ಕೋಟಿ, ಮೂರನೇ ಆಟಗಾರನಿಗೆ 11 ಕೋಟಿ, ನಾಲ್ಕನೇ ಆಟಗಾರನಿಗೆ 18 ಕೋಟಿ, ಐದನೇ ಆಟಗಾರನಿಗೆ 14 ಕೋಟಿ ರೂ. ನೀಡಬೇಕಾಗುತ್ತದೆ.
3 / 7
ಅಂದರೆ ಒಟ್ಟು ಹರಾಜು ಮೊತ್ತದಿಂದ 75 ಕೋಟಿ ರೂ. ಅನ್ನು ರಿಟೈನ್ ಮಾಡಿದ ಆಟಗಾರರಿಗೆ ನೀಡಬೇಕಾಗುತ್ತದೆ. ಈ ಮೊತ್ತವನ್ನು ಒಟ್ಟು ಮೆಗಾ ಹರಾಜು ಮೊತ್ತದಿಂದ ಕಡಿತ ಮಾಡಲಾಗುತ್ತದೆ. ಐವರನ್ನು ಉಳಿಸಿಕೊಂಡರೆ 120 ಕೋಟಿ ರೂ. ಮೆಗಾ ಹರಾಜು ಮೊತ್ತದಿಂದ 75 ಕೋಟಿ ರೂ. ಕಡಿಮೆಯಾಗಲಿದೆ.
4 / 7
ಹೀಗೆ ಐವರಿಗೆ 75 ಕೋಟಿ ರೂ. ನೀಡಿದರೆ ಪ್ರತಿ ಫ್ರಾಂಚೈಸಿಗಳ ಬಳಿ ಉಳಿಯಳಿರುವುದು ಕೇವಲ 45 ಕೋಟಿ ರೂ. ಮಾತ್ರ ಎಂಬುದೇ ಅಚ್ಚರಿ. ಏಕೆಂದರೆ ಈ ಉಳಿದ 45 ಕೋಟಿ ರೂ. ನಲ್ಲಿ ಉಳಿದ 13 ರಿಂದ 20 ಆಟಗಾರರನ್ನು ಖರೀದಿಸಬೇಕಾಗುತ್ತದೆ.
5 / 7
ಅಂದರೆ ಐಪಿಎಲ್ ನಿಯಮದ ಪ್ರಕಾರ ಒಂದು ತಂಡದಲ್ಲಿ 18 ಆಟಗಾರರು ಇರಬೇಕಿರುವುದು ಕಡ್ಡಾಯ. ಹಾಗೆಯೇ ಗರಿಷ್ಠ 25 ಆಟಗಾರರನ್ನು ಹೊಂದಬಹುದು. ಇಲ್ಲಿ ಐವರನ್ನು ಉಳಿಸಿಕೊಂಡರೆ ಉಳಿದ 45 ಕೋಟಿ ರೂ.ನಲ್ಲಿ 13 ಆಟಗಾರರನ್ನು ಖರೀದಿಸಲೇಬೇಕಾಗುತ್ತದೆ.
6 / 7
ಅದರಲ್ಲೂ ಬಲಿಷ್ಠ ಪಡೆಯನ್ನು ರೂಪಿಸಿಕೊಳ್ಳಲು ಒಂದು ತಂಡದಲ್ಲಿ 22 ರಿಂದ 25 ಆಟಗಾರರು ಇರಬೇಕಾಗುತ್ತದೆ. ಆದರೀಗ ರಿಟೈನ್ ಆಟಗಾರರ ಸಂಭಾವನೆ ಹೆಚ್ಚಳ ಮಾಡಿರುವುದರಿಂದ ಐಪಿಎಲ್ ಫ್ರಾಂಚೈಸಿಗಳು ಸಂಕಷ್ಟಕ್ಕೆ ಸಿಲುಕಿದ್ದಾರೆ. ಅಲ್ಲದೆ ಈ ಬಾರಿ ಅಳೆದು ತೂಗಿ ಪ್ರತಿ ಫ್ರಾಂಚೈಸಿಗಳು 18 ರಿಂದ 20 ಆಟಗಾರರನ್ನು ಖರೀದಿಸುವ ಸಾಧ್ಯತೆಗಳು ಹೆಚ್ಚಿವೆ.
