Rishabh Pant: 848 ಸಿಕ್ಸರ್ ಬಾರಿಸಿದ ಬ್ಯಾಟ್ಸ್ಮನ್ಗಳ ಫೋಟೋ ಹಂಚಿಕೊಂಡ ಪಂತ್
ಟೀಮ್ ಇಂಡಿಯಾ ವೆಸ್ಟ್ ಇಂಡೀಸ್ ವಿರುದ್ಧದ ಟಿ20 ಸರಣಿ ಆಡಲು ಕೆರಿಬಿಯನ್ ದ್ವೀಪಕ್ಕೆ ತಲುಪಿದ್ದಾರೆ. ರೋಹಿತ್ ಶರ್ಮಾ, ದಿನೇಶ್ ಕಾರ್ತಿಕ್, ಹಾರ್ದಿಕ್ ಪಾಂಡ್ಯ ಸೇರಿದಂತೆ ಪ್ರಮುಖ ಆಟಗಾರರು ಇದೀಗ ವಿಂಡೀಸ್ನಲ್ಲಿದ್ದಾರೆ.
ಟೀಮ್ ಇಂಡಿಯಾದ ಸಿಕ್ಸರ್ ಕಿಂಗ್ ಯಾರು ಎಂಬ ಪ್ರಶ್ನೆಗೆ ಥಟ್ಟನೆ ಬರುವ ಉತ್ತರ ಯುವರಾಜ್ ಸಿಂಗ್. ಆದರೆ ಅಂಕಿ ಅಂಶಗಳ ಮೊರೆ ಹೋದರೆ ಈ ಪಟ್ಟಿಯಲ್ಲಿ ರೋಹಿತ್ ಶರ್ಮಾ ಕಾಣಸಿಗುತ್ತಾರೆ. ಇದೀಗ ಈ ಸಿಕ್ಸ್ಗಳ ಪಟ್ಟಿಗೆ ಮತ್ತಷ್ಟು ಸಿಕ್ಸರ್ಗಳನ್ನು ಸೇರಿಸಲು ಹಿಟ್ಮ್ಯಾನ್ ವೆಸ್ಟ್ ಇಂಡೀಸ್ನಲ್ಲಿದ್ದಾರೆ. ಅಂದರೆ ಟೀಮ್ ಇಂಡಿಯಾ ವೆಸ್ಟ್ ಇಂಡೀಸ್ ವಿರುದ್ಧದ ಟಿ20 ಸರಣಿ ಆಡಲು ಕೆರಿಬಿಯನ್ ದ್ವೀಪಕ್ಕೆ ತಲುಪಿದ್ದಾರೆ. ರೋಹಿತ್ ಶರ್ಮಾ, ದಿನೇಶ್ ಕಾರ್ತಿಕ್, ಹಾರ್ದಿಕ್ ಪಾಂಡ್ಯ ಮತ್ತು ಇತರ ಆಟಗಾರರು ಇದೀಗ ವಿಂಡೀಸ್ನಲ್ಲಿದ್ದಾರೆ. ಟಿ20 ಸರಣಿ ಆರಂಭವಾಗುವ ಮುನ್ನವೇ ರಿಷಬ್ ಪಂತ್ ಶೇರ್ ಮಾಡಿದ ಫೋಟೋವೊಂದು ಇದೀಗ ಎಲ್ಲರ ಗಮನ ಸೆಳೆದಿದೆ.
ಅಂದರೆ ರಿಷಭ್ ಪಂತ್ ಹಂಚಿಕೊಂಡಿರುವುದು ಟಿ20ಯಲ್ಲಿ 848 ಸಿಕ್ಸರ್ಗಳನ್ನು ಬಾರಿಸಿದ ಬ್ಯಾಟ್ಸ್ಮನ್ಗಳ ಫೋಟೋ ಎಂಬುದು ವಿಶೇಷ. ಈ ಚಿತ್ರದಲ್ಲಿ ರಿಷಬ್ ಪಂತ್ ಒಂದೆಡೆ ಇದ್ದರೆ, ಅವರ ಜೊತೆ ರೋಹಿತ್ ಶರ್ಮಾ ಮತ್ತು ದಿನೇಶ್ ಕಾರ್ತಿಕ್ ಇದ್ದಾರೆ.
ಟಿ20ಯಲ್ಲಿ ರೋಹಿತ್ ಶರ್ಮಾ ಗರಿಷ್ಠ 437 ಸಿಕ್ಸರ್ಗಳನ್ನು ಬಾರಿಸಿದ್ದಾರೆ. ಅಂದರೆ, 848 ಸಿಕ್ಸರ್ ಸರದಾರ ಚಿತ್ರದಲ್ಲಿ, ರೋಹಿತ್ ಅವರ ಬ್ಯಾಟ್‌ನಿಂದ ಅರ್ಧ ಸಿಕ್ಸರ್‌ಗಳು ಮೂಡಿಬಂದಿವೆ ಎನ್ನಬಹುದು.
ಇನ್ನು ದಿನೇಶ್ ಕಾರ್ತಿಕ್ 220 ಟಿ20 ಸಿಕ್ಸರ್‌ಗಳೊಂದಿಗೆ ಈ ಪಟ್ಟಿಯಲ್ಲಿ ಎರಡನೇ ಸ್ಥಾನದಲ್ಲಿದ್ದಾರೆ. ವೆಸ್ಟ್ ಇಂಡೀಸ್ ವಿರುದ್ಧದ T20 ಸರಣಿಯಲ್ಲಿ ದಿನೇಶ್ ಕಾರ್ತಿಕ್ ಬಿರುಗಾಳಿಯ ಇನ್ನಿಂಗ್ಸ್ ಆಡುವ ನಿರೀಕ್ಷೆಯಿದೆ.
ಈ ಫೋಟೋದಲ್ಲಿರುವ ರಿಷಬ್ ಪಂತ್ ಮೂರನೇ ಸ್ಥಾನದಲ್ಲಿದ್ದಾರೆ, ಟಿ20ಯಲ್ಲಿ ರಿಷಬ್ ಪಂತ್ ಹೆಸರಿನಲ್ಲಿ ಒಟ್ಟು 191 ಸಿಕ್ಸರ್‌ಗಳು ದಾಖಲಾಗಿವೆ. ಈ ಮೂವರು ಆಟಗಾರರು ಜೊತೆಯಾಗಿ ನಿಂತು ತೆಗೆಸಿಕೊಂಡ ಚಿತ್ರಕ್ಕೆ ಇದೀಗ ಸಿಕ್ಸರ್ ಸರದಾರರು ಎಂಬ ಟ್ಯಾಗ್ ಲೈನ್ ಅನ್ನು ಅಭಿಮಾನಿಗಳು ನೀಡಿದ್ದಾರೆ.
ಭಾರತ-ವೆಸ್ಟ್ ಇಂಡೀಸ್ ನಡುವಣ ಟಿ20 ಸರಣಿಯು ಜುಲೈ 29 ರಿಂದ ಶುರುವಾಗಲಿದೆ. ಈ ಸರಣಿಯಲ್ಲಿ ಟೀಮ್ ಇಂಡಿಯಾ ಒಟ್ಟು 5 ಪಂದ್ಯಗಳನ್ನಾಡಲಿದೆ.