T20 Blast 2023: ಬೆಲ್ ಭರ್ಜರಿ ಶತಕಕ್ಕೆ ನಲುಗಿದ ಎದುರಾಳಿ ತಂಡ
T20 Blast 2023: ಮೊದಲು ಬ್ಯಾಟ್ ಮಾಡಿದ ಕೆಂಟ್ ತಂಡಕ್ಕೆ ಆರಂಭಿಕರಾದ ಡಿ ಬೆಲ್-ಡ್ರಮಂಡ್ ಹಾಗೂ ಮುಯೆಯೆ ಸ್ಪೋಟಕ ಆರಂಭ ಒದಗಿಸಿದ್ದರು.
T20 Blast 2023: ಇಂಗ್ಲೆಂಡ್ನ ಕ್ಯಾಂಟರ್ಬರಿಯಲ್ಲಿ ನಡೆದ ಟಿ20 ಬ್ಲಾಸ್ಟ್ ಟೂರ್ನಿಯಲ್ಲಿ ಕೆಂಟ್ ತಂಡದ ಆರಂಭಿಕ ಆಟಗಾರ ಡಿ ಬೆಲ್-ಡ್ರಮಂಡ್ ಭರ್ಜರಿ ಶತಕ ಬಾರಿಸಿದ್ದಾರೆ. ಈ ಪಂದ್ಯದಲ್ಲಿ ಟಾಸ್ ಗೆದ್ದ ಮಿಡ್ಲ್ಸೆಕ್ಸ್ ತಂಡವು ಬೌಲಿಂಗ್ ಆಯ್ದುಕೊಂಡಿತು.
ಅದರಂತೆ ಮೊದಲು ಬ್ಯಾಟ್ ಮಾಡಿದ ಕೆಂಟ್ ತಂಡಕ್ಕೆ ಆರಂಭಿಕರಾದ ಡಿ ಬೆಲ್-ಡ್ರಮಂಡ್ ಹಾಗೂ ಮುಯೆಯೆ ಸ್ಪೋಟಕ ಆರಂಭ ಒದಗಿಸಿದ್ದರು. ಮೊದಲ ಓವರ್ನಿಂದಲೇ ಬಿರುಸಿನ ಬ್ಯಾಟಿಂಗ್ಗೆ ಒತ್ತು ನೀಡಿದ ಈ ಜೋಡಿ 11.1 ಓವರ್ಗಳಲ್ಲಿ 127 ರನ್ ಕಲೆಹಾಕಿದರು.
ಈ ಹಂತದಲ್ಲಿ 30 ಎಸೆತಗಳಲ್ಲಿ 1 ಸಿಕ್ಸ್ ಹಾಗೂ 5 ಫೋರ್ನೊಂದಿಗೆ 50 ರನ್ ಬಾರಿಸಿದ ಮುಯೆಯೆ ಔಟಾದರು. ಇದಾಗ್ಯೂ ಮತ್ತೊಂದೆಡೆ ಆರ್ಭಟ ಮುಂದುವರೆಸಿದ ಡಿ ಬೆಲ್-ಡ್ರಮಂಡ್ 4 ಭರ್ಜರಿ ಸಿಕ್ಸ್ ಹಾಗೂ 12 ಫೋರ್ ಚಚ್ಚಿದರು. ಅಲ್ಲದೆ ಕೇವಲ 50 ಎಸೆತಗಳಲ್ಲಿ ಶತಕ ಪೂರೈಸಿದರು.
ಭರ್ಜರಿ ಸೆಂಚುರಿ ಬಳಿಕ ಕೂಡ ಬಿರುಸಿನ ಬ್ಯಾಟಿಂಗ್ ಮುಂದುವರೆಸಿದ ಡಿ ಬೆಲ್-ಡ್ರಮಂಡ್ 58 ಎಸೆತಗಳಲ್ಲಿ 111 ರನ್ಗಳಿಸಿ ವಿಕೆಟ್ ಒಪ್ಪಿಸಿದರು. ಡ್ರಮಂಡ್ ಅವರ ಈ ಶತಕದ ನೆರವಿನಿಂದ ಕೆಂಟ್ ತಂಡವು ನಿಗದಿತ 20 ಓವರ್ಗಳಲ್ಲಿ 3 ವಿಕೆಟ್ ನಷ್ಟಕ್ಕೆ 228 ರನ್ ಕಲೆಹಾಕಿತು.
229 ರನ್ಗಳ ಬೃಹತ್ ಟಾರ್ಗೆಟ್ ಪಡೆದ ಮಿಡ್ಲ್ಸೆಕ್ಸ್ ಪರ ಯಾವುದೇ ಬ್ಯಾಟರ್ಗೂ ಅರ್ಧಶತಕ ಬಾರಿಸಲು ಸಾಧ್ಯವಾಗಿಲ್ಲ. ಪರಿಣಾಮ 19 ಓವರ್ಗಳಲ್ಲಿ 173 ರನ್ಗಳಿಸಿ ಸರ್ವಪತನ ಕಂಡಿತು. ಇದರೊಂದಿಗೆ ಕೆಂಟ್ ತಂಡವು 55 ರನ್ಗಳ ಭರ್ಜರಿಯ ಗೆಲುವನ್ನು ತನ್ನದಾಗಿಸಿಕೊಂಡಿತು.