ಗೆದ್ದೇ ಗೆಲ್ತೀವಿ ಅನ್ನೋ ನಂಬಿಕೆಯಲ್ಲಿ ಟ್ವೀಟ್ ಮಾಡಿದ ಪಾಕ್ ನಟಿ: ಈಗ ಫುಲ್ ಟ್ರೋಲ್
Sehar Shinwari: 18 ಎಸೆತಗಳಲ್ಲಿ 48 ರನ್ಗಳಿಸುವುದು ಕಷ್ಟಸಾಧ್ಯ ಎಂದೇ ಭಾವಿಸಿದ್ದ ಪಾಕ್ ಕ್ರಿಕೆಟ್ ಪ್ರೇಮಿಗಳು ವಿರಾಟ್ ಕೊಹ್ಲಿ ಆಘಾತ ನೀಡಿದ್ದರು. ಈ ಮೂಲಕ ಟೀಮ್ ಇಂಡಿಯಾಗೆ ರೋಚಕ ಜಯ ತಂದುಕೊಟ್ಟರು.
ಭಾರತ-ಪಾಕಿಸ್ತಾನ್ ನಡುವಣ ರಣರೋಚಕ ಪಂದ್ಯದಲ್ಲಿ ಟೀಮ್ ಇಂಡಿಯಾ ಅಂತಿಮ ಎಸೆತದಲ್ಲಿ ಗೆಲುವು ದಾಖಲಿಸಿತು. ವಿಶೇಷ ಎಂದರೆ 17 ಓವರ್ ತನಕ ಈ ಪಂದ್ಯವು ಪಾಕ್ ಪರವಿತ್ತು. ಆದರೆ 18ನೇ ಓವರ್ನಲ್ಲಿ ಅಬ್ಬರಿಸಲಾರಂಭಿಸಿದ ವಿರಾಟ್ ಕೊಹ್ಲಿ ಇಡೀ ಪಂದ್ಯದ ಚಿತ್ರಣ ಬದಲಿಸಿದ್ದರು.
ಆದರೆ 18 ಎಸೆತಗಳಲ್ಲಿ 48 ರನ್ಗಳಿಸುವುದು ಕಷ್ಟಸಾಧ್ಯ ಎಂದೇ ಭಾವಿಸಿದ್ದ ಪಾಕ್ ಕ್ರಿಕೆಟ್ ಪ್ರೇಮಿಗಳು ವಿರಾಟ್ ಕೊಹ್ಲಿ ಆಘಾತ ನೀಡಿದ್ದರು. ಈ ಮೂಲಕ ಟೀಮ್ ಇಂಡಿಯಾಗೆ ರೋಚಕ ಜಯ ತಂದುಕೊಟ್ಟರು.
ಅತ್ತ ಪಾಕಿಸ್ತಾನ್ ತಂಡವು ಈ ಪಂದ್ಯದಲ್ಲಿ ಗೆದ್ದೇ ಗೆಲ್ಲುತ್ತೆ ಎಂಬ ಭರವಸೆಯಲ್ಲಿ ಪಾಕ್ ನಟಿಯೊಬ್ಬರು ಸೋಷಿಯಲ್ ಮೀಡಿಯಾದಲ್ಲಿ ಚಾಲೆಂಜ್ ಕೂಡ ಹಾಕಿದ್ದರು. ಇದೀಗ ಅದನ್ನೇ ಇಟ್ಟುಕೊಂಡು ಟ್ರೋಲ್ ಪೇಜ್ಗಳು ನಟಿಯನ್ನು ಕಾಲೆಳೆಯುತ್ತಿದ್ದಾರೆ.
ಅಕ್ಟೋಬರ್ 23 ರಂದು ಈ ಪಂದ್ಯದಲ್ಲಿ ಭಾರತ ಪಾಕಿಸ್ತಾನವನ್ನು ಸೋಲಿಸಿದರೆ, ನನ್ನ ಟ್ವಿಟರ್ ಖಾತೆಯನ್ನು ಶಾಶ್ವತವಾಗಿ ಡಿಲೀಟ್ ಮಾಡುತ್ತೇನೆ. ಮತ್ತೆ ಯಾವತ್ತೂ ಟ್ವಿಟರ್ನಲ್ಲಿ ಕಾಣಿಸಿಕೊಳ್ಳುವುದಿಲ್ಲ ಎಂದು ಪಾಕ್ ನಟಿ ಸೆಹರ್ ಶಿನ್ವಾರಿ ಬರೆದುಕೊಂಡಿದ್ದರು.
ಆದರೆ ಮೆಲ್ಬೋರ್ನ್ನಲ್ಲಿ ಭಾನುವಾರ ಭಾರತ ತಂಡವು 4 ವಿಕೆಟ್ಗಳಿಂದ ಪಾಕಿಸ್ತಾನ್ ತಂಡವನ್ನು ಸೋಲಿಸಿತ್ತು. ಈ ವೇಳೆ ಗುಡ್ ಬೈ ಟ್ವಿಟರ್ ಎನ್ನುವ ಮೂಲಕ ಸೆಹರ್ ಶಿನ್ವಾರಿ ಕಾಣಿಸಿಕೊಂಡಿದ್ದರು.
ಆದರೆ ಆ ಬಳಿಕ ಕೂಡ ನಟಿ ಟ್ವಿಟರ್ನಲ್ಲಿ ಕೆಲ ಪೋಸ್ಟ್ಗಳನ್ನು ಹಂಚಿಕೊಂಡಿದ್ದರು. ಇತ್ತ ಇದನ್ನೇ ಕಾಯುತ್ತಿದ್ದ ಟ್ರೋಲ್ ಪೇಜ್ಗಳು ನಟಿಯನ್ನು ಕಿಚಾಯಿಸಲಾರಂಭಿಸಿದ್ದಾರೆ.
ಗೆಲ್ತೀವಿ ಅನ್ನೋ ಅತಿಯಾದ ಆತ್ಮವಿಶ್ವಾಸದಲ್ಲಿ ಮಾಡಿದ ಟ್ವೀಟ್ಗಳು ಇದೀಗ ಉಲ್ಟಾ ಹೊಡೆದು ಇದೀಗ ಸೆಹರ್ ಶಿನ್ವಾರಿ ಪೇಚಿಗೆ ಸಿಲುಕಿದ್ದಾರೆ.