AUS vs PAK: ಮತ್ತೊಮ್ಮೆ ಏಕಾಏಕಿ ಟಿ20 ತಂಡದ ನಾಯಕನನ್ನು ಬದಲಿಸಿದ ಪಾಕಿಸ್ತಾನ
Pakistan's Australia Tour: ಪಾಕಿಸ್ತಾನ ತಂಡ ಮತ್ತೊಮ್ಮೆ ತನ್ನ ಟಿ20 ತಂಡದ ನಾಯಕನನ್ನು ಬದಲಾಯಿಸಿದೆ. ಆಸ್ಟ್ರೇಲಿಯಾ ವಿರುದ್ಧದ ಮೂರನೇ ಟಿ20 ಪಂದ್ಯದಿಂದ ಮೊಹಮ್ಮದ್ ರಿಜ್ವಾನ್ ಅವರನ್ನು ತಂಡದಿಂದ ಕೈಬಿಡಲಾಗಿದ್ದು, ಹೊಸ ಆಟಗಾರನಿಗೆ ಅವಕಾಶ ನೀಡಲಾಗಿದೆ. ಇವರಲ್ಲದೆ ವೇಗದ ಬೌಲರ್ ನಸೀಮ್ ಶಾ ಅವರನ್ನೂ ತಂಡದಿಂದ ಹೊರಹಾಕಲಾಗಿದೆ.
ಏಕದಿನ ಹಾಗೂ ಟಿ20 ಸರಣಿಗಾಗಿ ಆಸ್ಟ್ರೇಲಿಯಾ ಪ್ರವಾಸ ಮಾಡಿದ್ದ ಪಾಕಿಸ್ತಾನ, ಈ ಪ್ರವಾಸದಲ್ಲಿ ಸಿಹಿ-ಕಹಿ ಅನುಭವ ಪಡೆದುಕೊಂಡಿದೆ. ಉಭಯ ತಂಡಗಳ ನಡುವೆ ನಡೆದ ಏಕದಿನ ಸರಣಿಯಲ್ಲಿ ಆತಿಥೇಯರನ್ನು ಮಣಿಸಿದ್ದ ರಿಜ್ವಾನ್ ಪಡೆ, ಟಿ20 ಸರಣಿಯನ್ನು ಗೆಲ್ಲುವಲ್ಲಿ ವಿಫಲವಾಗಿದೆ. ಮೂರು ಪಂದ್ಯಗಳ ಟಿ20 ಸರಣಿಯ ಮೊದಲ ಎರಡು ಪಂದ್ಯಗಳನ್ನು ಗೆದ್ದುಕೊಂಡಿರುವ ಆಸ್ಟ್ರೇಲಿಯಾ, ಟಿ20 ಸರಣಿಯನ್ನು ತನ್ನದಾಗಿಸಿಕೊಂಡಿದೆ.
1 / 7
ವಾಸ್ತವವಾಗಿ ಈ ಪ್ರವಾಸಕ್ಕೂ ಮುನ್ನ ಸೀಮಿತ ಓವರ್ಗಳ ಮಾದರಿಗೆ ಅಂದರೆ ಏಕದಿನ ಹಾಗೂ ಟಿ20 ತಂಡಗಳಿಗೆ ನೂತನ ನಾಯಕನಾಗಿ ಮೊಹಮ್ಮದ್ ರಿಜ್ವಾನ್ ಅವರನ್ನು ಆಯ್ಕೆ ಮಾಡಲಾಗಿತ್ತು. ಅವರ ನಾಯಕತ್ವದಲ್ಲಿ ತಂಡ ಏಕದಿನ ಸರಣಿಯನ್ನು ಗೆಲ್ಲುವಲ್ಲೂ ಯಶಸ್ವಿಯಾಗಿತ್ತು. ಆದರೆ ಟಿ20 ಸರಣಿಯಲ್ಲಿ ತಂಡವನ್ನು ಗೆಲುವಿನ ದಡ ಮುಟ್ಟಿಸಲು ರಿಜ್ವಾನ್ಗೆ ಸಾಧ್ಯವಾಗಲಿಲ್ಲ.
2 / 7
ಅದರಲ್ಲೂ ಉಭಯ ತಂಡಗಳ ನಡುವಿನ ಎರಡನೇ ಟಿ20 ಪಂದ್ಯದಲ್ಲಿ ಪಾಕ್ ತಂಡ ಸೋಲಲು ನಾಯಕ ರಿಜ್ವಾನ್ ಆಡಿದ ಆಮೆಗತಿಯ ಬ್ಯಾಟಿಂಗ್ಗೆ ಪ್ರಮುಖ ಕಾರಣ ಎಂಬುದು ಎಲ್ಲರ ಅಭಿಪ್ರಾಯವಾಗಿತ್ತು. ಹೀಗಾಗಿ ನಾಯಕನ ವಿರುದ್ಧವೇ ಕಠಿಣ ನಿರ್ಧಾರ ತೆಗೆದುಕೊಂಡಿರುವ ಆಯ್ಕೆ ಮಂಡಳಿ, ಮೂರನೇ ಟಿ20 ಪಂದ್ಯದಿಂದ ರಿಜ್ವಾನ್ ಅವರನ್ನು ಹೊರಗಿಟ್ಟಿರುವುದಲ್ಲದೆ, ನಾಯಕತ್ವದ ಜವಬ್ದಾರಿಯನ್ನು ಸಲ್ಮಾನ್ ಅಲಿ ಅಗಾ ಅವರಿಗೆ ನೀಡಿದೆ.
3 / 7
ಆಸ್ಟ್ರೇಲಿಯಾದಲ್ಲಿ ತಂಡವನ್ನು ಏಕದಿನ ಸರಣಿ ಗೆಲ್ಲುವಂತೆ ಮಾಡಿದ್ದ ರಿಜ್ವಾನ್ ವಿರುದ್ಧ ಈ ರೀತಿಯ ಕ್ರಮ ತೆಗೆದುಕೊಂಡಿರುವುದು ಎಲ್ಲರಲ್ಲೂ ಅಚ್ಚರಿ ಮೂಡಿಸಿದೆ. ಆದರೆ ಎರಡನೇ ಟಿ20ಯಲ್ಲಿ ರಿಜ್ವಾನ್ 26 ಎಸೆತಗಳಲ್ಲಿ ಕೇವಲ 16 ರನ್ ಗಳಿಸಿ ತಂಡದ ಸೋಲಿಗೆ ಪ್ರಮುಖ ಕಾರಣರಾಗಿದ್ದರು. ಹೀಗಾಗಿ ಅವರ ತಲೆದಂಡವಾಗಿದೆ ಎಂದು ಹೇಳಲಾಗುತ್ತಿದೆ.
4 / 7
ವಾಸ್ತವವಾಗಿ ಪಾಕ್ ತಂಡವನ್ನು ಆಯ್ಕೆ ಮಾಡುವಲ್ಲಿ ತಂಡದ ನಾಯಕನಾಗಲಿ ಅಥವಾ ಮುಖ್ಯ ಕೋಚ್ ಆಗಿ ತಲೆಹಾಕುವಂತಿಲ್ಲ. ತಂಡವನ್ನು ಅಯ್ಕೆ ಮಾಡುವ ಕೆಲಸ ಏನಿದ್ದರೂ, ಆಯ್ಕೆ ಮಂಡಳಿಗೆ ಮಾತ್ರ ಬಿಟ್ಟಿದ್ದು. ಹೀಗಾಗಿ ತಂಡದ ಜೊತೆಗೆ ಆಸ್ಟ್ರೇಲಿಯಾದಲ್ಲಿರುವ ಆಯ್ಕೆ ಮಂಡಳಿ ಸದಸ್ಯ ಅಸಾದ್ ಶಫೀಕ್, ಈ ಅಚ್ಚರಿಯ ನಿರ್ಧಾರವನ್ನು ತೆಗೆದುಕೊಂಡಿದ್ದು, ರಿಜ್ವಾನ್ ಜೊತೆಗೆ ವೇಗದ ಬೌಲರ್ ನಸೀಮ್ ಶಾ ಅವರನ್ನು ತಂಡದಿಂದ ಹೊರಹಾಕಿದ್ದಾರೆ.
5 / 7
ನಾಯಕ ರಿಜ್ವಾನ್ ಬದಲಿಗೆ ಯುವ ವಿಕೆಟ್ ಕೀಪರ್ ಹಸಿಬುಲ್ಲಾ ಖಾನ್ ಅವರನ್ನು ತಂಡಕ್ಕೆ ಆಯ್ಕೆ ಮಾಡಲಾಗಿದ್ದರೆ, ನಸೀಮ್ ಶಾ ಬದಲಿಗೆ ಎಡಗೈ ವೇಗಿ ಜಹಾಂಡೆ ಖಾನ್ ಅವರನ್ನು ತಂಡಕ್ಕೆ ಸೇರಿಸಿಕೊಳ್ಳಲಾಗಿದೆ. ಆದಾಗ್ಯೂ ರಿಜ್ವಾನ್ ಸ್ಥಾನದಲ್ಲಿ ಆಯ್ಕೆಯಾಗಿದ್ದ ಹಸಿಬುಲ್ಲಾಗೆ ಬ್ಯಾಟಿಂಗ್ನಲ್ಲಿ ಕೇವಲ 24 ರನ್ ಕಲೆಹಾಕಲಷ್ಟೇ ಶಕ್ತರಾದರು.
6 / 7
ಈ ಪಂದ್ಯದಲ್ಲಿ ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಮಾಡಿರುವ ಪಾಕಿಸ್ತಾನ ತಂಡ ಪೂರ್ಣ 20 ಓವರ್ಗಳನ್ನು ಆಡಲು ಸಾಧ್ಯವಾಗದೆ 18.1 ಓವರ್ಗಳಲ್ಲಿ ತನ್ನೇಲ್ಲ ವಿಕೆಟ್ ಕಳೆದುಕೊಂಡು 117 ರನ್ ಕಲೆಹಾಕಲಷ್ಟೇ ಶಕ್ತವಾಗಿದೆ. ತಂಡದ ಪರ ಮಾಜಿ ನಾಯಕ ಬಾಬರ್ ಆಝಂ 41 ರನ್ಗಳ ಇನ್ನಿಂಗ್ಸ್ ಆಡಿದರೆ, ಹಸಿಬುಲ್ಲಾ 24 ರನ್ಗಳ ಕಾಣಿಕೆ ನೀಡಿದರು.
